Қаңбақты ауылдық округі әкімінің 2013 жылдың 9 айында атқарған жұмыстары есебінің тезистері

Қаңбақты ауылдық округінде Алмалы, Ақжар, Дөңши елді мекендері орналасқан. Ондағы тұрғын халық саны 1330 адамды құрап отыр. Аула саны 215.

Қаңбақты ауылдық округі бойынша әлеуметтік-экономикалық

бағдарламаны орындау мақсатында 2013 жылы салық бойынша атқарылған жергілікті болжамды төлемнің орындалу көрсеткіштері:

Округте «Сапар» ЖШС мен 38 шаруа қожалығы тіркелген. Олардың негізгі айналысатын бағыты мал шаруашылығы. Сонымен қатар 4 жеке кәсіпкер тіркелген. Олар негізінен жеке саудамен айналысушылар.

2013 жылы 134 га жерге егін егілді, оның ішінде 350 га жерге картоп, 50 га жерге көкөніс егілді.

2013 жылдың 9 айлық көрсеткіші бойынша округтегі ірі қара мал басы 457 басқа өсіп, 3926 басты, қой-ешкі 3104 басқа өсіп, 11860 басты құрады, жылқы басы 146 басқа көбейіп, 1195 басты құрады. Қысқы мал азығы ретінде 3500 тн қатты табиғи шөп дайындалды. Мал басын бірдейлендіру жұмыстары жүргізіліп, 2000 бас ірі қара сырғаланды.

Ірі қара малдың әлеуетін арттыру мақсатында 5 шаруа қожалығы субсидия алып, асыл тұқымды мал өсірумен айналысып келеді. Биылғы жылы округтен «Жусы Ж.» шаруа қожалығы олардың қатарына қосылып, мал басын асылдандырумен айналысуда.

Білім беру саласы: Округтегі Абай атындағы орта мектеп пен Балқаш орта мектептерінде 139 оқушы білім алады. Екі мектепте барлық саны 39 мұғалім білім береді. Абай атындағы орта мектеп пен Балқаш орта мектебі жанынан мектепке дейінгі 25 орындық шағын орталық жұмыс істейді. 2013 жылы Абай атындағы орта мектепті бітірген 13 түлектің ҰБТ-ға 10-і қатысып, білім сапасы 66,1 балды құрады. Мектепке Дөңши ауылынан 41 оқушы арнайы автобуспен тасымалданады.

Балқаш орта мектебінде 31 оқушы білім алады. Биылғы жылы аталған оқу орнын 6 түлек бітіріп, 6-ы да ҰБТ-ға қатысып, орташа көрсеткіш 69,2 балды құрады. Қысқы жылыту маусымына лимит бойынша Абай атындағы орта мектепке – 26700 литр жанар май, Балқаш орта мектебіне – 21381 литр жанар май жеткізілген. Биылғы жылы Балқаш орта мектебінің жылу жүйесіне күрделі жөндеу жұмыстарын жүргізуге облыстық бюджеттен бөлінген 20 млн 347 мың теңге қаражатқа жөндеу жұмыстары жүргізілуде.

Әлеуметтік жағдайға әсер ететін аурудың түрлері: туберкулез ауруымен 1 жағдай, бруцеллез ауруымен 1 жағдай тіркелді. 15 нәресте дүниеге келіп, 8 адам қайтыс болды. Сары ауру, ВИЧ ауруы бойынша ауырған адамдар тіркелген жоқ. Биылғы жылғы қысқы жылыту маусымына барлығы 53 тонна көмір түсірілді, оның ішінде Дөңши ФП-не 3 тонна, Ақжар ФП-не 10 тонна көмір, Алмалы ауылдық ауруханасына 40 тонна көмір түсірілді.

Ауыз сумен қамтамасыз ету: Округ тұрғындары қазіргі таңда ауыз суды трубкалы колонкалар арқылы пайдаланады. Алмалы ауылында орналасқан орталықтандырылған ауыз су жүйесінен әр аулаларға су тарту жұмыстары жүргізіліп, қазіргі уақытта 86 аула ауыз суды пайдаланып отыр.

Биылғы жылдың 9 айлық қорытындысы бойынша ауыл әкімі тарапынан 19 өкім, 3 шешім шығарылды. Ауыл тұрғындарына 295 анықтама беріліп, 71 өтініш қабылданды.