Зайсан ауданының 2011 жылғы І тоқсандағы әлеуметтік-экономикалық дамуының қорытындылары туралы ақпарат Ауыл шаруашылығы

Ауыл шаруашылығы өнімінің жалпы көлемі 1105,9 млн теңге, бұл өткен жылғы сәйкес мерзімдегіден 6,4% артық, жоспар-тапсырмадан (989,6 млн теңге) 116,3 млн теңге артық. Аудан көлемінде 1912,8 тонна ет, 7848 тонна сүт, 298,4 мың дана жұмыртқа өндірілді. Өткен жылғымен салыстырғанда ет 7,6%-ға артты, сүт 5,0%-ға, жұмыртқа 3,7% - ға артты. Ірі қара саны 67751 басқа жетіп, өткен жылмен салыстырғанда (65071 бас) 104,1% болды. Жылқы 12673 бас болып, өткен жылғымен салыстырғанда (11690 бас) 8,4%-ға көбейді, немесе 983 басқа артты. Қой-ешкі саны 158639 бас болып, өткен жылғыдан (177114 бас) 10,4%-ға кеміп кеткен. Құстар саны 37318 басқа жетіп, өткен мерзіммен салыстырғанда (32408 бас) 15,2%-ға артты.

2011 жылы аудан бойынша барлық егістік көлемі 14018 га болады, бұл өткен жылғыдан 1112 га немесе 8,6% артық. Оның ішінде дәнді астық 5340 га, күнбағыс 3320 га, картоп 1473 га, көкөніс 669 га, бақша дақылдары 146 га және көпжылдық шөп 3070 га.

Өнеркәсіп

Өнеркәсіп кәсіпорындары 307,3 млн. теңгенің тауарлы өнімдерін өндірді, бұл көрсеткіш өткен жылмен (184,4 млн теңге) салыстырғанда 66,6%-ға немесе 122,9 млн теңгеге артық, жоспар-тапсырмадан (180,9 млн теңге) 126,4 млн теңге артық.

Тіркелген шағын және орта кәсіпорындар саны - 65, өткен жылы - 65, жұмыс істеп тұрғандарының саны 37, былтырғы жылы 35 болған, белсенді кәсіпорындар саны 2010 жылғы 27-ден 2011 жылы 31-ге жетті (жоспар-тапсырма – 32).

Негізгі капиталға салынған инвестициялар көлемі 396,8 млн. теңге болды, өткен жылы инвестиция көлемі 244,2 млн. теңге болған, биылғы жылы инвестиция көлемі 152,6 млн теңгеге немесе 62,5%-ға артқан, жоспар-тапсырмадан (394,2 млн теңге) 2,6 млн теңге артық.

Түсімдер жоспары 512,8 млн. теңге, орындалғаны 522,4 млн. теңге немесе 101,9 пайызды құрайды. Шығындар жоспары 512,8 млн. теңге, орындалғаны 509,9 млн. теңге немесе 98,4 пайызды құрайды.

Аудан бюджетінің өз кірісінің жоспары 85,0 млн. теңге, орындалғаны 96,5 млн теңге немесе 113,5% (жоспар-тапсырма 109%).

Жұмыспен қамту және әлеуметтік қамсыздандыру

Жыл басынан тіркелген жұмыссыздар саны 185 адам (2010 ж – 185 адам), 1 сәуірге тіркеуде тұрған жұмыссыздар саны 215 адамды (2010 ж – 215 адам) құрады.

Есепті мерзімде 87 адам (2010 ж – 86 адам) жұмысқа орналастырылды.

Жаңадан 48 жұмыс орны (2010 ж – 81 орын) ашылды.

Күнкөріс деңгейінен төмен тұратындар саны 2271 болды (жоспар-тапсырма – 2271)

Тұрғын үйлерді пайдалануға беру көлемі 480 ш.м. болды, былтыр 2164 ш.м. Жоспар-тапсырма (475 ш.мш) орындалды.

Білім саласы

Ауданы бойынша мектеп жасына дейінгі балалардың 78,5%-ы мектепке дейінгі білім және тәрбие берумен қамтылған (былтыр – 53,0%). Оқушылардың 91,2%-ы ыстық тамақпен қамтамасыз етілген (2010 жылы 86,5%).