Мон котьку но котьма вакытэ буйгасьтэм сюлэмам вордскем музъемме данъяло

вордскем музъемме данъяло

Юг лента кадь пичи шуръёсын

Чагыр – лыз сяськаен, пужъятэм шобырен

Пыриськод тон чебер вотъёсы.

Сюрелась шепъёсын, тюрагай куараен

Со мынам сюлэмам чузъяське.

Песятай – а шедьтэм та шулдыр интыез,

Песянай – а меда синмаськем?

Я чабей – а кисьма, я пелля – а лымы,

Сильтолъёс – а уйбыт шулало?

Мон котьма вакытэ буйгасьтэм

Вордиськем музъемме данъяло.

Детсадысь нылпиос кылбур лыдзо

1 нуись Сюрелась шепо, тюрагай куараё бусыосын, бадьпу куаръёсын шильыртыса бызись Варзи дурын Затча черко гуртын вордиськиз Удмуртиысь калык кылбурчи – Николай Семенович Байтеряков. Со Удмуртиысь Элькун премилэн лауреатэз, Флор Васильев нимо премилэн нырысети лауреатэз, кызё мында книгаослэн авторзы.

2 нуись Милям землякмы, данъяськон адямимы, Н.С. Байтеряков быдэс улонэныз но Вань гожтэм чуръёсыныз возьматэ, кыче луыны кулэ зэмос кылбурчи но зэмос поэзия. Удмурт литературалэн инбамаз – со одигез тужгес но яркытэз кизили.

Лыдзись Вунонтэм чебер удмурт гуртын

Выжыкылын сямен куке ули.

Только вазьгес чушказ монэ пось тыл,

Вазьгес куректонэн пумиськыли.

Секыт геры сьоры султи пичиысен.

Туж чем гинэ жок вылысьтым няньме

Мон суралляй лулпу гуры пызен.

Лябзылыкум улэп вуэн удиз.

Поттиз бадзым сюрес вылэ монэ
Озьы калыкеным одиг радын

Вунонтэм чебер удмурт гуртын

Мон пыриськи тудву кадь улонэ.
2 нуись Таче кылбур гожтиз Н.С. Байтеряков вордиськемез но будэмез сярысь, зэм, секыт вал пичи дырыз. Атаез Семен Александрович граждан оже ветлиз. Нош кыкети ожысь оз берытскы ни. Анаез, Елизавета Ивановна, гожъяськыны но, лыдзиськыны но быгатэ вылэм, зуч кылэз зеч тодэм, со туж шумпотылэм, Коля пиез умой дышетске шуыса, жаляса верано луэ, анайзы туж вазь улонысь кошке. Та кайгу мур малпаськонэ уськытэ, кылбуран оре но вуттэ, дыр, Николай Семеновичез. Туж яратыса лыдзе вал Лермонтовез, Есенинэз, Суриковез, М. Петровез.

1 нуись 7-ти классын дышетскыкуз, Варзи-Ятчи школае вуылизы Филипп Кедровен Иван Дядюков но Тимофей Шмаков, Коля соослы кылбурзэ лыдзем. Озьы «Дась лу!» газетлэн бамъёсаз нырысети чуръёсыз адскизы.

Борысь Можга педучилищеын одиг ар дышетскемез туж юрттиз гожъяськон мылкыдызлы юнманы.

Пурысь шинель дисен

Мон адзисько асме.

Сурон патронташен

Кертти егит кусме.

Вордэм шаер монэ

Быдзым оже отиз.

Озьы мон тушмонэн

Жугиськонэ султи.

1 нуись Тыл пырти ортчи сюрс иськемъёсыз, валай, мон ведь огшоры Затча пи гинэ овол, мыным оскизы аныкай шаере, быдэс Россия, - тодаз вае Николай Семенович.

Со вал миномётчик, танкист, ожъёсын ортчиз Москваысен Литваозь. Родина пусйиз ожмаськемзэ «За отвагу» медален но «Горд кизили» орденэн.

Азвесь зоръёс улын

Юнмай, вуи быдэ.

Пограм эшъёс полысь

Жутски, берти быдэс.

Ма быгати – лэсьти

Мар Родина косиз -

Сое мон быдэсти.

(«Топольёс» кырза ансамбль)

2 нуись Адямилэн чебер сюлэмыз но война пыр потэм солдатлэн малпанъёсыз, улон шоры учкемез – Н.С. Байтеряковлэн творчествоез одигез кужмоез но валтисез темаос луо. Лыдзисьёс выли дунъязы «Солдатлэн данэз» но «Солдатъёс ке кошко» поэмаоссэ но трос мукет кылбуръёссэ.

а) (зуч кылбур «Опять уходят поезда») б) балладаысь отрывок

Тодэ ваёнъёс. Кыл сётиськомы Романов Алексей Николаевичлы…

1 нуись Туназ туно чебер ныллы,

Эн тышкаськы, али монэ.

Капчи уз луы улонэд –

Бызёд, нылы, кылбурчилы, - та чуръёсты Н.С. Байтеряков гожтиз, вуоно яратоно кузпалэзлы Мария Степановна Чикишевалы сизьыса, Вавож ёросысь Затчала ужаны лыктэм егит зуч нылэн борысь кузпалъяськизы, быдэс улонзы чоже кык йоно нылпи будэтизы. Мария Степановна утисез но буйгатисез - кылбурчилэн музаез луиз.

«Ветли, ветли» яке «Льомпу сяськаос» (кырза ансамбль)

Кыл сётомы Н.С. Байтеряковлэн пиезлы, Александр Николаевичлы. Он всегда желанный гость в нашей школе и в нашем селе.

1 нуись Н.С. Байтеряков дано луиз удмурт поэзиын аслаз мур лирической кылбуръёсыныз, поэмаосыныз. Котькуд чураз, котькуд кылбураз шодиське котырысь шаердэ зырдыт яратон, ужась адямиен, нянь будэтисен данъяськон данъяськон, астэ но дунеез чебер карыны сюлмаськон. («Нянь будэтисьлы» кылбур)

2 нуись Чебер но зеч малпанъёсме

Ошмес дурам туннэ кельто.

Быдэстытэк кельтэм ужме

Я кин меда пумаз вуттоз?

Сюлмаськыса гожъяз Н.С. Байтеряков кылбуран орез азьланьтисьёс сярысь. Школаямы поэзиез яратисьёс уно, гожъясьёсмы но вань, кылзом егит кылбурчиосмес. (М. Пахомова, А. Шорникова, М. Шорникова,

О. Камашева)

Сюлэмез бугыртись чуръёссэ лыдзыса, вань улон сюрессэ тодамы вайыса, йон – йон вераны быгатиськомы, дано кылбурчи удмурт калыкезлы трос лэсьтыны быгатиз.