Сабақ жоспары Сабақ тақырыбы: Математикалық мазмұндағы дамытушы ойындар Модуль /пән атауы: км 04
жүктеу/скачать 27.8 Kb.
|
- Бұл бет үшін навигация:
- Дайындаған педагог
- 2. Мақсаты
- 2.1. Күтілетін нәтиже
- 3. Қажетті ресурстар
- Ұйымдастыру кезеңі
- Бағалау критерийлері: «Бас бармақ» әдісі Көңіл-күй симфониясы «Жұптасып сурет сал» әдісі Мектеп жасына дейінгі балалардың дидактикалық ойындары
|
«Бекітемін» Директордың оқу ісі жөніндегі орынбасары ___________Жумагулова А.Б «____»____________2023 ж. «Бейнеу гуманитарлық-экономикалық колледжі» МКҚК Сабақ жоспары Сабақ тақырыбы: Математикалық мазмұндағы дамытушы ойындар Модуль /пән атауы: КМ 04.Оқу ақпаратын тарату, өздігінен білім іздеуге үйрету Дайындаған педагог: Махмутова А.Б Күні:«__» _______ 2023 ж. 1.Жалпы мәліметтер: Курс, топ: МБ-20 Сабақтың типі: Жаңа білімді меңгеру сабағы 2. Мақсаты: Математикалық мазмұндағы дамытушы ойындар таныстыру әдістемесі Міндеттері: а) Математикалық мазмұндағы дамытушы ойындар әдістерін талдау, мысалдар арқылы көрсету; ә) студентердің есте сақтау қабілеттерін, салыстыру және талдау, тақырыптан ең бастысын бөліп ала білу қабылеттерін дамыту; б) алғырлыққа, тапқырлыққа тәрбиелеу. 2.1. Күтілетін нәтиже: студенттер білу керек: Математикалық мазмұндағы дамытушы ойындар әдістерін талдауды; студенттер игеру керек: ойын арқылы түсіндіру әдістерін; студенттер меңгеру керек: мезгілдерді айырып білуді жаттықтыру әдісін. 3. Қажетті ресурстар: лед панель, интерактивті тақта 4.Әдіс-тәсілдер: сөздік, көрнекілік, кітаппен жұмыс, тәжірибелік, ақпараттық технологиялар 5. Сабақтың барысы: Ұйымдастыру кезеңі. Сабақтың мақсат-міндеттерімен, сабақ барысында орындалатын тапсырмалар мен бағалау критерийлерімен таныстыру. Бағалау критерийлері: 50-69 ұпай «3» 70-90 ұпай «4» 90 ұпайдан жоғары «5» Бағалау критерийлері: «Бас бармақ» әдісі Көңіл-күй симфониясы «Жұптасып сурет сал» әдісі Мектеп жасына дейінгі балалардың дидактикалық ойындары Ойын - бала өміріндегі тәрбиенің шешуші шарты. Бала өзін қоршаған ортаны, өмір сүріп отырған айналасындағы құбылыстар мен заттарды ойын арқылы түсініп ұғынады. Белгілі психолог Е. А. Аркиннің пайымдауынша, ойын және ойыншық балалар өмірін сипаттайтын бірден - бір жалпы ұғым: «Балақай өсімдік сияқты өз ішінен өсіп жетіледі. Және бұл үрдіс қатал түрде әр жеке баланың өзіне ғана тән. Бала тіршілігінің негізгі заңдарының бірі осындай». Кезінде К. Д. Ушинский, В. А. Сухомлинскийлер балабақша тәрбиеленушісі – балалық үшін оларды тәрбиелейтіндей орта туғызу, жағдай жасау керектігін атап көрсеткен болатын. Оқу мен тәрбиеге байланысты жұмыстарды үйлестіруде іздестіру барысында С. Т. Шацкий қазірге дейін маңызын жоймаған мынадай пікір айтқан еді: «Біздің қолымызда күш пен қаржы болғандықтан, біз тек арнаулы мектеп ғимараттарындағы емес, одан тыс жерлердегі педагогикалық үрдістерді зерттеуіміз керек». «Балалардың ойын әрекетін ұйымдастыруды қалай жақсартуға болады? Бұл мәселе педагогикалық үрдісте қандай орын алады?» деген сұрақтарына жауап іздеп көрелік. Ойын әрекеті балалардың бағалы өмірінің алғашқы күнінен бастап – ақ маңызды орын алады. Алайда жақсы, дұрыс ұйымдастырылған ойын ғана тиісті, қалағаныңдай нәтиже бере алады. Ойын мектепке дейінгі тәрбиешілердің бірден - бір көмекшісі болуы керек деген. Дидактика - термині гректің «дидактос», яғни үйрететін деген сөзден шыққан. Дидактикалық құралдар оқу міндеттеріне сай арнайы әзірленеді. К. Д. Ушинский мектеп жасына дейінгі балалардың ерекшеліктерін ескерсе, былай деп жазады: «Бала табиғатты көрнекілікті аса қажетсінеді. Балаға өзіне белгісіз бес сөзді жалаң үйрете бастасаңыз, көп уақытты зая кетіріп, босқа қиналасыз. Ал енді жиырма сөзді суреттермен байланыстыра үйретсеңіз, бала оны лезде қағып алады. Сіз балаға қарапайым ғана ойыңызды қанша түсіндірсеңіз де, оңай ұға қоймайды. Дәл сол ойды күрделі суреттер көрсете баяндасаңыз, ол сізді тез түсінеді». Дидактикалық ойын – оның аты айтып тұрғандай, баланың ақыл - ойын дамытып, таным түсініктерді ажыратудағы әдістердің бірі. Ойын арқылы оқыту – мектеп жасына дейінгі кезеңнің, негізгі ерекшелігі. Білімді меңгеру және оны бекіту үшін, дағды мен әдет қалыптастыруда балаға қайталау және жаттығу қажет. Егер баланың ойлауы образды, эмоциялық әсерде болса, ол соғұрлым жақсы нәтиже береді, сондай - ақ білім қызғылықты әрекетпен байланысты болса, баланың іс - әрекетімен іштей қабысып жатса, ондай білімді бала дұрыс меңгереді. Бала әрбір затты ұстап, дәмін татып, сан рет байқап көреді. Балабақшада бала психикасының дамуына ойын әрекеті шешуші рөл атқаратындығы туралы белгілі ғалымдар (Ж. Аймауытұлы, М. Жұмабаев, Ш. Құдайбердіұлы, С. Торайғыров, Т. Тәжібаев т. б) өз еңбектерінде айтып кеткен. Педагогикалық үрдісті жетілдіруде ойынның алар орны жөнінде қазақстандық ғалым Н. Құлжанова да зерттеген. Ойын бала үшін еліктеу, инстинкт күнделікті негізгі іс - әрекет және өмірі деп дәлелдеген. Н. Құлжанованың айтуы бойынша ойынды әдептілік, тәрбиелік мақсатқа пайдалану – болашақ өміріне түзу жол салу, үлкендерге еліктеу және өмірдің талаптарына сай бейімдеу деп түсіндірген. Баланың тәрбиесіндегі мектепке дейінгі мекемелердің, әсіресе дидактикалық ойындар арқылы баланың математикалық қабілеттерін оятудың әсерін Ресей ғалымдары Т. В. Лодкина, А. И. Захаров, В. С. Мухина, А. М. Леушина, Е. И. Щербакова, Е. О. Смирновалар атап көрсеткен. Дидактикалық ойындардың ықпалын баланың сезініп, түйсінуі және сөз түрінде бейнелеуінің маңызын А. В. Запорожец, А. Д. Кошелева және т. б. белгілеген. Бір нәрсе жасауға тырысу, бірге ойнау, бір нәрсемен шұғылдану, ортақ мақсат қою және оны жүзеге асыру ісіне өздері қатысуға талпыныс пайда болады. Мұның бәрі де баланың жеке басының қоғамдық бағытын анықтайды, оның өмірге белсенді ұстанымын бірте - бірте қалыптастырады. Дидактикалық ойын баланың қоршаған дүние туралы түсінігін кеңейтіп және оны бекітіп нақтылай түседі. Бала бақылау, оқыған кітап, естіген ертегі арқылы айналасын таниды. Олардың түсінігі алғашқы кезде айқын болмайды. Тәрбиеші баланың түсінігін дидактикалық ойындар арқылы нақтылап, дамытып саналы түрде түсінуін өрістетеді. Мысалы, бір заттың түсін атаңдар? Бояудың қандай түрін білесіңдер? Үй жануарларының үшеуін атаңдар. Бала дидактикалық ойын арқылы әр затқа байланысты жаңа білімді меңгеріп, түсінігін тиянақтайды. Әрбір дидактикалық ойын ойлай білуге баулып, сөздік қорын өсіреді, ақыл - ой қызметін қалыптастырады. Дидактикалық ойын адамгершілікке тәрбиелеудің құралы болып табылады. Дидактикалық ойынмен ұйымдастырылған сабақ балаларға көңілді жеңіл келеді. Сондықтан дидактикалық ойынды іріктеп алуға нақтылы сабақтың мақсаты, мүмкіндіктері мен жағдайларын ескертуге ерекше назар аударған жөн. Дидактикалық ойын – балалар үшін оқу да, еңбек те. Ойын - айналадағы дүниені танудың тәсілі. Ол балаларға өмірде кездескен қиыншылықтарды жеңу жолын үйретіп қана қоймай, ұйымдастырушылық қабілетін қалыптастырады. Педагогикада дидактикалық ойындарға былай анықтама беріледі: дидактикалық ойындар дегеніміз – балаларға белгілі – бір білім беріп, іскерлік пен дағдыны қалыптастыру мақсатын көздейтін іс - әрекет. Дидактикалық ойындардың мақсаты: 1. Бағдарламада анықталған білім, білік және дағдылар жайында түсінік беру; 2. Бағдарламада анықталған білім, білік және дағдыларды қалыптастыру; 3. Бағдарламада анықталған білім, білік және дағдыларды тиянақтау және бекіту; 4. Бағдарламада анықталған білім, білік және дағдыларды қайталау және пысықтау; 5. Бағдарламада анықталған білім, білік және дағдыларды тексеру. Дидактикалық ойынның міндеті: 1. Баланың қызығушылығын туғызу; 2. Баланың белсенділігін арттыру. Балабақшадағы тәрбиелеу - оқыту жұмысында балалардың тілін дамыту, сөздік қорларын дамыту, ауызша сөйлеуге үйрете отырып, үйренген сөздерін күнделікті өмірде еркін қолдану, әрі оны күнделікті іс - әрекет кезіндегі тілдік қарым - қатынаста қолдана білуге жаттықтыру ісіне ерекше мән берілген. жүктеу/скачать 27.8 Kb. Достарыңызбен бөлісу:
|