Ақтөбе облысы Ойыл ауданының 2011-2015 жылдарға арналған аумақты дамыту бағдарламасы мониторингі бойынша жедел есептілік

2014 жылы 296 км жергілікті маңызы бар автомобиль жолдарын жазғы, қысқы күтіп ұстауды қамтамасыз етуге 10 798 232 теңге бөлініп игерілген қаржы көлемі- 10 476 804 теңге.

2014 жылы аудандық маңызы бар 312км автокөлік жолдарын күрделі және орташа жөндеуге қаржы бөлінген жоқ.

Сарбие селосына кіре беріс 0-16км, Қаратал селосына кіре беріс 0-20км, Қайыңды селосына кіре беріс 0-28 км автокөлік жолдарын және «Ойыл-Қараой» автокөлік жолының 8-44 км аралығына күрделі жөндеу жұмыстарын жүргізу мақсатында ақаулық актісі жасалып жобалау-сметалық құжаттарын дайындау үшін облыстық бюджеттен қаржы сұралды.

Ойыл ауданында 22 елді мекен бар. Қазіргі таңда оның 7-і орталықтандырылған ауыз су құбырын пайдалануда, олар Ойыл селосы, Екпетал, Сарбие, Саралжын, Көптоғай, Қаратал, Қараой елді мекендері.

Су шаруашылығы жүйесінде қызмет көрсетуде 2012 жылғы 1 желтоқсаннан бастап қосымша құн салығын қоспағанда белгіленген бағасы 84,39 теңге Ақтөбе облыстық табиғи монополиялардың қызметін реттеу және бәсекелестікті қорғау басқармасымен бекітілген.

2014 жылы 177.0 мың м³ ауыз су тұрғындарға пайдалануға берілді. Ауыз су құбырларының ұзындығыы 111,5км.

Аудан тұрғындарын ауыз сумен қамтамасыз етуді жақсарту үшін Ақкемер, Бестамақ, Қаракөл, Қаракемер, Құмжарған елді мекендерінде ауыз судың ұңғыма құдықтары қазылды.

Тұрғындарды сапалы ауыз сумен қамтамасыз ету мақсатында Қайыңды селосына жаңадан ауыз су құбырын жүргізу үшін жер асты су қорларын зерттеу жүргізілу басталып 2016 жылы бітеді.

Көсембай, Ақшатау селоларына жер асты су қорларына зерттеу жүргізілу жұмыстары 2015 жылы аяқталады.

Көптоғай ауылдық округінің Аманкелді ауылының ауыз су құбырының құрылысының жобалық сметалық құжатары дайындалды.

Ауданның 7 елді мекенінде 2005-2013 жылдары ауыз су құбырлары жаңадан жарақтандырылғандықтан жөндеуді қажет етпейді.

Елді мекендерді жылумен қамту

Жылу желілері мектеп және бала-бақшалардың жылу ошағы мен ғимараттарының арасындағы желілерден тұрады.

Ауданның әлеуметтік мақсаттағы нысандарын жыл сайын жылу беру маусымына дайындау үшін ұйымдастыру-техникалық іс-шаралары жасалып, бөлінген отын түрлерін тасымалдау қамтамасыз етіледі.

Барлық бюджеттік мекемелердің жылыту қазандықтары дизель отынына ауыстырылған.

Ауданның инженерлік коммуналдық желілерінде газбен жабдықтау мен кәріз системалары жоқ.

Ауданға 2014 жылы 26 км 330 млн теңгеге газдандыру жұмыстары жүргізілді.

2015 жылға осы жұмыстарға 611млн 911мың теңге бөлу жоспарланып отыр.

Аталған заңды түсіндіру және мемлекеттік қызметтер көрсетуді жетілдіру мақсатында аудан әкімі аппараты басшылығының бастамасымен аудандық әділет басқармасы, аудандық халыққа қызмет көрсету орталығы бөлімшесінің басшылары, ауылдық округ әкімдері, мекеме басшылары мен жауапты қызметшілердің қатынасуымен 4 рет семинар-кеңес ұйымдастырылып өткізілді.

«Ұлттық ақпараттық технологиялар» АҚ ұйымдастыруымен ИИС ЦОН бағдарламасымен жұмыс жасайтын мемлекеттік қызмет көрсетуші мекемелердің жауапты мамандары мен басшылары Ақтөбе қаласына семинарға қатынасып, оқып келді.

Аудан бойынша жергілікті бюджеттен қаржыландырылатын мекеме басшыларының мемлекеттік қызметтерді көрсету сапасын арттырудағы жұмысы туралы мақала, сұқбат беру кестесі бекітіліп, аудан тұрғындарының құқықтық сауаттылығын көтеру, азаматтарға мемлекеттік қызметтер көрсету тәртібін түсіндіру, соның ішінде электронды нұсқадағы сапасын арттыру және қолжетімділігін қамтамасыз ету, сол сияқты сыбайлас жемқорлық көріністерінің алдын алу мақсатында Ойыл ауданы әкімдігі аудандық «Ойыл» газетінде «Тұрғындарға көрсетілетін мемлекеттік қызметтер» тұрақты айдаршасы аясында 2014 жылы 24 мақала жарияланды.