Пән оқытушылары туралы мәлімет

1. Дәрістер мен тәжірибелік сабақтарға міндетті түрде, үнемі қатысу.

2. Дәріске міндетті түрде қатысу. Рейтинг есептеген кезде жіберілген әрбір дәріс (1 сағаттық) 1 балл шегеріледі.

3. Орындау түрі әркелкі болатын СӨЖ-ң 4 түрін міндетті орындау.

4. Студент СӨЖ-н тақырыптық жоспарға сәйкес сол тарау бойынша аралық бақылауға дейін 1 апта бұрын тапсыру керек.

5. Аралық бақылауды тақырыптық жоспарға сәйкес тапсыруы тиіс. Аралық бақылау теория бойынша сұрақтарға жауап беруден және тәжірибелік дағдыларды (зертханалық жұмыстарды орындау және безендіру) тапсырудан тұрады.

6. Оқу үрдісіне белсенді түрде қатысу (зертханалық жұмыстарды конспектілеу, теориялық материалды дайындау, жағдайлық есептер мен тесттерді шешу, зертханалық жұмыстарды өз бетінше орындау).

7. Жіберген сабақты өтеу жіберілген сабақ саны көрсетілген оқу бөлімінің рұқсат қағазы болғанда ғана жүргізіледі.

8. Студент сабаққа кешікпей келуі тиіс.

9. Сабаққа таза, үтіктелген ақ халатпен келуі керек.

10. Оқытушылар құрамымен, оқу-көмекші құрамның қызметкерлерімен және білім алушылармен құрмет тұтарлық қарым-қатынаста болу.

11. Топтардағы талас тудырған мәселелерді колледждің оқу тәрбие ісі жөніндегі орынбасарымен ашық түрде талқылау.

12. Колледж мүлкіне: жиһазға, құралдарға, гүлдерге, химиялық ыдыстарға және т.б. жанашырлықпен қарау.


1.Кіріспе

Аналитикалық химия пәні студенттердің химиялық талдау бойынша білімін, дағдысы мен іскерлігін қалыптастырады. Дәрістер мен практикалық сабақтардың тақырыбы кӛрсетілген мамандық бойынша мамандар дайындауға сәйкес іріктеліп алынған.

Кәсіптік білім беретін фармация мамандығының студенттері үшін аналитикалық химияның негізгі міндеті – биохимия, фармацевтикалық химия, физиология, фармакология, дәрілік заттар технологиясы және басқада арнайы пәндерді толық және терең оқып-үйренудің теориялық негізі болатын, аналитикалық химияның негізгі бөлімдерімен таныстыру.

Мамандық бойынша білім алушылардың оқу жүктемесі көлемін анықтау кезінде білім беру мекемесі үлгілік оқу жоспарында пәнді оқытуға бөлінген уақыт көлемін 10-20% шамасында өзгертуге толық құқығы бар, бірақ оқу жоспарында қарастырылған, оқу уақытының толық көлемі сақталуы тиіс.