Регламенттерін бекіту туралы «Әкімшілік рәсімдер туралы»

«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына, «Қазақстан Республикасы Бiлiм және ғылым министрлiгi, жергiлiктi атқарушы органдар көрсететiн бiлiм және ғылым саласындағы мемлекеттiк қызмет стандарттарын бекiту туралы» Қазақстан Республикасы Үкіметінің 2012 жылғы 31 тамыздағы № 1119 қаулысына сәйкес Шығыс Қазақстан облысының әкімдігі ҚАУЛЫ ЕТЕДІ:

1. Қоса беріліп отырған:

2) «Шалғайдағы ауылдық елдi мекендерде тұратын балаларды жалпы бiлiм беру ұйымдарына және үйлерiне керi тегiн тасымалдауды ұсыну үшiн құжаттар қабылдау» мемлекеттiк қызмет регламенті бекітілсін.

2. Осы қаулының орындалуын бақылау облыс әкімінің бірінші орынбасары Е.Б. Көшербаевқа жүктелсін.

3. Осы қаулы алғаш рет ресми жарияланған күнінен кейін он күнтізбелік күн өткен соң қолданысқа енгізіледі.

Шығыс Қазақстан облысы әкімдігінің

2012 жылғы «29» желтоқсандағы

№ 340 қаулысымен

бекітілген

«Шалғайдағы ауылдық елдi мекендерде тұратын балаларды

жалпы бiлiм беру ұйымдарына және үйлерiне керi

тегiн тасымалдауды ұсыну үшiн құжаттар қабылдау»

мемлекеттiк қызмет регламенті
1. Жалпы ережелер
1. Осы регламент «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабына, «Қазақстан Республикасы Бiлiм және ғылым министрлiгi, жергiлiктi атқарушы органдар көрсететiн бiлiм және ғылым саласындағы мемлекеттiк қызмет стандарттарын бекiту туралы» Қазақстан Республикасы Үкіметінің 2012 жылғы 31 тамыздағы № 1119 қаулысына сәйкес әзірленді.

2. «Шалғайдағы ауылдық елдi мекендерде тұратын балаларды жалпы бiлiм беру ұйымдарына және үйлерiне керi тегiн тасымалдауды ұсыну үшiн құжаттар қабылдау» мемлекеттiк қызметiн (бұдан әрi – мемлекеттiк қызмет) осы регламетке 1-қосымшаға сәйкес кенттiң, ауылдық, (селолық) округ әкімінің аппараты (бұдан әрi – уәкілетті орган) көрсетедi.

3. Көрсетiлетiн мемлекеттiк қызмет нысаны: автоматтандырылмаған.

4. Мемлекеттiк қызмет «Бiлiм туралы» Қазақстан Республикасының 2007 жылғы 27 шiлдедегi Заңының 6-бабының 5-тармағына және «Бiлiм беру ұйымдары желiсiнiң кепiлдiк берiлген мемлекеттiк нормативiн бекiту туралы» Қазақстан Республикасы Үкiметiнiң 2007 жылғы 21 желтоқсандағы № 1256 қаулысының 2-тармағының 2) тармақшасына сәйкес көрсетiледi.

5. Көрсетiлетiн мемлекеттiк қызметтi аяқтау нәтижесi жалпы бiлiм беретiн бiлiм беру ұйымдарына және үйлерiне тегiн тасымалдауды қамтамасыз ету туралы анықтама немесе қызмет көрсетудi ұсынудан бас тарту туралы дәлелдi жауап болып табылады.

6. Мемлекеттiк қызмет жеке тұлғаларға (бұдан әрi – мемлекеттiк қызметтi алушы) көрсетiледi.

8. Мемлекеттiк қызмет оқу жылы бойы белгiленген жұмыс кестесiне сәйкес демалыс және мереке күндерiн қоспағанда, түскi үзiлiспен сағат 9.00-ден 18.00-ге дейiн көрсетiледі.

9. Мемлекеттiк қызмет ұсыну тәртiбi туралы толық ақпарат осы регламентке 1-қосымшада көрсетiлген әкiмдiктердiң фойесiнде, сондай-ақ облыс әкiмдiктердiң, бiлiм басқармаларының интернет-ресурстарында және Қазақстан Республикасы Бiлiм және ғылым министрлiгiнiң www.edu.gov.kz сайтында орналастырылған.

10. Мемлекеттiк қызмет көрсету мерзiмi:

1) мемлекеттiк қызметтi алу үшiн жүгiнген сәттен бастап 5 жұмыс күнін құрайды;
      2) өтiнiш берушi жүгiнген күнi сол жерде көрсетiлетiн мемлекеттiк қызметтi алуға дейiн күтудiң рұқсат берiлген ең көп уақыты (тiркеу кезiнде) – 30 минуттан аспайды;

3) өтiнiш берушi жүгiнген күнi сол жерде көрсетiлетiн мемлекеттiк қызмет алушыға қызмет көрсетудiң рұқсат берiлген ең көп уақыты 30 минуттан аспайды.

11. Мемлекеттiк қызметтi алушының осы регламенттің 15- тармағында көрсетiлген құжаттарды толық тапсырмауы мемлекеттiк қызметтi ұсынудан бас тартуға негiз болады.

12. Мемлекеттік қызмет көрсету кезеңдері:

1) мемлекеттік қызметті алушы уәкілетті органға өтініш және құжаттардың толық пакетін береді;

2) уәкілетті органның әлеуметтік мәселелерге жетекшілік ететін жауапты маманы (бұдан әрі – жауапты маман) құжаттарды тіркеуді жүзеге асырады, мемлекеттік қызметті алушыға өтiнiштi алу мерзiмi мен нөмiрi, өзінің тегi, аты, әкесiнiң аты, қызметтi алу мерзiмiн көрсетумен қажетті құжаттарды қабылдап алғанына қолхат береді;

      3) жауапты маман ұсынылған құжаттардың негізінде анықтаманың немесе қызмет көрсетуден бас тарту туралы дәлелдi жауаптың жобасын әзірлейді және оларды уәкілетті органның басшылығына береді;

4) уәкілетті органның басшылығы анықтамаға немесе қызмет көрсетуден бас тарту туралы дәлелдi жауапқа қол қояды;

      5) жауапты маман тұтынушыға анықтаманы немесе қызмет көрсетуден бас тарту туралы дәлелдi жауапты береді.

13. Мемлекеттік қызмет көрсету үшін құжаттарды қабылдауды жүзеге асыратын тұлғалардың ең аз санын бір маманды құрайды.

15. Мемлекеттiк қызметтi алу үшiн мемлекеттiк қызметтi алушы мынадай құжаттарды ұсынуы қажет:

1) бiлiм алушының (тәрбиеленушiнiң) заңды өкiлiнен оның баласын жалпы бiлiм беретiн бiлiм беру ұйымдарына тегiн тасымалдаумен қамтамасыз етуге арналған осы регламентке 3-қосымшаға сәйкес өтiнiшi;

2) баланың туу туралы куәлiгiнiң немесе жеке куәлiгiнiң түпнұсқасы және көшiрмесi;

3) осы регламентке 4-қосымшаға сәйкес оқу орнынан анықтама.

Туу туралы куәлiктiң, жеке куәлiктiң түпнұсқасы көшiрмемен салыстыру үшiн берiледi және мемлекеттiк қызметтi алушыға қайтарылады.

16. Ақпараттық қауіпсіздікке қойылатын талаптар: құжаттардың сақталуын, тұтынушы құжаттарының мазмұны туралы ақпараттың қорғалуын және құпиялылығын қамтамасыз ету.

17. Мемлекеттік қызмет көрсету үдерісіне мынадай құрылымдық-функционалдық бірліктер (бұдан әрі - ҚФБ) қатысады:

1) жауапты маман (ҚФБ 1);

2) уәкілетті органның басшылығы (ҚФБ 2).

18. Әрбiр әкiмшiлiк iс-әрекеттердi (рәсiмдердi) орындау мерзiмi көрсетіліп, әрбiр ҚФБ бойынша әкiмшiлiк iс-әрекеттердiң (рәсiмдердiң) кезектiлiгi мен өзара iс-әрекеттердiң мәтiндiк кестелiк сипаттамасы осы регламенттiң 5-қосымшасында көрсетiлген.

19. Мемлекеттiк қызметтi көрсету үдерiсiндегi әкiмшiлiк iс-әрекеттердiң логикалық кезектiлiгi және ҚФБ арасындағы өзара байланысты көрсететiн схема осы регламенттiң 6-қосымшасында көрсетiлген.

20. Мемлекеттік қызмет көрсету нәтижесі болып табылатын анықтаманың үлгісі осы регламентке 7-қосымшада ұсынылған.

Анықтама беру туралы мәлiмет осы регламентке 8 қосымшаға сәйкес анықтаманы есепке алу кiтабында тiркеледi.

«Шалғайдағы ауылдық елдi

«Шалғайдағы ауылдық елдi

Тұтынушыдан құжаттардың алынғандығы

туралы қолхаттың үлгiсi
Кент, ауыл (село), ауылдық (селолық) округ әкiмінің аппараты
_____________________________________________________________________
            (елдi мекеннiң, ауданның, облыстың атауы)
Құжаттарды қабылдау жөнiндегi № ______ қолхат
________________________ дан төмендегi құжаттар алынды:
1. Өтiнiш
2. Туу туралы куәлiктiң (жеке куәлiктiң) көшiрмесi
№ ________ __________ кiм бердi ____________________________
3. Оқу орнынан анықтама.

Әкiмдiктiң қабылдаған маманы _____________ (қолы) "__" _____________ 20__ ж.