Сол экспедициясынан кейін, 1856 жылы августь айында Шоқан орыс өкіметінің Құлжадағы сауда-саттық жұмыстарын басқаратын арнаулы өкіл болып жүрген кезде ол өздігiнен Қытай елінің тарихын, тілін, этнографиясын зерттейді. Ол Құлжада үш ай тұрып, Омскіге қайтады. Мұнда келгеннен кейін Шығыс тарихын терең зерттесем, ол үшін білімді молайтсам деген ойымен əскери жұмысын тастап, Петербургқа оқуға бармақ болады. Шоқанның бұл ойын 1856 жылы 5-декабрьде Достаевскийге жазған хаттарынан, Достаевскийдің оған қайтарған жауабынан көруге болады.
