Органикалық заттардың топырақтағы мөлшерi. Өсiмдiк қалдықтарына бай топырақта әрқашанда организмдер өте көп кездеседi. Себебi органикалық заттардың өздерi сапрофагтар үшiн, яғни насекомдар мен кенелердiң және нематодтардың көпшiлiк түрлерi үшiн, қорек көзi болып есептеледi. Топырақта органикалық заттардың мөлшерi өте көп болса, онда фитофагтардың зиянкестiк әрекетiнiң дәрежесi төменiрек болады. Себебi ол заттардың жарым-жартысын фитофагтар қорек ретiнде пайдаланады. Мысалы, М.С.Гиляровтың жасаған тәжiрибесi бойынша зауза қоңызының зақымдауынан құм салған ыдыстағы өсiмдiктердiң өлуi гумустың 9%-тiк мөлшерi бар топырақ салынған ыдыстағыға қарағанда 1,5-2 есе жоғары болған.
Достарыңызбен бөлісу: |
