Қазақстан республикасының Ғылым және жоғары білім министрлігі кәрібаева саягүл елтайқызы

1.Болашақ отбасын құруда ерлі-зайыптылардың жас ерекшелік дайындығы ғана емес, олардың психологиялық даярлығы да маңызды. Болашақ шаңырақ иелерінің бір-бірін толық танып, жақсы түсіністік қарым-қатынаста болуы да үлкен рөл атқарады. 2. Отбасының берік болуы болашақ ерлі-зайыптылардың өзіне байланысты. Олар болатын қиыншылықтарды алдын-ала сезіп, саналы түрде соны жеңіп шығуға бел бууы қажет. 3. Отбасында түрлі экономикалық, әлеуметтік және жеке тұлғалық ерекшеліктеріне байланысты мәселелер туындамай тұрмайды. Ондай қиыншылықтардың соңы отбасының ыдырауына әкеп соғатыны да белгілі. 4. «Отбасы - шағын мемлекет» деп жатамыз. Осы шағын мемлекетті құру, онда өмір сүру адамнан үлкен ептілікті, көрегенділікті, шыдамдылықты талап етеді. 5. Студенттік отбасы деп ерлі-зайыптылардың екеуі де студент болып табылатын отбасын айтамыз. Мұндай жас отбасында ерлі-зайыптылардың жасы 25-тен, ал отбасылық өтілі 5 жылдан аспайды. 6. Студенттік отбасылардағы ең маңызды мәселе - баланың туылуы болып табылады. Оқуды баланы тәрбиелеу, тұрмыс және отбасын құру мәселелерін шешумен бірге қиыстыру үлкен өмірлік тәжірибе мен шыдамдылықты қажет етеді.

1.Ер адам да әйелі сияқты психологиялық қолдауға зәру болғандықтан әйелі еріне жылы сөзімен, жайлы мінезімен, орынды ақыл-кеңесімен қолдау білдіріп отыруы керек. 2. Еркек пен әйелдің жаратылысы бөлек, сол себепті олардың отбасындағы өзіндік міндеттері де бөлек екені белгілі. 3. Қазіргі таңда отбасын құруға ұлттық немесе қандай да бір басқа, әлеуметтік тосқауыл жоқ, сондықтан жастар жар таңдағанда, оның бойында өзіне ұнайтын мінез қырларын табуға тырысады. 4. Жастар көп жағдайда жалпы көзқарастарының байланыстылығын, қызығушылықтарын, жалпы мақсаттары мен дүниеге деген көзқарастарын ескермейді, сондықтан отбасылық өмірдің алғашқы сәттерінен бастап ажырасуға әкеп соқтыратын мәселелерімен қақтығысады.