Тақтаға тамақ пирамидасын сызыңыз. 40-кестені қараңыз.
Жүргізілу барысы Оқушыларды тамақтану пирамидасымен және оның әр бөлігінде орналасқан тамақ түрлерімен таныстырыңыз. Кейбір тамақ түрлеріне мысалдар беруге болады.
Оқушылар тамақтану пирамидасын көшіріп жазып алады және тамақ түрлерін жазуға бос орындар қалдырады.
40-кестедегі әр категория бойынша тамақ түрлерін бір-бірден араластырып оқисыз. Ал оқушылар оқылған сөздерді тамақ категориясы бойынша пирамида бөліктеріне жазады.
Тапсырманы аяқтаған соң оқушылар бір-бірінің жауаптарын тексереді.
Тәтті тағамдар: Печенье, бәліш, шоколад, джем, лимонад, кәмпит. Сүт, ет өнімдері, жұмыртқа: Май, ірімшік, тауық, балық, сүт, шұжық, жұмыртқа. Жеміс және көкөністер: Алма, банан, сәбіз, лимон, манго, пияз, апельсин, бұршақ, алмұрт, ананас, картоп, қызанақ, қарбыз, қырыққабат. Дәнді дақыл өнімдері: Нан, ұн, паста, күріш, астық, тары.
Қосымша
Оқушылар тамақтану диетасына байланысты немесе өз қалауы бойынша тамақтану пирамидасын құрастыра алады.
Кестеде көрсетілген тамақ түрлерінің қатарын толықтыруға болады.
Сонымен қатар пирамидада көрсетілген тағамдардың адам ағзасына пайдасы жөнінде оқушылармен зерттеу жүргізуге болады және өздері ең пайдалы, дұрыс деп санайтын тамақтану пирамидасын жасай алады. Тамақтану пирамидасын қолдана отырып, оқушыларға тағамға байланысты жаңа сөздер үйретуге болады.
