Видиян, сокаян Эсь мокшень кяльса-валса
жүктеу/скачать 45.2 Kb.
|
| Литературно-
музыкальнай композициясь Видиян, сокаян Эсь мокшень кяльса-валса Моронь мораян Михаил Ильич Безбордов-мокшэрзянь народть талантливай цёрац, конань кайги вайгялец лийкстась аф аньцек мокшетнень и эрзятнень кудгаст, но и пачкодсь русненди, украинецнеди, литовецненди, чувашненди и лия нароттненди. Сонь кувалманза образнайста можна мярьгомс тяфта: кузнецонь цёра, сон сонць арась цебярь кузнецокс литератураса. Аф стак лемдезь сонь народнай поэтокс, лемдезь аф кодама-кодама указаниянь вельде, а эсь воля, седи ваксста, кельгозь и прокс. 1928кизоня, творчестванц ушедомста, поэтсь сёрмадозе тяфтама мяляфтови стихотворениянц, кода «Вирь». Конань строчканза тяниеньге комболфтсазь седицень. Кизонда, вирняй, Пиже лопаняй, Пси мани шиня Шида кяшиняй, Яксян потмоват, Шуфттнень ёткова, А пингонь-пингонь Ляйга, лоткова. Кулхцондан эсот Кода тон увнат, Тифтень лопаня Модати прафнят. Мастору лопась Либордезне прай: «Вай, курок сёксесь Якшамть мархта сай…» --- Тяфта кашторды Прафке—лопанясь, Алга шаштомста Сединь токайнясь. Седись токави… Марят пилеса, Кода нармоттне Морайхть келеса. Природань картинатне,шачема ширть мазышиц таколфтозь Михаил Безбородовонь седиенц,кепсезь мялензон-арьсеманзон. Тундась малаткшни, Лямбот шинятне, Цифтордозь шудихть Киге веднятне. Веднясь лапазста Сиякс алу прай, Сон пиндолдозне Ловняти сувай. Шида шис ловнясь Юмафни тюсканц; Вастонь,паксява Модась лихни прянц. Грацне ичкозде Лийкстасть ширезнок, Кармасть тиеме Пизот велезнок. Иса пряняса Морай псьмарнясь, Шудезне шуди Мазы моронясь. Веле кучкаса Шумнай веелкась, Колхозонь алятне-аватне Вакссонза покайхть. Видьме тундати Марса ароптыхть, Сёронь шачемать Келесост касфтыхть. Вай, курок,курок Ловнясь ведькс арай, Мутна ляйхненди Шудема кармай. Модась вельхтяви Пиже нарняса. Лиси велети Постуфсь карняса. Моразеви вирсь Нармонь кяльняса; Тунда, кенордак Пара мяльняса. М.И. Безбородов марясь тя мазышить эса аф аньцек нармонень морот да горняй шудерькст.Ванцаськ, кода сон няфтезе мазыдонга мазы шобдавать «Луга лангса» стихотворениясонза. Зарясь олай Олай, олай,--- Олась и юмась, Шинять цяткоц,--- Васень цяткоц Лаймоть ланга прась. Сиянь росать, Сиянь росать (Кона тишеть штась) Цяткоц пидесь, Мокша ляйти Эшляма сувась… М.И. Безбородов нинге шабакс пингстонза цебярьста маштоль сиде моронянь латцема,и сонць синь и морсекшнезень. Велень сиде моронят. Ялгай, морак, монга моран, Кайгиста иваттяма, Сёрматфттама комсомолу,--- Меколи аф ляттама. «Од Велети» сёрмачнян, Шобдать эса тапан. Школаса мон тонафнян, Церькаву аф якан. Сединязе ризфса палы, Аф утцян пцтай веньберьф. Сяка мяльсон: лувомс книжка, Содамс лама—лама тефт. Ляй трваса оцю панда, Ланганза аф якават. Комсомолка кельгомнязе, Мархтонза аф рахават! Тяни якатама миньге Школав, велеть тона пес. Тоса,Якстерь уженяса, Тонафнетям цебярь тевс. М.И. Безбородов эсь стихонзон,поэманзон,драматическяй произведениянзон эса оцю мяльса корхтась народоньконь эряфонц и тевонзон квалма,и, мярьгат, юкснезе лятфтамс, кие сонць, мезе путсь лафтувонзон лангс тевонь тиемста. И сон азозе, кие сон. 1929 кизоня «Од веле» (тяни «Мокшень правда») газетаса Михаил Безбородов печатлазе инь содавикс стихотворениянц «Видиян, сокаян.» Видиян, сокаян, Мокшень цёран, Эсь мокшень кяльса-валса Морот моран. Моран паксяти, Моран вирьхненди, Моран морот цёратненди, Моран стирьхнеди. Моран кельгомга— Седи вакскава, Катк лийксни морозе Вирьге, паксява. Касонь велети, Эрян велеса, Работакшнень паксяса, Тинге переса. Вачеда ащекшнень Войнань кизотнень, Эстонь пинге сюдыне Козянь пизотнень. Эстонь пингоне Лядонь аляда, Пяшксель кудоньке Ёмла шабада. Од эряфса тумонякс касонь мон, Тяни видиян, Тяни сокаян, Эсь мокшень кяльса-валса Моронь мораян. Ушу лисян Валхне и музыкась Н. Балашкинонь. Ушу лисян. Озан нарняти, Ваймозень келептьса лямбе вармати. Тяштю менельста Шкаень куля сай, (Кафксть). Мазы мокшень мор потмостон лийкстай. Колгат моран, кельгом масторняй, Кода эрять тон, кода касфтомайть? Кода тядязе Повса каннемань, (Кафксть). Кода алязе палсезь ваннемань. Шобда пиземсь модать начфтозе, Тейнек менельста кеняртьфть пачфтезе. Мазы мокшень кяльсь Улель кулентьф най, (Кафксть). Мазы мокшень морсь ушеса зрналь. М.И. Безбородов илядсь литературазонк инь оцю поэтокс сяс, мес ламоц произведениянзон эса кеподсь оцю поэтическяй мастерствань серес, келиста няфтезе народонц эряфонц, зрня лаца кочказе и максозе тейнек сяда тов ванфтомс мокшень кяльть арушинц. жүктеу/скачать 45.2 Kb. Достарыңызбен бөлісу:
|