Аллоҳ суйган бандалар
Саҳобаларнинг (Аллоҳ улардан рози бўлсин)
жүктеу/скачать 1.18 Mb. Pdf көрінісі
|
| Саҳобаларнинг (Аллоҳ улардан рози бўлсин)
тавозеларига мисоллар Умар Махзумий айтади: “Умар ибн Хаттоб разияллоҳу анҳу одамларни масжидга чорлади. Одамлар йиғилгач, минбар- га чиқиб, Аллоҳ таолога ҳамду сано айтди, Пайғамбар сал- лаллоҳу алайҳи ва салламга салавот ва салом йўллади, сўнг: «Мен Бани Махзумлик холаларимнинг чорвасини боқиб бе- рардим, эвазига бир ҳовуч хурмо ва майиз беришарди. Шун- дай кунларни бошимдан ўтказганман», деди ва минбардан тушди. Абдураҳмон ибн Авф разияллоҳу анҳу: «Эй мўмин- лар амири, ўзингизни жуда ерга уриб юбордингиз», дега- нида Умар разияллоҳу анҳу: «Эй ибн Авф, ундай дема! Мен холи қолганимда хаёлимга, мана, сен мўминлар амирисан, сендан афзал ким бор, деган фикр келди. Шунинг учун ўзимга асли ким эканимни билдириб қўйгим келди», деб жавоб қилди”. Ҳасан раҳимаҳуллоҳ деди: “Иссиқ кунларнинг бири- да Умар разияллоҳу анҳу бошига ридосини ташлаб олиб кўчага чиқди. Олдидан бир бола эшак миниб ўтиб қолди. Умар разияллоҳу анҳу: «Ҳой бола, мени ҳам мингаштириб ол», деди. Бола дарров эшакдан тушиб: «Миниб олинг, эй мўминлар амири», деди. Умар разияллоҳу анҳу: «Йўқ, йўқ! Сен мин, мен мингашиб оламан. Юмшоқ ерига мени ўтқаз- дириб, қаттиқ ерига ўзинг ўтирмоқчимисан?» деди. Сўнг 30 Бухорий ва Муслим ривояти. Биринчи сифат | Камтарлик 35 боланинг орқасига мингашиб олганча Мадинага кириб кел- ди. Одамлар у зотга қараб турар эди”. Синон ибн Салама Ҳузалий разияллоҳу анҳу айтади: “Мадинада эканимизда болалар билан хурмо тергани чиқ- дик. Қарасак, Умар разияллоҳу анҳу қўлида қамчиси билан келаётган экан. Умарни кўрган болалар хурмозор ичига тарқалиб кетди. Мен этагимга солиб олган хурмолар би- лан қотиб туриб қолдим. Ва: «Эй мўминлар амири, шамол- да тўкилганларини олдим», дедим. Умар разияллоҳу анҳу этагимдаги хурмоларга қаради, лекин урмади. Мен: «Эй мўминлар амири, болалар йўлимни тўсиб, терган хурмо- ларимни олиб қўйишади», дедим. Умар разияллоҳу анҳу: «Йўқ, ундай бўлмайди, юр», деб уйимгача кузатиб қўйди”. Абдуллоҳ Румий деди: “Усмон разияллоҳу анҳу кечасида таҳорат сувини ўзи ҳозирлар, «Бирон хизматчига айтсангиз тайёрлаб беради», дейилса: «Йўқ, асло, тун уларнинг ҳаққи, дам олишсин», дер эди”. Ҳасан раҳимаҳуллоҳ деди: “Усмон разияллоҳу анҳу устига ёпинчиқ ташлаб масжидда ухлаб ётганини кўрдим, ҳолбуки, у мўминлар амири эди”. Бухорий “Адабул муфрад”да ривоят қилишича, Али ра- зияллоҳу анҳу бир дирҳамга хурмо сотиб олиб, белбоғига тугиб олди. Бир киши: “Келинг, мен кўтариб олай, эй мў- минлар амири”, деган эди, “Йўқ, рўзғор эгаси (юкини) ўзи кўтариши лозим”, деди. Журмуз деди: “Али разияллоҳу анҳуни кўрдим. Эгни- да дағал матодан тикилган, болдирининг ярмига етадиган изор ва шунга яқин узунликдаги ридо, қўлида қамчи билан бозорга кетаётган экан. Бозордагиларни Аллоҳдан қўрқиш- га ва ҳалол савдо қилишга ундаб: «Ўлчов ва тарозини адолат билан тўла-тўкис тортинглар!» дер эди”. Имом Табароний Абдуллоҳ ибн Салом разияллоҳу анҳу- дан ҳасан санад билан келтирган ривоятда айтилишича, Абдуллоҳ ибн Салом бир боғ ўтинни кўтариб бозордан ўта- Аллоҳ суйган бандалар 36 ётганида: “Аллоҳ сизни ўтин кўтариб юришга муҳтож қил- маган бўлса, нега бундай юрибсиз?” деб сўрашди. Абдуллоҳ ибн Салом разияллоҳу анҳу: “Бу билан кибрни кетказишни хоҳладим. Чунки мен Расулуллоҳ саллаллоҳу алайҳи ва сал- ламнинг: «Қалбида хантал уруғича кибри бўлган одам жан- натга кирмайди», деганларини эшитганман”, деб жавоб қилди. Собит ибн Абу Молик раҳимаҳуллоҳ деди: “Абу Ҳурайра разияллоҳу анҳу бозордан бир боғ ўтин кўтариб келаётган экан. У шу вақтда Марвон томонидан тайинланган амир эди. Менга қараб: «Амирга йўлни бўшат, эй Абу Молик», деб қўйди”. Расулуллоҳ саллаллоҳу алайҳи ва салламнинг мадраса- ларида таълим олган авлод мана шундай эди. “Бу уммат- нинг аввали нима билан ислоҳ бўлган бўлса, охири ҳам шу билан ислоҳ бўлади”, деган сўзни айтган имом Моликни Аллоҳ Ўз раҳматига олсин. Ким ислоҳ бўлишни ва нажот топишни истаса, Расулул- лоҳ саллаллоҳу алайҳи ва салламга эргашсин. Саҳобалар, то- беинлар ва уларга изма-из эргашганлар йўлини ўргансин. Чунки устозлари ва имомлари Муҳаммад саллаллоҳу алай- ҳи ва саллам ер устида юрган Қуръон бўлганлари каби, улар ер устида юрган Ислом эдилар. |