Білімді бағалау және қадағалау жүйесі

Білім алушылардың оқу жетістіктерін қадағалау мен бағалау жүйесі (қорытынды бақылауды (аралық аттестация, қорытынды атестация, GPA есептеу әдісі) жүргізу ережелері) межелік бақылаудан, аралық атестациядан (сынақ-емтихан сессиясы), 2-курстан кейінгі мемлекеттік аралық бақылаудан және мемлекеттік қорытынды бақылаудан тұрады.

Университетте студент рейтингісін анықтаудың 100 балдық шкаласы қолданылады. Рейтингтік бақылау нәтижелері емтихан сессиясы барысында пәндер бойынша емтихан тапсырғанда есепке алынады.

Оқушының оқудағы жетістіктері (білімі, білігі, икем, дағдылары) әріптік жүйемен бағаланады (жақсы бағалар А мен D–дейін, қанағаттанарлықсыз - F)

бұлар сандық сәйкесті баламаға сәйкес 4 балдық жүйемен мына сызба бойынша бағаланады.

Кесте 1 - Дәстүрлі шкалаға ауыстырылған білім алушылардың оқу жетістіктері бағаларының балдық-рейтингтік әріптік жүйесі

Бағаның әріптік белгіленуі	Бағаның сандық баламасы	Бағаның пайыздық өлшемі	Дәстүрлі жүйе бойынша баға
А	4,0	95-100	Өте жақсы
А-	3,67	90-94
В+	3,33	85-89	Жақсы
B	3,0	80-84
B-	2,67	75-79
C+	2,33	70-74	Қанағаттанарлық
C	2,0	65-69
C-	1,67	60-64
D+	1.33	55-59
D	1.0	50-54
F	0	0-49	Қанағаттанарлықсыз

Студент ағымдағы рейтингісін www.portal.ukgu.kz порталында көре алады.

Барлық ағымдағы бақылау түрлері мен сәйкес білім алушының білімін бағалауды білім беретін оқытушы жүргізеді. Аталған баға осы пәннің қорытынды білімін бағалаудың 60%-нан кем емес.

Білім алушылардың аралық атестациясын (сессия) тіркеу кеңсесі өткізеді. Аралық атестация осы пәннің қорытынды білімін бағалаудың 40%-нан артық емес.

Оқу пәні бойынша қорытынды бақылаудың түрі пәнді меңгеру соңында өткізетін емтихан болып табылады.

Студенттердің оқу деңгейінің қорытындысы бітірушілердің кәсіптік біліктілігін анықтау мақсатында мемлекеттік қорытынды аттестациясын жүргізеді. Мемлекеттік қорытынды аттестация мемлкеттік емтихан және/немесе дипломдық жұмыс (жоба) түрінде өткізіледі.

Қорытынды аттестацияның нәтижесі бойынша бітірушілер жоғары білім туралы диплом және оқу кезеңіндегі академиялық көрсеткіш транскриптін алады.

Транскриптегі мәлімет әр семестр сайын жазылады. Мәліметтер компьютерге енгізіліп, әр студентке компьютерлік файл ұсынылады.

Мемлекеттік білім гранты бойынша оқитын студенттерге аралық аттестацияның нәтижесі бойынша барлық емтихандарын «А», «А-», «В+», «В», «В-» деген бағаларға тапсырған жағдайда студенттік шәкіртақы төленеді.

Емтихандар мен сараланған сынақтарды А, А - «өте жақсы», В-, В, В+ - «жақсы» деген бағаға тапсырған және оқытудың барлық кезеңінде үлгерімінің орта балы 3,5-ке тең мемлекеттік емтихан мен диплом жұмысын (жобасын) «өте жақсы» деген бағаға тапсырған білім алушыға үздік диплом (әскери даярлығы бойынша бағасын ескермегенде) беріледі




3.1 Курстан курсқа ауысу

Студенттің білімін бақылау жүйесі мен оқудағы жетістіктерін бағалау (қорытынды бақылауды өткізу тәртібі, (ағымдық аттестация, қорытынды аттестация, GPA есептеу әдістемесі) аралық бақылау мерзімдерін қамтып, ағымдық аттестация (сынақ – емтихан сессиясы) және қорытынды мемлекеттік аттестациялаудан тұрады. Курстан курсқа көшіру үшін ЖОО-ның ғылыми кеңесі өту баллын белгілейді.

М.Әуезов атындағы ОҚМУ курстан курсқа өту үшін келесі баллдар белгіленген:

Білім деңгейі	2-курсқа		3-курсқа		4-курсқа		5-курсқа		6-курсқа
	к/б	с/б	к/б	с/б	к/б	с/б	к/б	с/б	к/б	с/б
Бакалавриат	1,5	1,0	2,0	1,33	2,3	1,67	2,4	2,0	-	2,0
Магистратура	2,8	-	-	-	-	-	-	-	-	-
Докторантура	3,0	-	3,2	-	-	-	-	-	-	-