- параграф. Технологиялық үрдісті бақылау және

олардың реттелген мәнін ұстау үшін технологиялық үрдістің көрсеткіштеріне және режимді басқаруға тұрақты бақылау жасалуын;

негізгі технологиялық көрсеткіштердің, соның ішінде үрдісті жүргізу қауіпсіздігін анықтайтын, нақты уақыттағы ауытқушылықтарын тіркеуді және дабыл беруді;

АҚҚ құралдарының нақты уақыттағы іске қосылуын тіркеуді және дабыл беруді;

осы Талаптардың 5 - тарауының 4 - параграфына сәйкес, объект шеңберінде қоршаған ауаның жағдайын тұрақты бақылауды, ауытқушылықтарды тіркеуді және дабыл беруді;

қауіпті жағдайлардың дамуын тоқтататын басқару және АҚҚ құралдарының әрекетін;

апатсыз іске қосуды, өшіруді, және осы үшін барлық қажетті қосуларды басқаруды қамтамасыз етеді.

155. Есептеу техникасы құралдары негізінде технологиялық үрдісті басқарудың автоматтандырылған жүйесі (ТҮ БАЖ) осы Талаптардың 154 тармағында көрсетілген функциялардың орындалуын, сондай-ақ:

АҚҚ құралдарының іске қосылуын тіркеу және жұмысқа қабілетті жағдайына бақылау жасауды;

көрсеткіштердің шекті мән жағына өзгеруін тұрақты талдау және мүмкін болатын апаттарды болжауды;

апаттық жағдайды жою құралдарының әрекетін, тиімді басқару әсерлерін таңдау және жүзеге асыруды;

объектідегі қауіпсіздік жағдайы туралы ақпаратты жоғары тұрған бақылау жүйесіне беруді қамтамасыз етеді.

156. Басқару бөлмелерінде оның жарылу қауіптілігін анықтайтын, үрдістің шекті мәніне жеткен кезде іске қосылатын, жарық және дыбыстық дабыл белгісі қарастырылады.

3 - параграф. Аварияға қарсы автоматты қорғаныс жүйесі
157. Апатқа қарсы автоматтандырылған қорғаныс жүйесінің сенімділігі мен іске қосылу уақыты жобаның технологиялық бөлігінің талаптары ескеріле отырып, АҚҚ жүйесін жасаушымен анықталады. Сонымен қатар, объектіге кіретін технологиялық блоктың жарылуға қауіпті санаты және мүмкін болатын апаттың даму уақыты ескеріледі.

Қорғаныс жүйесінің іске қосылу уақыты үрдістің қауіпті дамуын жоққа шығарады.

АҚҚ жүйесінде үрдістің жарылуға қауіптілігін анықтайтын, көрсеткіштерді бақылаудың көп нүктелі құралдары қолданылмайды.

158. Технологиялық объектілердің және оның элементтерінің АҚҚ жүйесін таңдау қорғалатын объектінің барлық жөндеу аралық жүрісі кезінде пайдалану, қызмет көрсету және жөндеу бойынша талаптарды орындау кезінде оның жұмысын қамтамасыз ету шарттарына байланысты жүзеге асырылады.

Басқару жүйесінің жұмысын бұзу АҚҚ жүйесінің жұмысына әсер етпейді.

159. АҚҚ және технологиялық үрдістерді басқару жүйелерінде технологиялық үрдістің реттелетін көрсеткіштерінің бұзылуы, соның ішінде электр қорегінің қор немесе апаттық көзіне ауысқан жағдайда кенеттен және қысқа уақыттық іске қосылуы болмайды. Кенеттен және қысқа уақыттық іске қосылуды сәйкестендіру АҚҚ жүйелерін бақылау және басқарудың шағын үрдістік құралдары бағдарламаларының алгоритмімен анықталады.

160. Электр энергиясы өшірілген, бақылау және басқару жүйесін, АҚҚ жүйесін қоректендіру үшін қысылған ауаның қысымы 0,2 МПа (2 кгс/см²) төмендеген жағдайда, технологиялық объектінің қауіпсіз жағдайын қамтамасыз ету бойынша шаралар қарастырылады.

АҚҚ іске қосылғаннан кейін технологиялық объектіні жұмыс қалпына әкелу қызмет көрсетуші персоналмен технологиялық регламентке сәйкес жүзеге асырылады.

АҚҚ жүйелерінің іске қосылу қондырғыларының мәні жобада және технологиялық регламентте көрсетіледі.

161. Барлық санатты, жарылуға қауіпті технологиялық блоктары бар объектілердің жобалау құжаттамасында, технологиялық регламентте қауіпті көрсеткіштер бойынша қорғаныс белгілерімен қатар, көрсеткіштердің шекті мәнінің шекарасы көрсетіледі (ескертуден бастап шекті рұқсат етілгенге дейін).

162. Қорғаныс жүйесінің қондырғысының мәні өлшеу құралдарының белгі бергіш құрылғыларының іске қосылуын, көрсеткіштердің және технологиялық блоктың жарылуға қауіпті санатының өзгеруінің мүмкін болатын жылдамдығы ескеріле отырып анықталады. Сонымен қатар, қорғаныс жүйесінің іске қосылу уақыты көрсеткіштің ескертуден шекті рұқсат етілген мөлшерге дейін ауысу уақытынан аз.

163. Кез келген санатты, жарылуға қауіпті технологиялық блоктары бар объектілер үшін объектілердің жарылуға қауіптілігін анықтайтын, көрсеткіштердің ескерту мәні бойынша апат алдындағы белгі бергіш қарастырылады.

164. Еріткіш және мисцелла бар сыйымдылық аппаратурасы деңгейін өлшеу және белгі бергіш құраларымен жабдықталады. Шекті жоғары деңгейіне белгі беру екі деңгей өлшегіштен (белгі бергіштен) басталады.

АҚҚ жүйелерінің атқару механизмдері, шеткі жағын көрсеткіштерден басқалары, тікелей осы механизмдерде басқару бөлмесінде шекті жағдайды өлшеуге рұқсат беретін құрылғылармен жабдықталады.

165. Тез тұтанатын және жанатын сұйықтардың қысымын ұлғайтуға қолданылатын сорғылар (өсімдік және минералды май, мисцелла, еріткіш):

«құрғақ» кезде сорғының іске қосылуын және жұмысын болдырмайтын немесе сорғының қысымды айдайтын түтігінде айналатын сұйықтың қысымы регламентпен немесе куәліктегі мәліметте бекітілген мөлшерден төмен болғанда немесе қабылдау және тарату ыдыстарындағы оның деңгейі шекті рұқсат етілген мөлшерден ауытқу жағдайларында өшірілетін одақтасумен (сәйкесінше жоғары және төмен деңгейлер);

қауіпсіздікке әсер ететін жұмыс көрсеткіштерінің бұзылғандығы туралы ескерту құралдарымен;

оңай қол жетімді орындарда орналасқан, жергілікті және қашықтықтан басқару құралдарымен жабдықталады.

166. Жарылыс қауіптілігі ІІІ санатты технологиялық блоктары бар объектілерде, шекті мәні бар көрсеткіштердің сенімділігін қамтамасыз ету бойынша техникалық шешімдер жоба жасаушымен жасалады және негізделеді.

Технологиялық жабдық пен сорғылардың одақтасу жүйелерінің іске қосылу тәртібі:

регламентте және (немесе) жобада ұсынылған одақтасу сызбасымен;

технологиялық қондырғының апатқа қарсы қорғанысы жүйесінің іске қосылу бағдарламасымен (алгоритімен) анықталады.

167. Майды сығу өндірісінің АҚҚ сызбаларында блоктау кілттерін орнату тек іске қосу, тоқтату және ауыстырып қосуды қамтамасыз ету үшін ғана жол беріледі. Осындай кілттердің саны санаулы. АҚҚ сызбалары қорғаныс көрсеткіштерін өшіру саны мен ұзақтығын реттейтін құрылғылармен жабдықталады.

168. Экстракторлар бақылау, тиеу құрылғысындағы және түсіру бункеріндегі сығылатын материал деңгейіне белгі бергіш (айналмалы экстракторлар үшін) құралдарымен және одақтасумен жабдықталады. Олар:

экстрактордың тиеу бункерінде сығылатын материал деңгейі шекті рұқсат етілген белгіге төмендеген жағдайда экстрактордың тоқтатылуын;

тиеу бункерінде материалдың деңгейі шекті рұқсат етілген мөлшерге дейін көтерілген жағдайда материал беретін конвейердің тоқтатылуын;

айналмалы экстракторлардың түсіру бункерінде шрот деңгейі шекті рұқсат етілген мөлшерге дейін төмендеген жағдайда білікті түсіру конвейерінің тоқтатылуын;

түсіру бункерінде шроттың деңгейі шекті рұқсат етілген белгіге дейін көтерілген жағдайда экстрактордың тоқтатылуын қамтамасыз етеді.

Сонымен қатар, айналмалы типті экстракторлар тиеу бункерінің жоғары нүктесінде будың шоғырлануы жоғарылаған жағдайда күйлеуде пневмо сырма қақпақтың жабылуын қамтамасыз ететін одақтасумен жабдықталады.

Экстрактор түріне, сығылатын материал түріне және нақты жағдайларға байланысты сығылатын материалдың шекті рұқсат етілген жоғары және төмен деңгейлері жобамен және технологиялық регламентпен анықталады.

169. Сығу жабдығы:

коллекторлардағы бу температурасының және қысымның төмендеуі;

айналма жүйесінде су қысымының төмендеуі;

АҚҚ жүйелерінің бақылау және басқару жүйелерін қоректендіру үшін қысылған ауа қысымы 0,2 МПа (2 кгс/см²) төмен төмендегенде;

жалынның таралу шегінің төменгі шоғырлануынан цехтың ауасындағы еріткіштер буының 50 % дейін жоғарылаған кезде тоқталуын қамтамасыз ететін, үзіліссіз бақылау, тіркеу, белгі беру және одақтасу құрылғыларымен жабдықталады.

Сығу қондырғысы үшін келесі көрсеткіштер бойынша ескертетін белгі бергіштер қарастырылады:

будың температурасының жоғарылауы;

майлы абсорбция жүйесінің конденсаторында ыдыраудың төмендеуі;

мисцелланың апаттық ыдысы көлемінің 50 % толтырылған жағдайда;

айналмалы су температурасының жоғарылауы.

170. Көп сатылы суландыру экстракторында, төмендеген жағдайда белгі беру арқылы, ыдырауды үздіксіз бақылау және тіркеу құралдары орнатылады.

171. Осы Талаптардың 168, 169 тармақтарында көрсетілген көрсеткіштердің шекті рұқсат етілген мөлшері технологиялық регламентте көрсетіледі.

172. Еріткіштер мен мисцелланың жылытқыштары қыздырылатын өнімнің температурасын бақылау, реттеу және белгі беру құралдарымен жабдықталады.

173. Күбілі буландырғыш (тостер) тостерден шыға берісте және соңғы күбіден төмен емес, төртінші күбіде шрот температурасын бақылау, белгі беру және тіркеу құрылғыларымен жабдықталады.

Төртінші күбіде температура 85-80 °С дейін төмендеген жағдайда тостердің немесе тостердің білікті түсіру конвейерінің электр желісі және еріткіштердің сорғыларын қоса алғанда, барлық байланысты көлік элементтері өшіріледі.

174. Ажыратқыштар мисцелла температурасын саты бойынша автоматты реттеу және бақылау, мисцелла деңгейін және ыдырауын бақылау, ыдыраудың технологиялық регламентте көрсетілетін, шекті рұқсат етілген мөлшерден ауытқуы кезінде белгі бергіш құралдарымен жабдықталады.

175. Сығу цехының ағынды суларды қайта өңдеу жүйесінде:

қожды буландырғышта (рекуператорда) судың температурасын бақылау, автоматты реттеу және белгі беру құралдары;

шекті рұқсат етілген мөлшерге жеткен кезде еріткішті айдау үшін сорғыны автоматты қосу немесе белгі беру арқылы бензин ұстағыштағы еріткіш деңгейін бақылау құралдары қарастырылады.

4 - параграф. Газды талдаудың автоматты құралдары
176. Өндірістік бөлмелерде, ашық сыртқы қондырғыларда жалынның таралуының төменгі шоғырлану шегінен 20 % артық емес, жарылуға қауіпті су газды негіздің шекті рұқсат етілген шоғырлануы кезінде белгі бере отырып, автоматтандырылған газды талдау құралдары қарастырылады.

177. Талдауыштардың тетіктерін немесе сынама алатын құрылғыларын орналастыру орындары осы талаптардың 18 тармағына сәйкес жобамен анықталады.

Айналма типті экстракторлар үшін қос еріткішке қосымша екі тетік орнатылады:

іске қосылуы 5 г/м³; 5...10 г/м³; 10 г/м³ болатын орнатқышпен, тиеу бункерінде;

іске қосылуы 3 г/м³; 3...4 г/м³; 4 г/м³ болатын орнатқышпен, шроттың білікті түсіру конвейерінде.
5 - параграф. Бақылау, басқару және АҚҚ жүйесін энергетикалық қамтамасыз ету
178. Бақылау, басқару және АҚҚ-нің пневматикалық жүйелері үшін жеке қондырғылар және қысылған ауаның жеке торлары қарастырылады.

179. Әуе компрессорлары, БӨҚжА және АҚҚ жүйелеріне арналған ауа шаңнан, майдан, дымнан тазартылады.

Қысылған ауаның сапасы ластанудың І санатынан төмен емес.

180. Басқару және АҚҚ жүйелерін қысылған ауамен қамтамасыз ету жүйелері компрессорлар тоқтаған жағдайда объектінің қауіпсіз тоқтатылуына жеткілікті мерзімде бақылау, басқару және АҚҚ жүйелерін ауамен қоректендіруді қамтамасыз ететін буферлі ыдыстармен (реципиенттермен) жабдықталады, ол есеппен нақтыланады, алайда 1 сағаттан кем болмауы керек. Осы жүйелерге арналған қысылған ауа басқа мақсаттарға қолданылмайды.

181. Цехқа кіретін жерде қысылған ауаның ластануын талдау үшін сынама алу құрылғылары қарастырылады. Талдау жүргізу кезеңдігі ұйымның техникалық басшысымен анықталады.

182. Технологиялық объектіні басқару және ауаны қарау қондырғылары буферлі ыдыстарға (реципиенттерге) дейінгі қысылған ауаның қысымы төмендеген жағдайда іске қосылатын, жарық және дыбыстық белгі бергіштермен жабдықталады.

183. Инертті газ БӨҚжА жүйелерін қоректендіру үшін қолданылмайды.

6 - параграф. Бақылау, басқару және АҚҚ жүйесін метрологиялық қамтамасыз ету
184. Бақылау, басқару және АҚҚ жүйесіне кіретін өлшеу құралдары мемлекеттік сынақтан және тексеруден өтеді.

Ақпараттық-өлшеу құралдары (АӨҚ) нормативтік техникалық құжаттамаға сәйкес метрологиялық аттестациядан және тексеруден өтеді.

185. Газдар мен сұйықтың құрамын талдағыштар, егер олар талдау нәтижелеріне әсер ететін болса, сынаманы дайындау және алу құрылғыларымен бірге метрологиялық аттестацияға және тексеруге жатады.

Газды талдау құралдары аттестацияланған тексеретін газ қоспаларымен қамтамасыз етіледі.

187. Басқару бөлмелері және талдау жүргізу бөлмелері жеке тұрған ғимаратта орындалады және жарылуға қауіпті аймақтан тыс орналасады.

Жобамен сәйкесінше негізделген жағдайда оларды жарылуға қауіпті аймақтары бар ғимараттарға жалғауға болады. Ол кезде:

жарылу өртенуге қауіпті бөлмелердің, химиялық белсенді және зиянды ортасы бар бөлмелердің, ағымды және соратын желдету камераларының, дымқыл үрдістері бар бөлмелердің үстінде (немесе астында) орналастыруға;

оларда технологиялық үрдісті басқару жүйесімен байланысты емес, жабдықтарды және басқа құрылғыларды орналастыруға;

басқару бөлмелері арқылы құбыр желілерін, ауа өткізгіштерді, сымдарды және с.с. транзиттік төсеуге;

бу немесе сумен жылыту құрылғыларына;

өрттік құбыр желілерін, импульстік желілерді және өзге де жанатын, жарылуға қауіпті және зиянды заттары бар құбыр желілерін енгізуге жол берілмейді.

188. Басқару бөлмесі келесі талаптарға жауап береді:

ауаны желдету үшін әуе жылытқышы және қондырғыларының болуы (негізделген жағдайда электронды құралдары жоқ бөлмелерде сумен жылыту құрылғыларын қолдануға жол беріледі);

басқару бөлмесіне берілетін ауа газдан, будан және шаңнан тазартылған және орнатылатын жабдықты пайдалануға қойылатын талаптарға және тазалық нормаларына сәйкес;

басқару бөлмелеріндегі едендер жылы және электр сымдары жоқ, кабельді каналдар және екі қабатты едендер нормативтік құжаттардың талаптарына сәйкес;

өрт сөндіру құралдары мен жүйелері нормативтік техникалық құжаттар талаптарына сәйкес;

басқару бөлмесінде өндірістік бөлмелердің және басқарылатын объектінің аумағының газдалғандығы туралы жарық және дыбыстық белгі бергіштер қарастырылады.

189. Негізделген жағдайларда АҚҚ жүйелері үшін одақтасудың, электрмен қоректендіргіш көздерінің және атқарушы органдардың жағдайы туралы белгі беретін, одақтасу құрылысының мнемосызбалары бар қалқандар (немесе қабырғалық) қарастыру керек.

190. Талдау жүргізу бөлмелері келесі талаптарға жауап береді:

қорғайтын құрылымдардың болуы;

талдау жүргізу бөлмесінің көлемі және желдету жүйелерінің техникалық сипаттамалары өнімдердің қысымын және шығысын шектегіштердің болуы кезінде, бөлмедегі талдау құралдарының санына қарамастан, олардың біреуінің газ жіберетін түтігі толығымен үзілген жағдайда, 1 сағат көлемінде талдау жүргізілетін өнімдердің жарылуға қауіпті шоғырлануының қалыптасу мүмкіндігі жоққа шығарылған жағдайға байланысты анықталады;

жалпы алмасу желдеткішінен басқа, осы жағдайды қамтамасыз ету мүмкін болмаған жағдайда, бөлмеде апаттық желдеткіш қарастырылады, ол бөлме ауасындағы заттардың төменгі шоғырлануы жалынның таралуының төменгі шоғырлануының 10 % жеткен кезде автоматты түрде қосылады.

191. Талдау жүргізу бөлмесіне талдау жүргізетін құралдың жұмысына қажетті қысымнан жоғары сынама алатын түтіктерді енгізуге жол берілмейді.

Сынама алу құрылғыларында шығысты және қысымды шектегіш құралдары талдау жүргізу бөлмесінен тыс, қауіпсіз жерге орнатылады.

Талдау жүргізгеннен кейін қалған талданған заттың артығы технологиялық жүйеге қайтарылады немесе жойылады.

192. Тексеру газдары және қоспалары, газ тасымалдағыштары, эталондары және т.с.с. бар баллондар қысыммен жұмыс істейтін сауыттардың құрылысы және оларды қауіпсіз пайдалануға қойылатын талаптарға жауап береді.

Баллондарды орналастыру, сақтау және пайдалану орындары жобамен анықталады.

193. Талдау жүргізу бөлмелерінде адамдардың тұрақты болуына жол берілмейді.

194. Талдағыштарда газ желілері бойынша жанудан және жарылудан қорғаныс бар.

Байланыс құрылысы мен түрі технологиялық үрдістің ерекшелігіне, архитектуралық-жоспарлау шешімдерінің және басқа факторлардың ерекшеліктеріне байланысты жобамен анықталады.

196. Өндірістік персоналды және азаматтық халықты апаттық жағдай туралы құлақтандыруды ұйымдастыру мен тәртібі, техникалық құралдарды және сәйкес қызметтерді дайын жағдайда ұстау бойынша міндеттері және апат қаупін жою апатты жою жоспарымен анықталады.


9 - параграф. Бақылау, басқару және АҚҚ, байланыс және құлақтандыру жүйелерін пайдалану
197. Бақылау, басқару және АҚҚ жүйелерін дұрыс пайдалануға өндірістік бақылау белгіленеді.

198. Бақылау, басқару және АҚҚ жүйелері істен шыққан немесе өшірілген жағдайда технологиялық үрдістерді жүргізуге және жұмыс істеуге жол берілмейді.

199. Үздіксіз үрдістер үшін, ұйымның жазбаша рұқсаты бойынша тек түскі ауысымда жеке көрсеткіш бойынша қорғанысты қысқа уақытқа өшіруге жол беріледі. Ол кезде, технологиялық үрдістің және жұмыс жүргізудің қауіпсіздігін қамтамасыз ететін, ұйымдастыру техникалық шаралар және жұмысты ұйымдастыру жобасы жасалады. Өшіру ұзақтығы жұмысты ұйымдастыру жобасымен анықталады.

Бұл жағдайда апат алды белгі бергіш өшірілмейді.

Басқа жағдайларда технологиялық үрдістерді автоматты басқару жүйелерінде қолмен кері одақтасуға жол берілмейді.

200. Бақылау және басқару жүйелерінің элементтерін ауыстыру кезінде үрдісті қолмен қауіпсіз жүргізуді қамтамасыз ететін шаралар қарастырылады.

Жобада, технологиялық регламентте қолмен басқаруға жол берілмейтін үрдіс кезеңі немесе жеке көрсеткіштері анықталады.

201. Ауыспалы технологиялық персонал технологиялық регламентке сәйкес жеке құралдардың және автоматтандыру жүйелерінің тек апаттық өшірілуін жүзеге асырады.

Сонымен қатар, жабдықты және құбыр желілерін қымтамай жүйелер мен оның элементтерін қайта монтаждау шаралары мен құралдары қарастырылады.

203. Бекіткіш реттегіш арматура, технологиялық үрдістердің бақылау, басқару және АҚҚ жүйелеріне қатысатын атқарушы механизмдері жөндеуден кейін және орнату алдында тұрған жерінде акт жасау немесе куәлікте, журналда жазу арқылы жабылу жылдамдығына, сенімділігіне және нығыздығына кезеңдік сынақтан өтеді. Сынақтардың кезеңдігі технологиялық регламентпен реттеледі.

204. Монтаждау, жөндеу, қалпына келтіру, реттеу бойынша жұмыстарды атқару және бақылау, басқару және АҚҚ, байланыс пен құлақтандыру жүйелерін реттеу кезінде ұшқынның қалыптасуы жоққа шығарылады. Жарылуға қауіпті аймақтарда осындай жұмыстарды жүргізуге наряд-рұқсаттама рәсімделеді, жұмысты ұйымдастыру және жүргізу қауіпсіздігін қамтамасыз ететін шаралар жасалады.

205. Бақылау, басқару және АҚҚ, байланыс және құлақтандыру құралдарын жөндеу, қалпына келтіру немесе тексеру үшін шешу кезінде алынған құралдарды тез арада барлық көрсеткіштері бойынша сәйкес құралға ауыстыру жүргізіледі.

Барлық жарылуға қауіпті технологиялық объектілер үшін жөндеу уақытына, бұйымның сенімділігіне, пайдалану шарттарына және объектінің жарылу санатына байланысты құралдар қоры қарастырылады.

206. Жарылыстан қорғалған жабдықты жөндеу нормативтік техникалық құжатнама талаптарын сақтай отырып жүргізіледі.

6 - тарау. Май өндіретін өндірістердің жарылысқа қауіпті және өртке қауіпті аймақтарындағы электр жабдығы және электрмен қамтамасыз ету
207. Электр қондырғыларын электрмен қамтамасыз ету, құрылысы, монтаждау, қызмет көрсету нормативтік техникалық құжаттардың талаптарына сай болуы керек.

208. Жарылу қауіптілігі ІІ, ІІІ санатты блоктар үшін майды сығу өндірісінің электр қабылдағыштарының электр энергиясымен қамтамасыз етуге сенімділігі 2-ші санаттан кем емес, ал кері сумен қамтамасыз ету, апаттық желдету, апаттық жарықтандыру, БӨҚжА қамтамасыз ету жүйелерінің электр қабылдағыштарын 1 санаттан кем емес қысылған ауамен, автоматтандырылған өрт дабыл бергішімен және өрт сөндіру жүйесімен қамтамасыз етілуі қарастырылады.

209. Сығу цехының өзара байланысқан технологиялық блоктарын электрмен жабдықтау қоректендірудің бір топты көзінен (негізгі және резервтік) қарастырылады.

Әр түрлі көзден электрмен жабдықтау кезінде технологиялық жүйенің өзара байланысқан объектілерінің үздіксіз жұмысын немесе қоректендіру көздерінің бірі істен шыққан жағдайда оны қауіпсіз жағдайға ауыстыруды қамтамасыз ететін шаралар мен құралдар қарастырылады.

210. Жарылу өртенуге қауіпті өндірістердің электр тұтынушыларымен байланысты тарату орындарының, трансформаторлы шағын станциялардың және өзге электр қондырғыларының бөлмелері технологиялық объектінің блоктарының жарылуға қауіптілігі ескеріле отырып, нормативтік техникалық құжаттардың талаптарына сәйкес орналастырылады.

211. Еріткіштің сыртқы технологиялық қондырғыларын және қоймаларын электрмен жабдықтау оператор орнынан немесе жобамен анықталған орындарда қашықтықтан қосумен және қызмет көрсету аймақтары бойынша жергілікті қосумен жабдықталады.

212. Жұмыс және апаттық жарықтандыру шамдары олардың бекітілу сенімділігі, қауіпсіздігі, қызмет көрсету ыңғайлылығы және қажетті жарықтандырылуы қамтамасыз етілетіндей етіп орналастырылады.

213. Жұмыс орындарының жарықтандырылуы жобада көрсетіледі.

214. Өндірістік бөлмелерде шырағдандарды тазалау ұйымның техникалық басшысымен бекітілген кесте бойынша, жүйелі түрде жүргізіледі.

215. Өндірістік пайдалануға беру кезінде (жаңадан салынған, қайта құрудан кейінгі) және жылына бір реттен кем емес, акт жасала отырып жарықтандырудың нормаға сәйкестігіне тексеру жүргізіледі.

216. Қауіптілігі жоғары және аса қауіпті бөлмелерге жатқызылған бөлмелерде қол шырағдандарын қоректендіру үшін 42 В жоғары емес кернеу қолданылады.

Электр тоғымен зақымдану қауіптілігі тарлықпен, жұмыс істеушінің ыңғайсыз жұмыс жағдайымен (мысалы, ыдыста жұмыс істеу) күшейген жағдайда қол шырағдандарын қоректендіру үшін 12 В жоғары емес кернеу қолданылады.

217. Ішкі жарықтандыру үшін еріткішпен, мисцелламен немесе еріткіш буымен толтырылған аппараттарды (резервуарларды), жарылыстан қорғалған, 12 В көп емес кернеуде жұмыс істейтін аккумуляторлы батареямен жұмыс істейтін шырағдандарды қоспағанда, қолдануға жол берілмейді.

218. Технологиялық қондырғылар және өндірістер пісіру жабдығын қосу үшін тұрақты желімен жабдықталады. Пісіру аппараттарын қосу үшін жеке (әрбір аппарат үшін) тоқты қорғанысымен коммутаторлы жәшіктер (шкафтар) қолданылады.

219. Пісіру аппараттарын қосуға арналған тор тоқтан ажыратылған. Осы торға кернеуді беру және пісіру электр жабдығын қосу нормативтік - техникалық құжаттардың талаптарына сәйкес орындалады.

Осы торларға кернеудің аяқ асты берілу мүмкіндігін болдырмайтын шаралар қарастырылуы керек.

220. Шаң бөлінетін бөлмелерде электр желілерін төсеу, оның элементтерінде шаңның тұруына жол бермейтіндей және шаңды тазалау оңай болатындай етіп жүзеге асырылу керек.

221. Өндірістік бөлмелерде және сыртқы қондырғыларда жарылысқа қорғаныс деңгейі және түрлері, топтары мен температуралық санаты бойынша электр жабдығы қолданылуы керек.