«Ауылдық жерде тұратын әлеуметтiк сала мамандарына отын сатып алу бойынша әлеуметтiк көмек тағайындау» мемлекеттiк қызмет стандарты
жүктеу/скачать 0.71 Mb.
|
- Бұл бет үшін навигация:
- 2. Мемлекеттiк қызмет көрсетудiң тәртiбi
- 3. Жұмыс қағидаттары
- 4. Жұмыс нәтижесi
- 5. Шағымдану тәртiбi
- Уәкiлеттi органдардың тiзбесi
- Ақмола облысының аудандық, қалалық жұмыспен қамту және әлеуметтiк бағдарламалар бөлiмдерi
- Ақтөбе облысының аудандық, қалалық жұмыспен қамту және әлеуметтiк бағдарламалар бөлiмдерi
- Алматы облысының аудандық, қалалық жұмыспен қамту және әлеуметтiк бағдарламалар бөлiмдерi
| Қазақстан Республикасы
Үкiметiнiң 2011 жылғы 7 cәуiрдегi № 384 қаулысымен бекiтiлген «Ауылдық жерде тұратын әлеуметтiк сала мамандарына отын сатып алу бойынша әлеуметтiк көмек тағайындау» мемлекеттiк қызмет стандарты 1. Жалпы ережелер 1. «Ауылдық жерде тұратын әлеуметтiк сала мамандарына отын сатып алу бойынша әлеуметтiк көмек тағайындау» мемлекеттiк қызметi (бұдан әрi – мемлекеттiк қызмет) тұтынушының тұрғылықты жерi бойынша мекенжайлары «Ауылдық жерде тұратын әлеуметтiк сала мамандарына отын сатып алу бойынша әлеуметтiк көмек тағайындау» мемлекеттiк қызмет стандартына (бұдан әрi – стандарт) 1-қосымшада көрсетiлген аудандардың, облыстық маңызы бар қалалардың жұмыспен қамту және әлеуметтiк бағдарламалар бөлiмдерi (бұдан әрi – уәкiлеттi орган) арқылы көрсетiледi. Тұрғылықты жерi бойынша уәкiлеттi орган болмаған кезде тұтынушы мемлекеттiк қызмет алу үшiн кент, ауыл (село), ауылдық селолық) округтiң әкiмiне (бұдан әрi – селолық округтiң әкiмi) жүгiнедi. Сондай-ақ мемлекеттiк қызмет баламалы негiзде халыққа қызмет көрсету орталықтары (бұдан әрi – орталық) арқылы көрсетiледi. Орталықтардың мекенжайлары осы стандартқа 2-қосымшада көрсетiлген. 2. Көрсетiлетiн мемлекеттiк қызмет нысаны: автоматтандырылмаған. 3. Мемлекеттiк қызмет «Агроөнеркәсiптiк кешендi және ауылдық аумақтарды дамытуды мемлекеттiк реттеу туралы» Қазақстан Республикасының 2005 жылғы 8 шiлдедегi Заңының 18-бабының 5-тармағы және жергiлiктi өкiлдi органдардың (маслихаттардың) шешiмдерi негiзiнде ұсынылады. 4. Мемлекеттiк қызмет көрсету тәртiбi және қажеттi құжаттар туралы толық ақпарат Қазақстан Республикасы Еңбек және халықты әлеуметтiк қорғау министрлiгiнiң интернет-ресурсында http:/www.enbek.gov.kz, уәкiлеттi органның, селолық округ әкiмiнiң, орталықтың стендiлерiнде, ресми ақпарат көздерiнде орналастырылады, сондай-ақ нөмiрлерi осы стандартқа 2-қосымшада көрсетiлген орталықтың ақпараттық-анықтамалық қызметiнiң телефоны арқылы алуға болады. 5. Көрсетiлетiн мемлекеттiк қызметтiң нәтижесi өтiнiш берушiге әлеуметтiк көмектi тағайындау туралы хабарлама не мемлекеттiк қызмет көрсетуден бас тарту туралы қағаз жеткiзгiштегi дәлелдi жауап болып табылады. 6. Мемлекеттiк қызмет жеке тұлғаларға: ауылдық елдi мекендерде тұратын және жұмыс iстейтiн мемлекеттiк денсаулық сақтау, әлеуметтiк қамсыздандыру, бiлiм беру, мәдениет және спорт ұйымдарының мамандарына (бұдан әрi – тұтынушылар) көрсетiледi. 7. Мемлекеттiк қызмет көрсетудiң мерзiмдерi: 1) мемлекеттiк қызмет тұтынушы осы стандарттың 11-тармағында анықталған қажеттi құжаттарды тапсырған сәттен бастап: уәкiлеттi органда – он жұмыс күнi iшiнде; тұрғылықты жерi бойынша селолық округ әкiмiне – он бес жұмыс күнi iшiнде; орталықта – он жұмыс күнi iшiнде көрсетiледi (мемлекеттiк қызметке құжат (нәтиже) қабылдау және беру күнi мемлекеттiк қызмет көрсету мерзiмiне кiрмейдi); 2) тұтынушы өтiнiш берген күнi сол жерде көрсетiлетiн мемлекеттiк қызметтi алуға дейiн күтудiң жол берiлетiн ең көп уақыты (талон алғанға дейiн) – 30 минуттан аспайды; 3) тұтынушыға өтiнiш берген күнi сол жерде көрсетiлетiн мемлекеттiк қызметтi тұтынушыға қызмет көрсетудiң жол берiлетiн ең көп уақыты – 30 минут. 8. Мемлекеттiк қызмет тегiн көрсетiледi. 9. Уәкiлеттi органның немесе селолық округ әкiмiнiң жұмыс кестесi: демалыс (сенбi, жексенбi) және мереке күндерiн қоспағанда, сағат 13.00-ден 14.00-ге дейiн түскi үзiлiспен күн сайын сағат 9.00-ден 18.00-ге дейiн. Қабылдау алдын ала жазылусыз және жедел қызмет көрсетусiз кезек тәртiбiнде жүзеге асырылады. Орталықтың жұмыс кестесi: күн сайын сағат 9.00-ден 20.00-ге дейiн үзiлiссiз, орталықтың филиалдары мен өкiлдiктерiнде демалыс (сенбi, жексенбi) және мереке күндерiн қоспағанда, күн сайын сағат 13.00-ден 14.00-ге дейiн түскi үзiлiспен сағат 9.00-ден 19.00-ге дейiн. Қабылдау алдын ала жазылусыз және жедел қызмет көрсетусiз «электронды» кезек тәртiбiнде жүзеге асырылады. 10. Мемлекеттiк қызмет: тұтынушының тұрғылықты жерi бойынша орындықтар, үстелдер, толтырылған бланкiлердiң үлгiлерiмен ақпараттық стендiлер бар, мүмкiндiктерi шектеулi тұтынушыларға қызмет көрсету үшiн жағдайлар көзделген уәкiлеттi органның немесе селолық округ әкiмiнiң үй-жайында; залда анықтамалық бюро, кресло, толтырылған бланкiлердiң үлгiлерiмен ақпараттық стендiлер орналастырылған, мүмкiндiктерi шектеулi тұтынушыларға қызмет көрсету үшiн жағдайлар көзделген орталықтың үй-жайында көрсетiледi. Уәкiлеттi органның, селолық округ әкiмiнiң және орталықтың үй-жайлары санитарлық-эпидемиологиялық нормаларға, ғимараттардың қауiпсiздiк, оның iшiнде өртке қарсы қауiпсiздiк талаптарына сай келедi, үй-жай режимi – еркiн. 2. Мемлекеттiк қызмет көрсетудiң тәртiбi 11. Тұтынушы мемлекеттiк қызмет алу үшiн мынадай құжаттарды тапсырады: 1) өтiнiш; 2) өтiнiш берушiнiң жеке басын куәландыратын құжаттың көшiрмесi; 3) салық төлеушiнi тiркеу туралы куәлiктiң көшiрмесi; 4) тұрғылықты тұратын жерi бойынша тiркелгенiн растайтын құжатты (мекенжай анықтамасын не селолық және/немесе ауылдық әкiмдердiң анықтамасын); 5) жұмыс орнынан анықтама; 6) екiншi деңгейдегi банкте немесе банк операцияларын жүзеге асыруға тиiстi лицензиясы бар ұйымдарда жеке шот бар екендiгiн растайтын құжат. Ескерту. 11-тармаққа өзгерiс енгiзiлдi - ҚР Үкiметiнiң 2011.12.01 N 1427 (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Қаулысымен. 12. Мемлекеттiк қызмет тұтынушыға қажеттi құжаттарды ұсына отырып еркiн нысанда жазылған жазбаша өтiнiшi бойынша көрсетiледi. 13. Мемлекеттiк қызметтi алуға қажеттi толтырылған өтiнiш пен басқа да құжаттар заңды мекенжайы, телефоны, электронды поштасының мекенжайы осы стандартқа 1-қосымшасында көрсетiлген уәкiлеттi органның жауапты адамына немесе тұрғылықты жерi бойынша селолық округтiң әкiмiне тапсырылады. Жауапты адамның кабинет нөмiрi туралы мәлiметтер мемлекеттiк қызмет көрсету жөнiнде ақпарат жазылған уәкiлеттi органның стендiсiнде орналастырылған. 14. Барлық қажеттi құжаттарды тапсырғаннан кейiн тұтынушыға: уәкiлеттi органда немесе селолық округтiң әкiмiнде – тұтынушыны тiркеу және оның мемлекеттiк қызметтi алу күнi, құжаттарды қабылдаған жауапты адамның тегi мен аты-жөнi көрсетiлген талон; орталықта: өтiнiштiң нөмiрi мен қабылдаған күнi; сұралып отырған мемлекеттiк қызметтiң түрi; қоса берiлген құжаттардың саны мен атауы; орталықтың құжаттарды ресiмдеуге өтiнiштi қабылдаған жауапты инспекторының тегi, аты, әкесiнiң аты көрсетiлген тиiстi құжаттарды қабылдағаны туралы қолхат берiледi. 15. Әлеуметтiк көмектi тағайындау (тағайындаудан бас тарту) туралы хабарлама беру: уәкiлеттi органға немесе селолық округтiң әкiмiне жеке өтiнiш не пошталық хабарлама арқылы; орталыққа өзi барған кезде қолхат негiзiнде онда көрсетiлген мерзiмде «терезелер» арқылы күн сайын жүзеге асырылады. 16. Тұтынушының құжаттарды тапсыру кезiнде толық емес және (немесе) жалған мәлiметтер ұсынуы мемлекеттiк қызмет көрсетуден бас тарту үшiн негiздеме болып табылады. Мемлекеттiк қызмет көрсетудi тоқтату және (немесе) тоқтата тұру үшiн: 1) тұтынушының қайтыс болуы; 2) тұтынушының ауылдық елдi мекеннен көшiп кетуi; 3) тұтынушының мемлекеттiк денсаулық сақтау, әлеуметтiк қамсыздандыру, бiлiм беру, мәдениет және спорт ұйымдарынан жұмыстан шығуы негiздеме болып табылады. Уәкiлеттi орган мемлекеттiк қызметтен бас тарту, тоқтату (тоқтата тұру) үшiн негiздеме анықталған жағдайда құжаттар пакетiн алғаннан кейiн он жұмыс күнi iшiнде тұтынушыға бас тарту, тоқтату (тоқтата тұру) себептерiн көрсете отырып хабарлама бередi. Мемлекеттiк қызметтi орталық арқылы көрсеткен кезде уәкiлеттi орган мемлекеттiк қызметтен бас тарту, тоқтату (тоқтата тұру) үшiн негiздеме анықталған жағдайда құжаттар пакетiн алғаннан кейiн он жұмыс күнi iшiнде бас тарту, тоқтату (тоқтата тұру) себептерiн көрсете отырып, кейiннен тұтынушыға жiберу үшiн орталыққа хабарлама жiбередi. 3. Жұмыс қағидаттары 17. Уәкiлеттi органның, селолық округ әкiмiнiң және орталықтың қызметi адамның конституциялық құқықтарының, қызметтiк мiндетiн орындау барысында заңдылықтың сақталу қағидаттарына негiзделедi және ол сыпайылық, толыққанды ақпараттың берiлуiн, оның сақталуын, қорғалуын және құпиялылығын қамтамасыз ету қағидаттарымен жүзеге асырылады. 4. Жұмыс нәтижесi 18. Тұтынушыға мемлекеттiк қызмет көрсету нәтижесi осы стандартқа 3-қосымшаға сәйкес сапа мен тиiмдiлiк көрсеткiштерiмен өлшенедi. 19. Уәкiлеттi органның, селолық округ әкiмiнiң және орталықтың жұмысы бағаланатын мемлекеттiк қызметтiң сапасы мен тиiмдiлiгi көрсеткiштерiнiң нысаналы мәндерi Қазақстан Республикасы Еңбек және халықты әлеуметтiк қорғау министрiнiң бұйрығымен жыл сайын бекiтiледi. 5. Шағымдану тәртiбi 20. Уәкiлеттiк берiлген лауазымды адамдардың әрекеттерiне (әрекетсiздiгiне) шағымдану тәртiбi және шағымды дайындауда жәрдем көрсетiлетiн мемлекеттiк органдардың атаулары, олардың заңды мекенжайлары, телефон нөмiрлерi осы стандартқа 1, 4, 5-қосымшаларда көрсетiлген. Орталық қызметкерiнiң әрекетiне (әрекетсiздiгiне) шағымдану тәртiбi осы стандартқа 2-қосымшада көрсетiлген орталықтардың ақпараттық-анықтамалық қызметтерiнiң телефондары бойынша түсiндiрiледi. 21. Көрсетiлген мемлекеттiк қызметтiң нәтижелерiмен келiспеген жағдайларда шағым атауы, жұмыс кестесi, телефондары, электронды поштасының мекенжайы осы стандартқа 5-қосымшада көрсетiлген аталған мемлекеттiк қызмет көрсетудi ұйымдастыруға жауапты жоғары тұрған уәкiлеттi органның басшысының атына берiледi. 22. Қызмет дөрекi көрсетiлген жағдайларда шағым кабинет нөмiрi уәкiлеттi органның, облыс әкiмi аппаратының, орталықтың ақпараттық стендiсiнде көрсетiлген уәкiлеттi органның, облыс әкiмi аппаратының, орталықтың басшысының атына немесе селолық округтiң әкiмiне берiледi. Уәкiлеттi органның жұмыс кестесi, заңды мекенжайы, телефоны, электронды поштасының мекенжайы, облыс әкiмi аппаратының және орталықтың телефоны мен мекенжайы осы стандартқа 1, 2, 6-қосымшаларда көрсетiлген. 23. Көрсетiлген мемлекеттiк қызметтiң нәтижелерiмен келiспеген жағдайда тұтынушы заңнамада белгiленген тәртiппен сотқа жүгiнуге құқылы. 24. Жеке тұлғаның шағымында оның тегi, аты, әкесiнiң аты, пошталық мекенжайы көрсетiледi. Шағымға өтiнiш берушi қол қоюға тиiс. Шағым бергенде әрекетiне шағым жасалатын субъектiнiң атауы немесе лауазымды адамның лауазымы, тегi және аты-жөнi, өтiнiш және талап беру себебi көрсетiледi. 25. Жазбаша шағым берген тұтынушыға жауап алу күнi, шағымды қарау барысы туралы бiлуге болатын лауазымды адамның байланыс деректерi көрсетiлген талон берiледi. 26. Қазақстан Республикасы Еңбек және халықты әлеуметтiк қорғау министрлiгiнiң мекенжайы: 010000, Астана қаласы, Орынбор көшесi, 8, Министрлiктер үйi, 6-кiреберiс, интернет-ресурс: www.enbek.gov.kz. «Ауылдық жерде тұратын әлеуметтiк сала мамандарына отын сатып алу бойынша әлеуметтiк көмек тағайындау» мемлекеттiк қызмет стандартына 1-қосымша Уәкiлеттi органдардың тiзбесi Ескерту. 1-қосымшаға өзгерiс енгiзiлдi - ҚР Үкiметiнiң 2012.08.17 N 1059 (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Қаулысымен. Ақмола облысының аудандық, қалалық жұмыспен қамту және әлеуметтiк бағдарламалар бөлiмдерi
Ақтөбе облысының аудандық, қалалық жұмыспен қамту және әлеуметтiк бағдарламалар бөлiмдерi
Алматы облысының аудандық, қалалық жұмыспен қамту және әлеуметтiк бағдарламалар бөлiмдерi
жүктеу/скачать 0.71 Mb. Достарыңызбен бөлісу:
|