Қазақстан Республикасының білім және ғылым министрлігі Информатика және математика
жүктеу/скачать 7.77 Mb. Pdf көрінісі
|
| Гимназия – негізгі және қосымша жалпы білім беретін
бағдарламаларын іске асыратын, оқушыларды олардың бейімділігі мен қабілетіне сәйкес тереңдетіп, салаға бөліп, саралап оқытуды көздейтін, жалпы орта білім беретін оқу орны. Лицей – негізгі және қосымша жалпы орта білім беру бағдарламаларын іске асыратын, жоғары сатыдағы оқушыларды кәсіби бағдарлап оқытуды жүзеге асыратын жалпы орта білім беретін оқу орны. Лицейлердің ең басты ерекшелігі – ақыл – ой (интеллектуалдық) қабілеттері жоғары жастарды топтап оқытып, оларды жоғары оқу орындарында даярлайтын бірыңғай элитарлық мектеп болуында. Лицейге жастарды қабылдау ең алдымен олардың табиғи мүмкіндіктерін, интеллектуалдық ерекшеліктерін айқындау негізінде жүргізіледі, кейін де бала дамуын қадағалай отырып, бірнеше іріктеу сатыларынан өткізеді. Ал оны аяқтаған жастар жоғары оқу орнында білім алу құқығына ие болады. Бұл оқу орындарының басты принципі баланы дәл болашақ мамандығына сәйкес қабілетіне қарай іріктеу және сол мамандықты жоғары деңгейде меңгеруіне көмектесетіндей бірнеше жыл бойы арнайы дайындықтан өткізу болып табылады. «Мирас» халықаралық мектебінің білім беру қызметінде Қазақстан Республикасының орта білім беру саласындағы ұлттық стандарт пен халықаралық бакалавриат бағдарламасының талаптары орынды үйлесім тапқан. Көптеген пәндер ағылшын тілінде оқытылады. «Арман» оқыту – тәрбиелеу кешені 1997 жылы ашылды. Оның оқыту – тәрбиелеу тұжырымы негізінде «Оқу дегеніміз – әлемді ашу» тезисі жатыр. Педагогикалық кешеннің мақсаты: өзіндік шығармашылық жұмыс істеу дағдыларын қалыптастыру, өзін – өзі асыра алатын тұлғаны тәрбиелеу. «Болашақ» арнаулы орта мектебінде оқушылар екінші шетел тілі ретінде 3 - сыныптан бастап (ағылшыннан басқа) қытай және араб тілдерін оқиды. «Болашақ » – оқыту қазақ тілінде жүргізілетін жеке меншік мектептердің бірі. Оқытудың негізгі бағыттары – информатика және экономика. Сонымен бірге мектеп оқушыларға ьарлық пәндер бойынша жоғары деңгейлі жалпы білім беруге бағытталған. Оқу үрдісінде электронды оқулықтар қолданылады. «Болашақ» мектебінің түлектері орта білімі туралы аттестатпен бірге экономикалық білім алғаны туралы сертификат алады. «Дәулет» мектебінде ұлттық сана – сезімді қалыптастыруға байланысты бірнеше бастамалар бар, олар – «Лингвоелтану» оқулығы бойынша қазақ және ағылшын халықтарының тарихын, мәдениетін, білім беру құндылықтарын, рухани мұраларын зерттеу және олардың ерекшеліктерін мәдениеттанымдық тұрғыдан салыстыру. Оқушылардың ағылшын тілі грамматикасын меңгеруі мен тіл дамытуы компьютерлік бағдарлама бойынша беріліп, тексеріледі. «Ақ жол» – оқу – әдістемелік орталық. Мақсаты– білім және тәрбие беру үрдісінде балалардың дүниеге өзіндік жеке көзқарасын қалыптастыру, шығармашылық ойлау қабілетін, логикасын, коммуникативтік қасиеттерін дамыту. Қосымша білім беруде театр, хореография, қазіргі би, ырғақты гимнастика, сурет – кескіндеме өнері, бағдарламалау, психология пәндері және дене тәрбиесі қамтылған. «Келешек» – республикалық физика–математикалық дарынды балаларға арналған мектеп. Негізгі пәндер: физика, математика, информатика, ағылшын және қазақ тілдері. «Стандартты емес олимпиадалық есептерді шешу» және «Бағдарламалау негіздері» арнайы курстары бар. Орал қаласындағы «Талап» акционерлік қоғам жанындағы бірінші мектеп – гимназия 1995 жылы құрылды. Гимназия жұмыс істейтін ата аналарға ыңғайлы, балаларға барлық жағдай жасалған. Әрбір сыныпта 5-8 оқушыдан білім алады. Бастауыш сынып оқушылары үшін ұзартылған күн топтары ұйымдастырылған. жүктеу/скачать 7.77 Mb. Достарыңызбен бөлісу:
|