Саланы білікті мамандармен қамтамасыз ету

       Қазақстан Республикасының Президенті Н.Ә.Назарбаевтың  Қазақстан халқына жолдауында 2020 жылға дейін­  Туризм және спорт министрлігі, әкімдермен бірге елде бұқаралық спортты дамыту үшін  Қазақстандықтарды бұқаралық спортпен шұғылдануға 30%-ға дейін тартылуы  тиіс деген болатын. Дене шынықтыру және спортпен шұғылданушылар саны 2013 жылы– 3778 шұғылданушы болса, 20 пайызға жетті. Жолдауға сәйкес 2014 жылы  3817 шұғылданушы болса, 20,1 пайызға жетті.

2014-2015 оқу жылы басында дене тәрбиесі сабағы 24 мектептің сабақ кестесіне енгізіліп 3 сағаттан өтуде, 5-11 сынып бойынша бөлек оқыту 17 мектепте жүруде. Аудан мектептері бойынша сегіз дене тәрбиесі нұсқаушысы қызмет жасауда. (Қараой мектеп балабақшасы, Құрман орта мектебі, Ш.Бекмұхамбетова ат.орыс орта мектебі, Ж.Жүсібалиев ат.ОМ, Амангелді ОМ, Саға МБ, Ақшатау ОМ, Қарасу НМ ).

Мүгедектер арасындағы дене тәрбиесі мен спорт
 Аудан бойынша мүмкіншілігі шектеулі жастар саны -75  астам адам тіркелген,  оның ішінде 15 мүгедек спортшылары спортпен айналысуда. 2014 жылы БАӘ Дубай қаласында үлкендер арасында халықаралық Грампри және Харажан турнирінде 1 қола медальға ие болды. Облыстың «Жыл адамы» атағына ие болды. 2012 жылы ҚР спорт шебері атағы берілді. Мүмкіндігі шектеулі мүгедек спортшылар арасында 2014 жылдың 12-18 наурыз аралығында Ақтөбе қаласында отырып ойнайтын волейболдан өткен облыстық жарысқа ауданнан Н.Кадиров қатынасып І орынға ие болып, 2014 жылдың 1- 6 сәуір аралығында Атырау қаласында өтетін мүгедектер арасындағы ҚР чемпионатына Н.А.Кадиров қатынасты.

Дене шынықтыру мен спортты насихаттау
        Ауданда өткізілетін барлық жарыстар туралы аудандық жергілікті  газетте мақалалар ұдайы жарық көруде. 2013-2014 жылдары аудандық Ойыл газетіне 13 мақала  берілді. 

Аудандық дене шынықтыру және спорт бөлімінің жоспарына сәйкес бұқаралық-спорттық және дене шынықтыру сауықтыру іс-шараларды өткізу мақсатында 2013 жылы ауданда 2013 жылы 47 іс-шара өтіп, 3867 адам қатынасты. 2014 жылы аудан бойынша 53 іс-шара өткізіліп, 3983 спортшы тартылды.  Атап айтсақ мемлекеттік қызметшілер арасында, ауыл спортшыларының жазғы спартакиадалары, «Олимпиада күні» , «Денсаулық фестивалі-2014», турнирлер, оқушылар арасында спартакиада, «былғары доп» оқушылар арасында, ұлттық спорт түрлері мен халықтық ойындарды насихаттау мен дамыту мақсатында Қазақстан Республикасы Президентінің жүлдесі үшін «Қазақстан барысы» қазақ күресінен жарыс ұйымдастырып келеді. Ұлыстың Ұлы күніне орай  жыл сайын  қол күрес, арқан тартыс, гір спорты, тоғызқұмалақтан жарыстар ұйымдастырылды.

2014 жылы аудан спортшылары волейболдан ерлер арасында облыстық V Халық спорттық ойынында І орыние болып, асық асытудан Рабаева Марина ІІ орынға ие болды. 2014 жылдың 28-30 қараша аралығында Ақтөбе қаласында аудандық,қалалық және облыстық әкімдіктердің мемлекеттік қызметшілер арасында ХІV облыстық спартакиада өткізіліп, осы спартакиадаға ауданның мемлекеттік қызметшілерінен команда жасақталып бес спорт түрінен жарысқа қатынасты. Облыстық спартакиада қорытындысы бойынша тоғызқұмалақтан Е.Тлепов, А.Бисенова ІІІ орынға ие болды. Волейболдан он төрт команда қатынасып ІІІ орынға ие болды.

«Ойыл аудандық дене шынықтыру және спорт бөлімі» мемлекеттік мекемесіне 2014 жылы жергілікті бюджеттен облыстық жарысқа - 1457,0 мың теңге, аудандық – 482,0 мың теңге бөлініп, толықтай игерілді.

Аудан бойынша 2014 жылдың қорытындысы бойынша барлығы 79 қылмыс тіркеліп, оның ішінде 4 қылмыс ауыр қылмыс санатына жатады. Былтырғы жылмен салыстырғанда 90 қылмыс тіркеліп, биылғы жылмен салыстырғанда 11 қылмысқа азайған.

Құқық бұзушылықтардың алдын алу жөніндегі іс шараларды іске асыру мәселелерін аудан әкімі жанындағы құқық қорғауға бағытталған комиссиясының отырысында қаралды.

Өмірідің қиын жағдайына тап болған ата-аналарға немесе олардың орынын ауыстыратын адамдарға балалардың құқықтарын сақтау және мүдделерін қорғау мәселелеріне құқықтық және кеңестік көмек көрсетілуде.

Ойыл ауданы көлемінде орналасқан жалпы білім беретін мектептерде оқитын оқушылар арасында қылмыстар мен құқық бұзушылықтардың алдын алу, болдырмау мақсатында, бұқаралық ақпараттар құралдары өкілдерін тарта отырып, тақырыптық әңгіме кеңестер кездесулер өткізіліп, түсіндірме жұмыстары жүргізілді. Сонымен қатар оқу орындарына бармай, қасақана орта білім алудан жалтарып жүрген балалар мен жасөспірімдерді анықтау бойынша іс шаралар жүргізілді.

Қоғамдық орындарда, көшелерде, сонымен бірге патрульдік бағыттарда жасалған қылмыстарға толық талдау жүргізіліп, патрульдеу бағыттары қайта қаралып, полицияның кешенді күштерін пайдалану жоспарларына тиісті түзетулер енгізілді. Бірыңғай орналастыру жүйесінде полиция кешенді күштері қызметін ұйымдастыру ерекше бақылауға алынуда. Полиция кешенді күштерінің нарядтарының тығыздығы, әсіресе тәуліктің кешкі және түнгі уақыттарында қылмыс жасалуы ықтимал орындарда Ойыл ауданы ішкі істер бөлімінің қызметкерлерімен бірге құқық қорғау бағытындағы қоғамдық құрылымдарды жұмылдыра отырып, жергілікті алдын алу іс шаралары күшейтілген түрде жүргізілуде.

Қоғамдық тіртіпті, құқық бұзушылықтардың алдын алу мен жолын кесу, бөтеннің мүлкін, оның ішінде мал ұрлығының алдын алу үшін жергілікті атқарушы органдармен бірлесе отырып тұрғындардың малдарының қараусыз қалуына жол бермеуге учаскелік полиция инспекторларымен халық арасында үнемі түсіндірме жұмыстары жүргізілуде.

Қылмыстардың, құқық бұзушылықтардың алдын алу мақсатында жаңа қызметтік автокөліктер алынуда, селолық округдерге бөлінген автокөліктерді қоса алғанда қазіргі таңда Ойыл ауданы ішкі істер бөлімінде 9 қызметтік автокөлік бар.

Жол үстіне «ойлы-қырлылық» қажетті көшелерге орнату үшін жергілкті селолық округ әкіміне ұсыныс жасалды.