-бөлімше. Штангілі сорғыштары бар ұңғымаларды пайдалану

165. Ұңғымалар сағалары бітегіш арматуралармен және штоктарды герметизациялауға арналған құрылғылармен жобаға, байлау сызбасына, қолданыстағы ережелерге және дайындаушы құжаттарына сәйкес жабдықталады.

166. Ұңғымалар сағалары қондырғысының сызбасы технологиялық регламентке сәйкес полирленген штоктар герметикасын ауыстыруды және ұңғымаларда қысым болған жағдайда манометрлерді ауыстыруды, сағалық температура мен қысымды өлшеуді қарастырады.

Станок –тербелмеге қызмет көрсету үшін қоршаулы алаң қарастыралады.

167. Қысымды, дебитті, іске қосудың технологиялық параметрлерін өлшеу және ұңғымаларды тоқтату диаграммада, журналда, электронды және қағаз тасымалдауыштарды тіркей отырып, диспетчерлік пунктке шығуды қамтамасыз етеді.

168. Станок-тербелменің қондырғылары жобаға сәйкес жерге қосу, найзағайдан, статикалық электрден қорғану құрылғыларымен қамтамасыз етіледі.

Жерге қосу сымдары кондуктормен жалғанумен бірге 0,5 м кем емес тереңдікте орнатылады.

Жерге қосу үшін болат арқанды қолдануға жол берілмейді. Жерге қосу сымдары жер үстіндегі қосылыстарды сырттай қарау мүмкіндігімен орнатылады.

170. Ұңғымалар сағалары қондырғысы трубалық және труба сыртындағы кеңістіктер герметикалығын, тереңдік зерттеулер және жөндеу жұмыстарын жүргізуді, МГК қауіпсіз пайдалануды қамтамасыз етеді.

Электр кабельдеріне арналған сағалық арматурадағы өтетін саңылаудың герметикалық және қауіпсіз тығыздауышы болады.

171. Электр кабелі эстакада бойынша басқару станциясынан немесе электр щиттерден бастап ұңғымалар сағаларына қарай салынады. Кабельдерді диэлектрикалық материалдардан бекіткіші бар баған тіреулерде салуға жол беріледі.

172. Кабельді ролик көтергіш агрегаттың мачтасына шынжыр немесе арқан ілгіш арқылы ілінеді және максималды динамикалық жүктемеге және мықтылық қорына сәйкес келетін троспен сақтандырылады.

173. Трубаларды бұрау және бұрап алу кезінде электр кабелі жұмыс орнынан қауіпсіз қашықтыққа алыстатылады және бекітіледі.

174. Тиеу қондырғысының ұңғымаларға қауіпсіз түсу (көтеру) жылдамдығы ұңғыма жағдайын және баған профилін ескере отырып технологиялық регламентте көрсетіледі.

175. Пайдалану колонна тиек электр сорғышын түсіру, сорғышты ауыстыру алдында шаблонмен тексеріледі.

176. Тиеу электр сорғышын ұңғымалардан шығару алдында электр кабелін ажырату, кернеулікті алу және «Қосуға болмайды! Адамдар жұмыс істеуде» тақтайшасын орнату жөніндегі шаралар орындалады.

Көтеру кезінде электр кабелін зақымдау қаупін болдырмайтын және оның қауіпсіз жағдайын қамтамасыз ететін шарттар орындалады.

178. Технологиялық блок ғимараттарында қамтамасыз етіледі:

1) сағат ішінде ғимараттың сегіз еселік толық ауа алмасуын қамтамасыз ететін тұрақты қиылысқан – тартпа желдеткіш;

2) блоктардағы температура 5°C төмен емес, шу деңгейі 80 ДБ артық емес вибрация жылдамдығы 2 мм/с артық емес;

179. Технологиялық сұйық ретінде көмір сутек өнімдерін пайдалану кезінде газдалу, өртке қарсы қорғаныс және автоматты көлемді газ өртін сөндіру жүйесі қарастыралады.

180. Технологиялық блок ғимаратына кіру алдында қауіпсіздік жөніндегі талаптар орындалады:

1) ғимараттың газдалуын және желдеткіш жүйесін тексеру;

2) жарықтандыруды қосу.

Газ өрт сөндіруді автоматты іске қосудан қолмен іске қосуға қайта қосу.

181. Блокта өрт қауіпсіздігі пайда болған жағдайда персонал ғимараттан шығарылады, барлық есіктер жабылады және кірер есік алдына орналасқан батырма арқылы автоматты өрт сөндіру жүйесі іске қосылады.

182. Пакерді және ұңғымалар ішіндегі қондырғыларды түсіру алдында саға қондырғысымен қоса пайдалану колоннасын шаблондау, жуу және опрессовкалау жүргізіледі.

183. Гидропоршенді сорғышты, қырғышты және басқа ұңғымалық қондырғыларды алып шығу жиынтығында құрылғылары бар лубрикатор қолдана отырып жүргізіледі.

184. Лубрикаторды монтаждау және қайта монтаждау технологиялық регламент талаптарын орындай отырып, орталық бітегіш жабық кезінде жүк көтергіш механизмін пайдалану арқылы наряд-рұқсат беру бойынша жүргізіледі.

185. Әрбір қысымды желі манометрмен және жұмыс сұйығының шығынын реттеушімен жабдықталады.

186. Сорғыш құрылғылар электр контактілі манометрлермен және қорғаныс қалқаншалармен жабдықталады. Қорғаныс қалқаншасынан шығатын бұрылыс сорғыштың шығу қабылдау желісімен қосылады және бекітіледі.

187. Автоматика жүйесінің және қорғаны құрылғыларының техникалық жағдайы технологиялық регламентпен белгіленген мерзімде тексеріледі.

188. Сорғыш құрылғы жұмысқа қабылдау, сорғыштың жұмыс сұйығын қысымдау және қайта жіберу кезінде автоматика жүйесінің дұрыс жұмыс істеуін тексергеннен кейін іске қосылады. Қысымды жүйедегі қысым жер үсті қондырғысының қалыпты жұмыс режимі орнатылғаннан кейін жасалады.

189. Сорғышты тоқтатқаннан кейін қысымды трубадағы қысым атмосфералыққа дейін төмендетіледі.

190. Қысымды, ұңғымалардың дебитін және сорғыштар жұмысының технологиялық параметрлерін өлшеу тіркеуші БӨҚА бар диспетчерлік шығуымен қамтамасыз етіледі.

7-бөлімше. Қысымды ұңғымаларды пайдалану
191. Қысымды ұңғыма құрылымы (орама колонналар диаметрлері, болат маркісі, цемент көтеру биіктігі және басқалар) келесі шарттардың орындалуын қамтамасыз етеді:

1) тиісті көлемдегі қысу қысымда көзделген қабатқа жұмыс агентін айдау;

2) қабаттарды және айдау объектілерін сенімді ажырату;

3) зерттеулер жүргізу және қабаттың кенжар алды аумағына әсер ету жөніндегі шараларды орындау;

4) жөндеу және авариялық жұмыстар жүргізу.

192. Қысымды ұңғымалардың кенжар бөлігінің конструкциясы мен жағдайы ұңғымалардың қауіпсіз технологиялық жағдайы мен жұмыс режимін жасау үшін агентті қысу кезінде қабат бетін фильтрлейтін максималды ашықтылықты қарастырады.

193. Қысымды ұңғымаларды пайдалану режимі технологиялық регламентте және жобада қарастыралады.

194. Қысымды ұңғымалардың қондырғылары мен сағаларын байлау жобаны әзірлеу кезінде орындалған есептер негізінде қысу объектілеріне арналған максималды болжамды қысымға, қабатты флюид және қысу агентінің сипатына байланысты таңдап алынады.

Ұңғыма сағасы қондырғысында айдалатын агент қысымын және көлемін автоматты және қолмен реттеуге арналған резервті дроссельді құрылғылар, технологиялық үрдісті тоқтатпай оларды қауіпсіз ауыстыруды қамтамасыз ететін БӨҚА қарастыралады.

195. Қысымды ұңғымалар айдалатын агенттің физико-химиялық қасиеттеріне байланысты сорғыш-компрессорлық трубалар колонналарының тиісті құрастыруымен, айдалатын агенттің және қабат флюидінің әсерінен қорғауды және пайдалану колоннасын оқшаулауды қамтамасыз ететін пакерлеуші құрылғымен және ұңғыма қондырғысымен жабдықталады.

Ұңғыманы іске қосу алдында және агентті қабатқа айдау алдында саға қондырғылары, орай колонналары, пакерлі сорғыш-компрессорлық трубалар құрастырулары, жер үсті қондырғылар мен трубақұбырлар технологиялық регламентке сәйкес герметикалыққа сыналады. Сынау әдісі және опрессовкалау қысымы жобада және технологиялық регламентте қарастыралады.

196. МГК пайдалану процессі кезінде әрбір қысымды ұңғыма үшін қысымның қысылуын және айдалатын агенттің көлемін құжатты тіркеу арқылы тұрақты қадағалау жүргізіледі.

197. Ұңғыманың трубақұбырларын, орау колонналарын және басқа да пайдалану қондырғыларын тот басудан қорғау үшін қабатқа ағынды суларды және басқа топ басу –агрессивтік агенттерді айдау кезінде, қорғаныс жабулар, тот басу игнибаторлары, труба сыртындағы кеңістік герметизациясы және басқа да шаралар қолданылады.

Айдалатын агент сипаты мен кондициясы жобалық шешімдермен және қауіпсіздік жағдайларымен белгіленеді.

198. Қабат немесе труба арасындағы және труба сыртындағы кеңістік бойынша газдың авариялық жарылуы болған ұңғымаларды пайдалануға жол берілмейді және АЖЖ бойынша ұңғымаларды тоқтату жүргізіледі. Әр қарай жұмыс істеу ұйымның жұмыс жоспарына сәйкес жүргізіледі.

Бұзушылықтар жойылғаннан кейін акт жасала отырып, ұңғыманың техникалық жағдайы тексеріледі. Ұйымның техникалық жетекшісінің рұқсаты болғанда әрі қарай пайдалануға жол беріледі.

199. Қысымды ұңғымалар сағасының қондырғылары, жер үсті және ұңғыма ішіндегі қондырғылар жобаға сәйкес пайдаланылады, әзірлеу кезінде қысылатын агенттің физико-химиялық қасиеттері және қысудың максималды қысымы ескеріледі.

200. Қысымды агент токсикологиялық қауіпсіздік шарттарына сәйкес келгенде және өнімді қабатқа және қоршаған ортаға әсер етуі болмаған жағдайда қолданады.

201. Ұңғымаларды немесе жеке қондырғыларды, аппараттарды, трубақұбырларды тоқтатқан кезде және теріс температуралар кезінде журналға тіркей отырып, сұйықтардың қату және суып қалуына жол бермейтін, қауіпсіз әдістермен тазарту және үрлеу шаралары қолданылады.

8-бөлімше. Ұңғымаларды зерттеу
202. Ұңғымаларды зерттеу мерзімділігі мен көлемі осы кен орындарды әзірлеу жобасына сәйкес әзірленген технологиялық регламент негізінде белгіленеді және МГК кешенді пайдалану жоспарында (кестеде) көрсетіледі.

203. Жұмыс жоспарына сәйкес, зерттеу қондырғылары мен аппаратураларының техникалық жағдайын тексеру, мықтылық қоры ескеріле отырып, зерттеу кезінде максималды қысымды орнатқанға дейін және либрикаторды опрессовкалаудан кейін жүргізіледі, нәтижелері бойынша тиісті актілер жасалады және ұңғымаларға зерттеу жүргізеді.

204. Құрамында күкірт сутегі және қауіпті факторлар бар ұңғымаларды зерттеу жобада немесе технологиялық регламентте көзделген қауіпсіздік шаралары орындалғаннан кейін, ұңғымалардың дайындығын тексеріп, акті жасағаннан, тиісті рұқсат алғаннан кейін жүргізеді.

205. Ұңғымалардың жұмыс режимін қадағалағаннан және бақылағаннан кейін алынатын өнімнің сынамасын қауіпсіз алуға, ұңғымаға тереңдік құралдарын түсіруге, қабатты флюид дебиттерін, сағадағы және кенжардағы қысымды, ұңғымадағы динамикалық деңгейдің орналасуын және басқа параметрлерді өлшеу және тіркеуге мүмкіндік беретін бақылау-өлшеу құралдары мен құрылғылары орналастырылады.

206. Сынамаларды қауіпсіз алу, дебит және басқа да параметрлерді өлшеу техникалық құралдарымен жабдықталмаған ұңғымаларды зерттеуге жол берілмейді.

207. Технологиялық параметрлерді зерттеуге арналған бақылау-өлшеу құралдары мен құрылғылар дайындаушының техникалық құжаттарының талаптарына сәйкес, метрологиялық тексерістен және калибровкадан өткізіледі.

209. Басшылар мен орындаушылар, дайындау, негізгі және қорытынды жұмыстар, технологиялық бөлігі, қондырғылар ерекшеліктері мен оларды орналастыруға шектік жіберілетін концентрация және қауіптілік класы көрсетіле отырып, қолданылатын материалдар мен химиялық реагенттер тізімі мен мөлшері, қауіпсіздік шаралары жобада (жоспарда) көрсетіледі.

Саға қондырғыларының сызбасы қабатты интенсификациялаудың қолданылатын әдісін ескере отырып, бақыланбайтын газ-мұнай су пайда болулар мен ашық фонтандардың алдын алу мақсатында әзірленеді.

210. Кенжар алдындағы аумақты және герметикалық емес сағалық қондырғысы және орама колонналары, колонна сыртындағы қайта ағулар мен колонна аралық қысымы бар ұңғымалардағы ағындарды интенсификациялауға жол берілмейді.

211. Ұңғымалар мен қорғаныс құрылғыларынан шығатын қондырғылар мен трубақұбырлар орау сызбасына сәйкес қауіпсіз қашықтықта бекітіледі және шығарылады және акт жасала отырып, жобада немесе жұмысты ұйымдастыру жоспарында көрсетілген қысыммен опресстеледі.

Гидравликалық сынаулар кезінде персонал қауіпсіз аумаққа немесе қорғаныс жабуларына шығарылады.

212. Қабат ішіндегі жану процесі жобаға және технологиялық регламентке сәйкес жүргізіледі.

213. Ұңғыма өнімдерін жинау жүйесінде технологиялық үрдістің газ тәріздес өнімдерін пайдалану, атмосфераға зиянды заттарды тастаусыз жану өнімдерін бейтараптау және пайдаға асыру жөніндегі шаралар қарастыралады. Өнімде көмір қышқыл газы болғанда, жинау және сепарация жеке жүйе бойынша іске асырылады.

214. Ұңғыма сағалары иницирлеу және жану процессі кезінде тастаулар мүмкіндігінің алдын алатын және электр қыздырғышты түсіру және көтеруді және ауа қысылған жағдайда сағаның герметизациялануын қамтамасыз ететін дистанционды басқарылатын бітегіші бар фонтанды арматурамен жабдықталады. Саға қондырғысы жану процесінің температуралық режиміне сәйкес пайдаланылады.

Ұңғыма аумағында қабат ішінде жануды иницирлеу және процесі кезінде радиусы 25 м кем емес, ескерту белгілерімен белгіленген қауіпті аумақ орнатылады.

Жобада және қауіпті аумақ шегіндегі сызбада қарастырылмаған әртүрлі қондырғыларды, ыдыстарды, БӨҚА орнатуға жол берілмейді.

215. Электр қыздырғыштарды іске қосу технологиялық регламентте көзделген көлемде ұңғымаға ауа бергеннен кейін іске асырылады.

Электр қыздырғыш ауа беру тоқтатылған жағдайда автоматты ажыратылатын құрылғымен жабдықталады.

216. Қабатты жылумен өңдеу кезінде бу генераторының жылу беру желісінде жылу құбырында қысым рұқсат етілгеннен төмен немесе жоғары қарай өзгерген жағдайда және су беруді тоқтатқан жағдайда жылу беруді тоқтататын автоматты қорғаны қарастыралады.

Бу немесе ыстық су қысымына жабдықталған ұңғымалар алаңдарының аумақтары қоршалады және ескерту белгілерімен белгіленеді.

217. Жылу тасымалдағышты қабатқа айдау пайдалану колоннасына арналған максималды рұқсат етілгеннен қысымнан артық болмайтын қысым кезіндегі термотұрақты пакер құрылғысын орнатқаннан кейін жүргізіледі.

218. Ұңғыманы жылумен өңдеуден кейін трубақұбырлар, қосу құрылғылары және қондырғылар тексеріледі. Арматуралардың техникалық жағдайлары, қорғаныс жабулары тот басудың алдын алу мақсатында қалпына келтіріледі.

219. Қабатты ыстық мұнай өнімдерімен өңдеу кезінде жылытуға арналған құрылғылар сақтау және айдау ыдыстарынан 25 м қашықтықта орналастырылады. Қондырғылар мен аумақтарда қауіпті учаскелер қоршаулары мен қауіпсіздік белгілері орналастырылады.

220. Жылытуға және мұнай өнімдерін айдауға арналған құрылғылар пайдаланылатын электр қондырғылардың жобалық құжаттарында көрсетілгендей жарылыс қорғалған.

221. Ыстық мұнай өнімдерінің ыдыстары жергілікті жерлер релефін және желдің басым бағытын ескере отырып, ұңғыма сағасынан 10 м кем емес қашықтықта орналастырылады. Жұмыс орындарында жел бағытын жарықтандырумен көрсеткіш орнатылады.

222. Қабаттарды өңдеуге арналған кенжарлық электр қыздырғыштар жарылыстан қорғалған болады. Кенжарлық электр қыздырғыштарды жинау және сынау оны ток көзіне қосу арқылы электр цехта немесе жабдықталған ғимаратта жүргізіледі.

Кенжарлық электр қыздырғыштарды жинастыру, жөндеу және оларды ұңғымада қысыммен сынауға жол берілмейді.

223. Кенжарлық электр қыздырғыштарды ұңғымаға түсіру және көтеру лубрикатор қолдану арқылы герметикалық саға кезінде механизацияланған тәсілмен жүргізіледі.

Электр қыздырғыштың кабель тросын орналастыру алдында ұңғыма сағасы жабылады.

Кабель тросты трансформаторға және электр қондырғыны жерге қосқаннан кейін, ұңғымада, сағада барлық дайындық жұмыстарын жүргізгеннен кейін және адамдарды қауіпсіз қашықтыққа шығарғаннан кейін электр кабельді электр қыздырғыштың іске қосу қондырғысына қосуға жол беріледі.

224. Қабатты оқ-дәрі және жарылыс материалдарын қолдана отырып, термо газхимиялық өңдеу кезінде жобада (жоспарда) қосымша қауіпсіздік шаралары көрсетіледі. Дайындық, негізгі және қорытынды жұмыстарды жүргізу, жарылыс материалдарын сақтау және тасымалдау шарттары жарылыс жұмыстары кезіндегі өнеркәсіптік қауіпсіздік талаптары орындалады.

225. Қабатты гидро бөлу кезінде орама колоннаны қауіпсіздік жағдайын қамтамасыз ету үшін пакерлік құрылғылар қолданылады.

226. Қабатты гидроқышқылмен бөлу кезінде тот басу ингибаторлары қолданылады.

Қышқылдар мен зиянды заттар әсерінен персонал жеке қорғаныс құралдарымен (әрі қарай – ЖҚҚ), тыныс алу органдарының жеке қорғаныс құралдарымен (әрі қарай – ТО ЖҚҚ), ұжымдық қорғаныс құралдарымен (әрі қарай – ҰҚҚ) қамтамасыз етіледі, жұмыс аумағындағы зиянды заттарға бақылау жүргізіледі.

10-бөлімше. Ұңғымалар өнімдерінің өлшеу құрылғылар
227. МГК барлау объектілері үшін өлшеу құрылғыларын жобалау өнімнің физико-химиялық қасиеттерін және ұңғымалардың өнімділігін ескере отырып жүргізіледі.

228. Автоматтандырылған топтық өлшеу құралдарының техникалық сипаттары МГК нақты жұмыс және қауіпсіз пайдалану жағдайларына сәйкес, дайындаушының техникалық құжаттарына және технологиялық регламентке сәйкес жобада көрсетіледі.

Күкірт сутегі болатын кен орындары үшін тот басуға және ұңғыма өнімдерін ингибирлеу, нейтралдау және зиянды заттарды пайдаға жаратуға төзімді болып қарастырылады.

229. Автоматтандырылған топтық өлшеу құралдарына арналған алаңдар желдің басым бағытын ескере отырып, жоспарланған белгіден 15 см биіктікте қатты жабу үстінде және метео түсулердің ағуына арналған еңіспен орналастырылады.

Алаңда және ғимараттың сыртқы қабырғасында ескерту және тыйым салу жазулары және жарылыс өрт қауіптілігі, газдану туралы белгілер, жарықтандырылатын жел бағытын көрсетушілер орналастырылады.

230. Электр құрылғылар, датчиктер, газ сигнал берушілер конструкциясы мен жасалуы жұмыс орындарында болуы мүмкін жарылыс қауіпті қоспалар, күкірт сутегі концентрациясының және ұңғыма өнімдеріндегі зиянды заттардың қасиеттері бойынша анықталады.

231. Щитті ғимараттар мен өлшеу-қайта қосу құрылғылары (әрі қарай - ӨҚҚ) дің бойынша 10 м кем емес қашықтықта бір бағытта орналастырады.

Щитті ғимарат жел жағынан орналасады, бұл жағдайда оның есігі ӨҚҚ ғимаратының кіре берісінде болады және максималды табиғи желдетуді ескере отырып орналастырылады.

232. Газ және мұнай буларының бөліну қауіптілігі бар өндірістік ғимараттар қиылысқан тартпа желдеткішпен, механикалық желдеткішпен және жылытумен қамтамасыз етіледі.

Күкірт сутегі бөлінуі мүмкін ғимараттарда стационарлық газ сигнал берушілермен блокировкаланған желдеткіш жүйесі орнатылады.

ӨҚҚ ғимараттарында жалпы алмасу желдеткішінің өнімділігі сағатына 10 есе, ал құрамында күкір сутегі бар өніммен жұмыс істеу кезінде 12 есе ауа алмасу болады.

Желдеткіш жүйесі ғимараттағы ауа ағынының рециркуляциясын болдырмайтын құрылғылармен қамтамасыз етіледі.

233. Автоматтандырылған топтық өлшеу құралдары жобаға сәйкес найзағайдан қорғаумен және жерге қосумен қамтамасыз етіледі.

234. ӨҚҚ ғимаратын жылыту жобада қарастыралады.

235. Автоматтандырылған топтық өлшеу құралдарының, ӨҚҚ ғимараттарында жеңіл от алатын және жанатын сұйықтарды сақтауға жол берілмейді.

236. Адамдардың тұрақты өтетін орындарында трубақұбырлар үстінен сырғанауды болдырмайтын жабулары бар, ені 0,65 м кем емес, таяныштарының биіктігі 1,0 м кем емес өтпелі көпірлер орнатылады.

237. Автоматтандырылған топтық өлшеу құралдарының жұмыс орындарын ұйымдастыру және өндірістік қондырғыларды орналастыру жобаға сәйкес жүргізіледі.

Өндірістік қондырғыларды, құралдарды, автоматика құралдарын орналастыру және оларды өзара автоматтандырылған топтық өлшеу құралдарының, ӨҚҚ және электрощиттік ғимаратында орналастыру еркін өту және қауіпсіз қызмет көрсетуді қарастыралады.

ӨҚҚ ғимараттарын және электр щиттер ғимараттарын жарықтандыру 30 лк кем емес, БӨҚА 50 лк кем емес.

238. ӨҚҚ ғимаратына кіру және жұмыс басталар алдында желдеткіш іске қосылады, электр щит ғимаратын және қондырғыларды қарау жүргізіледі, жерге қосылулар, авариялық ыдыстардың кері қалқаншаларының фланцті қосылулар көзбен молынып тексеріледі.

239. Қызмет көрсету персоналы желдеткіш 20 мин жұмыс істегеннен кейін ӨҚҚ ғимаратына кіреді және жұмысқа кіріседі.

Жұмыс ШЖК, ЗШЖК сәйкес келу шартында, күкірт және зиянды заттар бөліну қауіптілігі бар объектілерде ТО ЖҚҚ бар екінші қызметкердің (дублер) қатысуымен және ғимараттың сырт жағында болуы кезінде жүргізіледі.

Желдеткіш ғимаратта персоналдың барлық болу уақытында үздіксіз жұмыс істейді.

240. Қызметкерлерді объектіге жіберу кезінде топ жетекшісі тағайындалады, ал газ қауіпті жұмыстар жүргізу кезінде наряд-рұқсат беру рәсімделеді.

Жөндеу жұмыстары әдетте күндізгі уақытта жүргізіледі.

Жұмыс түнгі уақытта жүргізілген кезде наряд-рұқсат беруде қосымша қауіпсіздік шаралары қарастыралады.

241. Электр энергиясын ажырату кезінде, желдеткіш және қондырғылар ақаулары анықталған кезде персонал ТО ЖҚҚ пайдалана отырып, АЖЖ көзделген әрекеттерді орындайды және жұмыс аумағы ауасының газдалуын бақылайды.

Мұнайдың жоғалуы және төгілуі, газ өткізуі кезіндегі АЖЖ бойынша бірінші кезектегі әрекеттер объекті жетекшісі немесе тағайындалған қызметкер нұсқауы бойынша жүргізіледі.

Қауіпті және авариялық жағдайда газдану кезінде ШЖК, ЗШЖК артқанда авариялық-құтқару қызметтерінің құрылымдары тартылады.

Қауіпті және авариялық жағдайлар:

1) санитарлық талаптармен белгіленген рұқсат етілген нормалардан артық ҚЖӨФ пайда болуы;

2) аварияға қарсы және өртке қарсы қорғаныс жүйелерінің бұзылуы;

3) жобада, технологиялық регламентте және дайындаушының техникалық құжаттарында белгіленген техникалық параметрлердің ауытқуы;

4) бітегіш арматураның, кері қалқаншаның трубақұбырлардың бұзылуы;

5) қондырғылар, гидроциклонды сепарторлар, фланцті қосылыстар элементтерінде жарықтардың жіберулердің немесе дәнекерлеу тігістерінің терлеуінің болуы;

6) БӨҚА бұзылуы;

7) қорғаныс қалқаншасының бұзылуы;

8) шығын өлшеуіштерінің бұзылуы;

9) қондырғылар мен ғимараттардың жерге қосылуларының бұзылуы;

10) электр қондырғылардың (шамшырақтардың шешілген шыны қақпақтары, трубалық электр сымдарының бұзылуы);

11) гидроциклонды сепаратордың, қорғаныс қалқаншасы мен манометрлердің, қысыммен жұмыс істейтін қызметкерлердің ыдыстарының кезекті куәландыруы мерзімінің аяқталуы.

Технологиялық қондырғылардың бұзушылықтары, қауіпті немесе авариялық жағдайлар анықталғанда АЖЖ көрсетілген әрекеттер жасалады.

Өлшеу құрылғыларын тоқтату технологиялық регламентке және АЖЖ сәйкес ұйымның объектісі жетекшісінің нұсқауы бойынша жүргізіледі.

11-бөлімше. Сепарациялық құрылғылар
242. Сепарациялық құрылғыларды жобалау, орналастыру және пайдалану кезінде кен орындарының және ұңғыма өнімдерінің сипаттары, жергілікті жерлер релефтері, желдің басымды бағыты және климаттық жағдайлары МГК объектілерінің инфрақұрылымы, өнеркәсіп қауіпсіздігі талаптары ескеріледі.

Ұңғыма өнімдерін сепарациялау үшін блокты автоматтандырылған құрылғылар қолданылады.

243. Сепарациялық құрылғылар құрамында мұнай, газ және газ конденсаттарын өндіру және дайындаудың қабылданған технологиясына қарай қабатты флюид ағынын тарату блогы, сепараторлар блоктары, газды алдын ала іріктеу (депульсатор) блогы, шығарылатын тамшы ұстағыш, газ жинаушы жүйе, газды авариялық жағудың факельді жүйесі, ұңғыма өнімдерін жинауға арналған ыдыстар қарастыралады.

244. Қысыммен жұмыс істейтін сепарациялық құрылғыларды орнату, іске қосу және пайдалану дайындаушының техникалық құжаттарына, технологиялық регламентке сәйкес жүргізіледі.

Сепарациялық құрылғылар техникалық паспортпен және қашықтығы, қорғаныс қалқаншаларының, бітегіш және реттеуші арматуралардың орналасу орны, БӨҚА, дренажды жүйелер көрсетілген сызбамен қамтамасыз етіледі.

245. Сепарациялау процессін бақылау және басқару жүйесі герметикалық және жарылыстан қорғалатын болып жасалады және вибрация, гидраттар пайда болу парафиндер, тұздар және басқа да заттардың пайда болуы жағдайында қолдануға есептелген немесе қабатты флюидпен тікелей байланысуды болдырмайтын жағдайда орналастырылады.

Күкірт сутегі және агрессивті заттары бар технологиялық орталар үшін тот басуға төзімді сепараторлар қолданылады.

246. Пайдалану алдында, ішкі кеңістікті герметизациялаумен байланысты реконструкциялаудан және жөндеу жұмыстарын жүргізгеннен кейін гидроциклонды сепараторларды техникалық куәландыру жүргізіледі.

247. Сепараторлар ішкі кеңістіктегі қысымды бақылауға арналған БӨҚА, деңгейді реттеуші және көрсеткіштерімен, бу немесе инертті газбен айдауға арналған, сұйықтарды төгуге арналған құрылғылармен қамтамасыз етіледі.

248. Қорғаныс құрылғылары дайындаушының техникалық құжаттарына сәйкес кесте бойынша тексеріледі. Ақаулар анықталған жағдайда АЖЖ көзделген шаралар орындалады. Қорғаныс құрылғылары алдында бітегіш арматураны орнатуға, аварияға қарсы және өртке қарсы қорғаныс жүйесінің ақаулары кезінде сепараторларды пайдалануға жол берілмейді.