Ќазаќстан Республикасы Білім жєне ѓылым министрлігі
Мемлекеттік қызметкерлерді қызметтік міндеттерін орындауда адал ниетті және ұқыптылығы үшін мадақтау
жүктеу/скачать 1 Mb.
|
| 3.Мемлекеттік қызметкерлерді қызметтік міндеттерін орындауда адал ниетті және ұқыптылығы үшін мадақтау.
Мемлекеттік органның басшысы заңға сүйеніп, мемлекеттік қызметкерлерді жұмыста көрсеткен жақсы көрсеткіштері үшін мадақтау түрлерін өзі таңдайды. Ол өз қызметтік міндеттерін абыроймен орындағаны үшін, мемлекеттік қызметті мінсіз орындағаны үшін, аса қиын және қиын тапсырмаларды орындағаны үшін мемлекеттік қызметкерлер мынадай жолдармен мадақталады: бір рет берілетін ақшалай сыйлықпен: алғыс жариялаумен, затты құнды сыйлықпен марапаттау; сонымен қатар заңда көрсетілген мадақтаудың бірнеше түрлерімен марапатталады. Мадақтаудың барлық түрі туралы еңбек кітапшасына жазылады. Көрсетілген мадақтаудың түрлерінен басқа мемлкеттік қызметкерлер ерен еңбектері үшін мемлекеттік сыйлыққа ұсынылуы мүмкін. 1995 жылғы 12 желтоқсандағы және 1999жылғы 23 шілдедегі №462-1 Заңында азаматтарды марапаттаудың тәртібі мен тізбесі берілген және республиканың жоғары марапатына ие болған азаматтар туралы көрсетілген. Мемлекеттік марапатпен Қазақстан Республикасының азаматтары Республика алдында көрсеткен еңбегі, мемлкеттік қоғамдық, творчествалық еңбегі , батырлығы үшін марапатталады. Сонымен қатар мемлекеттік марапатпен шетел азаматтары мен азаматтығы жоқ адамдар Қазақстан Республикасы алдында көрсеткен ерен еңбегі үшін де марапатталады. Мемлекеттік марапат «Алтын қыран» - жоғары дәрежедегі нарық ордені; «Халық қаһарманы» атағы, сонымен қатар басқа ордендер, медальдар, құрметті атақтар мен Қазақстан Республикасының Құрмет Грамотасы болып есептеледі. «Алтын Қыран» орденімен үміткерді марапаттауды Президент белгілейді, ол басқа мемлекеттік марапттармен үміткерлерді марапаттау Парламенттің басшысына, Үкімет, министрлік, орталық және жергілікті атқарушы органдар және де басқа ұйымдарға беріледі. Ал егер марапатталушы қылмысы үшін сотталған болса Қазақстан Республикасының Президенті заңға сәйкес сот негізінде көрсетілген тәртіп бойынша мемлекеттік марапаттан айырады. Бұл жағдайда мемлекеттік марапаттан айрылған марапатты Республиканың Президентіне құжаттарымен қоса қайта өткізуі қажет. Сонымен қатар мемлекеттік қызметкерлер заңға қайшы сотталған және толық ақталып шыққан болса, сот шешімімен Республика Президентінің мемлекеттік марапатын қайта алуға толық құқылы. Мемлекеттік қызметкерлер тәртіптік жауапкершілікті қызметтік міндеттерін атқаруда тәртіптік келеңсіздіктерді жасағаны үшін алады. Тәртіптік айыптардың негізгі спецификалық түрлеріне жататындар: А) нақты мемлекеттік органның қоғамдық ішкі тәртіпті бұзу (белгіленген уақыт реламент); Б) лауазымды адамның осы мемлекеттік органға байланысты байланысты мемлекеттік қызметіне орай бұзуы; В) лауазымды адамның өз қызмет міндеттерін (заңға қайшы келмейтіндей) атқармауы мен орындамай бұзуы; Г) кінә мен заңға қайшы іс-әрекеттерінің арасындағы себепті байланыс болуы және лауазымды адамның әрекетсіздігі. Қызметтік тәртіпті бұзғаны үшін лауазымды адамдар бағынышты түрде жауапкершлікте болады. Тәртіптік жазалауды қолдануда оның ауырлығының жиынтығы ескерілу керек пе? Жасалған айыптың мазмұны мен мағынасы, ол қандай жағдайда жасалды, айып қандай келеңсіздіктер алып келеді, мемлекеттік қызметкерлердің бұрынғы мінез құлқы, тәртібі, мемлекеттік қызметтегі еңбек стажы, не басқа да қызметкердің қандай екенін мінездейтін жақтары ескерілуі тиіс. Бұл нұсқауды жоғары мемлекеттік орган Қазақстан Республикасының «Мемлекеттік қызмет туралы» Заңының 28 бабында жазалаудың қандай түрлері бар екеніне көз жеткізеді. Тәртәптәк айыптар келесі түрлерге бөлінеді: маңызды емес, маңызды және салмақты. Маңызды емес айыпқа мемлекеттік қызметте бірінші рет жасаса не оның алдындағы айыпты ескерту ретінде, сөгіс, не қатаң сөгіс ретінде беріледі. Маңызды айып болып әкімшілік қызметкер 6 ай ішінді, алдындағы айыбы әлі алынбай қайта жасаса, онда ол қызметкерге қызметіне сай емес деген ескертпе беріледі. Салмақты айып жасаған адам еңбек туралы заңға сүйене отырып, мемлекеттік қызмет туралы заңға және Қазақстан Республикасының Жемқорлыққа қарсы күрес заңына сүйене отырып жұмыстан босатылуы мүмкін. Егер әкімшілік мемлекеттік қызметкер маңызды емес айып жасаса, онда ол жазбаша түрде түсінік беруі қажет. Егер қызметкер өзінің жасалған айыбымен келіссе, онда мемлекеттік органның басшысы ол қызметкерге ескерту, сөгісне қатаң сөгіс, қызметтік тергеу өткізбей жариялауына құқылы. Ал егер қызметкер бұл жарлыққа келіспесе, онда мемлекеттік органның басшысы қызметтік тергеу жүргізуіне бұйрық шығарады. Бұл орайда қызметкердің айыбы туралы материалдар жинап, оны жан-жақты обьективті тексереді. Қызметкердің жасаған айыбы туралы мәліметтер кез-келгентүрде берілуі мүмкін (азаматтар мен басқа қызметкерлердің шағымы, мемлкеттік органның құрылымдық бөлімшелерінің басшыларының түсініктеме хаттары, прокурорлық қадағалау актілері және т.б.). Қызметкердің айыбын тексеру барысында өкілетті органның лауазымды адамдары жаң-жақты нақты материалдар мен мәліметтерді жинап, оны қызметкердің айыбына байланысты барлық материалды қорытындысымен тәртіптік айыптау комиссиясына тапсыруы қажет. Тексерудің қорытындысымен тәртіптік айыптау комиссисының ұсынысы бойынша мемлекеттік органның басшысы қызметкерге өзінің орнына толық лайық еместігі не орнынан қуылғандығы жайлы айыптар туралы шешім қабылдайды. жүктеу/скачать 1 Mb. Достарыңызбен бөлісу:
|