АЈӘтуллаһҮЛ-Үзма беһҸӘтин һӘЈаты نام کتاب: زندگی نامه ی آیت الله بهجت

БЕШИНҸИ ФӘСИЛ

Әмәли тапшырыглар

(төвсијјәләр вә моизәләр)

Ҝүнаһы тәрк етмәк ахар чешмәјә бәнзәр.

Чох диндар тәләбәләрдән бири дејир ки, бир ҝүн Ајәтуллаһ Беһҹәтин јанына ҝедиб дедим: Мәнә хүсуси бир тапшырыг верин. Бујурду: “Чалыш ҝүнаһ етмә.” Дедим: Бу јашда мәнә ҝүнаһ етмәк јарашармы? Бир зикр вә ја хүсуси тапшырыг верин ки, она әмәл едим. Беһҹәт деди: “Дүнән өз евиндә һансы ҝүнаһа мүртәкиб олдуғуну дејимми?” Мән дедим: Бәли, дејин. Беһҹәт дүнән баш верәнләри бир-бир мәнә садалајанда, јеримдә гурујуб галдым. Сонра тез онунла сағоллашыб ҝетдим. (Әлбәттә, һәр кәс өз һәддиндә ҝүнаһа мүртәкиб олур вә ола билсин ки, бә`зиләринин нәзәриндә бунлар ҝүнаһ һесаб олмасын.)

Ингилабда чох зәһмәт чәкмиш бөјүк шәхсијјәтләриндән бири Беһҹәтдән хүсуси бир тапшырыг истәди. Беһҹәт һәмишәки кими башыны ашағы салыб зикр демәјә мәшғул иди. О, башыны галдырыб деди: “Баҹардыгҹа ҝүнаһ етмәјин.” Сонра јенә дә зикр демәјә давам етди. Јенә мәнә бахыб бујурду: Әҝәр бирдән һәр һансы бир ҝүнаһа мүртәкиб олсаныз, чалышын ҹамаатын һаггы илә әлагәдар олмасын.” Сонра јенә зикр демәјә мәшғул олду. Үчүнҹү дәфә башыны галдырыб деди: “Әҝәр һәггүннасла әлагәдар ҝүнаһа мүртәкиб олсаныз, бу дүнјада һалаллыг алмаға чалышын.” (Бу ҝүнаһы ахирәтә сахламајын, орада сизин үчүн чох чәтин олар.)

Тапшырылана әмәл етмәк лазымдыр.

Башга бир јердә белә бујурмушдур: “Тапшырыг истәјәнләрин сајы чохдур. Амма мән һәр кәсә бир тапшырыг верә билмәрәм. Бу тапшырығы мән һамыја төвсијә едирдим ки, “Вәсаилүш-шиә” китабынын “Ҹиһадун-нәфс” бөлүмүндән һәр ҝүн бир һәдис охујуб, она әмәл етмәјә чалышсынлар. Бир илдән сонра әхлаги ҹәһәтдән дәјишдијинизи һисс едәҹәксиниз. Бу, хәстәләндијиниз вахт истифадә етдијиниз дәрмана бәнзәјир. Чүнки дәрманын тә`сири бир мүддәт кечәндән сонра өзүнү бүрузә верир.”

“Дәр мәһзәре бозорҝан” китабында Устад Гәрәвијан белә гејд етмишдир: “Бир ҝүн бир груп адамла Ајәтуллаһ Беһҹәтин һүзурунда (мәҹлисиндә) отурмушдуг. О, үзүнү мәҹлисдәкиләрә тутуб деди: Һүзејфәдән нәгл олунур ки, Имам Садиг (ә)-ын јанына ҝәлиб әрз етди: Еј пејғәмбәр өвлады! Һамы сиздән “хејир нәдир?”–суалыны сорушур. Амма мән сиздән “шәр нәдир?”–суалыны сорушмаг истәјирәм.

Сонра Беһҹәт әлавә едәрәк деди: Инсан әҝәр шәрин нә олдуғуну билсә вә она мүртәкиб олмаса, бүтүн ишләри дүзәләр.”

Ријанын әлаҹы

...Бир дәфә Ајәтуллаһ Беһҹәт сөһбәтини битирдикдән сонра иҹазә алыб дедим: Мәним бир суалым вар. Бујурду: “Әҝәр хүласә олса, ејби јохдур.” Әрз еләдим: Бә`зән, инсан Аллаһ јолунда ҝөрдүјү хејир ишләрин там ихласла олмасы үчүн чох сә`ј едир. Амма шөһрәтпәрәстлик, ҹамаатын јанында ријакарлыг, башгалары тәрәфдән тә`рифләнмәк кими ҹүзи шејтани вәсвәсәләрдән јаха гуртара билмир. Инсанын зеһниндә долашан белә вәсвәсәләр рија сајылырмы? Бу фикирләр инсанын ҝөрдүјү хејир ишләрин дәјәрини азалдырмы?

Беһҹәт белә ҹаваб верди: “Јол верилмәјән рија анҹаг ибадәтдир вә рија илә гарышыг олан ибади әмәлләр һарамдыр. Бә`зиләринин дедијинә ҝөрә рија һәтта ибадәти батил едир. Амма ибадәтдән кәнар ишләрдә ријанын манеәси (ејби) јохдур. Ријанын өзү ријаја чарә ола биләр вә ријанын чарәси дә дүзҝүн фикирләшмәкдәдир.

Нијјәт

Белә нијјәт един ки, елминизлә әмәлиниз ујғун олсун. Елм вә әмәл нә бири-бириндән габаға кечсин вә нә дә ҝери галсынлар. Бизим бәдбәхтчилијимизин әсас сәбәби елм вә әмәлимизин ујғун олмамасыдыр. Бә`зиләринин елми әмәлиндән ҝеридә, бә`зиләринки исә ирәлидәдир. Хүласә, елмләри илә әмәлләри бири-биринә ујғун ҝәлмир. Адәтән, бир чохларынын елми бә`зән әмәлиндән габаға кечир вә бә`зән дә ҝери галыр. Беләликлә, билдијиниз һәр бир шејә әмәл етмәјә чалышын ки, елминизлә әмәлиниз бәрабәр олсун.¹

Нур чешмәсиндән сүзүлән кәламлар

Коммунистләрин Гафзагдакы репресијалары

Коммунистләрин һөкумәт етдикләри јетмиш иллик репресија дөврүндә Гафгазда–Бакы, Ирәван, Нахчыван вә диҝәр шәһәрләрдә дин вә диндарларын башына нәләр ҝәлдијини бир Аллаһ билир. Ҹаматын дин адыны чәкмәјә ихтијары јох иди. Онларын һөкумәт етдикләри дөврләрдә узун илләр ҹамаат намазы гылынан мәсҹидләр анбарлара чеврилди. Гафгазын бөјүк алимләриндән олан Мирзә Гәни Бадкубини чох фаҹиәли бир шәкилдә өлдүрдүләр. Болшевикләрин Гафгаза ҝәлдији илк вахтларда Ленинин шәклини күчә вә базарларда ҝәздириб дејирдиләр: “Ленин Мәһәммәддән (с) ағыллыдыр.”

Мирзә Гәни минбәрә чыхыб деди: “Дүздүр ки, Ленин ағыллы адамдыр, амма һәзрәт Мәһәммәдин (с) ајаггабысынын бағы белә ола билмәз. Бу сөзә ҝөрә коммунистләр она әзаб верәрәк өлдүрдүләр. Онун гатилинә Аллаһ лә`нәт еләсин.

Бакыда елә ағыр вәзијјәт јаранмышды ки, алимләр ја тәгијјә, ја да һиҹрәт етмәјә мәҹбур олдулар.²

Ҝүнаһ вә ҝүнаһкарын агибәти

Имам Рзадан (ә) белә рәвајәт олунмушдур: “Аллаһын рәғбәт вә мәрһәмәтиндән наүмид олмаг, инсанын өмүр боју мүртәкиб олдуғу ҝүнаһларындан гат-гат чохдур.” Әҝәр Аллаһа гаршы мә`сијәт (үсјан) етмәкдә өз нәфсимизин өһдәсиндән ҝәлә билмәсәк, ҝетдикҹә илаһи ајәләри тәкзиб вә инкар етмәјә башлајаҹағыг. Беләликлә, Аллаһын рәһмәт вә мәрһәмәтиндән наүмид олаҹағыг, һалбуки, ҝүнаһкар олан һәр бир шәхсә Аллаһын рәһмәтиндән узаг олмасы ҝүн кими ајдындыр.

“Гијамәт ҝүнү Аллаһ-тәала рәһмәт гапыларыны елә ачаҹагдыр ки, һәтта Иблис дә тамаһ салаҹаг.” ¹

Имам Һүсејнин (ә) шәһадәти мүгабилиндә Өмәр Сә`дә һансы вә`дләр верилмәмишди? Амма о нә шаһ, нә хәлифә вә нә дә Рејин һакими ола билди.² Нәфсин бу вәсвәсәләриндән Аллаһа пәнаһ апарырыг. Инсан өз агибәтинин хејирли олмасы үчүн нәфсини һәр ҹүр вәсвәсәләрдән горумалыдыр.³

жүктеу/скачать 0.77 Mb.

Достарыңызбен бөлісу: