Алға аудандық экономика, бюджеттік жоспарлау

Ауданның білім беру жүйесінде 35 мектеп (соның ішінде 19 орта, 8 негізгі, 8 бастауыш), 12 мектепке дейінгі мекеме, 1 балалар мен жасөспірімдерге арналған спорт мектебі, 1 музыкалық мектеп, «Жастық жігер» аула клубы және балалардың шығармашылығын дамыту орталығы бар. Еңбек нарығын мамандандырылған жұмысшы кадрлармен қамтамасыз ету үшін индустриалдық-техникалық колледж жұмыс істейді. Сонымен қатар ауданда «Ақтөбе облыстық оңалту орталығы», Тамды ауылындағы көмекші мектеп-интернат және облыстық жетім балаларға арналған мектеп-интернат жұмыс жасайды.

Қосымша білім берумен, үйірмелер мен спорт секцияларында 2730 оқушы қамтылған. Сонымен қатар 300 оқушы оқытылатын 5 сурет салу студиясы бар. Мектепке дейінгі білім берумен және тәрбиемен 2545 бала қамтылған. Ауданның 35 мектебінде 6403 оқушы оқытылады.

Білім берудегі маңызды мәселелердің бірі – мектеп түлектерін мемлекеттік аттестациялау. 2012 жылы 454 мектеп бітірушінің 266-ы ұлттық бірыңғай тестілеуден өтті. Орташа балл – 72,0 пайызды құрады. 1 түлек «Алтын белгі»-ге, 1 түлек үздік аттестатқа ие болды.

Оқушыларды ыстық тамақпен қамтамасыз ету білім беру ұйымдары жұмысының басты бағыттарының бірі болып табылады. Ауданның 6403 оқушысының 88,8 пайызы, яғни 5687 ыстық тамақпен қамтылған, 3379 оқушы (бастауыш класс пен аз қамтылған отбасынан шыққан оқушылар) ақысыз тамақпен қамтамасыз етілді.

Мемлекет тарапынан жетім балалар мен мүмкіндігі шектеулі балаларға ерекше көңіл бөлінуде. 2012 жылы республикалық бюджет қаражаты есебінен үйінде оқытылатын мүгедек балаларға құрылғылар сатып алуға және жетім баланы бағуға 12,6 млн.теңге бөлінді. Аудан бойынша мүмкіндігі шектеулі 250 баланың ішінде 118 бала мүгедектер. Үйінде оқытылатын балалар саны – 17, оңалту ұйымдрында – 15 және №3 бала бақшасының коррекциялық тобында – 15 бала.

Шаралар жоспарына сәйкес барлық мектептерде оқушылар арасында құқық бұзушылық пен қылмыстың алдын алу жөнінде жұмыстар жүргізілуде. Дегенмен, есепті кезеңге 1 оқушы аудандық ішкі істер бөлімінің тіркеуінде тұр.

Ауданың білім беру саласына 2012 жылға 300,5 млн.теңге қаражат бөлінді:

1. 
   Мектептердің материалдық-техникалық базасын нығайтуға – 17,8 млн.теңге, оның ішінде:
   

• 
  2 мектепке (№1 Алға мектеп-бақшасы, №2 Алға орта мектебі) химия кабинеттерін сатып алуға республикалық бюджеттен – 8,2 млн.теңге;
  
• 
  үйінде оқитын мүгедек балаларға жабдықтар сатып алуға – 2,4 млн.теңге;
  
• 
  жылу қазандықтарын сатып алуға (№1 мектеп бақша және №2 орта мектеп) – 4,8 млн.теңге;
  
• 
  медициналық жабдықтар сатып алуға аудандық бюджеттен – 2,4 млн.теңге бөлінді.
  

2. 
   Құрылыс және күрделі жөндеуге – 277,2 млн.теңге, оның ішінде:
   

• 
  100 оқушы орынға арналған Қайыңдысай негізгі мектебінің құрылысын жалғастыруға облыстық бюджеттен – 118,0 млн.теңге бөлініп, нысан құрылысы аяқталып, пайдалануға енгізілді;
  
• 
  Маржанбұлақ орта мектебінің шатырын күрделі жөндеуге «Жұмыспен қамту – 2020» бағдарламасының аясында – 13,1 млн.теңге және облыстық бюджет қаражаты есебінен 2,2 млн.теңгеге мектептің едендері ауыстырылды;
  
• 
  № 2 Алға орта мектебін күрделі жөндеуге – 65,4 млн.теңге;
  
• 
  № 3 Алға орта мектебін күрделі жөндеуге – 52,3 млн.теңге;
  
• 
  № 1 Алға бала-бақшасын күрделі жөндеуге – 26,2 млн.теңге бөлініп, игерілді.
  

3. 
   Мектептерді және мектепке дейінгі мекемелерді ағымдағы жөндеуден өткізуге – 5,5 млн.теңге бөлініп, игерілді.