Білім,ақпарат, тәжірибе қашанда биліктің көзі болған. Биліктің көзі ретінде білім, тәжірибенің маңызы түрлі ақпаратты біліп, көптеген шеберліктер мен дағдыларды білуді қажет ететін қазіргі дамыған өркениеттер жағдайында бұрынғыдан да арта түсуде. Қазіргі күрделі заманда адамның басқа адамдарды өзіне бағындыруы оның ақыл-ой қабілетімен байланысты. Ақыл-ойдың, білімнің билігі дөрекі күштеуге қарағанда көп жағдайда тиімді болып жатады. Тіпті қылмыскерлер арасында басшының беделі оның дене күшімен емес, жазаланбайтын қылмысты ойлап, жоспарлай білуімен анықталады. Соңғы жылдары ақпаратты және оны тарату каналдарын иелену биліктің көзіне айналуда. БАҚ-н «төртінші билік» деп те атайды.
Адамның қоғамдағы алатын орны ежелгі заманнан бері биліктің маңызды көзі болып келеді. Дәстүрлі қоғамдарда (ежелгі заман, орта ғасырларда) артықшылық жағдайдағы сословиенің өкілі болу билікке қол жеткізудің негізгі, міндетті шарты болатын. Қазіргі заманда да адамның қоғамдағы белгілі бір жағдайы, әлеуметтік статусы биліктің маңызды көзі б/ т.
Ұйым да биліктің күшті көзі болып табылады. Ол бұрыннан бері адамдарды және материалдық ресурстарды жұмылдырып, билік қабылдаған шешімдерді жүзеге асырып келеді. Іс жүзінде адамның атқаратын жоғары қызметі биліктің көзі ретіндегі ұйымның бір элементі б/ т.
3. Билік қорлары және оның түрлері (ресурстары).Биліктің қорлары (ресурстары) – оның маңызды құрылымдық элементі б/т. Биліктің ресурстары деп билікті және оның негіздерін (субъектінің биліктік еркі негізделенетін биліктің базасы, көздері) нығайту үшін қолдылатын (немесе қолданылуы мүмкін) құралдарды айтады. Билік рес-ның мынадай түрлері бар: экономикалық, әлеуметтік, саяси-құқықтық, күштеу-мәжбүрлеу, ақпараттық, демографиялық т.б.
Экономикалық ресурстарға биліктің іргетасын құрайтын материалдық ресурстар мен құндылықтар жатады. Бұл қоғамның дамыған материалдық және техникалық базасының болуы, елдің тиімді географиялық орналасуы, құнарлы жерлер, табиғи байлықтар, өндірістің дамыған технологиялық негізі, білікті жұмыс күші, кең сыртқы экономикалық байланыстар т.б.
