104. МСАК ұйымында бекітілген халыққа қызмет көрсету үшін МСАК мамандарын бекіте отырып, учаске қалыптастырылады. 105. МСАК көрсететін ауылдық медициналық ұйымдарды қоспағанда, жалпы практиканың бір дәрігеріне тіркелген халықтың саны аралас халықтың 1 700 адамынан, учаскелік терапевтке 2 200 адамнан, учаскелік педиатрға 0-ден 6 жасқа дейінгі 500 баладан, 7-ден 18 жасқа дейінгі 900 баладан аспайды, акушер-гинекологта 120 жүкті әйелден аспайды, бұл ретте жүкті әйелдер тұрғылықты орны бойынша қызмет көрсетіледі. Әрбір учаскеде МСАК дәрігеріне № ҚР ДСМ-205/2020 бұйрыққа сәйкес орта медицина қызметкерлері бекітіледі. Әрбір учаскеде МСАК дәрігеріне № ҚР ДСМ-205/2020 бұйрыққа сәйкес орта медицина қызметкерлері бекітіледі. 1 жалпы практика дәрігеріне-3 жалпы практика мейіргері (отбасылық мейіргер); 1 учаскелік терапевке – терапевтік учаскенің 2 мейіргері; 1 учаскелік педиатрға-педиатриялық учаскенің 2 мейіргері. 106. Медициналық көмек Кодекстің 134-бабының 3-тармағына сәйкес пациенттің не оның заңды өкілінің ақпараттандырылған келісімін алғаннан кейін ұсынылады. 107. МСАК дәрігерлерінің халықты қабылдауы алдын ала жазылу бойынша, өз бетінше жүгінген кезде, телефон байланысы арқылы, МАЖ-ң мобильдік қосымшалары арқылы немесе "Электрондық үкіметтің" веб – порталы (бұдан әрі-ЭҮП) арқылы жүзеге асырылады. МСАК ұйымына пациенттің өз бетінше немесе телефон байланысы арқылы жүгінген кезде колл-орталықтың немесе тіркеушінің мамандары МАЖ-да "Дәрігердің қабылдауына алдын ала жазылу" журналына жазба енгізеді және дәрігерді қабылдау кестесіне сәйкес дәрігерді қабылдаудың бос уақыты мен күнін көрсете отырып, ауызша нысанда жауап береді. Мобильді қосымша арқылы қабылдауға жазылу кезінде пациент қабылдау сағаттарын көреді және бос уақытын, қабылдау күнін таңдайды. Пациентке жазылу туралы хабарлама және қабылдау туралы ескерту қабылдаудан бір тәулік бұрын және қабылдау күні келіп түседі.
Достарыңызбен бөлісу: |
