Сабақтың тақырыбы: «Менің атым Қожа»

№ 114 орта мектептің қазақ тілі мен әдебиеті пәні мұғалімі.

Қызылорда облысы, Жалағаш ауданы, Қаракеткен ауылы

Сабақтың тақырыбы: «Менің атым – Қожа» повесіндегі Қожаның бейнесі

Сабақ мақсаты: Білімділік – повест бойынша оқушылардың білімін тиянақтау, шығармашылық жұмыс арқылы оқушының ой-өрісі мен дүниетанымын кеңейту. Қожа бейнесіне талдау жасап, өз қарасын жүйелі талдауға үйрету. Дамытушылық - оқушы қабылдауы мен ойлау аралығын зерттей отырып, ой қорытқызу және жаңа ұғымды өзі іздеп табуға бағыттау, білім –дағдыларын арттыру. Тәрбиелік – қарсылыққа құрметпен қарап, ұстамдылыққа, таза жүректілікке, адалдыққа, балалықтың бал дәуренін түсіне білуге, сөйлеу әдебін меңгертіп, мәдениеттілікке тәрбиелеу. Түрі: жинақтау, қорытындылау. Әдіс –тәсілі: ойтолғау, талдау, сұрақ-жауап, оқыта-үйрету тәсілі, сын тұрғысынан ойлау. Сабақ көрнекілігі: Интерактивті тақта, электронды оқулық, үлестірмелі тапсырмалар, «Менің атым – Қожа» фильмінен үзінді, Венн диаграммасы, ұпай сандар. Сабақ барысы: Ұйымдастыру. Оқушылармен амандасу, түгелдеу, зейінін сабаққа аудару. Сыныпты топқа бөлу. Психологиялық дайындық. Сабақтың нәтижесі: өз өміріне, қоршаған ортаға сын көзбен қарауға, өзгенің пікірімен санасуға үйретеді, өз пікірін қорғай, дәлелдей алады; әр түрлі шығармашылық жұмыстарға, топпен жұмыс істеуге дағдыланады. І Үй тапсырмасын пысықтау: 1. Интерактивті тақтадан жазушының суреті мен шығармашылық жолдарын кестелер арқылы көрсету. 2. Сұрақ – жауап: (сызба-кесте түрінде)

Бердібек Соқпақбаев кім?

(балалар жазушысы, қаламгер, дарын иесі, қазақ әдебиетінде өзіндік орны бар)

Шығармашылығы

(«Менің атым- Қожа», «Аяжан» , «Қайдасың Гауһар», «Балалық шаққа саяхат»)

3. Ой шақыру: «Бәйге» ойыны. (Интерактивті тақтамен жұмыс)

10	20	30
40	50	60
70	80	90

ІІ. Жаңа сабақ

• 
  Б. Соқпақбаев – қазақ балалар жазушысы. «Қазақфильм» студиясында «Менің атым - Қожа» повесі бойынша фильм түсірілді. Оның сценарийі бойынша 1967 жылы қойылған «Менің атым - Қожа» фильмі Францияның Канн қаласында жасөспірімдерге арналған халықаралық кинофестивалінің жүлдесіне ие болды. 1. Қызығушылықты ояту сатысы.
  

Ой қозғау. (кестені толтыру) - әр топтың жауабы тыңдалады.

1- топ: «Бір сәтті кез» 2-топ : «Ағаттықтың азабы» 3-топ: «Түбі адам болатын бала»

Оқушылар өз тараулары бойынша (әр топтан бір оқушы) қысқаша мазмұнын айтады.

3. Топтастыру стратегиясы: Үлестірмелі тапсырма қағазбен жұмыс .

• 
  Қожа қандай бала ?
  

(Қожа – алғыр, пысық, ақылды сотқар, тентек, мейірімді, әділетті, әзілқой, тапқыр, қателіктерін терең түсіне білетін зерек бала). Мұғалім: - Қожаның қандай бала екенін білдік. Енді сендер өздеріңнің қандай бала екендіктерің туралы «Мен қандаймын» деген сұраққа жауап беріңдер. (әр топтан бір оқушының жауабын тыңдау) /Мысалы: шыншылмын, еңбекқормын, әділмін, ашуланшақпын, мейрімдімін, ержүрекпін т.б. /

4. Криптограмма шешу.

15 20 10 1 15 27 22 12 42 14 8 19 8 24 21 25 14 38 11 7 38

Шешімі: «Қожа құпия кеңес өткізді» Осы сөйлемдер бойынша сұрақтар қойылады: 1. Қожаның қателіктерін түзетуіне мүмкіндіктері бар ма? 2. Қожаның өз мінез-құлқы жайында ойлауына не мәжбүр етті? (оқушылар жауабын тыңдау)

Мұғалім: - Шығарманың бас кейіпкері Қожа мінезінің қалыптасуына өскен ортаның, отбасының, мектептің игі әсері болды. Сұрақ: Қожаның сотқар болуы мен әдепті жолға түсуіне не себеп болды? (оқушы жауап бере алмаса, мұғалім түсінік беру керек)

Қожаның сотқар болуына себепкер нәрселері: Әжесінің еркелетуі, әкесін сағыну, зеректігі, өзінің менмендігі, анасының жұмысбастылығы. Қожаның әдепті жолға түсуіне себепкер нәрселер: анасын аялауы, Сәйбек қарт, Оспанов ағайының айтқан естеліктері, Майқанованың педкеңестен шығып бара жатып айқан сөзі.

ІІІ «Ой шақыру» әдісімен бас кейіпкер бейнесін ашу. 1. Мағынаны тану. Интерактивті тақтамен жұмыс.

/Оқушыларға «Менің атым – Қожа» фильмінен криптограмманың шешуі болған сөйлемнен, яғни, Қожаның құпия кеңес өткізген жерінен үзінді көрсетіледі./ а) «Егер де мен Қожаның орнында болсам» деген тақырыпта ойтолғау жазу. (әр топтан бір оқушы ойтолғауын оқиды) ә) Ойтолғаныс «Дыбыстар сөйлейді» стратегиясы .

Қ – О – Ж – А –

б) «Венн диаграммасын» шешу. Қожаның жақсы қасиеті Ұқсастық Қожаның нашар қасиеті

1. 
   Кітап сатып алуға баруы 1. Мінез құлқы 1. Жантаспен келіспеуі
   
2. 
   Өз-өзіне есеп беру 2. Қоршаған орта 2. Майқановаға жасаған іс әрекеті
   
3. 
   Анасына жанашыр 3. Сұлтанға еріп кетуі
   

«Адам болу - парыз. Сол жолда жеңіп шығу- ерлік» І топ. Сұлтанға еріп «бұзық бала» атануына көзқарасыңыз? (бұндай балалар бүгінде арамыздан кездесе ме?) Егер Қожаның орнында сендер болсаңдар, қандай әрекет істер едіңдер?

ІІ топ . Қожаның оқулық сатып алудағы кезекші мұғалім Майқановаға өтірік айтуы дұрыс па? Сендер не істер едіңдер?

ІІІ топ. Майқановамен ерегісуі, жолдама жөніндегі тілегін орындалмағаны үшін кінәлауына қалай қарайсың? (оқушылардың өз пікірі)

V Сабақты бекіту: сұрақ – жауап

а) Топпен жұмыс: (әр топ мүшелері берілген сұрақтар бойынша ақылдасып, араларынан жетекші оқушы жауап береді) №1 Өздеріңе қандай есімдер ұнайды? Ат қою туралы қандай озық дәстүрді білесіңдер? №2 Қожа балалықтың бал дәуренінде түрлі оқиғаларды басынан өткізді, сенің де сондай қызықты оқиғаларың болды ма?

№3 Қазіргі таңда Қожа сияқты қазақтың қара домалақ баласын кездестіруге бола ма? ә) Интерактивті тақтамен жұмыс. (Қожаның қандай тұжырымға келіп , қаулы қабылдағанын оқушыларға тақтадан оқыту).

VI Үйге тапсырма беру.

«Балалық шақ» тақырыбына ойтолғау жазу.

VII Бағалау