Бағдарламалық-техникалық жарақтандыру

3.3.Бағдарламалық-техникалық жарақтандыру.

Қазіргі бағдарламалық қамтамасыз ету талаптарына жауап беретін компьютер техникасымен жарақтаудың орташа пайызы қызметкерлер санының 66,0% құрайды.

Локальдық есептеу жүйелері 44 ұйымда бар, немесе 23,5%.

Компьютер паркіне қызмет көрсетуді штаттағы мамандар немесе еңбек келісімімен жұмыс істейтін мамандардың жүзеге асыруы – 59 ұйымдарда; 37 ұйымдарда жеке құрылымдармен шарт жасалған, соның ішінде облыстың басқару органдарының тек жартысында ғана қызмет көрсету жүргізіледі.

105 ұйымдарда арнаулы міндеттерді шешуге арналған бағдарламалық қамтамасыз ету орнатылған. Бөлінген ортада бірлескен жұмыс жүргізуге тек қана «Қаржы үйі» автоматтандырылған жүйесі мүмкіндік береді, ол жергілікті бюджетті жоспарлау мен орындауға және облыстың қаржы органдарын біріктіруге жол ашады (облыстың 200-ге тарта атқарушы органдары). Бірқатар басқару органдарында мамандандырылған ақпарат жүйелері орнатылған (Облыстық ішкі істер департаменті және облыстық денсаулық сақтау департаменті). Басқа бағдарламалық жабдықтау көп ретте бухгалтерлік есеп, мәліметтердің құқықтық базалары, іс жүргізу және тағы басқа түрінде болып келеді, олар қойылған міндеттерді автоматты мәлімет алмастырусыз және базаны толықтырусыз локальдық деңгейде орындауды қамтамасыз етеді.

Облыстық әкімдіктің бөлімшелерінде пайдаланылатын негізгі техникалық құралдар - Celeron, Pentium базасындағы дербес компютерлер, соның ішінде файл-сервер, қосымшалар мен мәліметтерді мұрағаттандыру құралдары сервері ретінде қолданылатындар. Қарағанды облысы әкімі аппаратының ғимаратында құрылымдық локальды желі тартылған, ол 100 Мбит/сек. жылдамдығымен ақпарат алмасуға мүмкіндік береді. Автоматтандырылған АТС бар.

Қазіргі талаптарға жауап беретін компьютер техникасымен (Pentium III және Pentium IV сериялы және солар сияқты компьютерлер) жабдықталу деңгейі төмендегідей:
2 кесте. Қарағанды облысының

қалалары мен аудандарының

есептеу техникасымен жабдықталуы

Атауы	Қызметшілер саны	1.01.05. компьютерлер саны	Соның ішінде					2005ж. компьютерлер сатып алу	Компьютер техн-мен жарақтау %
			286-486	PI	PII	PIII	PIV
Абай ауданы	101	87	0	1	0	8	78	22	106,9
Қарағанды қаласы	238	217	16	11	16	99	71	36	86,6
Нұра ауданы	70	66	0	1	12	14	39	4	81,4
Балқаш қаласы	98	82	4	0	13	16	49	14	80,6
Жезқазған қаласы	104	80	0	2	11	46	21	15	78,8
Бұқар жырау ауданы	80	58	0	0	0	14	44	4	77,5
Саран қаласы	109	77	0	1	5	24	47	10	74,3
Ұлытау ауданы	66	40	0	0	5	2	33	14	74,2
Жаңаарқа ауданы	49	41	1	0	7	8	25	3	73,5
Осакаров ауданы	71	52	0	0	2	17	33	0	70,4
Шахтинск қаласы	111	76	8	3	0	27	39	12	70,3
Теміртау қаласы	138	106	0	16	2	29	59	6	68,1
Облыстық мемлекеттік органдар	1333	897	56	5	79	181	580	103	64,8
Приозерск қаласы	49	22	1	1	2	7	11	12	61,2
Қарқаралы ауданы	191	93	0	6	0	18	69	19	55,5
Сәтпаев қаласы	70	40	0	0	6	2	32	1	50,0
Қаражал қаласы	57	45	0	0	29	1	15	10	45,6
Шет ауданы	174	80	0	9	17	24	30	13	38,5
Ақтоғай ауданы	130	44	0	0	11	1	26	0	20,8

3 кесте. Облыстық басқару органдарының есептеу техникасымен жабдықталуы

Жоғарыда келтірілген кестеден есептеу техникасымен облыстың қалалары мен аудандары арасынан ең жақсы деңгейде жарақтанған Абай мен Нұра аудандары және Қарағанды мен Балқаш қалалары екені көрінеді. Облыстық басқару органдары арасынан – бұл Қаржы департаменті, Ішкі саясат департаменті, Білім беру департаменті, Кәсіпкерлік және өнеркәсіп департаменті, Денсаулық сақтау департаменті, Экономика және бюджеттік жоспарлау департаменті, Табиғи монополиялардың қызметін реттеу және бәсекелестікті қорғау басқармасы және Дене тәрбиесі және спорт департаменті.

Республикада және облыста бөлінген ақпараттық жүйелер мен мәліметтер базасын құрудың жоспарлануына байланысты басқару серверлері: қалалар мен аудандар аппараттары арасында тек алты мекемеде, облыстың атқарушы органдарында – он ұйымда бар.

Облыстың бірқатар басқару органдарының Интернетте ресми өкілдіктері бар: Мәдениет департаменті, Мемлекеттік санитарлық-эпидемиологиялық қадағалау департаменті, Ішкі істер департаменті, Мұрағат және құжаттама бөлімі, Кедендік бақылау департаменті, Қаржы департаменті, Фармацевтикалық бақылау басқармасы.

Жеткілікті техникалық жарақтануына қарамастан Қарағанды облысының мемлекеттік мекемелерінің компьютерлік білімінің деңгейі төмендігі байқалады.

Компьютер білімінің орташа деңгейі облыс әкімінің аппаратында, Қаржы департаментінде, Экономика және бюджеттік жоспарлау департаментінде, Еңбекпен қамтуды үйлестіру және әлеуметтік бағдарламалар департаментінде, Білім беру департаментінде, Мәдениет департаментінде байқалады. Бұл бөлімшелерде офисте құжаттармен бірлесе жұмыс жүргізу байқалады, бұл құжат айналымын, кәсіпорындар қызметін басқарудың автоматтандырылған жүйесін және мәліметтерді орталықтандырылған сақтауды жедел енгізудің алғышарттарын жасайды.

Интернет желісіне қолжетімділік коммутаторлық немесе бөлінген желілер бойынша жүзеге асырылады, электронды почта пайдаланылады.

Облыстың барлық мектептері (591 оқу орындары) компьютер сыныптарымен жабдықталған, 434-і Интернетке жалғанған.

Жергілікті басқаруды ақпараттандыру бойынша бірқатар мәселелер бар, олар:

- облыстың басқару органдары мен мемлекеттік органдардың аумақтық бөлімшелерінің ақпарат ресурстарына қолжетімділік бөліміне нормативтік-құқықтық базаның жетілдірілмеуі;

- ақпараттандыру қызметінің болмауы және ақпараттық технология саласындағы қызметшілердің жеткіліксіз біліктілік деңгейі

Қазіргі уақытта ақпараттық қауымдастықты құруды тежейтін басты фактордың бірі ретіндегі ақпараттық теңсіздікті жою маңызды мәселе болып қалып отыр.