Рабочая программа дисциплины «грамматика коми прилагательного»



бет1/4
Дата24.07.2016
өлшемі0.85 Mb.
#219198
түріПротокол
  1   2   3   4
ФЕДЕРАЛЬНОЕ АГЕНТСТВО ПО ОБРАЗОВАНИЮ
Государственное образовательное учреждение

высшего профессионального образования

«Сыктывкарский государственный университет»
Филологический факультет

Кафедра «Коми и финно-угорской филологии»

УТВЕРЖДЕНО
На заседании учебно-методической
комиссии факультета
«_____» _______________ 2008 г.
Протокол №____


Председатель УМК

Г.И. Глебко _____________


РАБОЧАЯ ПРОГРАММА


Дисциплины «ГРАММАТИКА КОМИ ПРИЛАГАТЕЛЬНОГО»

Блок дисциплин ДС Спец. курс

Специальность ФИЛОЛОГИЯ (НАЦИОНАЛЬНАЯ)


Факультет ФИЛОЛОГИЧЕСКИЙ

Форма обучения ДНЕВНАЯ

Семестр 7

Всего учебных занятий – 68 часов

В том числе:

Аудиторных 34 часа, из них

Лекций – 34 часа

Практических – – часов

Лабораторных – – часов

Самостоятельных – 34 часа

Контроль – – контрольные работы

Итоговый контроль – зачёт


Сыктывкар 2008

ФЕДЕРАЛЬНОЕ АГЕНТСТВО ПО ОБРАЗОВАНИЮ
Государственное образовательное учреждение

высшего профессионального образования

«Сыктывкарский государственный университет»
Филологический факультет

Кафедра «Коми и финно-угорской филологии»


УЧЕБНО-МЕТОДИЧЕСКИЙ КОМПЛЕКС




Дисциплины «ГРАММАТИКА КОМИ ПРИЛАГАТЕЛЬНОГО»

Блок дисциплин ДС Спец. курс

Специальность ФИЛОЛОГИЯ (НАЦИОНАЛЬНАЯ)


Факультет ФИЛОЛОГИЧЕСКИЙ

Форма обучения ДНЕВНАЯ


Сыктывкар 2008

ВЕЛÖДÖМЫСЬ ФЕДЕРАЛЬНÖЙ АГЕНТСТВО


ВЫЛЫС ТШУПÖДА ПРОФЕССИОНАЛЬНÖЙ ОБРАЗОВАНИЕЫСЬ

ГОСУДАРСТВЕННÖЙ ВЕЛÖДАН УЧРЕЖДЕНИЕ

«СЫКТЫВКАРСА КАНМУ УНИВЕРСИТЕТ»
ФИЛОЛОГИЯ ФАКУЛЬТЕТ

КОМИ ДА ФИН-УГОР КЫВЪЯС КАФЕДРА




ВЫНСЬÖДА:


Кафедраöн веськöдлысь, ф.д., профессор

___________ В.М. Лудыкова

2008-öд вося ____________ тöлысь «___» лун
«КОМИ КЫВБЕРДЛÖН ГРАММАТИКА» спецкурсысь

УДЖАЛАН ПРОГРАММА

031001 «ФИЛОЛОГИЯ» СПЕЦИАЛЬНОСТЬ СЕРТИ ВЕЛÖДЧЫСЬЯСЛЫ


Коми кыв да литература, роч кыв да литература

специализациялы

Курс: IV

Семестр: 7

Ставнас час лыд (учебнöй план серти) – 72 час

на пиысь аудиторнöй – 34 час

Лекция – 34 час

Асшöра уджалöм – 38 час

Зачет


Cыктывкар, 2008

ЛÖСЬÖДÖМА

«Филология» специальностьысь

выпускникöс дасьтан содержание да тöдöмлунъяс тшупöд дорö

Государственнöй требованиеяс серти


ВЫНСЬÖДÖМА УМК-öн

____ №-а протокол

2008 вося __________ «___» лун

УМК-öн веськöдлысь

__________ Г.И. Глебко

Уджтас лöсьöдысьыс – В.М. Лудыкова


Рецензентъяс: Марийскöй госуниверситетысь «Общöй да фин-угор кыв кафедра» (3 №-а протокол 2007 вося ноябр «21» лун); Коми наука шöринысь кыв отдел (3 №-а протокол 2007 вося март «27» лун)

КАРТА ОБЕСПЕЧЕННОСТИ ЛИТЕРАТУРОЙ

Дисциплины «ГРАММАТИКА КОМИ ПРИЛАГАТЕЛЬНОГО»

По специальности ФИЛОЛОГИЯ (НАЦИОНАЛЬНАЯ)

Факультет ФИЛОЛОГИЧЕСКИЙ

Форма обучения ДНЕВНАЯ

Блок дисциплин ДС Спец. курс


Число студентов

Список литературы


Кол-во

экземп.

Кол-во

экземп.

на 1студента

IV курс

12 чел.


Основная литература:

  1. Лудыкова В.М. Коми кывбердлöн синтаксис. Сыктывкар, 2003 (базовый)

  2. Лудыкова В.М. Предикативное прилагательное в коми языке. Сыктывкар, 2006.

  3. Лудыкова В.М. Роль прилагательного в формировании смысла высказывания (на материале коми языка). Сыктывкар, 2001.

  4. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

Дополнительная литература:

  1. Бубрих Д.В. Грамматика литературного языка. Л., 1949.

  2. Коми-пермяцкий язык. Введение. Фонетика, лексика и морфология / под ред. В.И. Лыткина. Кудымкар, 1962. (раздел " Прилагательное" С.210-225 ).

  3. Лудыкова В.М. Предикативная функция прилагательного в коми языке // Вестник Сыктывкарского университета. Серия 8. История. Филология. Философия. I вып. 1995. С.78-83.

  4. Лудыкова В.М. Öнiя коми кывлöн синтаксис. Кывтэчас да прöстöй серникузя: Учебнōй пособие. Сыктывкар, 1993.

  5. Лудыкова В.М. Коми кывбердлöн грамматика да вежöртас. Сыктывкар, 1997. 119 л.б.

  6. Лудыкова В.М. Кык состава серникузяын сказуемой. Сыктывкар, 1996.

  7. Майтинская К.Е. Сравнительная морфология финно-угорских языков // Основы финно-угорского языкознания. Вопросы происхождения и развития финно-угорских языков. М.: Наука, 1974. С.214-397.

  8. Сахарова М.А. Имя прилагательное // Современный коми язык. Ч.1. Фонетика, лексика, морфология. Сыктывкар, 1955. С.158-179.

  9. Современный коми язык. Ч.2. Синтаксис / под ред. Н.Н. Селькова. Сыктывкар, 1967.

40
10


5

40


5

3

5


30

12


50
46

40

50



3,3
0,8


0,4

3,3




Составитель, преподаватель______________ Лудыкова В.М.

Зав. кафедрой ____________ Лудыкова В.М.

Дата составления карты «___»_________2008 г.

СОГЛАСОВАНО:

Представитель библиотеки СыктГУ___________

«___»________2008 г.

Лист согласования и утверждения рабочей программы


Составитель (или автор) УМК

профессор, д.филол.н. ______________ Лудыкова В.М.
Рабочая программа составлена на основании ГОС ВПО и учебного плана

Специальности 031001 «ФИЛОЛОГИЯ (НАЦИОНАЛЬНАЯ)»
Рабочая программа рассмотрена и одобрена

на заседании кафедры «Коми и финно-угорской филологии»

Протокол заседания №_____ от «_____»______________ 2008 г.

Заведующей кафедрой

профессор, д.филол.н_____________ В.М. Лудыковой
СОГЛАСОВАНО:

Декан филологического факультета

профессор, д.филол.н. ______________ М.В. Мелихов

«_____»______________ 2008 г.
Председатель УМК

доцент_______________Г.И. Глебко

ВОДЗКЫВ
Коми кывйын кывберд - зэв аслыспöлöс да тöдчана кывсикас. Сылы лöсялöны морфология боксянь аслыссяма признакъяс, сiйö босьтö и синтаксисын ыджыд тöдчанлун, коми кывбердлöн аслыспöлöслуныс уна пöрйö тыдовтчö буретш синтаксис тшупöдын. Тайö кывсикасыслы лöсялöны аслыссяма грамматическöй вежöртасъяс. Коми кывберд унаторйöн öткодь либö матын мукöд рöдвуж кыв кывбердкöд, но коми кывбердыслöн эмöсь и торъялöмъяс. Коми кывберд грамматикаысь позьö аддзыны и öтувъя фин-угор, öтувъя перым кадö лöсялысь признакъяс. Кывберд грамматикаын эм уна аслыспöлöслун сёрнисикасъясын. Коми кывйын кывбердыс ёна торъялö роч кывбердысь, кöть на костын эмöсь и öткодь признакъяс. Кывберд – тайö асшöр кывсикас, кывсикасъяс системаын босьтö зэв тöдчана ин, сёрникузяын сійö нуö и сказуемöйлысь – сюрöса членлысь, – и определениелысь – содтана членлысь функциясö. Грамматика тэчасын кывберд лоö зэв тöдчанаöн и коланаöн. Öнія кывйын сійö зэв сöвмысь кывсикас. Тайö кывсикасыс тöдчана ин босьтö вузъясын и школаын коми и роч кыв велöдöмын, и морфология и синтаксис юкöнын. Сы вöсна спецкурсас и шыöдчöма кывберд туялöм-видлалöм дорас. Индöм проблемалы сиöм спецкурссö арталöма-лöсьöдöма лыддьыны гырысь курсса студентъяслы, кодъяслöн эм нин коми да роч кывъяс велöдöмлöн подув, кодъяслöн эмöсь öнія коми кыв лексикаысь, морфологияысь да синтаксисысь тöдöмлунъяс, кодъяс тöдсаöсь нин и коми кыв историческöй грамматикаöн, коми сёрнисикасъясöн, роч кыв грамматикаöн. Буретш тайö лингвистическöй дисциплинаяс вылас мыджсьö спецкурсыс, наысь колöны тöдöмлунъяс.

Спецкурслöн могыс:



  • видлавны кывбердсö морфология боксянь, гöгöрвоöдны сiйöс кыдз кывсикас, вайöдны сылы лöсялана признакъяссö, видлавны сылысь морфологическöй тэчассö, сылысь сикасъяссö (производнöйяс, непроизводнöйяс, сложнöйяс), сылысь лексико-грамматическöй разрядъяссö, налысь качество тшупöдъяс, гöгöрвоöдны öткодялан тшупöдъяс да качество тшупöдъяс костысь торъялöмсö, налысь артмöмсö;

  • тöдмöдны студентъясöс кывбердлöн став синтаксическöй функциянас, сёрникузяын кывбердлöн тöдчанлунöн; пыдісянь да паськыда видлавны кывбердлысь предикативнöй функция, сказуемöй пыдди мунігöн сылысь вежласьöмсö; видлавны кывбердлысь атрибутивнöй функция, торйöдöм определение функция; тöдмöдны студентъясöс предикативнöй определениеöн; сылöн аслыспöлöслунöн, вежöртасöн;

  • сетны студентъяслы кывбердлöн синтаксическöй йитöдъяс, разнöй синтаксическöй функцияа кывбердлöн сёрникузяын ин йылысь тöдöмлунъяс;

  • петкöдлыны студентъяслы кывбердлысь универсальнöй признакъяс, коми кывйысь аслыспöлöслунъяссö, гöгöрвоöдны рöдвуж кывбердъяслы лöсялысь öткодь признакъяссö;

  • велöдны студентъясöс аддзыны кывбердлысь системасö, кывсикасъяс системаын сылысь инсö;

  • велöдны студентъясöс вöдитчыны кывбердъяснас налöн гижöда да вомгора сёрниын, велöдны тырвыйö видлавны кывбердлысь грамматикасö практическöя сöвмöдны налысь сёрнисö;

  • петкöдлыны студентъяслы кывбердлысь да коми синтаксислысь öнія кадö сöвмöмсö.

Роч кыв тöдчöм улын зэв тшöкыдöсь коми кывйын кывберднас вöдитчöмын тырмытöмторъяс, паныдасьлöны найö и велöдчысьяс, и журналистъяс, и весиг гижысьяс сёрниын да гижöдын. Спецкурсыслöн могыс тшöтш лоö и тайö тырмытöмторъяс вылас индöм да найöс бырöдöм. Спецкурсыслöн могыс тшöтш и студентъясöс воспитывайтöм. Воспитывайтöмыс лоö и гижан, сёрни культура сöвмöдöмын, и видлöгъяс видлалöмын. Воспитывайтана могъяснас лоö велöдны гöгöрвоны да ясыда висьтавны мöвпъяснысö, велöдны торъя лингвистическöй проблема видлавны, сійöс йитны мукöд лингвистическöй проблемакöд, вöчны колана кывкöртöдъяс.

Спецкурс кывзöм бöрын студентъяс долженöсь кужны тырвыйö видлавны кывбердъяссö, и морфология и синтаксис боксянь, долженöсь кужны торйöдны предикативнöй да атрибутивнöй функцияа кывбердъяс, обособитöм да обособиттöм определение, содтана член определение да предикативнöй определение, долженöсь тöдны синтаксическöй йитöдъяс да кужны йитны быдсикас синтаксическöй функцияын мунысь кывберд сюрöса кывйыскöд, долженöсь кужны сувтöдны кывбердсö сёрникузяын колана инö. Студентъяс долженöсь кужны торйöдны кывбердъяссö безлично-предикативнöй кывъясысь да эмакывъясысь.

Тайö спецкурсыс содтö II курсын велöдöм морфологияысь да III курсын велöдöм синтаксисысь тöдöмлунъяс. Морфология да синтаксис – тайö подув лингвистическöй дисциплинаяс, кодъяс быть колöны филологöс дасьтöм могысь. Тайö курсъяссö велöдöны и школаын, сы вöсна коми кывйысь специалистöс, велöдысьöс, дасьтöм могысь колö сетны наысь зумыд тöдöмлунъяс.

Сёрникузяяс артмöдны, сёрникузяяс паськöдны да сьöктöдны, налысь компонентъяссö ас местаас сувтöдавны, кыв артсö торкавтöг, ассьыныс мöвпъяссö стöча висьтавны долженöсь кужны и газетъясын, радиоын, телевидениеын уджалысьяс. Сы вöсна спецкурсыс лоö тöдчанаöн и журналистъясöс дасьтöмын. Коми кыв грамматикаысь зумыд да пыді тöдöмлунъяс колöны и кывтуялысьяслы.

Спецкурсыс топыда йитчöма подув дисциплинаяскöд: морфологиякöд, синтаксискöд, лексикологиякöд, историческöй грамматикакöд, кодъяс учебнöй планын пырöны «общепрофессиональнöй дисциплинаяс» юкöнö. «Коми кывбердлöн грамматика» спецкурсысь тöдöмлунъяс отсаласны велöдны перым кывъяслöн öткодялан грамматика да фин-угор кывъяс öткодялан грамматика курсъяс, кодъяс сідзжö быть коланаясöн лоöны коми филологöс дасьтöмын.

Спецкурсыслöн тэчасыс татшöм:



  1. Кывбердлöн морфология;

  2. Кывбердлöн синтаксис.

Тайö тэчасыс гöгöрвоöдсьö сійöн, мый лингвистикаын медводз туялöны ичöтджык юкöнъяс, а сэсся нин гырысьджыкъяссö, медводз – торъя кыв, кывсикас, сэсся – сёрникузя, медводз туялöны прöстöйджык юкöнъяс, а сэсся сложнöйджык. Синтаксис юкöнын медводз шыöдчöма кывбердлöн предикативнöй функция дорö, сы вöсна мый предикатыс – тайö сёрникузялöн сюрöса, быть колана член, сійö артмöдö сёрникузяыслысь предикативнöй подувсö. Предикативнöй функция бöрын лоö видлалöма кывбердлысь атрибутивнöй функция. Определение пыдди мунысь кывберд паськöдö сёрникузясö. Унджыкысьсö татшöм кывбердыс синтаксис боксянь абу быть колана, сёрникузяыс вермö артмыны сытöг, но вежöртас боксяньыс атрибутивнöй кывбердыс овлö быть коланаöн. Атрибутивнöй функция бöрын лоö шыöдчöма кывберд – торйöдöм определение дорö, коді нин сьöктöдö прöстöй сёрникузяыслысь вежöртассö.

Спецкурсыс помасьö зачётöн, а торъя юкöнъяс помалöм бöрын семестр чöжнас колö гижны микрозачётъяс да тестъяс.



ТЕМАТИКАА УДЖТАС






Юкöнъяс, тема нимъяс

Велöдан план серти час лыд

Студентъ-

яслöн


макси-

мальнöй нагрузка



Аудиторнöй нагрузка

Асшöра

Ставыс

На лыдын

уджалöм

Лекция

Практи-

ческöй


удж




1.

1 юкöн. Пыртана. Спецкурслöн могъяс, велöданторъяс.

1

1

1








2.

2 юкöн. Кывбердлöн морфология.
1 тема. Кывсикас системаын кывбердлöн ин. Кывбердлы лöсялана признакъяс. Производнöй, непроизводнöй, сложнöй кывбердъяс.

2


2


2








2 тема. Кывбердлöн лексико-грамматическöй сикасъяс: качественнöй да относительнöй кывбердъяс.

4

2

2




2

3 тема. Кывбердлöн öткодялан тшупöдъяс: подув, öткодялан, медвылыс тшупöд. Налöн вежöртасъяс, артманногъяс.

5










5

4 тема. Кывбердлöн качество тшупöдъяс: абу тырмана тшупöда качество, вылыс тшупöда качество (интенсив), положительнöй. Налöн вежöртасъяс, артманногъяс.

9

6

6




3

5 тема. Кывберд да безлично-предикативнöй кывъяс. Налы лöсялана признакъяс. На костын торъялöм.

4

1

1




3

3.

3 юкöн. Кывбердлöн синтаксис.
1 тема. Кывбердлöн сказуемöй функция. Сказуемöй йылысь понятие. Кывберд прöстöй нима сказуемöй функцияын. Кывберд составнöй нима сказуемöй функцияын. Кадакыв-связкаяскöд йитчöм. Связкаяслöн сикасъяс. Предикативнöй функцияа кывбердлöн вежласьöм. Кывберд-сказуемöйлöн подлежащöйкöд йитöд. Кывберд сьöктöдöм нима сказуемöйын. Öнія коми кывйын предикативнöй функцияа кывберд да сёрникузяяслöн сöвмöм.

10


5


5





5


2 тема. Кывбердлöн опредление функция.

Определение йылысь понятие. Атрибутивнöй кывбердлöн вежöртас, сылы лöсялана признакъяс. Вежöртас серти адъективнöй определениелöн сикасъяс. Атрибутивнöй кывбердлöн подчинение синтаксическöй йитöдъяс. Атрибутивнöй кывбердлöн сёрникузяын ин. Атрибутивнöй кывбердъяслöн сёрникузяын тöдчанлун. Быть колана да абу быть колана определение.



10

6

6




4

3 тема. Паськöдöм определение. Сылöн вежöртас, тöдчанлун. Сылы лöсялана признакъяс.

4










4

4 тема. Кывберд предикативнöй определение.

Предикативнöй определениелöн вежöртас, сылы лöсялана признакъяс, содтана член определениеысь сылöн торъялöм. Предикативнöй определение пыдди мунысь кывбердлöн сёрникузяын ин, сюрöса кывйыскöд синтаксическöй йитöдъяс.



2

2

2







5 тема. Кывберд торйöдöм определение функцияын.

Торйöдöм определение йылысь понятие. Торйöдöм определениелöн вежöртас, сёрникузяын тöдчанлун. Торйöдöм определение пыдди мунысь кывбердлöн сёрникузяын ин. Торйöдöм определение пыдди мунысь кывбердлöн синтаксическöй йитöдъяс. Öнія коми кывйын торйöдöм определениеа сёрникузяяслöн сöвмöм.



10

4

4




6

6 тема. Кывбердлöн синтаксическöй йитöдъяс.

Кывтэчасын кывберд – сюрöса кыв, сыысь зависитысь компонентъяс. Сюрöса кывберд да зависитысь кывъяс костас синтаксическöй йитöдъяс. Адъективнöй управление. Кывтэчасын кывберд – зависитысь кыв. Зависитысь кывбердлöн сюрöса кыв дорас синтаксическöй йитöдъяс.



4

2

2




2

7 тема. Öнія кывйын кывбердлöн сöвмöм.

1

1

1










Итого

72

34

34




38



СПЕЦКУРСЛÖН ПЫТШКÖС (содержание)


1 ЮКÖН. ПЫРТАНА.
Студент должен тöдны спецкурслысь могъяссö, велöданторъяссö.
2 ЮКÖН. КЫВБЕРДЛÖН МОРФОЛОГИЯ.
1 тема. Кывсикас системаын кывбердлöн ин.

Студент должен тöдны, мый сійö сэтшöм кывбердыс, кутшöм признакъяс сылы лöсялöны, мыйöн сійö торъялö мукöд кывсикасысь – эмакывйысь, шöркывйысь, кадакывйысь, а сідзжö мый сійö сэтшöм производнöй, непроизводнöй да сложнöй кывбердыс. Студент должен тöдны кывбердлысь вежöртас, грамматика категорияяс, коми кывберд грамматикалысь аслыспöлöслунъяс.

Студент должен кужны торйöдны кывбердсö эмакывйысь, шöркывйысь, безлично-предикативнöй кывйысь.

Быть лыддьöм вылö литература:


  1. Öнія коми кыв. Морфология / Г.В. Федюнева кипод улын. Сыктывкар, 2000. 96-138 л.б.

  2. Лудыкова В.М. Коми кывбердлöн грамматика да вежöртас. Сыктывкар, 1999.

Содтöд лыддьöм вылö литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.387-389.

  2. Карманова А.Н., Лудыкова В.М., Федина М.С. Öнія коми кыв. Фонетика. Графика. Орфография. Лексикология. Морфология. Синтаксис. Сыктывкар, 2001.

  3. Современный коми язык. Ч.1. Фонетика. Морфология. Лексикология / под ред. В.И. Лыткина. Сыктывкар, 1955.

  4. Федюнева Г.В., Цыпанов Е.А. Асшöр кывсикасъяс коми кывйын. Сыктывкар, 1992.


2 тема. Кывбердлöн лексико-грамматическöй сикасъяс: качественнöй да относительнöй кывбердъяс.

Студент долженöсь тöдны качественнöй да относительнöй кывбердъяслы лöсялана признакъяс, налысь вежöртассö, относительнöйяслысь артманногсö.

Студент должен кужны аддзыны текстысь качественнöй да относительнöй кывбердъяссö, должен кужны торйöдны относительнöйяссö качественнöй кывбердъясысь да эмакывъясысь, мукöд кывсикасысь артмöдны относительнöй кывбердъяс, должен кужны вöдитчыны аслас вомгора да гижöда сёрниас татшöм кывбердъяснас. Студент должен лоны дась школаын практика вылын да уджалігöн видлавны тайö темасö.

Быть лыддьöм вылö литература:


  1. Öнія коми кыв. Морфология / Г.В. Федюнева кипод улын. Сыктывкар, 2000. 96-138 л.б.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Федюнева Г.В., Цыпанов Е.А. Асшöр кывсикасъяс коми кывйын. Сыктывкар, 1992.

Содтöд лыддьöм вылö литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.387-389.

  2. Карманова А.Н., Лудыкова В.М., Федина М.С. Öнія коми кыв. Фонетика. Графика. Орфография. Лексикология. Морфология. Синтаксис. Сыктывкар, 2001.

  3. Современный коми язык. Ч.1. Фонетика. Морфология. Лексикология / под ред. В.И. Лыткина. Сыктывкар, 1955.


Асшöра уджалöм.

Лекция вылын сетöны качественнöй да относительнöй кывберд йылысь подув тöдöмлунсö, шöр признакъяссö. Татшöм кывбердъяс йывсьыс пыдісянь да паськыдджыка колö лыддьыны асшöра. Асшöра лыддьысигöн тöд вылö колö босьтны коми относительнöй кывбердъяслы лöсялана признакъяссö, налысь аслыспöлöслунсö.

Асшöра уджалöм вылö сетöма лыддьыны В.М. Лудыкова, Г.В. Федюнева «Местоимение и прилагательное в грамматической системе коми и русского языков» небöгысь кывберд морфологиялы сиöм юкöн (22-30 л.б.), конспектируйтны тайö юкöнсö. Дасьтыны вочакывъяс татшöм юалöмъяс вылö:


  1. Öткодьöсь коми да роч качественнöй кывбердъяслöн вежöртасъясыс?

  2. Кутшöм кывъяскöд вермöны йитчыны качественнöй кывбердъясыс коми да роч кывъясын? Эм-ö торъялöмъяс?

  3. Эмöсь-ö коми да роч кывъясын качественнöй кывбердъяс синтаксисын торъялöмъяс?

  4. Мыйöн торъялöны коми относительнöй кывбердъяс роч относительнöй кывбердъясысь?

  5. Öткодьöсь-ö коми да роч кывъясын кывбердлöн лексико-грамматическöй разрядъясыс?

  6. Кыдзи коми кывйын позьö петкöдлыны роч притяжательнöй кывбердъяслысь вежöртассö?

Таысь кындзи, лыддьыны качественнöй да относительнöй кывбердъяс йылысь улынджык вайöдöм мукöд литератураысь.

Асшöра уджалöм вылö литература:

  1. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

  2. Öнія коми кыв. Морфология / Г.В. Федюнева кипод улын. Сыктывкар, 2000. 96-138 л.б.

  3. Лудыкова В.М. Коми кывбердлöн грамматика да вежöртас. Сыктывкар, 1999.


3 тема. Кывбердлöн öткодялан тшупöдъяс.

Студент должен тöдны öткодялан тшупöд грамматика категориялысь вежöртассö, тöдчанлунсö, должен тöдны öткодялан тшупöдъяс (подув, öткодялан, медвылыс), налысь вежöртасъяссö, артманногъяссö.

Студент должен кужны торйöдны тайö тшупöдъяссö öта-мöдсьыс, артмöдны öткодялан да медвылыс тшупöдъяссö, правильнöя вöдитчыны наöн.

Асшöра уджалöм.

Кывбердлысь öткодялан тшупöдъяс дорö студентъяс шыöдчылісны II курсын морфология велöдігöн. Спецкурсысь лекцияяс вылын найöс торйöн оз видлавны. Пыдісяньджык да паськыдджыка кывбердлысь öткодялан тшупöдъяс видлавны-туявны студентъяслы колö асшöра.

Асшöра велöдігöн студент тöд вылас должен уськöдны кывбердлысь öткодялан да медвылыс тшупöдъяс петкöдланногъяссö (суффиксальнöя, префиксальнöя, аналитическöя, кывторйöн да синтаксическöя), налысь вежöртасъяссö. Содтöд небöгъясысь должен аддзыны-тöдмавны öткодялан -джык суффикслысь мукöд кывсикаскöд бергалöм, мукöд рöдвуж кывйын кывбердлöн тайö тшупöдъяс артмöм йылысь.

Выль тöдöмлунъяс колö босьтны улынджык вайöдöм литератураысь.

Тайö тема велöдöны школаын, сы вöсна небöгъяс лыддьöм бöрын студентлы колö вöчны «Кывбердлöн öткодялан тшупöдъяс» уроклысь конспект, кодöн позьö вöдитчыны II семестрын школаын практика вылын. Уроклысь конспект прöверяйтö велöдысь.

Асшöра уджалöм вылö быть колана литература:


  1. Öнія коми кыв. Морфология / Г.В. Федюнева кипод улын. Сыктывкар, 2000. 96-136 л.б.

  2. Лудыкова В.М. Коми кывбердлöн грамматика да вежöртас. Сыктывкар, 1999. 29-37 л.б.

  3. Карманова А.Н. Öнія коми кыв. Морфология (нима кывсикасъяс). Сыктывкар, 1994.

Асшöра уджалöм вылö содтöд литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.387-389.

  2. Карманова А.Н. Современный коми язык. Морфология. Пермь-Сыктывкар, 1980.

  3. Лыткин В.И. Коми кывлöн историческöй морфология. Сыктывкар, 1994.

  4. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003. С.31-38.


4 тема. Кывбердлöн качество тшупöдъяс.

Студент должен тöдны, мый сійö качество тшупöдыс, мыйöн торъялö качество тшупöдыс öткодялан тшупöдысь. Должен тöдны качество тшупöдъяс (подув, абу тырмана, интенсив) петкöдланногъяссö (суффиксъяссö, качество тшупöд вылö индысь торъя кывъяссö – интенсификаторъяссö, редупликация да с.в.), петкöдланногас коми кывлысь аслыспöлöслунъяссö. Студент должен тöдны быд качество тшупöдлысь вежöртассö, на костысь торъялöмъяссö, сёрнисикасъяслысь аслыспöлöслунъяссö.

Студент должен кужны аддзыны да торйöдны качество тшупöдъяссö, кужны артмöдны быдсикас качество тшупöд, должен кужны вöдитчыны разнöй качество тшупöда кывбердъясöн быдсикас сёрни стильын, должен куны торйöдны стиль боксянь нейтральнöй да экспрессивнöй качество тшупöд петкöдланногъяс.

Коми кыв зэв озыр качество тшупöдъяс петкöдлысь торъя кывъясöн, кодъяс кывбердкöд йитöдын артмöдöны зэв аслыспöлöс тэчасъяс, уна пöрйö артмöдöны коми кывлысь аслыспöлöслунсö, сы вöсна кывбердлысь качество тшупöдъяс видлалöм могысь унакодь кад вичмöдöма лекцияясысь, а сідзжö сійöс петкöдöма м асшöра уджалöм вылö.



Быть лыддьöм вылö литература:

  1. Öнія коми кыв. Морфология / Г.В. Федюнева кипод улын. Сыктывкар, 2000. 96-138 л.б.

  2. Лудыкова В.М. Коми кывбердлöн грамматика да вежöртас. Сыктывкар, 1999.

Содтöд лыддьöм вылö литература:

  1. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003. С.38-47.

  2. Карманова А.Н. Öнія коми кыв. Морфология (нима кывсикасъяс). Сыктывкар, 1994.

  3. Лудыкова В.М. Синтаксические способы выражения степеней качества прилагательного в диалектах коми языка // Пермистика 8: Диалекты и история пермских языков во взаимодействии с другими языками. Сыктывкар, 2001. С.159-170.


Асшöра уджалöм.

Лекцияяс вылын кывбердлöн качество тшупöдъяс йылысь сетöны подув тöдöмлунъяс, сетöны качество тшупöд йылысь понятие, вайöдöны став качество тшупöдсö, на костысь торъялöмсö, медшöр петкöдланногъяссö. Тайö темаысь содтöд тöдöмлун босьтöм могысь колö уджавны асшöра. Асшöра уджалігöн колö содтöд тöдмавны коми кывйын кывбердлöн качество тшупöдъяс петкöдланногъяс йылысь, вайöдны налысь тырвыйö система. Сетöм литература лыддьöм бöрын колö тöдны абу тырвыйö качество тшупöд петкöдлысь став суффиксö да торъякывсö, качестволысь вылыс тшупöд став петкöдланногъяссö (интенсификатор-кывъяс, редупликация, шуанног), сёрнисикасъясын паныдасьлысь аслыспöлöс кывъяссö да кывтэчасъяссö.

Тайö теманас тырвыйö тöдмасьöм могысь лыддьыны да конспектируйтны В.М. Лудыковалысь «Синтаксические способы выражения степеней качества прилагательного в диалектах коми языка» статья (Пермистика 8: Диалекты и история пермских языков во взаимодействии с другими языками. Сыктывкар, 2001. С.159-170). Тайö уджсö да улынджык вайöдöм литература лыддьöм бöрын дасьтыны татшöм юалöмъяс вылö вочакывъяс:


  1. Кутшöм сикасъяс вылö позьö торйöдны кывбердлысь вылыс качество тшупöдсö?

  2. Кутшöм аслыспöлöс интенсификатор-кывъяс паныдасьлöны эжва йыв, изьва, сыктыв сёрнисикасъясын?

  3. Рочысь босьтöм кутшöм кывъяс паныдасьлöны кывбердлысь вылыс качество тшупöд петкöдлöм могысь?

  4. Мыйла колö торйöдны кывбердлысь öткодялан тшупöд качество тшупöдысь?

  5. Эмöсь-ö интенсификатор кывъяс вöдитчöмын стиль боксянь торъялöмъяс? Эмöсь кö мыйла да кутшöм?

Асшöра уджалöм вылö литература:

  1. Öнія коми кыв. Морфология / Г.В. Федюнева кипод улын. Сыктывкар, 2000. 96-136 л.б.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003. С.38-47.


5 тема. Кывберд да безлично-предикативнöй кывъяс.

Студент должен тöдны коми кывсикас системаын безлично-предикативнöй кывъяслысь инсö. Сійö должен тöдны татшöм кывъяслысь вежöртассö, грамматическöй аслыспöлöслунъяссö, налысь кывбердъясысь, эмакывъясысь да урчитанъясысь торъялöмсö, налысь синтаксическöй функцияяссö.

Студент должен кужны сёрникузяысь, текстысь аддзыны, торйöдны безлично-предикативнöй кывъяссö, налы лöсялана признакъяс серти кужны торйöдны кывбердъясысь, эмакывъясысь, урчитанъясысь, должен кужны видлавны татшöм кывъясöн артмöм сёрникузяяс, гöгöрвоöдны сёрникузяыслысь вежöртассö, должен кужны артмöдавны безлично-предикативнöй кывъя сёрникузяяс.

Быть лыддьöм вылö литература:


  1. Öнія коми кыв. Морфология / Г.В. Федюнева кипод улын. Сыктывкар, 2000. 96-138 л.б.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Карманова А.Н. Öнія коми кыв. Морфология (нима кывсикасъяс). Сыктывкар, 1994.

Содтöд лыддьöм вылö литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.179-180, 30-34.

  2. Лудыкова В.М. Коми кывйын прöстöй сёрникузя. Сыктывкар, 1991.


Асшöра уджалöм.

Лекция вылын сетöны безлично-предикативнöй кывъяслысь шöр вежöртасъяссö, шöр грамматическöй признакъяссö. Безлично-предикативнöй кывъяслöн синтаксическöй функцияяс дорö вöлі шыöдчöма 3 курсын синтаксис велöдігöн. Асшöра лыддьысьöмöн колö зумыдмöдны да паськöдны тайö тöдöмлунъяссö.

Студентъяслы колö зэв бура тöдны безлично-предикативнöй кывъяслысь аслыспöлöслунсö, налысь вежöртассö, грамматическöй признакъяссö, налысь артман туйяссö. Налы колö кужны видлавны татшöм кывъяссö морфология и синтаксис боксянь.

Лыддьыны улынджык вайöдöм литература, дасьтыны татшöм юалöмъяс вылö вочакывъяс:



  1. Кутшöм вежöртасъяс лöсялöны безлично-предикативнöй кывъяслы?

  2. Кутшöм кывсикасъяс подув вылын артмöны татшöм кывъясыс?

  3. Мыйöн торъялöны безлично-предикативнöй кывъясыс кывбердъясысь, эмакывъясысь, урчитанъясысь?

  4. Кутшöм синтаксическöй функция лöсялö татшöм кывъясыслы?

  5. Тіян чайтöм серти, колö-ö торйöдны найöс торъя кывсикасö?

Литература лыддьöм бöрын вöчны татшöм таблица:

безлично-предикативнöй кывъяслы лöсялысь признакъяс

кывбердъяслы лöсялысь признакъяс

1.

2.

3.



да с.в.

1.

2.

3.



да с.в.

Асшöра уджалöм вылö быть колана литература:

  1. Öнія коми кыв. Морфология / Г.В. Федюнева кипод улын. Сыктывкар, 2000.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Карманова А.Н. Öнія коми кыв. Морфология (нима кывсикасъяс). Сыктывкар, 1994.

Асшöра уджалöм вылö содтöд литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.179-180, 30-34.

  2. Лудыкова В.М. Безлично-предикативные слова в коми языке // Грамматика и лексикография коми языка. Сыктывкар, 1986. С.42-49.

  3. Современный коми язык. Ч.1. Фонетика. Морфология. Лексикология / под ред. В.И. Лыткина. Сыктывкар, 1955.


3 ЮКÖН. КЫВБЕРДЛÖН СКАЗУЕМÖЙ ФУНКЦИЯ.
1 тема. Кывбердлöн сказуемöй функция.

Студент должен тöдны сказуемöйлысь сёрникузяын тöдчанлунсö, сказуемöйлысь сикасъяс, должен тöдны кывбердöн петкöдлöм сказуемöйлысь аслыспöлöслунсö. Студент должен тöдны прöстöй да составнöй нима сказуемöй, на костысь торъялöмсö, коми кывйын прöстöй нима сказуемöй торйöдöмлысь подувъяссö. Сійö должен тöдны составнöй нима сказуемöйö пырысь кывбердлысь вежлöг формаяссö, кывбердкöд öтувъя сказуемöй артмöдысь кадакыв-связкаяссö, налысь сикасъяссö, а сідзжö составнöй да прöстöй адъективнöй сказуемöйлысь вежöртасъяссö, да подлежащöйкöд йитöдсö. Студентлы колö тöдны и сьöктöдöм прöстöй да составнöй нима сказуемöй йылысь, сьöктöданногъяссö, модальнöй вежöртаса кывбердъяс, а сідзжö и öнія кадö нима сёрникузяяс, адъективнöй сказуемöя сёрникузяяс сöвмöм-паськалöм йылысь.

Студент должен кужны аддзыны сёрникузяысь кывбердöн петкöдлöм сказуемöй, должен кужны гöгöрвоöдны сылысь сикассö (прöстöй, составнöй, сьöктöдöм), гöгöрвоöдны кадакыв-связкаыслысь сикассö (отвлеченнöй, полуотвлеченнöй, знаменательнöй), кывбердыслысь вежлöг формасö, сідзжö должен кужны гöгöрвоöдны адъективнöй сказуемöйыслысь вежöртассö.

Студент должен кужны артмöдны став сикас адъективнöй сказуемöйсö, колана ногöн вöдитчыны наöн асланыс вомгора да гижöда сёрниас.

Студент должен бура кужны торйöдны сказуемöй функцияа кывбердсö определение пыдди мунысь кывбердысь.

Быть лыддьöм вылö литература:


  1. Лудыкова В.М. Коми кывбедлöн синтаксис: Учебнöй пособие. Сыктывкар, 2003.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Лудыкова В.М. Предикативное прилагательное в коми языке. Сыктывкар, 2005.

  4. Лудыкова В.М. Кык состава сёрникузяын сказуемöй. Сыктывкар, 1996.

Содтöд лыддьöм вылö литература:

  1. Лудыкова В.М. Коми кывйын прöстöй сёрникузя. Сыктывкар, 1991.

  2. Коми язык. Энциклопедия / под ред. Г.В. Федюневой. М.: ДИК, 1998. С.431, 434-436.

  3. Лудыкова В.М. Сказуемое в коми языке. Сыктывкар, 198.


Асшöра уджалöм.

Лекцияяс вылын сетöны адъективнöй сказуемöй йылысь шöр понятиеяссö, сылысь аслыспöлöслунсö, вежöртас серти сылысь сикасъяссö, тэчас сертиыс сикасъяссö, петкöдлöны сказуемöй пыдди мунысь кывбердлысь вежлöг формаяссö, öнія кадö адъективнöй сказуемöя сёрникузяяслысь сöвмöмсö.

Студентъяслы асшöра колö велöдны кадакыв-связкаяс, кодъяскöд йитöдын кывбердыс артмöдö öтувъя сказуемöй, налысь сикасъяссö, сьöктöдöм адъективнöй сказуемöй, подлежащöйкöд йитчöм.

Асшöра лыддьысьöм бöрын студентлы колö бура тöдны кадакыв-связкаяс, налысь сикасъяссö, кутшöм вежлöг формаа кывбердъяс корöны отвлеченнöй, полуотвлеченнöй, знаменательнöй связка, а сідзжö колö тöдны, кадакывъяс кындзи, кутшöм кывъяс ещö вермасны мунны связкаяс пыддиыс. Колö тöдны адъективнöй сказуемöйлысь сьöктöданногъяссö, сьöктöдöм сказуемöйыслысь вежöртасъяссö, сёрниын бергалöмсö. Колö тöдны и адъективнöй сказуемöйлысь подлежащöйкöд координация йитöдсö.

Студент должен кужны аддзыны сёрникузяысь да видлавны адъективнöй сказуемöйяссö, кужны гöгöрвоöдны вежöртассö, связкаыслысь сикассö, сьöктöданногъяссö, должен кужны гöгöрвоöдны подлежащöйыскöд координация йитöдсö.

Тайö тема велöдöм могысь лыддьыны улынджык вайöдöм литература.

В.М. Лудыковалысь «Предикативное прилагательное в коми языке» небöг лыддьöм бöрын вочавидзны татшöм юалöмъяс вылö:


  1. Кутшöм аслыспöлöс кывъяс, кадакыв-связкаяс кындзи, паныдасьлöны кывбердкöд связкаяс пыддиыс?

  2. Кутшöм вежöртас кутö и эм + кывберд тэчаса нима сказуемöй?

  3. Кутшöм аслыспöлöс формаяс лöсялöны коми кывйын сказуемöй пыдди мунысь кывбердлы?

  4. Кыдзи позьö сьöктöдны прöстöй адъективнöй сказуемöй? Кор да кутшöм могъясöн вöдитчöны татшöм сказуемöйяснас?

  5. Кыдзи позьö сьöктöдны составнöй адъективнöй сказуемöй?

  6. Кутшöм кывбердъяс пырöмаöсь рочысь, мыйла найö пырöмаöсь коми кывъяс?

Теорияысь тöдöмлунъяс вынсьöдöм могысь корсьны да гижны Илля Васьлöн «Дзордзав жö, Коми му» небöгысь адъективнöй сказуемöйяс, татшöм ногöн (быд сикас вылö – 5):

прöстöй адъективнöй сказуемöй

составнöй адъективнöй сказуемöй

сьöктöдöм (прöстöй / составнöй) адъективнöй сказуемöй










Асшöра уджалöм вылö быть колана литература:

  1. Лудыкова В.М. Предикативное прилагательное в коми языке. Сыктывкар, 2005.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Лудыкова В.М. Коми кывбердлöн синтаксис. Сыктывкар, 2003.

  4. Лудыкова В.М. Кык состава сёрникузяын сказуемöй. Сыктывкар, 1996.

Асшöра уджалöм вылö содтöд литература:

  1. Лудыкова В.М. Коми кывйысь прöстöй сёрникузя видлалöм: Студентъяслы асшöра велöдчöм могысь методическöй индöдъяс. Сыктывкар, 2007.

  2. Современный коми язык. Ч.2. Синтаксис / под ред. Н.Н. Селькова. Сыктывкар, 1967.

  3. Лудыкова В.М. Коми кывйын прöстöй сёрникузя. Сыктывкар, 1991.


2 тема. Кывбердлöн определение функция.

Студентъяс долженöсь тöдны, мый сійö определениыс, мыйöн торъялö определениеыс сказуемöйысь, мыйöн торъялö определение пыдди мунысь кывберд сказуемöй пыдди мунысь кывбердысь. Должен тöдны адъективнöй определениелысь вежöртасъяс, вежöртас серти сикасъяссö, адъективнöй определениелысь сёрникузяын инсö, сюрöса эмакывйыскöд синтаксическöй йитöдъяссö, а сідзжö атрибутивнöй кывбердъяслысь сёрникуяын тöдчанлунсö.

Студен должен кужны сёрникузяысь аддзыны-торйöдны атрибутивнöй кывбердсö, кужны торйöдны кывберд определениесö кывберд-сказуемöйысь, гöгöрвоöдны определениеыслысь вежöртас сертиыс сикассö, сюрöса эмакывйыскöд подчинение йитöдсö, сюрöса кыв сертиыс сёрникузяын инсö.

Быть лыддьöм вылö литература:


  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.

  3. Лудыкова В.М. Определение в коми и русском языках: Методические указания для студентов финно-угорского факультета. Сыктывкар, 2002.

Содтöд лыддьöм вылö литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.319-321.

  2. Лудыкова В.М. Коми кывйысь прöстöй сёрникузя видлалöм: Студентъяслы асшöра велöдчöм могысь методическöй индöдъяс. Сыктывкар, 2007.

  3. Современный коми язык. Ч.2. Синтаксис / под ред. Н.Н. Селькова. Сыктывкар, 1967.

  4. Лудыкова В.М. Öнія коми кывлöн синтаксис. I юкöн. Кывтэчас да прöстöй сёрникузя. Сыктывкар, 1993.


Асшöра уджалöм.

Лекцияяс вылын видлалöны определениелысь признакъяс, вежöртас серти определениелысь сикасъяс, коми кывйын определениелысь аслыспöлöслунсö, адъективнöй определениелысь субстантивнöй да шöркывъя определениеысь торъялöмсö, определениелысь синтаксическöй да семантическöй йитöдъяссö, сёрнисикасъясысь аслыспöлöс подчинение йитöд (согласование). Коми кывйын определениеыс, торйöн нин кывбердöн петкöдлöм, зэв аслыспöлöс и зэв озыр, сы вöсна лекцияяс вылысь босьтöм тöдöмлунъяс колö паськöдны да сöвмöдны асшöра лыддьысьöм. Лекцияяс вылын абу вичмöдöма сёрникузяын быть колана адъективнöй определение видлалöмлы кад. Тайö темасö колö видлавны асшöра.

Асшöра уджалöм бöрын студент должен тöдны сёрникузяын кывберд определениелысь быть коланлунсö, тöдны сюрöса эмакывъяслысь лексико-семантическöй сикасъяс, кодъяс быть корöны кывберд определениесö, должен кужны торйöдны быть колана да абу быть колана определениеяс, должен кужны вöдитчыны быть колана определениеяснас.

Асшöра уджалöм вылö сетöма лыддьыны В.М. Лудыковалысь «Роль прилагательного в формировании смысла высказывания (на материале коми языка)» удж. Тайö уджнас тöдмасьöм бöрын колö вочавидзны татшöм юалöмъяс вылö:



  1. Кутшöм вежöртаса эмакывъяс корöны быть сувтöдны ас дораныс кывберд-определениеяс?

  2. Мыйла корöны эмакывъясыс определениеяссö?

  3. Вермасны-ö кывбердъясöн петкöдлöм нима сказуемöйяс да определениеяс быть корны кывбердöн жö петкöдлöм определение?

  4. Мый сетöны кывберд-определениеясыс ставнас высказываниеыслы?

Теорияысь тöдöмлунъяс зумыдмöдöм могысь корсьны да вайöдны серпаса литератураысь асланыд бöрйöм серти (любöй гижысьлысь) быть колана да абу быть колана определениеяс вылö видлöгъяс. Видлöгъяссö вайöдны таблицаö (кыкнан сикас вылас – 6 видлöгöн):

кывберд – быть колана определение

кывберд – абу быть колана определение






Асшöра уджалöм вылö быть колана литература:

  1. Лудыкова В.М. Роль прилагательного в формировании смысла высказывания (на материале коми языка). Сыктывкар, 2001.

  2. Лудыкова В.М. Коми кывбердлöн грамматика да вежöртас. Сыктывкар, 1999.

  3. Лудыкова В.М. Коми кывбердлöн синтаксис. Сыктывкар, 2003.

Асшöра уджалöм вылö содтöд литература:

  1. Лудыкова В.М. Определение в коми и русском языках: Методические указания для студентов финно-угорского факультета. Сыктывкар, 2002.

  2. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

  3. Лудыкова В.М. Об обязательном употреблении прилагательного определения в предложении коми языка // Вторая годичная сессия Ученого Совета Сыктывкарского университета: Материалы научных трудов финно-угорского факультета. Сыктывкар, 1995. С.26-29.


3 тема. Паськöдöм определение.

Студент должен тöдны паськöдöм определениелысь артмöмсö, вежöртассö, сёрникузяын сылысь тöдчанлунсö, должен тöдны, кутшöм кывсикасъяскöд пырджык артмöдöны паськöдöм определениесö качественнöй кывбердъяс, а кутшöм кывсикасъяскöд öтвыв – относительнöй кывбердъяс, студент должен тöдны паськöдöм да öтсяма определение костысь торъялöмсö.

Студент должен кужны артмöдны паськöдöм определениеяссö, кужны колана ногöн вежöртас и грамматика боксянь йитны определениеяссö öта-мöдыскöд да сюрöса эмакывйыскöд, должен кужны сувтöдны быд определение аслас инö. Студент должен кужны вöдитчыны татшöм сяма определениеöн.

Тайö темасö оз видлавны лекция вылын Сійöс ставнас петкöдöма студентъяслы асшöра велöдöм вылö.

Асшöра уджалöм бöрын студент должен кужны вочавидзны татшöм юалöмъяс вылö:


  1. Мый тайö паськöдöм определениеыс?

  2. Мыйöн паськöдöм определениеыс торъялö öтсяма определениеысь?

  3. Кымын кывйысь вермö артмыны паськöдöм определениеыс?

  4. Кутшöм кывсикасъяскöд паськöдöм определениесö артмöдö качественнöй кывберд?

  5. Кутшöм кывсикасъяскöд артмöдö паськöдöм определениесö относительнöй кывберд?

  6. Кыдзи ті чайтанныд, ёна-ö важöсь некымын кывъя определениеясыс?

  7. Кутшöм сёрни стильлы медсясö лöсялöны, тіян чайтöм серти, паськöдöм определениеясыс?

Сетöм сёрникузяясас пыртöй паськöдöм определениеяс:

1. Рытыс лöнь; 2. Видз пыр паськаліс и паськаліс; 3. Педьö вештыштіс игансö да восьтіс öдзöссö; 4. Вöр бердын трачкöдчис бипур; 5. Шондіыс вöр саяс дзурсмуні нин, кыаыс югвидзö-а; 6. Асывсяньыс тöв чорзис; 7. Кымöръяс öшйöмаöсь гöгöрбок; 8. Пуяс вöйтчисны рöмыдö. Гöгöр лои шыч ни рач; 9. Зэр мöдіс кисьтны ведраысь моз; 10. Визувтіс ю; 11. Пуксис тöв; 12. Регыд кутісны вуджны рас.

Лöсьöдöй татшöм схемаяс серти паськöдöм определениеяс да артмöдöй наöн сёрникузяяс: шöркыв + относительнöй кывберд; эмакыв + относительнöй кывберд; относительнöй кывберд + качественнöй кывберд, относительнöй кывберд + качественнöй кывберд + качественнöй кывберд; качественнöй кывберд + относительной кывберд + качественнöй кывберд; качественнöй кывберд + эмакыв.

Асшöра уджалöм вылö быть колана литература:


  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.

  3. Сидоров А.С. Порядок слов в предложении коми языка. Сыктывкар, 1953.

Асшöра уджалöм вылö содтöд литература:

  1. Лудыкова В.М. Определение в коми и русском языках: Методические указания для студентов финно-угорского факультета. Сыктывкар, 2002.

  2. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

  3. Современный коми язык. Ч.2. Синтаксис / под ред. Н.Н. Селькова. Сыктывкар, 1967.


4 тема. Кывберд предикативнöй определение.

Студент должен тöдны предикативнöй определение йылысь понятие, должен тöдны сылы лöсялана признакъяс, сылысь вежöртас, сюрöса кывъясыскöд синтаксическöй йитöдъяссö.

Студент должен кужны торйöдны предикативнöй определение содтана член определениеысь да адъективнöй сказуемöйысь, должен кужны аддзыны сёрникузяысь предикативнöй определениесö, должен кужны татшöм определениенас артмöдавны сёрникузяяс, йитны сійöс сюрöса кывъясыскöд, вомгора да гижöда сёрнианыс вöдитчыны предикативнöй определениенас.

Быть лыддьöм вылö литература:


  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.



Содтöд лыддьöм вылö литература:

  1. Лудыкова В.М. Определение в коми и русском языках: Методические указания для студентов финно-угорского факультета. Сыктывкар, 2002.

  2. Лудыкова В.М. Проблема предикативного определения в коми языке // Духовная культура Севера: итоги и перспективы исследования: Материалы конференции / Сыктывкарский госуниверситет. Сыктывкар, 2002. С.187-197.

  3. Современный коми язык. Ч.2. Синтаксис / под ред. Н.Н. Селькова. Сыктывкар, 1967.


5 тема. Кывберд торйöдöм определение функцияын.

Студент должен тöдны торйöдöм определениелы лöсялысь признакъяс, торйöдöм определениелысь сёрникузяын коланлунсö да тöдчанлунсö. Студент должен тöдны кывбердöн петкöдлöм торйöдöм определениелысь вежöртассö, сёрникузяын инсö, сюрöса кывйыскöд сылысь синтаксическöй йитöдъяссö. Студент должен тöдны торйöдöм определение пыдди мунысь кывбердлысь вежлöг да лыд серти вежласьöмсö, а сідзжö татшöм определниелысь синтаксическöй синонимъяссö.

Студент должен кужны торйöдны обособитöм (торйöдöм) определениесö обособиттöм (торйöдтöм) определениеысь да предикативнöй определениеысь, должен кужны согласование подчинение йитöдöн йитны татшöм определениесö сюрöса кывйыскöд, должен кужны прöстöй сёрникузясö сьöктöдны торйöдöм определениенас, должен кужны вöдитчыны торйöдöм определениеöн сьöктöдöм прöстöй да определительнöй придаточнöя сложноподчинённöй сёрникузяöн кыдз синтаксическöй синонимъясöн.

Быть лыддьöм вылö литература:


  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.

  3. Современный коми язык. Ч.2. Синтаксис / под ред. Н.Н. Селькова. Сыктывкар, 1967.

  4. Лудыкова В.М. Коми кывйысь прöстöй сёрникузя видлалöм: Студентъяслы асшöра велöдчöм могысь методическöй индöдъяс. Сыктывкар, 2007.

Содтöд лыддьöм вылö литература:

  1. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

  2. Коми язык. Энциклопедия / под ред. Г.В. Федюневой. М.: ДИК, 1998. С.296-299.


Асшöра уджалöм.

Асшöра уджалігöн студентъяслы колö вынсьöдны да паськöдны торйöдöм определение функцияа кывберд йылысь да ставнас торйöдöм определение йылысь лекцияяс вылын босьтöм тöдöмлунъяссö.

Студентлы колö тöдны определение торйöдöмлысь условиеяс, помкаяс, торйöдöм определение функцияын мунысь кывбердлысь вежласьöмсö, сюрöса кывйыскöд синтаксическöй йитöдсö.

Студент должен кужны вöдитчыны кывбердöн петкöдлöм торйöдöм определениеöн, гижигöн колана ногöн вöдитчыны пунктуация пасъясöн.

Асшöра уджалöм подув вылын дасьтыны «Торйöдöм определение функцияын коми кывбердлöн аслыспöлöслун» тема вылö доклад.

Асшöра уджалöм вылö быть колана литература:


  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.

  3. Лудыкова В.М. Öнія коми кывлöн синтаксис. I юкöн. Кывтэчас да прöстöй сёрникузя. Сыктывкар, 1993.



Асшöра уджалöм вылö содтöд литература:

  1. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

  2. Современный коми язык. Ч.2. Синтаксис / под ред. Н.Н. Селькова. Сыктывкар, 1967.


6 тема. Кывбердлöн синтаксическöй йитöдъяс.

Студент должен тöдны, кутшöм кывсикасъяс вермöны йитчыны кывберд дорö, кор сійö кывтэчасын мунö сюрöса кыв пыддиыс, и кутшöм кывсикасъяс дорö сійö ачыс вермö йитчыны, кор сійö лоö зависитысь кывнас. Студент должен тöдны подчинение йитöд сикасъяс и кутшöм подчинительнöй йитöдъясöн йитчöны зависитысь кывъясыс кывберд дорö, кутшöм подчинительнöй йитöдöн йитчö кывбердыс сюрöса кыв дорас. Сійö сідзи жö должен тöдны адъективнöй управление, управлениелысь сикасъяс.

Студент должен кужны видлавны адъективнöй да субстантивнöй кывтэчасъяслысь синтаксическöй йитöдъяссö, должен кужны торйöдны координация да подчинение йитöдъяс, кужны вöдитчыны управление йитöдöн, колана вежлöг формаö сувтöдны зависитысь кывъяссö.

Быть лыддьöм вылö литература:


  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.

Содтöд лыддьöм вылö литература:

  1. Коми язык. Энциклопедия / под ред. Г.В. Федюневой. М.: ДИК, 1998. С.389-390, 506.

  2. Современный коми язык. Ч.2. Синтаксис / под ред. Н.Н. Селькова. Сыктывкар, 1967.

  3. Лудыкова В.М. Öнія коми кывлöн синтаксис. I юкöн. Кывтэчас да прöстöй сёрникузя. Сыктывкар, 1993.


7 тема. Öнія кывйын кывбердлöн сöвмöм.

Студент должен тöдны öнія коми кывйын кывбердлöн сöвман туйяс йылысь, кывберд морфологияын артмысь вежсьöмъяс йылысь, сылöн синтаксическöй функцияяс паськалöм йылысь, öнія кадö нима адъективнöй тэчасъяслöн паськалöм йылысь, коми кывйын синтаксическöй йитöдъяс сöвмöм йылысь.



Студент должен кужны практическöя видлавны кывберда синтаксическöй тэчасъяс (кывтэчасъяс, сьöктöдöм прöстöй, сьöктöдöм прöстöй и сложнöй сёрникузяяс), колана ногöн вöдитчыны пунктуация пасъясöн, адъективнöй сёрникузяясöн, определениеöн паськöдöм, торйöдöм определениеöн сьöктöдöм прöстöй сёрникузяясöн, кывберд дорö йитчысь придаточнöя сложноподчинённöй сёрникузяясöн. Сійö должен кужны гöгöрвоöдны кывберд сöвман туйяссö.

Быть лыддьöм вылö литература:

  1. Лудыкова В.М. Коми кывбердлöн грамматика да вежöртас. Сыктывкар, 1999.

  2. Лудыкова В.М. Коми кывбердлöн синтаксис. Сыктывкар, 2003.

  3. Лудыкова В.М., Федюнева Г.В. Местоимение и прилагательное в грамматической системе коми и русского языков. Сыктывкар, 2003.

Содтöд лыддьöм вылö литература:

  1. Лудыкова В.М. Коми гижöд кыв история. Сыктывкар, 2007.

  2. Лудыкова В.М. Öнія коми кывлöн синтаксис. I юкöн. Кывтэчас да прöстöй сёрникузя. Сыктывкар, 1993.

«КЫВБЕРД ПРЕДИКАТИВНÖЙ ФУНКЦИЯЫН»

микрозачетысь юалöмъяс


  1. Гöгöрвоöдöй, мый сійö сказуемöйыс.

  2. Кутшöм вежлöг формаяс вермö босьтны сказуемöй пыдди мунысь кывберд?

  3. Кутшöм кадакыв-связкаяскöд артмöдö кывбердыс öтувъя составнöй сказуемöйсö?

  4. Кутшöм аслыспöлöс кывъяс мунöны связка пыдди (кадакывъяс кындзи) адъективнöй сказуемöйын?

  5. Кутшöм модальнöй вежöртасъяс вермöны петкöдлыны адъективнöй сказуемöйясыс? Кутшöм кывбердъяс вермöны петкöдлыны модальнöй вежöртасъяссö?

  6. Кыдзи координируйтчö адъективнöй сказуемöйыс подлежащöйыскöд?

  7. Кутшöм вежöртасъяс кутö кывберд-сказуемöйыс?

  8. Вежöртасъяс сертиыс адъективнöй сказуемöйяссö кутшöм сикасъяс вылö позьö торйöдны?

  9. Вермöны-ö относительнöй кывбердъяс лоны сёрникузяын сказуемöйöн?

  10. Кыдзи позьö сьöктöдны адъективнöй сказуемöйсö?

  11. Висьталöй, мый öтувтö кадакывйöн да кывбердöн петкöдлöм сказуемöйяссö? Мыйöн торъялöны кадакывъя да кывберда сказуемöйясыс?


ЗАЧЕТ КЕЖЛÖ ЮАЛÖМЪЯС


  1. Кывберд кыдзи кывсикас. Кывбердлы лöсялана признакъяс. Кывбердлöн кывсикасъяс системаын ин, мукöд кывсикасысь торъялöм.

  2. Кывбердлöн морфологическöй тэчас сертиыс сикасъяс.

  3. Кывбердлöн лексико-грамматическöй сикасъяс.

  4. Качественнöй кывбердлöн вежöртас, сылы лöсялана признакъяс.

  5. Относительнöй кывбердлöн вежöртас, сылы лöсялана признакъяс. Сылöн артмöм.

  6. Качественнöй кывбердлöн öткодялан тшупöдъяс, налöн артмöм, вежöртас.

  7. Относительнöй кывбердъяслöн öткодялан тшупöдъяс серти вежласьöм.

  8. Кывбердлöн качество тшупöдъяс. Качество тшупöдъяс петкöдлысь суффиксъяс да торъя кывъяс.

  9. Кывбердлöн эмакывйö вуджöм.

  10. Кывберд да безлично-предикативнöй кывъяс костын торъялöм.

  11. Кывбердлöн атрибутивнöй функция. Определение - кывбердлöн вежöртас, синтаксическöй йитöд, серникузяын ин.

  12. Кывберд паськöдöм определение пытшкын.

  13. Кывберд торйöдöм определение функцияын. Сылöн вежöртас, тöдчанлун, серникузяын ин.

  14. Кывберд предикативнöй определение функцияын, сылöн вежöртас, йитöдъяс, татшöм кывбердлöн вежласьöм.

  15. Серникузяын быть колана кывберд-определение.

  16. Кывберд прöстöй нима сказуемöй функцияын.

  17. Кывберд составнöй нима сказуемöй функцияын. Кывбердлöн кадакыв-связкаяс дiнö йитчöм, связкаяслöн сикасъяс.

  18. Кывбердлöн мукöд кывкöд йитчöм.

  19. Кывбердлöн сёрникузяын ин.

  20. Коми кывбердлöн вежласьöм.

ЛИТЕРАТУРА ГИЖÖДПАС



Достарыңызбен бөлісу:
  1   2   3   4




©dereksiz.org 2024
әкімшілігінің қараңыз

    Басты бет