Қазалы аудандық Мәслихатының 2015 жылғы желтоқсандағы

2012 жылы Қазалы ауданының «Қолжетімді тұрғын үй - 2020» бағдарламасы бекітілді. Бағдарламаға сәйкес жергілікті атқарушы органдарда кезекте тұрған азаматтар үшін, жас отбасылар үшін және «Жұмыспен қамту 2020» бағдарламасының шеңберінде тұрғын үй салу жоспарланды. 2012 жылы «Жұмыспен қамту–2020» бағдарламасы шеңберінде Әйтеке би кентінен 8 тұрғын үй құрылысы салынды.

2013 жылы «Жұмыспен қамту-2020» жол картасы шеңберінде жұмыс берушілердің 10 пайыздық үлесімен 35 (23 үй Әйтеке би кентінен, 12 үй елді мекендерден), «Қол жетімді-2020» мемлекеттік бағдарламасы бойынша 2 арендалық тұрғын үй құрылысы салынды.

2014 жылы 12 арендалық тұрғын үй, 1 үш қабатты 18 пәтерлік тұрғын үй құрылысы салынды.

Тұрғын үй ғимараттарының жалпы алаңы 2012 жылы 28519 шаршы метр, 2013 жылы 32340,0 шаршы метр, 2014 жылы 34356, 2015 жылдың 10 айында 21354 шаршы метр болды.

Жолдар және көлік

Жақсы және қанағаттанарлық жай –күйдегі жергілікті маңызы бар автомобиль жолдарының үлесі жылдан-жылға артып келеді. Барлық аудандық маңыздағы автомобиль жолының ұзындығы 402 км. Оның ішінде жақсы және қанағаттарлық жай-күйдегі автомобиль жолдары 2012 жылы -21,1%, 2013 жылы 30,1%, 2014 жылы 37,5 %, 2015 жылдың 10 айында 51 %- ды құрады. Жалпы аудандық маңыздағы жолдардың жағдайын жақсарту мақсатында барлығы 1733 млн. теңге болатын 89 км-ді құрайтын 10 жобаның құжаттары дайындалып, қаржыландырылуға ұсынылды. Оның ішінде 2014 жылы 3,2 км болатын Жанқожа батыр ауылына кіре беріс жолды жөндеу шешімін тапты. 2015 жылы республикалық және облыстық бюджеттерден барлығы 60,3 шақырымды құрайтын жалпы құны 699,5 млн. теңге болатын 6 жоба қаржыландырды (РБ-200 млн.теңге, ОБ-430,5 млн. теңге).

Бұған қосымша, 2015 жылы Жанқожа батыр ауылының ішкі 4 көшесін (5,2 км) күрделі жөндеуге облыстық бюджеттен 179,6 млн. теңге, бөлінді.

Аудандағы 45 елді мекенді жолаушылар автокөлігімен қамту жолға қойылған. Қазіргі таңда 36 елді мекен жолаушылар автокөлігімен қамтылып отыр. 2012 жылы 35 елді мекен, 2013 жылы 36 елді мекен, 2014 жылы 36 елді мекен. Шалғайда орналасқан Ажар елді мекенінің тұрғындары үшін «Кәукей-Ажар» маршрутындағы жолаушылар тасымалы залалды болып табылады, яғни жол қатынасы шығындарын өтей алмайды. Дегенмен ауыл тұрғындары үшін автобус маршрутының қажеттілігі ескеріліп, аудан бюджетінен 750 мың теңге субсидия бөлінді. Яғни, жолаушылар көлігімен қамтылмаған елді мекендер 17,8 пайызды құрап отыр. Қалған 9 елді мекенді жолаушылар көлігімен қамтуға сұраныс жоқ, және тиімсіз.

Аудан көлемінде 7 кентішілік, 17 ауданішілік, 4 ауданаралық және 1 қалааралық маршурттар жұмыс жасауда. Осы аталған маршруттарда: барлығы-168 автобустар мен шағын автобустар, оның ішінде: 85 шағын автобус, 75 автобус, 8 қалааралық автобустар жұмыс жасайды.

Тұрғын үй-коммуналдық шаруашылық.

су тұшыту қондырғысы орнатылған скважинадан – 6 елді мекен (Ажар, Шилі, Шәкен, Сарбұлақ, Бірлік, Жұбан), халық саны – 2069 адам;

- скважинадан тікелей – 4 елді мекен (Шөлқұм, Сортүбек, Мәдениет, Қожақазған), халық саны – 468 адам;

- шахталық құдықтан – 1 елді мекен (Тапа), халық саны – 246 адам, 33 отбасы;

- тасымал арқылы – 3 елді мекен (№101, 102, 103 рзд.), халық саны 113 адам;

Бұл 14 елді мекенге орталықтандырылған ауыз су жеткізу экономикалық тұрғыдан өте тиімсіз деп есептеледі. Себебі бұл елді мекендер бірнеше 2-5 үйден тұратын қоныстарды біріктіреді. Үйлер өте шашыраңқы орналасқан. Көпшілігінде мал бағып отырған қоныстар.

Қазіргі таңда 31 елді мекеннің 21-інде ауыз су сервистік желіге қосылған. Кезінде алғашқы болып таза ауыз су барған 10 ауылда ауыз су сервистік желіге қосылмаған. Сондықтан 2013 жылы облыстық бюджеттен 36 млн. теңге бөлініп, жоба-сметалық құжаттары әзірленді. Жоба құны 736 млн. теңге. Құжаттары тиісті органдарға тапсырылды (Ақтан батыр, Басықара, Бекарыстан би, Жалаңтос батыр, Жалпақ, Жанқожа батыр, Майдакөл, Мұратбаев, Пірімов, Түктібаев ауылдары).

Су бұру қызметі. Аудан орталығы Әйтеке би кентіндегі кәріз жүйесі 1985 жылдан бастап қолданысқа берілген. Жалпы ұзындығы 14,5 км-ді құрайды. Жүйеге ұзақ уақыт жөндеу жұмыстары жүргізілмеген. Қазіргі уақытта тұрғындарының саны 41847 болатын кентте сервистік желілерінің үйлерге кіргізілуіне байланысты кәріз жүйесінің қызметіне қажеттілік артты. Әйтеке би кентіндегі 4 дана КНС, 14 км КНС құбырлары және бір сүзгіш алаңының қайта жаңғырту жұмыстары қолға алынды. 2013 жылы «Әйтеке би кентінің кәріз жүйелерінің құрылысын салу жұмыстарының» жобасын әзірлеуге бюджеттен 203 млн. теңге бөлініп, жобалау жұмыстары жүргізілді. Жоба іске асырылғанда, тұрғындардың әлеуметтік-тұрмыстық жағдайының жақсаруына, аудан орталығының санитарлық тазалығы мен экологиялық жағдайына оң әсерін тигізеді.
Бағыт: Экология және жер ресурстары

Атмосфераға стационарлық көздерден шығатын ластаушы шығындыларының көбеюі жылдан-жылға кәсіпкерлік нысандардың, өңдеуші кәсіпорындардың, әлеуметтік нысандардың артуымен түсіндіріледі.

Жоғарыда аталғандай жылдан-жылға кәсіпкерлік нысандардың, өңдеуші кәсіпорындардың, әлеуметтік нысандардың артуы қатты тұрмыстық қалдықтардың жалпы көлемінің артуына да әсер етіп отыр. Бұл көрсеткіш 2012 жылы 6178 м³, 2013 жылы 7414 м³, 2014 жылы 8960 м³-ты құрады. Дегенмен бүгінгі күнге аудан көлемінде қатты тұрмыстық қалдықтарды өңдеу іске асырыла қойған жоқ. Экологиялық жағдайды жақсартуда аудан көлеміндегі орман шаруашылығында атқарылып жатырған шаралардың үлесі бар. орман қоры жерінің орман басқан көлемі 1785,6 мың гектарды құрайды, бұның ішінде орман басқан алқабы – 887,7 мың гектар. Ояз бағы 2005 жылдан бері жұмыс атқарып келеді. Бақта 1625 түп жеміс ағашы бар. Жалпы алаңы 15000 га.

Экологиялық ахуалды жақсарту, қоршаған ортаны қорғау мақсатында құм көшкінін тоқтату және тұз басқан алқаптардың бетін басу үшін Арал теңізінің суы қайтқан ұлтанына 2012 жылдың көктемінде 100 га жерге сексеуіл көшетін отырғызу, күзде 1000 гектар жерге 2000 кг сексеуіл тұқымын теріп себу жұмыстары жұргізілді. «Ояз» бағының 1 гектар жеріне жеміс ағашы отырғызылды.

2013 жылы көктемде Ояз бағының 1 гектар жеріне жеміс ағаш отырғызылып, Арал теңізінің суы қайтқан ұлтанына көктемде 200 га жерге сексеуіл көшеті отырғызылып, күзде 2000 кг сексеуіл тұқымы 1000 гектар жерге себілді.

2014 жылы Ояз бағының 1 га жеріне жеміс ағашы отырғызылды. Биылдан бастап Арал теңізінің суы қайтқан ұлтанына құм, тұз көшкінін тоқтату мақсатында көшет отырғызылатын және тұқым себілетін жер көлемі көбейтіліп жұмыс жасалды. Арал теңізінің ұлтанына көшеттен отырғызу 500 гектарға, сексеуіл тұқымын себу 2000 гектарға орындалып, оған 4000 кг сексеуіл тұқымы себілді.

Қазалы ауданының территориясы 3 759 мың гектар жерді құрайды, оның ішінде ауыл шаруашылық жері 267 мың гектар 7,1%. Ауыл шаруашылығы мақсатындағы жерлерді түгендеу жұмыстары 2011 жылдан бері жүргізіліп келеді.

Нәтижесінде 2012 жылы жалпы көлемі 5,5 гектар, 2013 жылы 8,1 гектар, 2014 жылы 13,6 гектар, 2015 жылдың 8 айында 10,8 гектар жер учаскесі ауыл шаруашылығы айналымына қайта қосылды. Тиісінше ауылшаруашылығы мақсатындағы жерлердің жалпы ауданындағы айналымға тартылған жерлердің үлесі артып келеді: 2012 жылы 3,6 %, 2013 жылы 2,5%, 2014 жылы 5,1%-ға жетті. Яғни түгендеу жүргізу нәтижесінде айналымға жерлердің қайта қосылуы пайдаланылмай жатырған жерлерді азайтып, ауылшаруашылығын дамытуға (егін егу, мал бағу) оң әсерін тигізіп отыр.

Ауылшаруашылығы айналымына тартылған жерлердегі ауыспалы егіс көлемі 17930 гектар, жыртылған жер құрамындағы ауыспалы егіс көлемі 8095 гектар, табиғи жайылымдық жерлердің құрамындағы жайылымдық ауыспалы егіс (азықтық ауыспалы егіс) көлемі 7190 гектарды құрады. Бұл жұмыстар ары қарай жалғастырылады.
Бағыт: Мемлекеттік қызметтер

«Қазақстан Республикасы Үкіметінің 05.01.2007 жылғы Қазақстан Республикасы Әділет министрлігінің мемлекеттік мекемелерін - Халыққа қызмет көрсету орталықтарын құру туралы» №1 Қаулысында көзделген мемлекеттік қызмет түрін жандандыру бойынша жүйелі жұмыстар жүргізілуде. Тұрғындар үшін орталықтан шалғай тұратын азаматтар үшін, қызметті қажет еткен азаматтар, оның ішінде мүгедектер мен басқа да мұқтаж азаматтардың өтініштерін қабылдау үшін халыққа қызмет көрсету орталықтарының оңтайлы топтары жұмыс атқарады. Тұрғындардың мемлекеттік көрсетілетін қызметтерге қанағаттанушылық деңгейі артып келеді.

Әлі де апаттық жағдайдағы нысандар бар: 5 мектеп, 8 балабақша, 2 денсаулық сақтау нысандары, 2 ауылдық клуб.

80 мыңға жуық халқы бар ауданда 1 стадион, 2 спорт кешені жұмыс атқарады. Спорт нысандары спорт алаңдармен шектелген. Қысқы спорт түрлері дамымаған.

Бүгінгі күнге ауданның денсаулық сақтау саласында материалдық-техникалық базаны жарақтандыру, тозығы жеткен денсаулық сақтау нысандарының құрылысын салу, кадр тапшылығы сақталуда.

Мәдениет саласында елді мекендерде орналасқан мәдени нысандар құрылысы жаңғыртуды, құрылысын салуды қажет етеді.

Жұмыссыздық тұрақты сипат алып отыр.

Аудандық маңыздағы және елді мекенішілік автомобиль жолдарының нормативке сәйкес келетіні аз үлесте.

Коммуналдық шаруашылық нысандарының тозығы жеткен.

Су бұру жүйесі қайта жаңғыртуды қажет етеді

2.3 Қазалы ауданының келешекте тұрақты әлеуметтік-экономикалық даму мүмкіндігін және бәсекелік артықшылығын тежейтін негізгі проблемалар, факторлар, қауіп-қатерлердің кешенді сипаттамасы.

Өңірдің әлеуметтік-экономикалық даму қорытындыларының кешенді сипаттамасы, өңір дамуының күшті және әлсіз тұстарын, шектеулілігін және оның даму мүмкіндіктерін анықтайтын SWOT- талдауда көрсетіледі.

Өңірдің даму жағдайына SWOT- талдау

2.4 Қазалы ауданының әлеуметтік- экономикалық дамуындағы мемлекеттік тұрақтандыру саясатына талдау.

1-бағыт: Өңір экономикасын дамыту

Өңдеу өнеркәсіндегі өнім шығарудың нақты көлемінің индексі 2015 жылы 91,2 пайызды құрайды;

Шағын және орта кәсіпкерлік субьектілерінің өнім өндіруі мен қызметі 2015 жылы 5525,5 млн. теңгені құрайды;

Бөлшек сауданың нақты көлемінің индексі 2015 жылы 119,8 пайызға жетеді;

«Бөлшек сауда» қызметі түрімен сауда алаңы 2000 шаршы метрден кем емес сауда обьектілерінің саны 2015 жылы 4 бірлікке ұлғаяды деп күтіледі;

Ауылшаруашылығы жалпы өнімінің нақты көлемінің индексі 2015 жылы 102 пайызды құрайды;

2015 жылы өсімдік шаруашылығы жалпы өнімінің нақты көлемінің индексі 101,4 пайыз, мал шаруашылығы жалпы өнімінің нақты көлемінің индексі 2015 жылы 101,5 пайызға жетеді.

2-бағыт: Әлеуметтік даму

Өткен жылмен салыстырғанда үш ауысымдық және авариялық мектептер 17,5 пайызға төмендейді;

Жаратылыстану математика пәндері бойынша білім беру бағдарламаларын табысты (өте жақсы/жақсы) игерген білім алушылардың үлесі 2015 жылы 60 пайызға жетеді;

Жоғары педагогикалық білімі бар педагогтардың үлесі 2011 жылғы 87,7 пайыздан 2015 жылы 91,9 пайызға жетеді;

Балаларды мектепке дейінгі тәрбиемен және оқытумен қамту 2015 жылы 100 пайызға жетеді.

Техникалық және кәсіптік біліммен қамтылған типтік жастағы (14-24 жас) жастардың үлесі 2015 жылы 7,5 пайызға жетеді;

15-28 жастағы жастардың жалпы санындағы NEET үлесі, (NEET – англ. Not in Education, Employment or Training) 2015 жылы 5,3 пайызға төмендейді.

Оқу орнын бітіргеннен кейінгі бірінші жылы техникалық және кәсіптік білім беретін орындары түлектерінің жұмысқа орналастырылғандардың үлесі 2015 жылы 38,9 %-ға жетеді.

Жастар ұйымдарының қызметінде қатысатын жастардың үлесі 2015 жылы 52 пайызға жетеді.

Халықтың туған кездегі күтілетін өмір сүру ұзақтығы, 2015 жылы 70 жыл болады деп күтілуде;

Ана өлім-жітімін болдырмау;

Сәби өлім-жітімін төмендету (1000 мың тірі туылған сәбиге есептегендегі жағдайлар) 8,9;

Қан айналым жүйесі ауруларынан өлім-жітімді төмендету, 100 мың халыққа шақққанда 65,8;

Онкологиялық аурулардан өлім-жітімді төмендету, 100 мың халыққа шаққанда 73,7;

Туберкулезден өлім-жітімді төмендету, 100 мың халыққа шаққанда 2,6;

14-49 жас ерекшелігі тобындағы адамның иммун тапшылығы вирусының таралуы, 0,5 % шегінде болады деп күтіледі.

Жұмыссыздық деңгейі 2015 жылы 5,0 пайыз болады;

Жастар жұмыссыздығының деңгейі 2015 жылы 5,0 пайызды құрайды;

Жұмысқа орналастыру мәселесі бойынша өтініш жасаған адамдардың санынан жұмысқа орналасқандардың үлесі 2015 жылы 50,1 пайызды құрайды;

Құрылған жұмыс орындарының саны 1100, оның ішінде тұрақты жұмыс орындарының саны 559.

Жұмыспен қамтылған халықтың санындағы өзін-өзі жұмыспен қамтыған тұрғындардың үлесі 36,8 %;

Өзін-өзі жұмыспен қамтыған халықтың жалпы санындағы өнімсіз өзін-өзі жұмыспен қамтыған халықтың үлесі 2015 жылы 60,1 пайызды құрайды;

Ең төменгі күнкөріс деңгейінен төмен табысы бар халықтың үлесі 2015 жылы 3,2 пайызды құрайды;

Арнайы әлеуметтік қызметтер қызметтермен қамтылған тұлғалардың үлес салмағы (қызмет алуға мұқтаж тұлғалардың жалпы санында) 2015 жылы 97 пайызды құрайды;

Мемлекеттік тілді меңгерген халық үлесі 2015 жылы 99,9 пайызға жетеді;

Жүйелі түрде дене шынықтырумен және спортпен шұғылданатын, барлық жастағы тұрғындарды қамтуды ұлғайту 2015 жылы 25,0 пайызды құрайды;

1000 адамға шаққанда дене-шынықтыру-сауықтыру кешендерінің саны 2015 жылы 2 бірлікті құрады;

Орналастыру орындарында қызмет көрсетілген келушілердің саны: 2015 жылы резиденттер 3200, резидент еместер 35 адамды құрады;

Көшелерде жасалған қылмыстардың үлес салмағы 2015 жылы 16,9 пайыз болады;

Жол-көлік оқиғалары санын (деңгейін) төмендету (10 мың бірлік автокөлікке шаққанда) 2015 жылы 0,6 % болады;

Жол көлік оқиғаларынан қайтыс болғандар 5 пайызға төмендейді;

Көшелерде жасалған ұрлықтар деңгейі 2015 жылы 2,8 пайызға төмендейді;

Тасқындармен су басуларға, селдерге, көшкіндерге, жер сілкінулерге, өрттерге қарсы іс-қимыл инфрақұрылымының қамтамасыз етілу деңгейі 2015 жылы 52 пайызды құрайды.
3-бағыт: Инфрақұрылым

Құрылыс жұмыстарының нақты көлем индексі 2015 жылы 100 пайызды құрайды;

Тұрғын үй ғимараттарын пайдалануға беру, шаршы метр 2015 жылы 31600 шаршы метрге жетеді;

Жақсы және қанағаттанарлық жағдайдағы жергілікті маңызы бар автомобиль жолдарының үлесі 2015 жылы 51 пайызды құрайды;

Жолаушылар көлігі қатынасымен қамтылмаған елді мекендер үлесі 2015 жылы 17,8 пайызға азаяды;

Тұрғындардың орталықтандырылған сумен жабдықтауға қол жетімділігінің деңгейі 2015 жылы 96,8 пайызға жетеді;

Халықтың су бұрғыш қызметтерімен қамтамасыз етілу деңгейін арттыру;

Күрделі жөндеуді қажет ететін кондоминиум обьектілерінің үлесін төмендету 2015 жылы 81 пайызды құрайды;

4-бағыт: Экология және жер ресурстары

Ормандарды қайта өсіру мен орман шаруашылығының алаңы 2015 жылы 2,5 мың. гектарға жетеді;

Ауылшаруашылық мақсатындағы жерлердің жалпы ауданынан ауылшаруашылық айналымына тартылғандардың үлесі 2015 жылы 3,7-ды құрайды.

Сауда саттық жер учаскелерін беру (конкурстар, аукциондар) 2015 жылы 10 мың гектарды құрайды;

Ауыл шаруашылығы айналымына тартылған жерлерде ауыспалы егіс жүйесін қолдану 2015 жылы 17610 гектарды құрайды;

Жыртылған жер құрамындағы ауыспалы егіс үлесі 2015 жылы 42,9 пайызды құрайды;

Табиғи жайылымды жерлердің құрамындағы жайылымдық ауыспалы егістің үлесі 2015 жылы 43,9 пайызды құрайды;

5-бағыт: Мемлекеттік қызметтер

Жергілікті атқарушы органдар көрсететін мемлекеттік қызметтердің көрсетілу сапасына қанағаттанушылық 2015 жылы 80,0 пайызды құрайды.
4. НЕГІЗГІ БАҒЫТТАР, МАҚСАТТАР, МІНДЕТТЕР, МАҚСАТТЫ НДИКАТОРЛАР ЖӘНЕ НӘТИЖЕ КӨРСЕТКІШТЕРІ
1-бағыт: Экономика
Өңірлік макроэкономика

Мақсаты: Өңдеуші өнеркәсіп саласын дамытуды қамтамасыз ететін бәсекеге қабілетті мамандандырылған аймақты қалыптастыру, инновациялық кәсіпкерлікті дамыту үшін қолайлы жағдай жасау.

Жалпы өңірлік өнім көлемі аудандық деңгейде есептелмейді. Статистикалық мәліметтер облыстық деңгейде жүргізіледі.

Мақсаты: Өңірдің өнеркәсіп саласын дамыту және бәсекеге қабілетті өнеркәсіп өнімдерінің өндірісі

күшейтілген индустриалды-инновациялық дамудың мемлекеттік бағдарламасы аясында өңірлік деңгейде инвестициялық жобаларды іске асыру;

ауданның өнеркәсіп кәсіпорындарының өндірістік-экономикалық көрсеткіштер мониторингі жүйесін ұйымдастыру, өнеркәсіп салаларын тиімді дамыту бойынша шаралар жасау;

өңдеуші өнеркәсіпте жаңадан құрылған өндіріс мониторингі;

басқарма сайтында қарымды инвесторларды іздеу мақсатында қаржыландыруды қажет ететін ауданның инвестициялық жобаларының тізімін орналастыру;

инвестициялық жобаларды қаржыландыру тәртібі, жоба бойынша шешім қабылдау үшін қажетті құжаттарды дайындау үшін түсіндіру жұмыстарын жүргізу;

Мақсаты: Нарықтың ішкі қажеттілігін жабу үшін қажетті көлемде ауыл шаруашылығы өнімінің тиімді өндірісін өндіру негізінде ауданның азық-түлік қауіпсіздігін қамтамасыз ету.

Мақсаттар мен міндеттерге қол жеткізу жолдары:

бастапқы өңделген және айдалған жарамды және жайылымдық алаңдарды бастапқы өңдеу және одан әрі пайдалану үшін техникалық шаралар өткізу;

көктемгі егіс және егін жинау жұмыстарын жүргізуге, жоғары сапалы тұқымдық материал, минералдық тыңайтқыштар, жанар-жағар май, басқа тауарлы-материалдық құндылықтарды сатып алу мен ауыл шаруашылығы техникаларын жаңалауға жеңілдетілген несие беруді және субсидиялауды жалғастыру;

асыл тұқымды малдың отандық тұқымын дамыту (қосымша қаржы бөлу арқылы отандық мал сатып алу және қажетті инфрақұрылым құру, селекциялық асыл тұқымды жұмыстарды іздестіруді субсидиялау және т.б.);

мемлекеттік органдардың кәсіпкерлер мен фермерлерге өндірістік жобаларды жүзеге асыруды қаржыландыруға қол жеткізу және АӨК дамытуды инвестициялаудың әртүрлі мемлекеттік бағдарламаларына қатысуы бойынша кеңес беруі;

фермерлік шаруашылық пен кооперативтердің лизингтік құрылымды жетілдіру және қажетті жабдықтарды сатып алуға қол жеткізуді арттыру жолымен ауыл шаруашылығы техникаларын жаңартуын ынталандыру;

мал шаруашылығы өнімдерін өндірушілерді субсидиялау;

аналық мүйізді ірі қара мал басын көбейту үшін асыл тұқымды шаруашылықтардың жұмысын жандандыру;

мал шаруашылығын бордақылау алаңдары жұмыстарын дамыту арқылы жақсарту;

«Сыбаға», «Алтын асық», «Құлан» және «Жайылымдарды суландыру» бағдарламасын іске асыруды жалғастыру;

Көрсетілген индикаторлар бюджеттің қосымша мақсаттағы трансферттерін бөлу жағдайында орындалады.

фитосанитарлық қауіпсіздік жүйесін дамыту;

ветеринариялық қауіпсіздік жүйесін дамыту;

ауыл шаруашылығына агрохимиялық қызмет көрсету тиімділігін арттыру;

суармалы жерлердің мелиоративтік жағдайына мониторинг жүргізу және бағалаудың тиімділігін арттыру;

ауыл шаруашылығындағы техникалық реттеу жүйесін дамыту.

ауылшаруашылығы айналымына суармалы жайылымдарды қосу мақсатында суару құрылғыларын қалпына келтіру;

ауданның асыл тұқымды мал шаруашылығымен айналысатын шаруашылықтарында аналық ірі қара санын арттыруды жандандыру;

тұрақты азық-түлік қорын жасау және мал басының толыққанды және қажетті құрамы сақтала отырып азықтануын қамтамасыз ету.

ауданның ауыл шаруашылығы тауарларын өндірушілерін жоғары шығымдылықты тұқыммен, бәсекеге төзімді күріш сұрыптарымен қамтамасыз ету;

күріш шаруашылығының қайта өңделген өнімдерін таратуды, күрішті брендтік деңгейге көтеруді және шетелдік рынокқа шығаруды көздейтін күріш кластерінің қызметін жетілдіру;

өндірістік негізде өңделетін жемшөптік, майлы дақылдар, бақша өнімдері, көкөніс және картоп егісі алқаптарының көлемін арттыру;
Шағын және орта бизнес, сауда.

Мақсаты: Шағын және орта кәсіпкерліктің тиімді қызметін қамтамасыз ететін нарықтық инфрақұрылымды дамыту.

әлеуметтік маңызды азық-түлік тауарларының нарықтағы ахуалына бақылау жүйесін жетілдіру;

сауда - логистикалық инфрақұрылымдарды дамытуға көмек көрсету;

ұйымдастырылған сауданы дамыту жолымен саланың тиімділігін жоғарылату, алыпсатарлар санын қысқарту және көтерме звеноны дамыту;

жаңа сауда нысандарын ашуда әкімшілік кедергілерді қысқарту;

ірі сауда дүкендердің үлесін жоғарылату есебінен сауда желілері құрылымын жақсарту (супермаркеттер, сауда орталықтары);

бөлшек желілерді дамыту негізінде сауданы шоғырландыру деңгейін жоғарылату (немесе жалпы сауда айналымындағы бөлшек желілер үлесі);

бөлшектеп тауармен қамсыздандыру жүйесін, оның ішінде ауыл шаруашылық өнімдері, ірі көтерме база, көтерме базарлар мен заманауи тарату орталықтарын дамыту.

кәсіпкерліктің негіздемелерін оқыту;

қазіргі заманғы сауда форматтарының санын және бөлшек сауданың жалпы айналымындағы үлесін арттыруды ынталандыру;

сауда базарлары мен олардың техникалық жабдықталуын жаңғырту.
Өңіраралық ынтымақтастық

Мақсаты. Тұрақты өңіраралық экономикалық ынтымақтастықты қалыптастыру

Инновациялар мен инвестициялар

Мақсаты: Инвестициялық климатты заманауи технологияларды қолдана отырып қолданыстағы өндірістерді кеңейту және жаңарту арқылы және қолданыстағы инновациялық өндірістерді сақтау және жаңадан өндірістерді ашу арқылы жақсарту.

№	Нысаналы индикаторлар/тікелей нәтижелер көрсеткіштері		Өл шем бірлігі	2011	2012	2013	2014	2015	Жауапты орындаушы
				нақты	нақты	нақты	нақты	жоспар
1	2	3	4	5	6	7	8	9	10
8	Мақсатты индикатор: Жалпы өңірлік өнімнің негізгі капиталына инвестициялар үлесі		%	-	-	-	-	-	«ҚА КӨжТБ» ММ
	8.1.	Негізгі капиталға инвестициялардың жалпы көлеміндегі сыртқы инвестицияларының үлесі	%	-	-	40,1 есе	25	30	«ҚА КӨжТБ» ММ
9	Мақсатты индикатор: Жұмыс істеп тұрған кәсіпорындардың ішіндегі инновациялық белсенді кәсіпорындардың үлесі		%	11,8	8,6	15,4	2,8	3,0	«ҚА КӨжТБ» ММ
	9.1.	Жалпы өңірлік өнімнің жалпы көлеміндегі инновациялық өнімнің үлесін ұлғайту	%	0	100	1,5	0	100	«ҚА КӨжТБ» ММ

Мақсаттар мен міндеттерге қол жеткізу жолдары:

жоғары технологиялық және бәсекеге қабілетті өндірісті ұйымдастыру, өнімнің жаңа түрлерін шығаруды игеру, сондай - ақ әлеуметтік қиындықтарды шешу үшін қосымша инвестиция, технологияларды пайдалану есебінен өңірдің жедел дамуын қамтамасыз ету;

инновациялық дамудың өңірлік кешенді шараларын жасау;

жергілікті тауар өндірушілерден қажетті азық-түлік сатып алу үшін барлық өнеркәсіптік серіктестіктердің, тауар өндірушілер мен сервистік серіктестіктердің басшыларымен кездесулер өткізу;

аудандағы индустриялық аймақты дамыту, қызметіне талдау жасау және индустриялық аймақта сапа менеджментін жетілдіру;

инвестициялық жобаларды іске асыруда білікті еңбек ресурсымен қамтамасыз ету;

институттың ақпараттық қолдау;

инновациялық кәсіпкерлік саласында жеке инвесторларды тарту;

инновациялық қоғамдық және мүдделі тараптармен өзара түсіністік көпшілікке тарату;