А.Қ. Бекболғанова жаңа педагогикалық технологиялар оқу құралы талдықОРҒан 2013
жүктеу/скачать 326.12 Kb.
|
- Бұл бет үшін навигация:
- Сабақты қортындылау.
- Бағалау.
- Сын тұрғысынан ойлау бағдарламасы
- САБАҚТЫҢ БАРЫСЫ
- ҚОРЫТЫНДЫ
- Пайдаланған әдебиеттер тізімі
- МАЗМҰНЫ
ІІІ. Ой тастау.Бұл кезеңде оқушылар кеспе қағазында берілген тапсырмаларды орындайды, тапсырмалар төменде берілген. тапсырма. Сызық ( линия) құралын пайдаланып, өрмекші торын салыңыз. тапсырма. Әртүрлі типті эллипс құралдарын пайдалана отырып, бұлттардың суретін салып боя. тапсырма. Қисық сызық қолдану арқылы дөңгелектің суретін салыңыз. 4 тапсырма. Пішінін, әртүрлі түсі мен өлшемін қылқалам құралын пайдаланып, суда жүзіп келе жатқан кеменің суретін салыңыз. 5 тапсырма. Эллипс, тіктөртбұрыш сызық құралдарын пайдаланып, қалпақтың суретін салыңыз. 6 тапсырма. Түзу сызықты пайдаланып, ақша қардың суретін салыңыз. 7 тапсырма. Эллипсті, өшіргішті, пайдаланып гүлдің суретін салыңыз. Сабақты қортындылау.Оқушылар өздері салған суреттерін қағаз бетіне шығарып, салған суреттерінің нәтижесін көрсету. Мұндай сабақтарда оқушылардың тапсырылған жұмыстарға іскерлігі, логикалық ойлау қабілетін артырады, қалыптасады. Болашақ өмірінде белгілі бір кәсіби мамандықты таңдап алуға септігін тигізеді. Бағалау.Оқушылар өзін - өзі бағалау Үйге тапсырма беру.§4.1-4.2 тақырыптарын оқу, Өткен тақырыптар бойынша тест құру. Сын тұрғысынан ойлау.Сын тұрғысынан ойлауды дамыту бағдарламасы – әлемнің түкпір- түкпірінен жиылған білім берушілердің бірлескен еңбегі. Тәжірибені жүйеге келтірген Джинни Л.Стил, Куртис С.Мередит, Чарльз Тэмпл. Жобаның негізі Ж.Пиаже, Л.С.Выготский теорияларын басшылыққа алады. Сын тұрғысынан ойлаудың мақсаты барлық жастағы оқушыларға кез келген мазмұнға сыни тұрғыдан қарап, екі ұйғарым бір пікірдің біреуін таңдауға саналы шешім қабылдауға сабақтарда үйрету. «Сын тұрғысынан ойлау» ұғымы белгілі бір идеяларды қабылдай отырып, оның неге қатысты екенін зерттеу, оларды жеңіл септикалық ойларға қарсы қоя білу, салыстыра алу, сол идеяларға қарсы көзқарастармен тепе-теңдікте ұстап зерттеу, оларға сеніммен қарау. Сын тұрғысынан ойлау – сынау емес, шыңдалған ойлау. Бұл деңгейдегі ойлау тек ересек адамдарға, жоғарғы сынып оқушыларына ғана тән деп ойлау аса дұрыс емес. Жас балалардың да бұл жұмысты дұрыс ұйымдастырған жағдайда өз даму деңгейіне сәйкес ойы шыңдалып, белгілі бір жетістіктерге жетері сөзсіз. Сын тұрғысынан ойлау бағдарламасы
Қызығушылықты ояту – бұрынғы білетін және жаңа білімді ұштастырудан тұрады. Үйренуші жаңа ұғымдарды, түсініктерді, өзінің бұрынғы білімін жаңа ақпаратпен толықтырады, кеңейте түседі. Осы кезеңге қызмет ететін «Топтау», «Түртіп алу», «Ойлану», «Жұпта талқылау», «Болжау», «Әлемді шарлау» т.б. деген аттары бар әдістер (стратегиялар) жинақталған. Қызығушылықты ояту кезеңінің екінші мақсаты – үйренушінің белсенділігін арттыру. Ойлау мен үйренуге бағытталған бұл бағдарламаның екінші кезеңі мағынаны тану (түсіне білу). Бұл кезеңде үйренуші жаңа ақпаратпен танысады, тақырып бойынша жұмыс істейді, тапсырмалар орындайды. Оқушылардың тақырып бойынша жұмыс жасауына көмектесетін оқыту стратегиялары бар. Соның бірі INSERT. Ол бойынша оқушыға оқу, тақырыппен танысу барысында V – «білемін», - «мен үшін түсініксіз», + - «мен үшін жаңа ақпарат», ? – «мені таң қалдырады» белгілерін қойып отырып оқу тапсырылады. INSERT – оқығанын түсінуге, өз ойына басшылық етуге, ойын білдіруге үйрететін ұтымды құрал. Мағынаны түсінуді жоғарыдағыдай ұйымдастыру – аталған кемшіліктерді болдырмаудың бірден-бір кепілі. Ой-толғаныс – бағдарламаның үшінші кезеңі. Күнделікті оқыту үрдісінде оқушының толғанысын ұйымдастыру, өзіне, басқаға сын көзбен қарап, баға беруге үйретеді. Оқушылар өз ойларын, өздері байқаған ақпараттарды өз сөздерімен айта алады. Сабақтың тақырыбы: «Дербес компьютердің құрылғылары». Сабақтың мақсаты: Білімділік: Оқушыларға дербес компьютер және оның құрылғылары туралы нақты білім беру. Зат есім туралы жалпы түсінік беру. Дамытушылық: Қызығушылығын арттыру, логикалық ойлау арқылы толық және нанымды жауап беруге дағдыландыру. Тәрбиелік: Еңбекті сүйе білуге, компьютермен жұмыс жасағанда қауіпсіздік ережелерін есте ұстауға, өз уақыттарын дұрыс пайдалана білуге тәрбиелеу. Сабақтың түрі: аралас Сабақтың әдісі: түсіндірмелі- иллюстративті. Сабақта қолданылатын педагогикалық технологиялар: сын тұрғысынан ойлау әдістері, ойын технологиясы Оқыту құралдары: Компьютер, кітап Пәнаралық байланыс: ағылшын, тарих. INSERT. V – "білемін”, - "мен үшін түсініксіз”, + - "мен үшін жаңа ақпарат”, ? – "мені таң қалдырады”. САБАҚТЫҢ БАРЫСЫ:Ұйымдастыру бөлімі. Үй тапсырмасын тексеру Жаңа материалды түсіндіру Бекіту Үйге тапсырма Қорытынды Сабақ – мғалімнің шығармашылығы. Тіпті бірыңғай технлологияны қолданатын, бір тақырыпқа арналған сабақ әр ұстазда түрліще болып шығады. Кез-келген сабақтың анық мақсаты болу керек. Сондықтан қазіргі заманғы дидактикада сабақ типтерін былай класификациялайды. жаңа сабақ өту; дағды мен біліктілігін қалыптастыру және дамыту; білімін, біліктілігін, дағдысын бекіту мен пайдалану; оқыту және білімді жүйелеу; білімін, біліктілігін, дағдысын бақылау және коррекциялау; кіріктірілген сабақ. Мұғалім алдымен сабақта не істейтінін жоспарлайды, содан соң калай және қандай әдіспен жүзеге асыратынын анықтайды. Сабақтың құрылымы мақсат пен мазмұн арқылы анықталады, кездейсоқ таңдалуы мүмкін емес. Интерактивтік оқыту. Интерактивті оқыту моделін пайдалану - өмірлік жағдайларды моделдуді, рөлдік ойындарды қолдануды, мәселені бірлесіп шешуді қарастырады. Оқу үрдісінің қандайда бір қатысушысын немесе идеясын яғни, жақсы оқитындарға ғана назар аудару сияқты ерекшелеуді шектейді. Бұл моделге адамгершілікпен, демократиялық жолмен келуді үйретеді. Интерактивтік оқыту технологиясы – бұл ұжымдық және өзін-өзі толықтыратын, барлық қатысушылардың өзара әрекетіне негізделген, оқу үрдісіне оқушының қатыспай қалуы мүмкін болмайтын оқыту үрдісін ұйымдастыру болып табылады.
Жұптасып жұмыс істеу. Ротациялық (ауыспалы) үштік. Карусель - Айналмақ. Шағын топтармен жұмыс. Аквариум. Аяқталмаған сөйлем. Миландыру (Мозговой штурм). Броундық қозғалыс. Есепту ағашы (Дерево решений). Ролдік (іскерлік) ойын. Сығымдау әдісі. Өз позицияңды ұстан. Дискуссия. Дебаттар. Әр ұстаз өз бетінше сыныппен жұмыстың жаңа формаларын ойлап таба алады. Оқушылар бір-біріне сұрақ қойып және оған жауап беруді үйрететін, жұптасып жұмыс істеу әдісін сабақтарда жиі қолданылады. Мысалы; оқушыларға «Карусель» деп аталатын мынадай жұмыс түрі қатты ұнайды. Екі сақина жаслады. Ішкі және сыртқы сақиналар. Ішкі сақина – бұл қозғалмай отырған оқушылар. Сыртқы сақина – бұлар әрбір 30 секунд сайын ауысып тұрады. Осылайша, олар бірнеше минутта бірнеше тақырыпты айтып шығады және әрқайсысы өзінің дұрыстығына әңгімелесушінің көзін жеткізуге тырысады. Аквариум технологиясының мәнісі сонда, бірнеше оқушы шеңбер ішінде ситуацияны жасырады, ал қалғандары оларды бақылап тұрып әрекеттеріне талдау жасайды. Броундық қозғалыста оқушылар бүкіл сынып ішінде қозғала жүріп берілген тақырыбы бойынша ақпарат жинайды. Есептеу ағашы – сынып сандары бірдей 3 немесе 4 топқа бөлінеді. Әр топ өз сұрақтарын талдап, ағаштың өздеріне тиісті тармағына (ватман парақ) жауап жазады, содан соң топтар орындарын ауыстырып, көршісінің ағашына өз идеяларын жазады. «Өз позицияңды ұстан» - деп аталатын интерацияның да пайдасы бар. Қандай да бір ұйғарым, көзқарас оқылады, содан кейін оқушылар «Иә» немесе «Жоқ» деген аймаққа бөлінген тақтаға (плакатқа) барады. Мүмкіндігінше олар өз позицияларын түсіндіргені дұрыс. Мұғалім мен оқушының интерактивтік шығармашылығы шектелмейді. Оны қойылған мақсатқа дұрыс бағыттай білудің маңызы зор. Бүгінгі шығып жатқан жаңа педагогикалық технологиялар оқытудың интерактивтік әдісімен байланыстырылады. Интерактивтік оқыту – бұл, ең алдымен оқушы мен мұғалімнің қарым-қатынасы тікелей жүзеге асатын сұқбаттасып оқыту болып табылады. Сонымен бірге инетрактивтік оқыту – бұл танымдық әрекеттің арнаулы ұйымдастыру формасы. Ол толық айқындалған және мақсатын алдын-ала болжауға болатын оқыту түрі. Осындай мақсаттардың бірі оқушы өзінің жетістіктерін, интелектуалдық белсенділігін сезетіндей, оқу барысының өнімділігін арттыратын оқытудың жинақы шарттарын жасау. Интерактивтік оқытудың мәнісі сыныптағы барлық оқушы таным үрдісімен қамтылады, олар өздерінің білетін және ойлайтын нәрселері арқылы түсінуге және қарсы әсер етуге мүмкіндік алады. ҚОРЫТЫНДЫХХІ ғасыр – әлемдегі өзгерістерге негізделген білімнің дәуірлеу ғасыры, өйткені, ол қазіргі кезеңде мемлекеттің тұрақты дамуы мен қауіпсіздігін қамтамасыз етуде, әлемдік рыноктағы, әлемдік қоғамдастықтағы орнын анықтап, халықтың өмір сүру сапасы мен деңгейін анықтауда негізгі көрсеткіш болып табылады. Қазақстан Республикасының тәуелсіздік алуына байланысты әсіресе соңғы кезде педагогика саласына түбегейлі өзгертулер, жаңалықтар енгізілуде. Біздің басты игіліктеріміздің ішінде халқымыздың немесе басқаша айтқанда адам ресурстарының сапасы тұр. Біздің ғылыми және шығармашылық әлеуетінің деңгейі жоғары, білім өрісі биік халқымыз бар. Біз қолымыздағы осындай баға жетпес капиталды жан - жақты дамытуға және оның дамуы үшін барған сайын жаңа әрі неғұрлым өркениетті жағдай туғызуға тиіспіз. Еліміздің экономикалық және әлеуметтік даму деңгейі, ең алдымен, олардың білім жүйесімен, азаматтарының білімділігімен анықталады. Жаһандану дәуірі - әлемдегі елдердің бәсекелестік жағдайында халықаралық деңгейде өзара кірігу үрдістерінің жандану дәуірі де болғандықтан, білім – пайдалы инвестиция саласы ретінде еліміздің экономикалық, әлеуметтік және саяси даму тұрақтылығын қамтамасыз етеді. Өз кезегінде маман кадрлардың бәсекеге қабілеттілігі әлеуметтік- экономикалық, техникалық жүйелердің және технологиялардың бәсекеге қабілеттілігімен анықталады. Жаңашылдық - білім беру саласының алдында тұрған жаңа міндеттерді сәтті орындаудың негізгі шарттарының бірі болып саналады. Ол оқу - тәрбие жұмыстарының тиімділігі мен өнімділігін арттыруға септігін тигізеді. Білім беру саласына жаңалықтар енгізбестен бұрын, қоғамдық еңбектің басқа салаларына сәтті түрде жаңалықтар енгізу қиынға соғады. Өзгерістер өмірдің диалектикасы ретінде тек қана біздің заманға, біздің қоғамға және біздің өмірге тән құбылыс емес. Олар мәңгі адами қозғалыстың, яғни адамның жақсы өмір сүруіне, жаңа заман талабына сай шарттарға қол жеткізуіне деген күресі мен талпынысының көрінісіне айнала отырып, жалпы өмірдің диалектикасын бейнелейді. Жуырда ғана мұндай өзгерістер өте баяу жүзеге асатын, алайда соңғы жылдардағы ғылым мен техниканың өзара тығыз байланысты дамуының нәтижесінде олар да қарқындылығын күшейте бастады. Бүгінгі күні әртүрлі елдер үшін білім беру мен тәлім-тәрбиені дамыту бағытында ортақ қиыншылықтардың туындағанына қарамастан, олар бір-бірінен білім беру мәселелерін шешу жолдары, әдістері және мақсаттары тұрғысынан елеулі дәрежеде ерекшеленіп отырғандығы байқалады. Мұндай айырмашылықтар адамның рөлі мен оны жетілдірудің маңызын (мінез-құлқының маңызын, жеке тұлғаны дамытудағы тәрбиенің рөлін), осыдан барып қоғамның жекелеген мәселелерін шешудегі, оның қажеттіліктерін қанағаттандырудағы және жалпы қоғамды дамытудағы білім беру жүйесінің міндеттерін әртүрлі түсінуден келіп шығады. Осыған байланысты, әртүрлі қоғамдық - саяси жүйелерімен ерекшеленетін елдерде білім беру саласына жаңалықтар әртүрлі мақсаттармен, әртүрлі тәсілдермен және әртүрлі атаулармен енгізіледі де, олардан әртүрлі нәтижелер күтіледі. Әртүрлі елдердегі бірдей жаңалықтар әртүрлі қызметтерге ие болып, оларды қолдану нәтижелері де түрліше бағаланады. Жас ұрпаққа беретін жоғары білімнің маңызы қай уақытта да артпаса кеміген емес. Оны қоғамның дамуына ықпал етіп қана қоймай, оның сұраныстарын да қамтамасыз ететін әлеуметтік институт деп білуіміз керек. Өйткені, бүгінгі ғаламдық аймаққа шығып кеткен кең ауқымды және жан-жақты мазмұнға ие экономикалық қарым - қатынастар ең алдымен жоғары оқу орындарында кәсіби дайындалған әмбебап мамандарға деген сұранысты қалыптастырып отыр. Мұның өзі жоғары білім беру жүйесін жер жүзіндегі озық ғылым мен техниканың жеткен биігі болып есептелетін “әлемдік стандартқа” талпынуға итермелейді. Халықаралық білім беру кеңістігін құру, әр түрлі елдің ұлттық білім беру жүйесінің заман талабына сай озық үлгілерін теориялық - әдістемелік тұрғыдан жақындастыру арқылы Қазақстанда ұлттық білім беру жүйесін құру қажеттігі туындады. Оқу үрдісінде инновациялық технологияларды пайдаланудың білімгерлердің білімін көтерумен қатар оның тәрбиелік те маңызы зор. Дәстүрлі оқыту әдісіне қарағанда кредиттік оқыту жүйесі, электрондық оқулық немесе жаңа инновациялық оқыту технологиясы білімгерлердің жалпы қызығушылығын туғызады, ол өз кезегінде оларды сапалы және тұрақты білім алуына жағдай жасайды. Қазіргі кезеңде ақпараттық технологиялардың дамуының негізгі бағыты «мультимедиа» жүйесі болып табылады. «Мультимедиа» терминін ағылшын тілінен сөзбе - сөз аударғанда «көп орталық», яғни электрондық ақпаратты тасушы, құрамына бірнеше түрде мәтін, сурет, бейне және т.б. топтаушы деген мағынаны береді. Н.В.Клемешова мультимедиа терминін оқу материалының мазмұнына дыбыстық және визуальдық түрде интерактивтік форма беретін, сезімдік қабылдау үрдістерінің тиімді өтуіне қолайлы жағдай туғызатын, білімгерлердің жеке қабілеттерінің дамуына мүмкіндік туғызатын компьютерлік құрал деп түсіндіреді. Мультимедиа бағдарламасында ақпарат үш құрал арқылы – сызба, аудио, бейне арқылы беріледі. Оқытудың кез келген түрінің тиімділігі білімгер мен оқытушының ара - қатынасына, педагогикалық технологиялардың пайдалануына, оқу - мазмұнына, әдістемелік материалдардың құрастырылу деңгейіне тәуелді. Болашақтың бүгінгіден де нұрлы болуына ықпал етіп адамзат қоғамын алға апаратын күш тек білімде ғана. Қай елдің болмасын өсіп өркендеуі, өркениетті дүниеде өзіндік орын алуы оның ұлттық білім жүйесінің деңгейіне, дамыту бағытына байланысты. Қазіргі кезеңде егеменді елімізде білім берудің жаңа жүйесі жасалып, әлемдік білім беру кеңістігіне бағыт алуда. Бұл педагогика тарихы мен оқу-тәрбие үрдісіндегі елеулі өзгерістерге байланысты болып отыр, себебі, білім беру жүйесі өзгерді, білім берудің мазмұны жаңарды, жаңа көзқарас, жаңаша қарым-қатынас пайда болды. Ұлы ағартушы Ахмет Байтұрсыновтың «Ұстаз үздіксіз ізденген де ғана, шәкірт жанына нұр құя алады», – деген сөзі ізденімпаз, жаңаша ұстаздарға арналғандай. Мұны әрбір оқытушы жадында сақтауы тиіс. Пайдаланған әдебиеттер тізімі:Кертаев Г. Оқытудың кейбір әдістері. Алматы,2001. Айтмамбетова Б.Р. Жаңашыл педагогтар идеялары мен тәжірибелері. Алматы,2001. Беспалько В.П. Педагогика технологиясы.1998. Селенко К.К.Современенны образовательные технологии.1998. Мирсейітова С.Сын тұрғысынан ойлау технологиясы.1998. Арстанов М.Ж., Пидкасистый П.И., Хайдаров Ж.С., Проблемно- модульное обучение: Вопросы теории и технологии.-Алма-Ата:Мектеп, 1990. Беспалько В.П. Програмированное обучение: Дидактические основы. М.,1990. Беспалько И.П. Слагаемые педагогической тахнологии.-М., 1989. Шырынбаева Г.Қ. «Саралап, деңгейлеп оқыту технологиясы» Мектептегі технология. – 2005. №3 Абылкасымова А.Е. Позновательная самостоятельность в Қазақстан Республикасының “Білім туралы” Заңы /баптары бойынша түсіндірмелерімен/ және оны жүзеге асыру жөніндегі негізгі құжаттар. Астана, 2000. Қазақстан Республикасы “Білім мемлеттік бағдарламасы” /Қазақстан мұғалімі. 2000.-№33-34. Қазақстан Республикасының 2015 жылға дейінгі білім беруді дамыту тұжырымдамасы. /Қазақстан мектебі. 2004-№2/(1). Мейірманқұлова Т. Білім берудегі инновациялық технологиялар. Алматы., 2005. Валиева М. Білім беру технологиялары және оларды оқу-тәрбие үрдісіне енгізу жолдары. (Әдістемелік нұсқау) – Алматы, 2002. Бұзаубақова К.Ж.Жаңа педагогикалық технология. Алматы, 2004, 21-бет. Сарбасова Қ.А. Инновациялық технологиялар. Алматы., 2006. Сарбасова Қ.А. Инновациялық педагогикалық технологиялар негізінде бастауыш сынып мұғалімдерінің даярлығын жетілдіру. Қарағанды, 2005. Жанпейсова М.М. Модульдік оқыту технологиясы оқушыны дамыту құралы ретінде. Алматы., 2002 Өстеміров К., Айтбаева А. Қазіргі білім беру технологиялары Алматы, 2006, 4-бет. Қожамжарова Р.Т., Бектенғалиева К.Х., Қадірбаева Қ.Қ. Білім мекемесі- оқу тәрбие ордасы. Шымкент-Алматы, 2002. Ангеловски К. Учителя и инновации. Москва, 2001. Дьяченко В.К. Новая педагогическая технология учебно- воспитательного процесса. Усть-Каменогорск.-2002. Сабиров Т. Оқушылардың оқу белсенділігін арттыру жолдары. Алматы, 1978. Лысенкова С.Н. Методом опережающего учения. М., 1998. Новикова Т.Г. Экспертиза инновационной деятельности в образовании. Москва, 2006. Гузеев В.В. Методы и организационные формы обучения. Москва, 2001. Таубаева Ш.Т., Лактионова С.Н. Педагогическая инноватика как теория и практика нововведений в системе образования. Алматы, 2001. Инновационное обучение: Стратегия и практика. /Под.ред. В.Я.Ляудис.-М.-2004. Бұзаубақова Қ.Ж. “Жаңа педагогикалық технология” тренингі /оқу-әдістемелік құрал/. Алматы., 2005. Тілеуова С.С. Әліпбек.А. Педагогика. Шымкент, 2006. Бегалиев Т. Педагогика. Қысқаша лекциялар курсы. Оқу құралы. Тараз., 2002. Шаталов В.Ф. Педагогическая проза; из опыта работы школ г.Донецка. М., 1990. Юдин В.В. Педагогическая технология. Ярославль, 1997. Лихачев Б.Т. Педагогика. Курс лекций: Учебное пособие для студентов пед.учебных заведений и слушателей ИПК и ФПК.-М., 1998. Абыканова Б.Т. Компьютерлік технологияны пайдалану арқылы оқушылардың танымдық белсенділігінің арттырудың дидактикалық шарттары. Алматы., 2005. УстемировК.У., Шаметов Н.Р., Бакиров Р.Т. Современные образовательные технологии технические системы обучения. Алматы, 2006(17). Әбдіманапов С. Елдік өркендеу және инновациялық даму. // Егемен Қазақстан, 2007, 28 сәуір. Керимбаева М.С. Инновационные процессы в школе: проблемы, перспективы, поск.- Алматы. 1995. Маджуга А.Г., Саипов А.Б., Мусурманова Г.Ж. Использование традиционных и активных форм и методов обучения в педагогическом процессе. Шымкент, 2004. Ахметов А.К. Принципы технологии и содержание образовательной программы. – Алматы, 1995. Анатолий Гин. Приемы педагогической техники. Москва, 2009, 11-бет. Монахов В.М. Технологические основы проектирования и конструирования учебного процесса. Волгоград. 1995. Кларин М.В. Инновационные модели обучения в зарубежных педагогических поисках. М., 2004, 8-бет. Щуркова Н. Е. Педагогическая технология. М., 2002. Селевко Г. К. Опыт системного анализа современных педагогических систем // Школьные технологии. 2006. № 6. Шамова Т. И., Третьяков П. И., Капустин Н. П. Управление образевательными системами: Учеб. пособие для студ. высш. учеб, заведений /Под ред. Т. И. Шамовой. М.: ВЛАДОС, 2001. Махмудов.М. Мектепте проблемалы оқытуды ұйымдастыру. Алматы., 1999 Крысько В.Г. Психология и педагогика в схемах и таблицах. М., 2000. Садыков Т.С. Абылкасымова А.Е. Дидактические основы обучения в высшей школе. Алматы., 2000. Нағымжанова Қ.М. Инновациялы-креативті технологиялар. - Өскемен, 2005. Мұқаметқали М. Мұғалімдерді кәсіби педагогикалық инновациялық іс-әрекетке даярлау жолдары - Өскемен, 2004. Внутришкольное управление: теория и опыт педагогических управленческих инноваций / Под ред. Н.В. Горбуновой. М.: Новая шк., 1995. Педагогические технологии: Учебное пособие для студентов педагогических специальностей/Под общей ред. В. С. Кукушина. – Серия «Педагогическое образование». – М.: ИКЦ «МарТ»; Ростов н/Д.: Издательский центр «МарТ», 2004. Bloom, B. S., Engelhart, M. D., Furst, E. J., Hill, W. H., & Krathwohl, D. R.. Taxonomy of educational objectives: the classification of educational goals; Handbook I: Cognitive Domain New York, Longmans, Green, 1956. Камалов Р.Р. Информационно-педагогический ресурс как объект современной педагогики. Глазов, 2010. – 196 с. Эрдниев П.М. Обучение математике в начальных классах: Книга для учителя. - 2-е изд.- М.: ЛО Столетие, 1995. - 272с. Эрдниев П., Эрдниев, О. УДЕ как логический импринтинг. Живой родник мышления и творчества // Известия Калмыкии. -№ 9, 19 января 1999. МАЗМҰНЫ
А.Қ. БЕКБОЛҒАНОВА Оқу құралы ЖАҢА ПЕДАГОГИКАЛЫҚ ТЕХНОЛОГИЯЛАР Компьютерлік қалыптаушы С.Д. Шудабаева Мұқабаның дизайнері С.А. Липшиц Баспашы А.М.Жұмасейтов Басуға қол қойылды 21.08. 2013 ж. Әріп түрі «Times New Roman». Қалыбы 60х84 Офсетті қағаз. Таралымы 50 дана. Ш.т.б.7.5 Тапсырыс № 00708 «Жетісу университеті» баспа бөлімі. І. Жансүгіров атындағы Жетісу мемлекеттік университеті 040009 Талдықорған, Жансүгіров көшесі, 187а жүктеу/скачать 326.12 Kb. Достарыңызбен бөлісу:
|