Фельдшерлік-акушерлік пункттің медицина қызметкерлерінің жұмыс режимі сағат 08:00-ден 17:00-ге дейін белгіленеді

35. Фельдшерлік-акушерлік пункттің медицина қызметкерлерінің жұмыс режимі сағат 08:00-ден 17:00-ге дейін белгіленеді.

Шақыруларға қызмет көрсетуді фельдшер шақыруды қызмет көрсету аумағы бойынша бекітілген жақын жердегі дәрігерлік амбулаторияда қызметін жүзеге асыратын МСАК дәрігеріне жұмыс күні ішінде бере отырып жүзеге асырады.

Шақыруларға қызмет көрсетуді фельдшерлік-акушерлік пункттің МСАК дәрігерінің қашықтықтан консультациясы арқылы жүзеге асырады.

Қажет болған жағдайда шақыруға жақын елді мекеннен мобильді бригада жіберіледі.

36. Фельдшерлік-акушерлік пункттің медицина қызметкерлері дәрігерге дейінгі медициналық көмек, мейіргерлік күтім және паллиативтік көмек көрсетеді.

37. Осы стандарттың 25-28-тармақтарына сәйкес фельдшерлік-акушерлік пункттің мейіргері қызметтерді жүзеге асырады.

38. Фельдшерлік-акушерлік пункттің фельдшері қабылдауда мыналарды жүзеге асырады:

1) пациентті мейірімділікпен қарсы алу;

1) пациентті мейірімділікпен қарсы алу;

2) пациентті сәйкестендіруді жүргізу;

3) пациенттен немесе оның заңды өкілінен медициналық көмек алуға ақпараттандырылған келісім алу;

4) сауалнама жүргізу, анамнез және шағымдар жинау;

5) пациентті объективті қарап-тексеруді жүргізу;

6) алдын ала диагнозды белгілеу;

7) зертханалық және аспаптық зерттеу әдістерінен өту үшін тізбені айқындау және жолдама беру (клиникалық хаттамаларға сәйкес);

8) пациентті жалпы практика дәрігеріне/учаскелік дәрігерге консультацияға жіберу;

9) емдеу жоспарын жасау (дәрігердің келісуі бойынша) (клиникалық хаттамаларға сәйкес);

10) пациентті басқару тактикасын айқындау;

11) шұғыл /кезек күттірмейтін жағдайда, медициналық алғашқы көмек көрсету және пациенттерді стационарға тасымалдауды қамтамасыз ету (жедел медициналық жәрдем бригадасын шақыру, ол келгенге дейін бақылау және шұғыл көмек көрсету), дәрігерді, дәрігерлік амбулатория (отбасылық денсаулық орталығы) бөлім меңгерушісін хабардар ету;