Шоқанның оқушылар арасындағы айнымас досы, болашақ үлкен оқымысты, этнограф Г. Н. Потанин болған. Олар оқуды бітіргеннен кейін де шын дос болып қалады. Бұлардың өмірі мен еңбектерін зерттеушілердің қайсысы болсын бұл жайға ерекше тоқталып, атап көрсетіп отырады.
Шоқан 14-15 жасында-ақ өзіне оқытушылар мен мектеп бастықтарының көңілін аударып, болашақ ғалымдығының ұшығын сол күнде ақ көрсете бастайды. Бұл туралы Г.Н. Потанин былай деп жазады: «Шоқан білімі озық болды. Кадет корпусының бастықтары 14-15 жасында-ақ Шоқанға болашāқ зерттеуші, яки болашақ ғалым деп қарайтын. Ол кезде Шоқан көп оқитын. Бұл көп оқуы оның сыншылдық қабілетінің артуына себепші болады. Оның адамгершілік туралы жəне өзінің мамандығы болып кеткен Шығыс филологиясы желіндегі пікірлері бізді таң қалдыратын еді».
