Атырау облысы білім беру басқармасы
жүктеу/скачать 0.65 Mb.
|
| 2.6. № 5 ЗТС
Сабақтың тақырыбы: Малдарды гинекологиялық зерттеу тәсілдерін игеру Сабақтың мақсаты: Малдарға гинекологиялық зерттеу жүргізіп үйрену. Гинекологиялық зерттеу әдістері . 1. Бедеу малды тіркеу. Арнайы кітапшаға , хаттамаға немесе тексеру актіге мал түрі , жынысы , түсі жасы , сырға нөмірі , лақабаты , малдың иесі , мекен-жайы жазылады . 2.Анамнез мәліметтері .Аурудың себептерін , патологиялық үрдістердің сипатын анықтауға көмектеседі .Ол үшін мынадай сұрақтарға жауап алу керек : а)соңғы рет қашан төлдеді , қалай төлдеді , қандай көмек көрсетіледі . ә) төлдегеннен кейін бірінші рет қашан күйледі , содан кейін неше рет күйледі , күйлеу аралығындағы кезеңнің ұзақтығы қандай. б)төлдегеннен кейін неше рет ұрықтандырды, соңғы рет қашан ұрықтандырды, қандай әдіспен ұрықтандырды. в)аборт болды ма , сыртқы жыныс органдарынан іріңді немесе басқадай жалқыаяқ бөлініп түскені байқалды ма . г)немен азықтандырады, рационның құрамы , сапасы қандай , жайылымға шыға ма . ғ)тұрған жері қандай , микроклимат талапқа сай келе ме , мал жайылуға шыға ма . е) сауу әдісі қандай , немен сауады ,неше рет сауады .Малды суалту мерзімі дұрыс сақтала ма , сүттілігі қандай . ж) фермадағы тазалық қандай ,малдәрігерлік –санитарлық ережелердің орындалуы . Жалпы малдың ауруы , шығыны көп пе , немен ауырады . з)осы зерттеп жатқан малды дәрігерге көрсетудің себебі не, не білгіңіз келеді . и)мал мамандарының кәсіптік деңгейі . 3. Клиникалық зерттеу .Өте құнды мәліметтер береді .Алдымен малдың сыртқы түріне , жүріс тұрысына көңіл аударады , тыныс алу органдарын , жүрек –тамыр жүйесін , ас қорыту органдарын тексеріп , нәжіс бөліп зәр шығару актісіне көңіл бөлеміз . Сарпайының төңірегіне , құйрық түбі , сауырыны былғанып , қатып қалған қабыршақтар да ішкі жыныс органдарының жағдайынан көп мағлұматтар береді . Гинекологиялық ауруларға диагноз қою үшін міндетті түрде сарпайды , қынап кіреберісін , қынап ,жатыр мойны , жатыр тармақтары мен ұрық жолдарын және ұрық бездерін зерттейді Сарпай мен қынап кіреберісін қолмен ашып , ұстап көреді :Қынапты зерттеу үшін қынап айнасын қолданады және оған жарық беретін қондырғы орнатады .Қынап , қына кіреберісі мен шүртекейдің төңірегін қарағанда , оның кілегей қабығы ісінген бе түсі өзгерген бе, құрғақ немесе ылғалды ма , жара , күлдіреуіктер, абцесстер , ұсақ түйіндер жоқ па , жиналған жалқыаяқ бар ма , ауырсына ма, бәріне көңіл бөлу керек . Жатыр мойнының ашық –жабығына , орналасуына , көлеміне , жарақаттарына , ағып шығып жатқан жалқыаяқ –шырыштың сипатына көңіл бөледі. Тік ішекке қол салып жатырдың көлемін, екі тармағының симметриясын, тығыздығын анықтайды, ішіне жиналған сұйықтың сипатын , сипағанда мал ауырсына ма , ыстығы бар ма , төңірегіндегі органдарға жабысып қалмады ма , бәрін анықтайды. Осыдан кейін ұрық жолын сипалап оның диаметріне, температурасына , малдың ауырсынуына көңіл бөледі . Қалыпты жағдайда ұрық жолы қолға білінбейді . Аналық ұрық безінің көлемі , сыртқы пішіні , тығыздығы, температурасы , күлдіреуік немесе фолликулдің , сары дененің болуы , ісініп ,ұстағанда малдың ауырсынуы ұрық безінің әртүрлі физиологиялық немесе патологиялық жағдайларына байланысты өзгеріп отырады . 4. Зертханалық зерттеу .Кейде клиникалық зерттеулерге қосымша зертханалық зерттеулер жүргізуге тура келеді . Атап айтқанда , жыныс органдарына рентгенография, рентгеноскопия , биопсия , эндоскопия жасау, қан, зәр , нәжісті биохимиялық зерттеуден өткізу , жыныс органдарынан ағып шыққан экссудатты, шырышты микроскопиялық , бактериологиялық зерттеуден өткізу, жемшөптің сапасын , агрохимзертханадан өткізіп тексеру , гинекологиялық аурулардың себебін , сипатын анықтауға үлкен көмек көрсетеді. Бақылау сұрақтары: Гинекологиялық зерттеу әдістеріне не жатады? Клиникалық зерттеу қалай жүреді? Зертханалық зерттеу қалай жүреді? Гинекологиялық ауруларға диагноз қалай қояды? жүктеу/скачать 0.65 Mb. Достарыңызбен бөлісу:
|