Қазақстан Республикасында медициналық-санитариялық алғашқы көмек көрсетуді ұйымдастыру стандартын бекіту туралы

23) еңбекке уақытша жарамсыздық туралы парақ немесе анықтама беру № ҚР ДСМ-198/2020 бұйрығымен бастапқы медициналық құжаттамада тіркей отырып, дәрігерге кезекті бару күнін белгілеу;

24) МАЖ арқылы дәрігердің тағайындауы бойынша дәрілік заттарды жазып беру;

25) клиникалық хаттамаларға сәйкес жүкті әйелдің өмірі мен денсаулығына қауіп төндіретін жағдайлар кезінде "Көк код" сигналы бойынша базалық реанимациялық көмек (BLS), шұғыл акушерлік және гинекологиялық көмек көрсету.

39. Фельдшерлік-акушерлік пункт фельдшерінің үйде пациенттерге қызмет көрсетуі осы Стандарттың 27-28 тармақтарына сәйкес жүзеге асырылады.

40. Фельдшерлік-акушерлік пункттің акушері қабылдауда мыналарды жүзеге асырады:

1) пациентті мейірімділікпен қарсы алу;

2) пациентті сәйкестендіруді жүргізу;

2) пациентті сәйкестендіруді жүргізу;

3) пациенттен немесе оның заңды өкілінен медициналық көмек алуға ақпараттандырылған келісім алу;

4) сауалнама жүргізу, анамнез және шағымдар жинау;

5) пациенттің денсаулық жағдайын анықтау, жүктіліктің аурулары мен асқынуларын анықтау мақсатында объективті зерттеп-қарау дербес қабылдау мен медициналық қарап-тексеруді жүргізу;

6) пациентті қарап-тексеру жәнезерттеп-қарау;

7) жүкті әйелдерді анықтау, жүктілік мерзімін белгілеу, акушерлік анамнезіне, соматикалық және әлеуметтік мәртебесі бойынша сәйкес қауіп тобын анықтау;

8) патронаждық қызмет көрсетудің әмбебап-прогрессивті моделі қағидаттарын сақтай отырып патронаж жүргізу;

9) жоспарлы емдеуге жатқызуға жолдама ресімдеу;

10) жүкті әйелдер мен гинекологиялық пациенттерге дәрігерге дейінгі медициналық көмек көрсету;

11) "Көк код" сигналы бойынша базалық реанимациялық көмек (BLS), клиникалық хаттамаларға сәйкес әйелдің өмірі мен денсаулығына қауіп төндіретін жағдайлар кезінде шұғыл акушерлік және гинекологиялық көмек көрсету;