2022-2023 ОҚу жылында қазақстан республикасының орта білім беру ұйымдарында
5-11-СЫНЫПТАРДАҒЫ «ЖАҺАНДЫҚ ҚҰЗЫРЕТТЕР» КУРСЫ
жүктеу/скачать 5.81 Mb. Pdf көрінісі
|
|
25. 5-11-СЫНЫПТАРДАҒЫ «ЖАҺАНДЫҚ ҚҰЗЫРЕТТЕР» КУРСЫ 2022-2023 оқу жылында Үлгілік оқу жоспарының вариативтік компонентіне 5-11-сыныптардағы «Жаһандық құзыреттер» курсы енгізілді. Жаһандық құзыреттер жаһанданудың қарқынмен дамып келе жатқан жедел әлеуметтік, экономикалық және технологиялық өзгерістерге, сондай-ақ адамдарға, мәдениет пен ұлттарға жаппай әсер ететін басқа да маңызды жаһандық мәселелерге байланысты ерекше мәнге ие болады. Курс - жергілікті және жаһандық проблемалардың өзара байланысы мен тәуелділігін, мәдениетаралық өзара іс-қимыл мәселелерін, әртүрлі көзқарастар мен дүниетанымдарды, сыни ойлау мен бағалауды, бірегей білім мен идеяларды құру дағдыларын түсіне алатын жаһандық азаматтық құзыреттерге ие бәсекеге қабілетті тұлғаны қалыптастыруға бағытталған. Курстың мазмұны зерттеу дағдыларын дамытуды және қажетті өзекті ақпарат іздеуді, сыни ойлау мен рефлексияны, коммуникативтік құзыреттілікті қамтиды. Курстың белгіленген мақсаттары мен міндеттері орта білім беру мазмұнымен сабақтастық пен өзара байланысты қамтамасыз етеді, оқу процесінің ажырамас бөлігі ретінде тәрбиелік контентті кеңейтеді. «Жаһандық құзыреттер» курсының үлгілік оқу бағдарламасы оқу жүктемесінің көлемі: • 5-8-сыныптарда - 0,5 сағат (екі аптада бір рет), оқу жылында 18 сағатты • 9-сыныпта - аптасына 1 сағат, оқу жылында 36 сағатты • 10-11-сыныптарда – аптасына 1 сағат, оқу жылында 36 сағатты құрайды. 0, 5 сағат жүктемесі бар курс екі аптада 1 рет өткізіледі. Негізгі орта білім беру деңгейінің 5-9-сыныптарына арналған «Жаһандық құзыреттер» курсы Курстың мақсаты: жаһандық азаматтық құзыреттерге ие бәсекеге қабілетті тұлға қалыптастыру. 5-8-сыныптарда курс бес бөлімді (юнит) қамтиды: «Этика және әдеп», «Азаматтық және патриотизм», «Медиасауаттылық және қаржылық сауаттылық», «Өмір сүру қауіпсіздігі», «Экологиялық мәдениет», 9-сыныпта «Зайырлылық және дінтану негіздері» бөлімі (юнит) қосымша енгізілді. Әр сынып үшін сағат саны мен күтілетін нәтижелерді көрсететін әртүрлі бөлімдер ұсынылады. Ұсынылған курс тақырыбы 5-9-сынып білім 248 алушыларының жас ерекшеліктерін ескере отырып әзірленген. «Жаһандық құзыреттер» курсының мазмұны білім алушыларды қазіргі заманауи өмірге дайындауға, әлеуметтік және мінез-құлық дағдыларын, өз денсаулығы мен қауіпсіздігін басқару дағдысын қалыптастыруға, сонымен қатар жоғары деңгей дағдыларын дамытуға бағытталған; стандартқа сай емес шешімдер қабылдау, туындаған мәселелерді шешу және жұмысты жоспарлау қабілеті мен білім алушының мінез-құлық мәдениетіне, оның қоғамдағы қарым- қатынасына, құқықтық және экологиялық мәдениетіне, үлкендерді құрметтеуге, табиғат, жан-жануарларға мейіріммен қарауға және басқаларға қатысты өзекті тақырыптарды қамтиды. «Экологиялық мәдениет» бөлімі: «Менің айналамдағы әлем», «Экологиялық саяхат», «Біз таза аулада тұрамыз», «Қауіпсіз демалыс», «Экологиялық қақтығыстар», «Болашақта жер қандай болуы керек?» және тағы басқа тақырыптарды қамтиды. «Медиасауаттылық және қаржылық сауаттылық» бөлімі: «Отбасының кірістері мен шығыстары неден тұрады?», «Отбасы бюджеті дегеніміз не?», «Жеке табысты қалай тиімді басқаруға болады?», «Отбасының міндетті және міндетті емес шығындары», «Жинақтарды қалай сақтауға болады?», «Жоспарсыз сатып алулар», «Отбасы шығындары», «Ақша жинақтары қалай құрылады?», «Байланыстың заманауи әдістері», «Менің цифрлық ізім», «Телефон алаяқтары: не істеу керек?» тағы да басқа тақырыптарды қамтиды. «Этика және әдеп» бөлімінде «Адалдық пен әділеттілік - өмірдің ұстанымдары», «Барлығы сәлемдесуден басталады», «Мен өз әрекеттерім үшін жауап беремін», «Шешім қабылдаймыз», «Уақытты бағалауды үйренеміз», «Біз эмоциямызды басқарамыз», «Қарым-қатынас мәдениеті», «Еңбек мәдениеті», «Отбасылық құндылықтар: әкем, анам және мен тату отбасымыз» тақырыптары білім алушылардың бойында адалдық, тәртіптілік, өз іс-әрекеттері үшін жауапкершілік, әдептілік, ізгі ниет және ұжымда жұмыс істей алу сияқты жеке қасиеттерін дамытуға, мінез-құлық мәдениетінің стандартын қалыптастыруға бағытталған. жүктеу/скачать 5.81 Mb. Достарыңызбен бөлісу:
|