Ақтөбе облысы Ойыл ауданының 2011-2015 жылдарға арналған аумақты дамыту бағдарламасы мониторингі бойынша жедел есептілік

2013 жылы аудан бойынша 3 заңды тұлға, 26 шаруашылық қожалығы және 53 жеке кәсіпкер тіркеліп барлығы жаңадан 82 кәсіпкерлік субъектісі ашылды.

Өткен 2013 жылдың 01 қаңтарына аудан бойынша 584 кәсіпкерлік субъектісі тіркелсе, 2014 жылдың 01-ші қаңтарына тіркелген кәсіпкерлер саны 596 субъектіге жетіп, көрсеткіш 102,1пайызға орындалып отыр.

Тіркелген кәсіпкерлік субъектілердің белсенділігіне талдау жүргізетін болсақ өткен жылы тіркелген 584 субъектінің 499 белсенді болса (85,4%) биылғы жылдың 1-ші қаңтарына 596 субъектінің 528 белсенді (88,6%) болып отыр.

Тіркелген субъектілерді сала бойынша өткен жылдың осы кезеңімен салыстырғанда, 2013 жылы тіркелген 31 заңды тұлғаның 23 белсенді болатын, ал осы жылда 32 заңды тұлғаның 23 белсенді.

Сонымен қатар, жеке кәсіпкерлердің саны 2013 жылы 268 бірлік болып оның 199 бірлігі белсенді болса, ал осы жылы 265 бірліктен 216 бірлігі белсенді болып 17 бірлікке белсенділігі артып отыр.

Сол сияқты шаруа қожалықтары 285-тен 14 бірлікке өсіп, бүгінгі таңда барлығы 299 шаруа қожалығы тіркеліп отыр, өткен жылы 269 шаруа қожалығы белсенді болса биыл 284 шаруа қожалығы белсенді болып, белсенділік 15 бірлікке артып отыр.

Аудан бойынша жеке кәсіпкерлер, шаруа қожалықтары және заңды тұлғалардың, бюджетке түскен түсімдерінің орындалуы өткен жылдың осы кезеңімен салыстырғанда 118,5 пайызға орындалып тұр, себебі 2013 жылдың 01-ші қаңтарында бюджетке түскен түсім 15035,8 мың теңге болса, 2014 жылдың 01-ші қаңтарына бюджетке түскен түсім 16818,2 мың теңгені құрап тұр..

Ойыл ауданы бойынша заңды және жеке тұлғаларды ашу және олардың белсенділігін арттыру мақсатында берілген тапсырмаларды орындау міндеттеліп берілген. Осы тапсырма негізінде аудан әкімінің 2013 жылғы 22 сәуірдегі бекітілген аудан экономикасын дамыту бағытындағы ауданның 2013 жылғы іс-шаралар жоспарында аудан бойынша 2 заңды тұлға және 25 жеке кәсіпкерлік субъектісіп ашу тапсырмасы берілген болатын. Жыл қорытындысымен бұл тапсырма толық орындалды.

Жыл ішінде кәсіпкерлік субъектілер саны ай сайын ашылғанымен жабылу сатысыда орын алды .

2013 жылы 56 кәсіпкер әр сала бойынша өз жұмыстарын тоқтатты. Жабылу сатысының көбейуі 2012 жылы ауданда ветеринария бөлімі ашылып 16 мал дәргер лицензияттары кәсіпкерлік жұмыстарын тоқтатты, 11 жолаушы тасымалдау өз кәсібіп тоқтатқан.

Жыл қорытындысымен ауданда шағын және орта кәсіпкерлік саласын дамытуға ат салысып, халыққа қызмет көрсету саласы, ауыл шаруашылық саласы және өз күштерімен әлеуметтік нысан көтерген кәсіпкерлерге байқау жарияланып үздік деген 23 кәсіпкерге аудан әкімінің алғыс хатымен сыйлықтары тапсырылды.

Сонымен қатар 2013 жылы ауданда шағын және орта бизнес саласындағы жеке кәсіпкерлік, ауыл шаруашылық құрылымдары қаржылай қолдау мақсатында «Сыбаға бағдарламасы» бойынша: 8 шаруа қожалығы 43355,0 мың теңге несие алды . Жайылымдық қой шаруашылығы бағдарламасы бойынша:

ағымдағы жылы 3 шаруа қожалығы («Данияр-С» ш/қ 5,200 млн теңге, «Эленора» ш/қ 1,260 млн, «Жастық» ш/қ 1,600 млн тенге) 8,0 млн теңге несие алды.

2 шаруа қожалығы 14,9 млн.теңге («Нұр Асыл» ш/қ 2,400 млн тенгеге аталық мал, «Бақ» ш/қ 12,5 млн теңгеге саулық қой) сатып алуға құжаттары жасақталуда.

Жыл басынан «Ойыл-Несие» несиелік серіктестігі арқылы 5 шаруа қожалығы жалпы сомасы 14,2 млн. теңгеге мал шаруашылығын дамытуға несие алып шаруашылықтағы малдарын көбейтті.

«Жұмыспен қамту 2020 жол картасы» бағдарламасының аудан бойынша жүзеге асу барысы туралы бағдарламаның екінші бағыты негізінде ағымдағы жылы 32 адамға 42,0 млн.теңге несие берілді, оның ішінде бірінші траншпен бөлінген 22,5 млн. теңге несие кепілге қоятын мүлкіне қарай 15 адамға, тамыз айындағы екінші траншпен бөлінген 19,5 млн. теңге несие 17 адамға берілді.

Берілген несиелер Ойыл ауылдық округінде 2 техникалық қызмет көрсету станциясын, 2 монша және 1 шаштараз, 1 фотосалон, 1 қонақүй, 1 дәнекерлеу цехын ашу мен 1 құс шаруашылығы және 10 мал шаруашылығын дамыту кәсіптеріне, Саралжын ауылдық округінде 1 монша салынып, 1 шаштараз, 2 техникалық қызмет көрсету кәспкерлігін ашу мен 1 мал шаруашылығын дамыту, Ш.Берсиев атындағы ауылдық округінде 1 наубайхана ашылып, 2 мал шаруашылығын дамыту, Коптоғай ауылдық округінде 1 тігін цехы, 1 наубайхана ашылып, 1 монша құрылысы басталса , Сарбие ауылдық округінде 1 тігін цехын ашу, 1 мал шаруашылығын дамыту кәсіпкерлігіне бағытталып отыр.

Аталған бағыт бойынша 14 адам кәсіпкерлік негіздеріне оқуға жоспарланып, 8 адам шілде айында тәлім алса, қосымша 25 адам 28 қарашадан бастап оқуға жіберілді.

Азық-түлік дүкендерінің кәсіпкерлерінің 33 әлеуметтік маңызы бар азық-түлік тауарларының бағаларын тұрақтандыру мақсатында облыстың орталығындағы көтерме сауда орталықтарының бағасымен 10-15 пайыздан арттырмау жөніндегі меморандумга отырылып, өзара келісімдер сақталуда. Айына төрт рет немесе жетінің соңғы күнінде азық-түлік бағасы алынып, қадағаланып мониторинг жүргізіліп отыр. Жеке кәсіпкерлерге азық-түлік бағасын тұрақтандыру үшін тұрақтандыру қорынан азық-түлікті алуға тапсырма беріліп, қадағаланып отыр.

Ауданда 47 азық-түлік сататын дүкен жұмыс жасайды. ҚР Үкіметінің қаулысының талабына байланысты аудан орталығындағы 15 сауда дүкенінің 4-еуінен және селолық округ орталықтарынан күнделікті тұтынатын азық-түліктің 33 түрінің бағасы тұрақты бақылауға алынды.

Жалпы барлық аудандағы 47 азық-түлік дүкендерінің 24-ен меморандумға отырылды. Онда азық-түлікті орталықтандырып тасымалдауды 10 пайыз,ал облыс орталығынан өздері тасығанда 15 пайызға дейін өсіруге болатыны көрсетілді.Сол сияқты нан шығару өнімдеріне 2 наубайханамен меморандумға отырылды.

Бірінші сұрыпты ұн және нан өнімдерінің ахуалына бүгінгі таңда облыс көлемінде бағаны тұрақтандыру мақсатында ұн елеу комбинаттарымен меморандумдар жасақталып, жеңілдетілген ұн берілді. Аудан бойынша 2013 жылдың 1-ші тамызына барлығы 1192,4 тонна ұн алу жоспары берілсе,орындалғаны 631,5 тонна немесе 53,0 пайыз, оның ішінде «Рамазан» ЖШС арқылы ұн алуға 924,0 тонна жоспар берілсе, орындалғаны 418,5 тонна немесе 45,3 пайыз, ал «Жаңа-Әлжан» ЖШС арқылы ұн алуға 268,4 тонна жоспар берілсе, орындалғаны 213 тонна немесе 79,4 пайыз. Барлық сұраныс алған ұн сатушыларымен меморандумдар жасақталды.

Маусым аралық кезеңде көкөніске бағаны тұрақтандыру, сонымен қатар ішкі нарықты жергілікті өніммен қамтамасыз ету мақсатында, Ойыл ауданы тұрақтандыру қорының өнімін толықтай өткізді.

Аудан әкімдігі жанында тұтыну рыногындағы әлеуметтік маңызы бар азық-түлік бағасын тұрақтандыру жөніндегі тұрақты жұмыс істейтін аудандық штаб жұмыс жасайды.Тұтынушылық нарықтағы бағаны тұрақтандыру жөніндегі облыстық штаб отырысының №6 хаттамасы негізінде ауданда штаб отырысы өткізіліп тұрады. 2013 жылдың наурыз айының 29- нан бастап қазіргі уақытқа дейін 11 штаб отырысы өткізілді. Штаб отырысында әлеуметтік маңызы бар азық-түлік бағасын тұрақтандыру мақсатында шаралар алынып, бағалардың өсуіне жол бермеу, оның іс-жүзінде орындалуы тұрақты түрде қадағаланып отырды.

Ауданда шағын және орта бизнесті дамытуға, сол сияқты мемлекеттік қолдау бағдарламаларын пайдалануға, «Бизнестің жол картасы 2020», «Жұмыспен қамтудың жол картасы 2020» және «Агробизнес 2020» бағдарламалар шеңберінде аудан кәсіпкерлерімен бірқатар жұмыстар жүргізілуде. Атап айтатын болсақ 2013 жылдың тоғыз айында кәсіпкерлерді қолдау және оларға қолайлы несие алып жұмыстарын әрі қарай дамыту мақсатында семинар – кеңестер, кездесулер өткізілді.

12.04.2013 жылы аудандық мәдениет үйінде «Бизнестің жол картасы 2020» және «Жұмыспен қамту 2020» бағдарламасының жаңа механизмдері туралы «Атамекен» кәсіпкерлер мен жұмыс берушілердің аймақтық ассоциациясы қоғамдық бірлестігі семинар өткізіп оған 70-тен аса кәсіпкерлер қатынасты.

Үстіміздегі жылдың мамыр айының 11-12 күндері «Бизнестің жол картасы

2020» бағдарламасының «Бизнес кеңесші» жобасы бойынша тегін оқу курсы өткізіліп ауданның 32 тыңдаушылары сертификатқа ие болды.

14.05.2013 жылы Ойыл патриоттық тәрбие беру орталығында жастар кәсіпкерлігін дамыту «Мен кәсіпкермін» атты жастар арасында дөңгелек үстел өткізілді.

24.05.2013 жылы «Нұр Отан» ХДП Ойыл аудандық филиалының өкілдерімен бірлесіп, «Бизнестің жол картасы 2020» бағдарламасының шеңберінде «Азаматтарды бірыңғай қабылдау күні» акциясы өткізіліп 14 кәсіпкерге, кәсіпкерлік саласын дамытуға мағлұматтар мен кеңестер берілді.

24.06.2013 жылы Зияткерлік меншік құқықтарын қорғау саласы бойынша «ҚР-ның Әкімшілік құқық бұзушылық Кодексінің 129 бабына түсіндірме» атты тақырыбына, аудандық әділет басқармасы, аудандық мемлекеттік санитарлық-эпидемиологиялық қадағалау басқармасы, аудандық құрылыс, қала құрылысы және сәулет бөлімдерімен бірігіп, жиналған 17 кәсіпкерге халықтың санитарлық- эпидемологиялық салауаттылығы саласында жеке кәсіпкерлік аясындағы тәуекелдеу дәрежесін бағалау критерилерін бекіту туралы түсініктер беру, құрылыс және сәулет жөнінде түсіндірме жұмыстары, кәсіпкерлік салада тазалық, абаттандыру жөнінде түсіндірме жұмыстарына семинар өткізілді.

Сол сияқты үстіміздегі жылдың шілде айының 30 және қыркүйек айының 19-20 күндері кәсіпкерлікті қолдау бағдарламасымен «Бизнестің жол картасы-2020»,

«Жұмыспен қамту-2020» және «Агробизнес-2020» бойынша қаржы-несиелік қолдау бағдарламаларын жүзеге асыру механизмдері мен шарттарын түсіндіру және ақпараттандыру мақсатында «Даму» АҚ АФ жанындағы мобильді қолдау орталығы кәсіпкерлерді ақпараттандырды, сол сияқты «Бизнестің жол картасы-2020» бағдарламасының бағыттарын, атап айтсақ кәсіпкерлерге ұсынылып отырған сервистік көмек, алынған несиенің пайызын субсидиялау, жетіспей тұрған инфрақұрылымның желісін тарту және де басқа тетіктері жөнінде түсіндіру жұмыстары жүргізілді.