Тақырыптық кеңестер - белгілі бір тақырыпқа байланысты болуы
мүмкін. Бұл кеңестерді психолог, дәрігер, тиісті мамандар бере алады.
Тақырыптар жиі кездесетін сұрақтар төңірегінде таңдалады.
Педагогикалық әңгімелер – педагог ата-аналарға бала тәрбиесіне
қатысты бағдар көрсетеді, өз ойын айтып, ата-ана ойын тыңдайды. Бұл
әңгімені жалпылай да өткізуге болады.
Дәріс -ата-аналармен жұмыс жасау әдісінің кең тараған түрі. Ол үлкен
аудиторияда және жұмыстың басында тиімді, ақпараттың үлкен көлемін
беруге мүмкіндік беретін жұмыс. Олардың мазмұны ата-аналардың
талаптарына, оқу-тәрбие жұмыстарының нақтылы міндеттеріне байланысты
болады. Әңгімелер мен дәрістер жүйелі түрде, белгілі бағдарлама бойынша
өткізіліп отырылса ғана көздеген мақсатына жете алады.
