Ведомствоаралық өзара іс-қимылды талдау

Қазақстан Республикасы Ұлттық Банкінің 2014 жылғы негізгі мақсаты баға тұрақтылығын қамтамасыз ету және инфляцияны 6-8% шегінде ұстап тұру болды. 2014 жылдың қорытындысы бойынша инфляция жылдың аяғында 7,4%-ды құрады (2013 жылы – 4,8%), бұл белгіленген мақсатты дәлізге сәйкес келеді.

Дүниежүзілік экономикалық форумның (ДЭФ ҒБИ) 2014-2015 жылдар үшін жарияланған ақпаратына сәйкес Қазақстан «Ұлттық жинақтар деңгейі» көрсеткіші бойынша 2014 жылдың қорытындысы бойынша 37 орында болды, бұл жоспарда белгіленген мақсатты деңгейге сәйкес келеді.

ІЖӨ негізінде есептелген экономиканы монеталандыру деңгейі ҚР Ұлттық экономика министрлігінің бағалауы бойынша 31,8%-ды құрады.

Резиденттердің депозиттік ұйымдардағы депозиттерінің көлемі 2014 жылы 11 694,0 млрд. теңгеге дейін 15,9%-ға көтерілді. Заңды тұлғалардың депозиттері 7 296,5 млрд. теңгеге дейін 18,1%, жеке тұлғалардың депозиттері 4 397,5 млрд. теңгеге дейін 12,6% өсті.

2014 жылы ұлттық валютадағы депозиттердің көлемі 5 197,7 млрд. теңгеге дейін 17,7% төмендеді, шетел валютасындағы депозиттердің көлемі 6 496,3 млрд. теңгеге дейін 72,2% өсті. Теңгедегі депозиттердің үлес салмағы 2013 жылғы желтоқсанмен салыстырғанда 2014 жылғы желтоқсанда 62,6%-дан 44,4%-ға дейін төмендеді.

Халықтың (резидент еместерді қоса алғанда) банктердегі салымдары 2013 жылғы қаңтар-желтоқсанда 4 438,1 млрд. теңгеге дейін 12,5%-ға көтерілді. Халықтың салымдары құрылымындағы теңгедегі депозиттер 1 442,9 млрд. теңгеге дейін 34,7%-ға төмендеді, шетел валютасындағы депозиттер 2 995,2 млрд. теңгеге дейін 72,4%-ға көтерілді. Нәтижесінде теңгедегі депозиттердің үлес салмағы 2013 жылғы желтоқсандағы 56,0%-дан 2014 жылғы желтоқсандағы 32,5%-ға дейін төмендеді.

2014 жылғы желтоқсанда банктік емес заңды тұлғалардың теңгедегі мерзімді депозиттері бойынша орташа алынған сыйақы мөлшерлемесі 8,8% (2013 жылғы желтоқсанда 5,7%), ал жеке тұлғалардың депозиттері бойынша 8,1% (8,1%) құрады.
Ең төменгі резервтік талаптардың нормативтері (15% көп емес)

Ең төменгі резервтік талаптардың нормативтері 2014 жылы өзгеріссіз қалды: ішкі қысқамерзімді міндеттемелер бойынша – 2,5%, ішкі ұзақмерзімді міндеттемелер бойынша – 0%, сыртқы қысқамерзімді міндеттемелер бойынша – 6,0%, сыртқы ұзақмерзімді міндеттемелер бойынша – 2,5%. Ең төменгі резервтік талаптар нормативтерінің қолданылуы банктердің сыртқы қарыз алуын шектеуге бағытталған.

Елдегі инфляцияның қалыпты қарқынының сақталуына, сондай-ақ қаржы нарығының жұмыс істеуінің қалыптасқан жағдайларына байланысты Ұлттық Банк ҚРҰБ Басқармасының 2013 жылғы 29 наурыздағы № 88 қаулысымен ресми қайта қаржыландыру мөлшерлемесін бұрынғы деңгейде сақтай отырып, 2013 жылғы 1 сәуірден бастап жылдық 5,5% деңгейде белгіледі.

2014 жылғы 30 қыркүйектегі жағдай бойынша Қазақстан Республикасының халықаралық резервтері Қазақстанның тауарлар мен қызмет көрсетулер импортының 5.8 айын қаржыландыруды қамтамасыз етеді.

Тікелей нәтиже көрсеткішін тиісті деңгейде ұстап тұру үшін активтермен операциялар жасау жеткілікті көлемде жүргізілді.

Өтімділік портфелі ақша-кредиттік саясатты іске асыру, өтімділікті жоғарғы деңгейін ұстап тұру, валютаға қысқа мерзімді сұранысты қанағаттандыру және сыртқы мемлекеттік борышқа қызмет ету мақсатында операциялар жүргізуге арналған. Мақсатты көрсеткіш кем дегенде 1 болған кезде арақатынас шамамен 50,01 болды.

Есепті кезеңнің үшінші және төртінші тоқсандары ішінде өтімділік деңгейін жеткілікті деңгейде ұстап тұру үшін өтімділік портфелін қажетті толықтыру жүзеге асырылды.

Бұл көрсеткішке 2015 жылы қол жеткізу жоспарланды.

Қазақстан Республикасының Ұлттық қорын сенімгерлік басқару нәтижесі бойынша, соңғы үш жылдың қорытындылары бойынша алдын ала деректерге сәйкес шамамен 5,53% мөлшеріндегі оң кірістілікке қол жеткізілді

Есепті кезеңде Қазақстан Республикасының Ұлттық Банкі ҚР Ұлттық қорының активтерін басқаруды одан әрі жетілдіру бойынша жұмысты жалғастырды.

2014 жылғы 30 маусымда ҚР Үкіметінің «Қазақстан Республикасының Ұлттық қорын орналастыру үшін материалдық емес активтерді қоспағанда, рұқсат етілген қаржы құралдарының тізбесін бекіту туралы» Қазақстан Республикасы Үкіметінің 2009 жылғы 28 қаңтардағы № 66 қаулысына өзгерістер мен толықтыру енгізу туралы» қаулысы қабылданды, ол ҚР Ұлттық қорының активтерін алтынға инвестициялауға мүмкіндік береді. ҚР Ұлттық Банкі Қазақстан Республикасы Ұлттық қорының инвестициялық операцияларын жүзеге асыру ережесіне алтын портфелін қосу жөнінде өзгерістер енгізу бойынша жұмыс жүргізді. Ұзақмерзімді перспективада кірістілікті арттыру мақсатында кредиттік рейтинг бойынша лимиттер бойынша шектеулер бөлігінде өзгерістер өзгерілетін қосымша атап өтіледі.

Сонымен қатар, есепті кезеңде ҚР Ұлттық Банкі ұзақмерзімді перспективада активтердің кірістілігін ұлғайту үшін Ұлттық қор активтерінің бір бөлігін инвестициялаудың орындылығын зерделеу бойынша жұмысты жалғастырды.
Тікелей нәтиже көрсеткіші: ҚР Ұлттық қорының сыртқы басқарушыларының ерекше жағдайларының саны (кемінде 1)

Есепті кезеңнің екінші тоқсанында ҰҚ активтерін уақытша басқарушы BNY Mellon Asset Management International Limited активтерді басқаруды осы бизнестің жабылуына байланысты тоқтатты. ҚРҰБ осы активтерді басқаруға жедел қабылдады және оларды сол мандат шеңберінде MSCI World акцияларының индексіне және ақша нарығының құралдарына инвестициялауды жүргізді. Ұлттық қордың сыртқы басқарушыларының өзге ерекшеліктері есепті кезеңде болған жоқ.

Осы мақсатты индикатор бойынша саны – 0.