«Тиісті әкімшілік-аумақтық бірліктің аумағында қолданылатын ветеринариялық анықтаманы беру» мемлекеттік қызмет көрсету регламентін бекіту туралы

1. Қоса беріліп отырған «Тиісті әкімшілік-аумақтық бірліктің аумағында қолданылатын ветеринариялық анықтаманы беру» мемлекеттік қызмет көрсету регламенті бекітілсін.

2. «Астана қаласының Ауыл шаруашылығы басқармасы» мемлекеттік мекемесінің бастығы осы қаулының әділет органдарында мемлекеттік тіркелуін, кейіннен ресми жариялануын және Астана қаласы әкімдігінің интернет ресурсында орналасуын қамтамасыз етсін.

3. Осы қаулының орындалуын бақылау Астана қаласы әкімінің орынбасары Қ.Т. Сұлтанбековке жүктелсін.

4. Осы қаулы алғашқы ресми жарияланған күннен бастап он күнтізбелік күн өткен соң күшіне енеді.

Әкім И. Тасмағамбетов
Астана қаласы әкімдігінің

2011 жылғы «29» желтоқсан

№ 102-133

Ветеринариялық анықтама – ветеринария саласындағы жергілікті атқарушы органның ветеринариялық дәрігерімен, ветерианария саласындағы уәкілетті органмен белгіленген тәртіпте жануарға, тиісті әкімшілік-аумақтық бірліктің аумағындағы эпизоотиялық жай – күй туралы берілетін құжат.

1. Тиісті әкімшілік-аумақтық бірліктің аумағында қолданылатын ветеринариялық анықтаманы беру мемлекеттік қызмет регламенті (бұдан әрі – Регламент) Қазақстан Республикасының «Әкімшілік процедуралар» заңының 4 тармағы 9-1 бабына сай құрастырылған.

2. «Астана қаласының Ауыл шаруашылығы басқармасы» мемлекеттік мекемесі (бұдан әрі – Басқарма) Астана қаласы аумағында ауыл шаруашылығы саласында мемлекеттік саясатты жүргізуге уәкілетті атқарушы орган.

3. Ұсынылатын мемлекеттік қызметтің түрі: автоматтандырылмаған.

4. Мемлекеттік қызмет:

«Ветеринария туралы» Қазақстан Республикасының 2002 жылғы 10 шілдедегі Заңының 10-1-бабы 13) тармақшасының және 35-бабы 2-тармағының;

«Асыл тұқымды мал шаруашылығы және ветеринария саласындағы мемлекеттік қызметтер стандарттарын бекіту және Қазақстан Республикасы Үкіметінің 2010 жылғы 20 шілдедегі № 745 қаулысына өзгерістер мен толықтыру енгізу туралы» Қазақстан Республикасы Үкіметінің 2011 жылғы 29 сәуірдегі № 464 қаулысының 1 тармағы 7 тармақшасы негізінде көрсетіледі.

5. Көрсетілетін мемлекеттік қызметтің нәтижесі – тиiстi әкiмшiлiк-аумақтық бiрлiктiң аумағында қолданылатын ветеринариялық анықтаманы (қағаздағы тасымалдағышта) беру не жазбаша түрдегі мемлекеттік қызмет көрсетуден бас тарту туралы дәлелді жауап болып табылады.

6. Ветеринариялық анықтаманы беру басқа органдардың қатысуынсыз жүргізіледі.

Мемлекеттік қызмет «Қазақстан Республикасындағы мерекелер туралы» Қазақстан Республикасының 2001 жылғы 13 желтоқсандағы Заңында белгіленген демалыс және мереке күндерінен басқа жұмыс күндері сағат 9.00-ден 18.00-ге дейін, сағат 13.00-ден 14.00-ге дейінгі үзіліспен ұсынылады.

Қабылдау алдын ала жазылусыз және тездетілген қызмет көрсетусіз кезек күту тәртібен жүргізіледі.

8. Мемлекеттік қызмет туралы ақпарат және мемлекеттік қызмет көрсету стандарты туралы Қазақстан Республикасының Ауыл шаруашылығы министрлігінің интернет ресурсында www.minagri.gov.kz және Басқарманың интернет ресурсында ushastana@mail.ru. және Басқарманың ғимаратындағы стендтерінде орналасқан.

9. Мемлекеттік қызмет жеке және заңды тұлғаларға (бұдан әрі — тұтынушы) көрсетіледі.

10. Мемлекеттік қызмет мынадай мерзімдерде ұсынылады:

1) мемлекеттік қызмет жүгінген күннің ішінде көрсетіледі;

2) мемлекеттік қызметті алуға дейінгі ең жоғары рұқсат етілетін күту уақыты - 30 (отыз) минуттан аспайды;

3) мемлекеттік қызметті алушыға қызмет ұсынудың ең жоғары рұқсат етілетін уақыты - 30 (отыз) минуттан аспайды.

11. Мемлекеттік қызметті көрсетуден бас тарту үшін мыналар:

2) жұқпалы сипаттағы ауру анықталғанда;

3) жануардың жеке нөмірі болмағанда;

4) орны ауыстырылатын (тасымалданатын) объектінің, көлік құралының ветеринариялық-санитариялық талаптарға және қауіпсіздік талаптарына сәйкессіздігі;

5) осы Регламенттің 4 бөлімінің 15 тармағында көрсетілген құжаттар пакетінің толық болмауы негіз болып табылады.

12. Мемлекеттік қызметтің көрсетілу кезеңі:

1)мемлекеттік қызметті алу үшін тұтынушы осы регламенттің 15 тармағы 4 бөлімінінде көрсетілген керекті құжаттарды тапсырады.

2) мемлекеттік қызметті тұтынушының өтініші ветеринариялық дәрігермен жеке және заңды тұлғалардың өтініштерін тіркеу журналына тіркеу күні көрсетіліп тіркеледі.

3) тиісті әкімшілік – аумақтық бірліктің аумағында қолданылатын ветеринариялық анықтама тұтынушыға жеке өзі не оның өкілі келген кезде беріледі.

13. Мемлекеттік қызметті көрсету үшін құжаттарды қабылдайтын адам саны бір адамды құрайды.

14. Құжаттарды қабылдау Басқарманың кеңсесі арқылы, демалыс және мереке күндерінен басқа жұмыс күндері сағ. 9.00 ден 18.00 ға дейін, үзіліс сағ 13.00 ден 14.00 ге дейін алдын-ала жазылусыз жүргізіледі.

15. Стандарттың 2-бөлімінің 11-тармағында көрсетілген Мемлекеттік қызметті алға қажетті құжаттар және оларға қойылатын талаптар тізбесі:
1) жануарға ветеринариялық паспорт;

2) тері-жүн шикізатына, жануардың жеке нөмірі көрсетілген жапсырма міндетті түрде қажет;

3) ветеринариялық анықтама бланкі құнын төлеуін растайтын құжат.

Мемлекеттік қызмет тұтынушы не оның өкілі тікелей жүгінген күні көрсетіледі.

Мемлекеттік қызметті тұтынушының өтініші ветеринариялық дәрігермен жеке және заңды тұлғалардың өтініштерін тіркеу журналына тіркеу күні көрсетіліп тіркеледі.

Мемлекеттік қызмет ақылы жүзеге асырылады (тиісті әкімшілік-аумақтық бірліктің аумағында қолданылатын ветеринариялық анықтаманың бланкісін беру). Тұтынушы банк операцияларының жекелеген түрлерін жүзеге асыратын екінші деңгейдегі банктер немесе ұйымдар арқылы мемлекеттік сатып алу туралы конкурс нәтижесі бойынша анықталған бланктің құнын төлейді.

Тұтынушы мемлекеттік қызметке ақы төлеу кезінде мынадай құжаттардың нысандарын толтырады:

1. 
   қолма-қол ақы төлеу тәсілі кезінде - ақы төлеу туралы түбіртек;
   

16. Ақпараттық қауіпсіздік талаптары жоқ.

17. Мемлекеттік қызметті көрсету кезінде басқа мемлекеттік органдар мен мемлекеттік ұйымдар қатыстырылмаған.

18. Әкімшілік іс-қимылдардың (процедуралар) бірізділігі мен өзара іс-қимылының сипаттамасы Осы Регламенттің қосымшасында келтірілген. Ветеринариялық анықтама тиісті-әкімшілік аумақтың бірлігі шегінде беріледі және Ветеринариялық құжаттарды беру ережесінің 4 қосымшасына сәйкес нысан бойынша рәсімделеді.

______________________________________________________