Сабақтың мазмұны.
Өз бетімен атқаратын жұмыс:
1 тапсырма:
Берілген фармацевтикалық тауарларды топтарға бөліңіз.
2 тапсырма:
Фармацевтикалық тауарлар сатып алушы сұранысына зерттеу сауалнамасын құрастырыңыз.
Оқытушылармен бірге атқаратын жұмыс:
- Тестілік тапсырмалардың қорытындысын талдау.
Тақырып 4: Дәріханалық ыдыстар, орау-буу заттары мен материалдары
таҚырыптыҢ Өзектілігі:
Орауыш заттар – дайын заттарды орауға қолданылады. Олар дайын өнімдерді сыртқы күштердің әсерінен (ыстықтан, суықтан, тасымалдаудан, соққыдан) сақтайды. “Орауыш” деген сөз екі мағынаны білдіреді. Біріншіден, бұл дайын өндірілген өнімді орау, тығындау, байлау сияқты үрдістерді айтса, екіншіден осы өндірілген өнімді (дәріні) салатын орынды айтады. Мысалы, ампуланы салатын картон қорапша. Арнайы ыдыс -деп дәрілік заттарды салуға арналған қақпағы бар арнайы ыдыстар. Мысалы, темір флягтар, бөшкелер. Ал ыдысты жасауға арналған материалдар орауыш материалдар деп аталады.
Осы оқытылатын тақырып арқылы студенттер ыдыстардың, орауыш материалдардың қасиеттерімен жақын танысып, олардың сақталу тәртібімен және тауартанулық талдауды жасауды үйренеді.
сабаҚтыҢ маҚсаты:
Студенттерді тығындауға арналған заттардың сапалылығын анықтауды, оларға керекті сақталу жағдайларын ұйымдастыруды және осы тығындаушы заттарды, ыдыстарды, орауыш материалдарды дұрыс жіктеп топтастыруға үйрету.
Студент білуге тиіс:
фармацевтикалық тауарлардың сапасы туралы түсінікті;
ыдыстардың, орау-буу заттардың, орауыш материалдардың топтасуын;
ыдыстар мен буып-түю заттарына қойылатын талаптарды, сақталу ерекшеліктерін;
тығындағыш заттардың топтасуын;
орауыш материалдардың жаңа түрлерін.
Студент жасай алуға тиіс:
ыдыстардың, тығындағыш заттардың, орау-буу материалдардың сапасын анықтауды;
оларға тиісті сақталу ережелерін жасауды;
керекті ыдысты дұрыс таңдай білу және дәріханада дұрыс қолдануды;
дәріханалық ыдыстарды топтастыруды;
дәріханалық ыдыстардың, орауыш материалдардың сапалылығын анықтауды.
Достарыңызбен бөлісу: |
