А. А. Амангелді 1
жүктеу/скачать 1.2 Mb. Pdf көрінісі
|
- Бұл бет үшін навигация:
- Қазақ инновациялық гуманитарлық-заң университетінің хабаршысы № 1 (49), 2021
- Адам және табиғат
| Негізгі бөлім.
«Бүгінгі күні білімді дайын қалпында қабылдамай, оны өздігімен құрастырудың тұлғаны дамытатындығы, өздігімен құрастырылған білімнің есте ұзақ мерзімде сақталатындығы дәлелденіп отыр. Қайталау мен жаттығуға негізделген білім (репродуктивтік) тек есте сақтау дәрежесінде болса, құрастырылған (конструктивтік) білім үйренушіден түсіну, қолдану, талдау, ақпарат негізінде жаңа мазмұн құрастыру және бағалау секілді белсенді әрекеттерді талап етеді. Қайталау емес, әр сабақта интербелсенді әдістемені қолдану арқылы ғана жетуге болады» [1; 13]. ZOOM – қазіргі білім беру жүйесінде қашықтан білім беруде жиі қолданылатын сенімді әрі тиімді платформалардың бірі. ZOOM платформасында қазіргі қолданылып жүрген барлық технологияларды қолданып, сабақты тиімді ұйымдастыруға мүмкіндік бар. Өзге де пәндер сияқты, тіл үйретуде аталмыш платформада ешқандай қиындық немесе кедергілер туындамайды. Мұнда оқылымды, тыңдалымды, айтылым мен Қазақ инновациялық гуманитарлық-заң университетінің хабаршысы № 1 (49), 2021 69 жазылымды толықтай іске асыруға мүмкіндік бар. Әр сабақта интербелсенді әдістемені қолданып, қызықты өткізуге болады. Біз мақалада қазақ тілін ZOOM платформасында оқытудағы өз тәжірибемізбен бөліспекпіз. Ойымызды нақты мысалдармен келтірсек, мәселен, В1 деңгейі бойынша оқитын топтарда 1- триместрде «Адам және табиғат» деген модуль бар. Сол модульді меңгеру барысында, мәселен, ZOOM платформасының мүмкіндіктері молынан пайдаланылды: ассоциограмма, кластер құру, Т-кестесі, топтық жұмыс, жұптық жұмыс түрлерін пайдаландық. Нақтырақ айтсақ, ассоциограмма, кластер құруда ZOOM платформасының мүмкіндіктері зор. Хабарландыру тақтасының мүмкіндіктерін тиімді пайдалануға болады, тақтаны білім алушылармен «бірлесіп пайдалана» отырып, тақтаның жұмыс құралдарын: «сурет салу»-ды, «қарындаш»-ты, «мәтін»- ді қолдана отырып, «Табиғат» сөзіне ассоциограмма құрдық. Әсіресе «Экологиялық сот отырысы», «Эколог-маманмен тілші сұхбаты» рөлдік ойындары студенттердің қызығушылықтарын оятып, қызықты өтті. Екі сессиялық залда рөлдік ойындарға дайындалу үшін топтық және жұптық жұмыс жүргізілді. Бірінші залдағы топқа «Экологиялық сот отырысына», екінші сессиялық залға жіберілген жұпқа «Эколог-маманмен тілші сұхбатына» дайындық жасауға тапсырма берілді. Екі сессиялық залда топтық және жұптық жұмыстарға студенттер дайындалып жатқанда негізгі бөлмеде жеке жұмыс жүргізілді. Бір студент Т-кестесін толтырып, адамзаттың табиғатқа тигізген әсері (жағымды, жағымсыз) туралы ойымен бөлісті. ZOOM платформасының хабарландыру тақтасын студенттермен «бірлесіп пайдалана» отырып, суреттерді атауларымен сәйкестендіру де өте қолайлы. Мәселен, біз өтіп жатқан тақырыпқа сай «Құстар мен аңдардың атауларын сәйкестендіріңіз», «Табиғат құбылыстары мен атауларын сәйкестендіріңіз» деген тапсырмаларды бердік. Тақтаны білім алушылармен «бірлесіп пайдалана» отырып, тақтаның жұмыс құралдарын: «сурет салу»-ды, «қарындаш»-ты қолдана отырып, суреттерді атауларымен сәйкестендірдік. |