19
болсын) құрманы әлгі адамға беріп,
кедейлерге таратуды
бұйырады. Сонда әлгі кісі: «Бізден артық мұқтаж кісі бар ма
екен?» – дегенде Пайғамбарымыз (оған Алланың салауаты
мен сәлемі болсын) күлімсірегеннен тістері көрініп:
«Бар да,
мұны отбасыңа бер!» – деді
(Бұхари)
. Қазіргі таңда құлдық
жүйе жойылғандықтан оразаның каффараты ауыз бекіту
немесе кедейлерді тамақтандыру арқылы өтеледі.
Сұрақ:
Рамазан оразасын әдейі бұзған адамды күштеп
сол күні сапарға алып кетсе мойнынан каффарат түседі ме?
Жауап:
Жоқ, бұл жағдайда каффарат мойнынан түспейді.
Сұрақ:
Каффаратын өтеуге кіріскен адам ауырып
оразасын тоқтатса, каффаратты қайта бастайды ма, әлде
жалғастыруға рұқсат па?
Жауап:
Қайта бастайды. Себебі, каффарат оразасының
күндері үзілмеуі шарт.
Сұрақ:
Каффаратты оразамен өтеуге шамасы келмейтін
кісі 60 күндік тамақтандыру ақшасын бір адамға берсе
бола ма?
Жауап:
Жоқ, болмайды. Мына үлгімен өтеледі: алпыс күн
бір адамға беру немесе бірнеше адамға бірнеше күн беру.
Ең соңғысы, алпыс мұқтажға екі мезгіл тамағының ақшасын
беру.
Сұрақ:
Бұрынғы өтелмеген бірнеше каффаратты бір
каффаратпен өтеуге бола ма?
Жауап:
Иә, болады. Бір емес бірнеше каффарат қарызы
бар кісі 60 күн ораза
ұстаумен барлық каффараттан
құтылады.
Оразаны бұзатын және бұзбайтын жағдайлар
