Өткізілген күні: 2014 жылғы 21 қараша Өткізілген жері: Павлодар қ., Солтүстік өнеркәсіптік аймақ, 3-жэо мәжіліс залы. Жария тыңдауын ұйымдастырған: «Павлодар қаласының кәсіпкерлік бөлімі»

«Қуат» және «Жылы су» учаскелерінде саз балшықты жынысты өнеркәсіптік қазу кезеңіне қоршаған ортаны қорғау жөніндегі іс- шаралар жоспары бар стендтер.

Жергілікті атқарушы органның өкілі Мырзабаева А.М - «Павлодар қаласының кәсіпкерлік бөлімі» ММ бас маманы-заңгер (2014 ж. 3 қарашадағы № 9-7367 хабарлама, апарушы арқылы жолданды), Орлик Т.Ю. – ҚР ЭМ Экологиялық реттеу, бақылау және мұнай-газ кешеніндегі мемлекеттік инспекция комитеті Павлодар облысы бойынша экология департаментінің аға мемлекеттік инспекторы (2014 ж. 3 қарашадағы № 9-7369 хабарлама, апарушы арқылы жолданды); Сиюнич Т.Н.- «Павлодар облысының жер қойнауын пайдалану, қоршаған орта және су ресурстары басқармасы» ММ экологиялық сараптау және қоршаған ортаға эмиссияларға рұқсат беру бөлімінің бас маманы (2014 ж. 3 қарашадағы № 9-7368 хабарлама, апарушы арқылы жолданды); Гринев И.Н. – 3-ЖЭО директоры, Верголяс А.Г. – 3-ЖЭО бас инженері, «ПАВЛОДАРЭНЕРГО» АҚ 3-ЖЭО персоналы – 13 адам, жұртшылық өкілдері - 3 адам (қатысушылардың тізімі қоса берілген).

1. 
   Жария тыңдауының төрағасын және хатшысын сайлау.
   
2. 
   «Қуат» және «Жылы су» учаскелерінде саз балшықты жынысты өнеркәсіптік қазу кезеңіне қоршаған ортаны қорғау жөніндегі іс- шаралар жоспары бойынша баяндама.
   
3. 
   Жобаны талқылау, баяндамашыға сұрақ беру, сұрақтарға жауап.
   

Дауыс берудің нәтижесі бойынша жария тыңдауының төрағасы болып И.Н. Гринев., хатшысы болып Харченко Е.В. бірауыздан сайланды.

«Қуат» және «Жылы су» ашық кеніштерінің ауданын нақтылағым келеді?

Осы кеніштерді өнеркәсіптік қазу қашан басталады?

«Қуат» және «Жылы су» кеніштері бойынша ұсынылған өнеркәсіптік қазу жобасына табиғат қорғау іс-шараларының жоспарына сәйкес осы кеніштерді қазу 2014-2015жж. аралағындағы кезең ішінде жүргізілетін болады

«ПАВЛОДАРЭНЕРГО» АҚ 3 жыл бойы 2-ЖЭО және 3-ЖЭО күл үйінділерінің құрылысын салу үшін жер қойнауын пайдалануға рұқсат алды. Жер қойнауын пайдалануға рұқсат 2013 жылғы маусымда алынды.

Бұрын «ПАВЛОДАРЭНЕРГО» АҚ «Қуат» және «Жылы су» кеніштерін өнеркәсіптік қазу үшін қоршаған ортаға эмиссияға рұқсат алған болатын. Бірақ кеніштер бойынша өнеркәсіптік қазба жобаға өзгерістер енгізілгендіктен, жоба мемлекеттік сараптамаға тапсырылды. Мемлекеттік экологиялық сараптама қорытындысымен 2014-2015жж. кеніштерді өнеркәсіптік қазу кезеңіне эмиссия нормативтері анықталды, сондықтан 2014-2015жж. жылдарға қоршаған ортаға эмиссияларға жаңадан рұқсат алу қажет.

Сонда небары екі жыл қазатын боласыздар ғой?

Түзетілген өнеркәсіптік қазба жоспарына сәйкес – карьерлерді қазу жұмыстары 2014-2015жж. ішінде жүргізілетін болады.

Ал осы мерзім күл үйіндісін салуға жеткілікті ме?

2-ЖЭО және 3-ЖЭО күл үйінділерінің салу үшін бұл мерзім жеткілікті. Келешекте біз тағы бір күл үйіндісін салуды жоспарлап отырмыз. Станциялар жұмыс істеп тұр және келешекте бізге тағы бір күл үйіндісі керек.

Үстіңгі құнарлы қабаты алынғанда, оны сіздер арнайы бөлінген жерлерде қанша уақыт сақтайсыздар? Ол онда қанша уақыт жатады? Сақтау мерзімі ішінде оны қалай ұстап тұрасыздар? Өйткені біздің топырақ жеңіл және физикалық ерекшеліктері бойынша өз бетімен кеуіп кетіп, бастапқы қасиеттерін жоғалтады. Және кейін қалай жерді қалпына келтіресіздер, яғни карьерлерден алынған сол топырақ пайдаланыла ма, әлде жаңа топырақ сатып аласыздар ма?

Карьерлерден алынған топырақ жерді қалпына келтіруді бастағанға дейін арнайы бөлінген уақытша сақтау орындарында сақталады. Карьерлердің жерін қалпына келтіру үшін карьерлерден алынған топырақ пайдаланылады, яғни орнына қайтарады. Топырақ сатып алынбайды.

Ал топырақтың қасиеттерін қалай сақтайды?

Құнарлы топырақ қабаты үйінділерде арнайы алаңшаларда қатарланады, алаңшаларда шашылып жатпайды. Жазғы кезең ішінде гүрттердің жақтауларына шөп өсіп, оларды бекітеді, сөйтіп топырақ шашылмайды және жел эрозиясына шалынбайды.

Дұрыс сақтамағанда, ол өзінің физикалық қасиеттерін жоғалтып, шашылып қалуы мүмкін.

Топырақ шашылмайды, ол үйінді болып қатарланған, көктемнен бастап күзге дейін оны шөп басып кетеді. Қыста шөп кеуіп, оның тамыры жақтауларын күшейтеді.

Бақылау ұңғымалары салынған ба, сіздер оны бұрғылайсыздар ма?

Бізде 4 бақылау ұңғымасы бұрғыланған және олар бойынша «Қуат» пен «Жылы су» кеніштерінің орналасу ауданындағы жер асты суларын бақылауды жүргіземіз.

Карьерлердің орналасқан жерін және күл үйінділерінен алыстығын білгім келеді.

Қолданыстағы күл үйіндісінен 615 м. жерде.

«Қуат» кеніші Мойылдыға қарай химия зауытының екінші алаңшасының жанында. «Жылы су» кеніші 2-ЖЭО ағартылған су сорғысының жанында орналасқан.

Жария тыңдауының қорытындысын жасауға рұқсат етіңіздер. Жария тыңдау өткізілді деп санаймын. Жария тыңдауының нәтижесі жасалған ескертулер мен бүгінгі талқылаудан кейін түскен ұсыныстар ескеріліп, хаттамамен ресімделеді. Сондай-ақ, жария тыңдауының хаттамасы Павлодар қаласы кәсіпкерлік бөлімінің интернет –ресурсында тыңдау өткізілген күннен соң Жария тыңдауын өткізу ережесінде көзделген мерзімде жарияланатынын хабарлаймын.

Жария тыңдауының төрағасы ______________________________ Гринев И.Н.

Жария тыңдауының хатшысы _________________________________ Харченко Е.В.

Қосымша:

1. 
   Жария тыңдауын өткізу туралы газетке берілген хабарландырудың көшірмесі;
   
2. 
   Жария тыңдауының материалдары (баяндамалар);
   
3. 
   Жария тыңдауға қатысушылардың тізімі.