Бағдарламасы Бағдарламаның паспорты Бағдарламаның атауы
) Мемлекеттік органдардың ашықтығы
жүктеу/скачать 380 Kb.
|
- Бұл бет үшін навигация:
- 3) «Электрондық үкіметті» дамыту
- 4) Мемлекеттік органдарды ақпараттандырудың жаңа моделін енгізу
- 5) Құқықтық тәртіпті, қоғамдық қауіпсіздікті, техногендік авариялар мен дүлей апаттар қатерін төмендетуді қамтамасыз етуге арналған АКТ
- 2. Ақпараттық-коммуникациялық инфрақұрылымның қолжетімділігін қамтамасыз ету 1) Қазақстан Республикасының үй қожалықтарында ақпараттық-коммуникациялық инфрақұрылымның
2) Мемлекеттік органдардың ашықтығы Ағымдағы ахуалды қысқаша талдау Қазіргі уақытта мемлекеттің тұрғындармен және бизнеспен диалогының және кері байланысының тетігі құрылған. Барлық мемлекеттік органдар азаматтар мен бизнеске арналған ақпаратты қамтитын интернет-ресурстар құрды. Мемлекеттік органдардың интернет-ресурстарына мүгедектер үшін қолжетімділікті қамтамасыз ету жөніндегі талаптар заңнамалық тұрғыда бекітілді. Мемлекеттік органдардың интернет-ресурстарындағы ақпараттың толықтығы мен сапасына бағалау жүргізілуде. «Электрондық үкімет» порталында «Виртуалдық қабылдау бөлмесі» қызметі іске асырылған, онда азаматтар мемлекеттік органдарға тікелей жүгінеді. Бұдан басқа, мемлекеттік органдар мен Қазақстан Республикасы Үкіметінің бірінші басшыларының блогтары жүргізіледі, онда әрбір ниет білдіруші өзінің пікірін білдіре алады және өзін қызықтыратын сұрақтарын қоя алады. Қазақстан Республикасы Президентінің ресми интернет-ресурсында «Бизнесті президенттік қорғау» деген арнайы бөлім құрылды. Сондай-ақ, «электрондық үкімет» порталында Үкімет мүшелерінің және билік органдары өкілдерінің қатысуымен тұрақты түрде интернет-конференциялар өткізіледі. Осындай конференциялар кезінде азаматтар интерактивті режимде өздерінің сұрақтарына жауап алады. Қазақстан Республикасының Үкіметі өткізген он-лайн отырыстардың саны 2011 жылы 37, он-лайн конференциялар саны 40 болды. Міндет: азаматтардың, бизнестің және қоғамның ақпараттағы құқықтары мен заңды мүдделерін қанағаттандыру үшін мемлекеттік органдар қызметінің ашықтығы мен есептілігін арттыру. Нысаналы индикаторлар: 1) Бағдарламаны іске асыру мерзімі ішінде Қазақстан Республикасының е-қатысу индексі (БҰҰ әдістемесі бойынша) алғашқы 5 елдің қатарында болуға тиіс; 2) «ашық деректер» порталының сервистерінде орналасқан белсенді пайдаланылатын қосымшалардың саны 2017 жылы - кемінде 50, 2020 жылы - 65 құрады. Қол жеткізу жолдары Деректерді жинақтауды жүйелендіру және мемлекеттік органдардың ақпаратын құрылымдау мақсатында мынадай іс-шаралар іске асырылатын болады. Қазақстан Республикасының Үкіметі және мемлекеттік органдар «Электрондық үкімет» порталы арқылы азаматтар мен бизнеске беретін жария ақпараттың тізбесі кеңейтілетін болады. Оларға қатысты Қазақстан Республикасының заңнамасында оларды жария түрде тарату не мемлекеттік органдардың беруінің міндетті сипаты белгіленген электрондық ақпараттық ресурстарды уақтылы беру объективтілігі, толықтығы және дұрыстығы мақсатында ағымдағы заңнамаға өзгерістер енгізілетін болады. Тұрғындармен диалог, көрсетілетін қызметтердің сапасын талқылау үшін, сондай-ақ мемлекеттік органдардың бюджет қаражатын жоспарлау және нақты игеруі жөніндегі деректерді шоғырландыратын алаң ретінде қызмет ететін «электрондық үкімет» порталы дамытылатын болады. Мемлекеттік қызметтерді көрсету сапасына тұрақты қоғамдық мониторинг жүргізу процесіне азаматтар, үкіметтік емес және басқа да мемлекеттік емес ұйымдар кеңінен тартылады. Мемлекеттік органдардың және халықтың әлеуметтік проблемаларды кеңінен талқылауы үшін Интернет желісінде әлеуметтік алаңдар қолданылатын болады, мемлекетті реформалау және жақсарту процесіне азаматтарды тартудың тетігі жасалады және іске қосылатын болады. Мемлекеттік мекемелердің сайттары бірегейленеді және бірыңғай түғырнамаға көшірілетін болады. Азаматтардың барлық деңгейдегі әкімдерді және жергілікті өзін-өзі басқару органдарын қоса алғанда, мемлекеттік органдар жұмысының тиімділігін электрондық бағалауының тетігі іске асырылатын болады. 3) «Электрондық үкіметті» дамыту Ағымдағы ахуалды қысқаша талдау 2008 жылдан бергі кезеңде Қазақстанның «электрондық үкіметі» БҰҰ рейтингісінде 43 позицияға көтерілді. 2012 жылғы наурыздың басында жарияланған БҰҰ E-Government Survey-2012 рейтінгісінде Қазақстан 38-орынды иеленді. Онлайн-қызметтерінің индексі 10 позицияға артты. Е-қатысу индексі бойынша Қазақстан Сингапурмен бірге 2-орынды бөлісті. Азаматтар мен ұйымдарға ақпаратты және қызметтерді ұсыну міндеттерін шешуде «электрондық үкіметтің» базалық құрамдас бөліктері ойдағыдай іске асырылып, инфрақұрылымы және мынадай: электрондық лицензияларды беру, ХҚКО, салықтар мен айыппұлдарды электрондық төлеу, электрондық нотариат, электрондық кеден, электрондық мемлекеттік қызметтер, «электрондық үкіметтің» Саll-орталығы сияқты жобалар құрылды. Қазақстан Республикасы Үкіметінің тиімділігін арттыру мақсатында электрондық құжат айналымы, электрондық мемлекеттік сатып алу, мемлекеттік органдардың порталдары сияқты жобалар іске асырылды, Қазақстанның барлық емдеу мекемелерін және медицинаны басқарудың бүкіл жүйесін қамтитын е-денсаулық сақтау жобасы енгізілуде. «Е-Қаржымині» және «Е-Статистика» жобаларын іске асыру аяқталуда. Мемлекеттік органдар «электрондық үкімет» инфрақұрылымы арқылы тұрғындарға және бизнеске 236 интерактивтік және транзакциялық қызмет ұсынады, оның 108 «электрондық лицензиялау» порталында және 128 «электрондық үкімет» порталында көрсетіледі. «Электрондық үкімет» порталын күн сайын 25 000-нан астам азамат пайдаланады. 13,3 млн. астам е-анықтамалар, оның ішінде 2012 жылғы 1 жартыжылдықта 4 млн. астам электрондық анықтама берілді. 2011 жылы әлеуметтік маңызы бар мемлекеттік қызметтердің 15 %-ы электрондық форматқа көшірілді. 2013 жылдың соңына дейін әлеуметтік маңызы бар мемлекеттік қызметтерді 100 % автоматтандыру жоспарланған. Электрондық мемлекеттік қызметтерді алу үшін тұрғындарға және бизнеске 1 млн. астам электрондық цифрлық қолтаңба берілді. «Е-лицензиялау» ақпараттық жүйесі лицензиар мемлекеттік органдардың бәрінде, 79 аумақтық лицензиарда, 16 жергілікті атқарушы органның 8-інде енгізілді. 2012 жылғы 1 сәуірден бастап орталық мемлекеттік органдардың барлық лицензиялары электрондық нысанда қалыптастырылады, 2012 жылғы 9 айда 13 мыңнан астам электрондық лицензиялар қалыптастырылды. 92 лицензияны оңтайландыру, 80 рұқсат беру құжатын автоматтандыру және оңтайландыру жөніндегі жоспарлар бекітілді. 13 сала үшін өнімділіктің, қызметтің, қосымшалардың, деректердің, технологиялар мен стандарттардың эталондық модельдері құрылды, сондай-ақ оларды толтыру және одан әрі сүйемелдеу үшін әдістемелер әзірленді. Орталық мемлекеттік органдарды сақтау мерзімі 10 жылға дейінгі құжаттарды қағаз тасығышта қайталамай, электрондық цифрлық қолтаңбамен куәландырылған электрондық нысанда ғана электрондық құжат айналымына көшіру қамтамасыз етілді. Электрондық әкімдіктерді дамыту шеңберінде 20 мемлекеттік қызметті автоматтандыру мүмкіндігі бар «е-әкімдік» өңірлік шлюзі» жобасы іске асырылды. Міндеті: мемлекетті ақпараттандыру құралы ретінде «электрондық үкіметті» дамыту. Нысаналы индикаторлар: 1) «электрондық үкімет» индексі (БҰҰ әдістемесі бойынша) 2017 жылы алғашқы 30, ал 2020 жылы - алғашқы 25 елдің қатарында болуға тиіс; 2) тұрғындардың мемлекеттік қызметтерді ұсыну сапасына қанағаттану индексі 2017 жылы 5 балдың 4,5 балын, 2020 жылы - 4,7 балды құрауға тиіс; 3) мемлекеттік қызметтерді көрсетудің төрешілдену индексі 2017 жылы - 3, 2020 жылға қарай — 1 болуы тиіс; 4) дәстүрлі түрде алынған қызметтердің жалпы санына қарағанда көрсетілген электрондық мемлекеттік қызметтердің үлесі 2017 жылы - 50 %, 2020 жылы 80 % құрауы тиіс; 5) электрондық қызметтердің жалпы көлемінде ұтқыр электрондық мемлекеттік қызметтердің үлесі 2017 жылы - 36 %, 2020 жылы 40 % құрауы тиіс; 6) мемлекеттік органдардың автоматтандырылған функцияларының үлесі әлеуетті автоматтандырылатындардың санынан 2017 жылы кемінде 80 % және 2020 жылы кемінде 100 % құрауы тиіс; 7) аумақта жаңартылған (өзектілендірілген) картографиялық материалдың үлесі: қалалар мен кенттерде дәлдігі М1:500: 2018 жылы - 100 %; басқа да елді мекендерде дәлдігі М1:2000: 2020 жылы - 100 %; өңделетін жерлерде дәлдігі М1:10000: 2018 жылы - 100 %; өңделмеген жерлерде дәлдігі М1:25000: 2020 жылы - 100 %. Қол жеткізу жолдары Қолжетімділіктің қазіргі заманғы телекоммуникациялық желісі және Қазақстанның «электрондық үкіметі» ақпараттық қоғам құрудың инфрақұрылымы болады. «Электрондық үкіметті» дамытудың жаңа маңызды бағыттарының қатарында мынадай міндеттер шешілетін болады. АКТ-жобаларының өмірлік циклі қысқа адымдар және нақты нәтижелерге жылдам жетуге бағдарланған, модульдік тәсілдемені енгізу жағына қарай қайта қаралатын болады. Шағын АТ-компаниялардың мемлекеттік АКТ-жобаларына қатысуы үшін «кіру шегін» жою мақсатында іс-шаралар жүргізілетін болады. Мемлекеттік басқару реформаларының барлық түрлерін келісіп жүргізудің негізгі құралы болатын мемлекеттік органдардың Бірыңғай ақпараттық-талдамалық ортасы әзірленетін болады. Мемлекеттің әлеуметтік маңызы бар инфрақұрылымының бәрін (инженерлік желілер, тұрғын үй қоры, жолдар және т.б.) тексеру және паспорттау жүргізіледі, жаңа мемлекеттік дерекқор құрылатын болады. Мемлекеттік дерекқорды есепке алу объектілерімен ықпалдастырылған, мемлекеттік органдарға қазіргі заманғы, сапалы және толық геоақпараттық материалға қолжетімділік беретін бірыңғай ұлттық геоақпараттық орта қамтамасыз етілетін болады. Мемлекеттік дерекқор, мұрағаттар және ведомстволық ақпараттық жүйелер үшін тарихи мәліметтерді жинау және электрондық түрге ауыстыру міндеті мемлекеттік деңгейде жүйелі шешілетін болады. Мемлекеттік және жергілікті атқарушы органдардың қызмет процестерін талдау негізінде үлгілік ақпараттық жүйелердің тізбесі айқындалатын болады. Үлгілік ақпараттық жүйелер мемлекеттік және жергілікті атқарушы органдарда «бұлыңғыр сервистер» түрінде ақпараттандырудың жаңа моделінің аясында енгізілетін болады. Мемлекеттік қызметтерді ұсыну және оларды автоматтандыру жөніндегі бизнес-процестерді қысқарту және оңайлату процесі жалғасатын болады. Жергілікті атқарушы органдардың функциялары автоматтандырылатын болады. Әкімшілік құжаттарды нөмірлеудің және кодтаудың бірыңғай жүйесі көзделетін болады. Мобильдік құрылғылар арқылы азаматтарға және бизнеске мемлекеттік қызметтердің нәтижелерін жедел ұсынуға арналған «электрондық үкімет» бағыттарының бірі - «ұтқыр үкімет» қарқынды дамитын болады. Мемлекеттік органдардың арасында олардың жұмыстарының регламенттерін жетілдіру және Электрондық құжат айналымының бірыңғай жүйесін (бұдан әрі - ЭҚАБЖ) енгізу жолымен құжат айналымын айтарлықтай қысқарту жөніндегі жұмыс жалғасатын болады. ЭҚАБЖ жүйесінің өзі «бұлыңғыр сервистер» және ақпаратты криптографиялық қорғау құралдарын пайдалана отырып, ұтқыр құрылғыларда жұмыс жасау жағына қарай дамитын болады. Коммерциялық және мемлекеттік жүйелер мен сервистерді ықпалдастыру жөніндегі шаралар қабылданатын болады. Бағдарламалық қамтамасыз етуді лицензиялық және еркін пайдалану мәселелері регламенттелетін болады. «Электрондық үкіметтің» Call-орталығы базасында мемлекеттік қызметтерді көрсету, оның ішінде мемлекеттік қызметтерді көрсетудің сапасына шағымдарды қабылдау және мемлекеттік қызметтердің мәртебелері мен әзірлігі туралы хабарлау мәселелері бойынша Бірыңғай Саll-орталық құрылатын болады. Мемлекеттік және мемлекеттік емес қызметтер көрсету мәселелері бойынша заңды және жеке тұлғалардың мемлекеттік органдармен және ұйымдармен ресми ақпараттық өзара іс-қимылына, дербес деректерді пайдалануға арналған Азаматтың бірыңғай жеке кабинеті құрылады және енгізілетін болады, ол да мемлекеттік органдар мен азаматтардың өзара іс-қимылының бірыңғай нүктесі болады. Тұрғындардың арасында электрондық-цифрлық қолтаңбаны (бұдан әрі - ЭЦҚ) кеңінен пайдалануға бағытталған жаңа үлгідегі жеке куәліктерге ЭЦҚ жазудың инфрақұрылымын дамыту бойынша жұмыстар жүргізілетін болады. Электрондық қызметтерге қоғамдық қолжетімділік пункттерінің саны едәуір артатын болады, сондай-ақ қолданыстағы пункттердің жабдықтары жаңартылады. 4) Мемлекеттік органдарды ақпараттандырудың жаңа моделін енгізу Ағымдағы ахуалды қысқаша талдау Мемлекеттік органдарда ақпараттық технологияларды қолданудың тиімділігін арттыру тетіктерінің бірі «бұлыңғыр есептеу», АКТ-аутсорсингі және тапсырыстарды шоғырландыруды пайдалануға көшуге негізделген ақпараттандырудың жаңа моделін енгізу болып табылады. Қазіргі уақытта әлемдік тәжірибеде деректерді өңдеу орталықтарының базасында серверлерді виртуалдау және «бұлыңғыр есептеу» модельдерінің технологиялары кеңінен қолданылады. Осы технологияны енгізудің нәтижесі бюджет қаражатын шоғырландыру және үнемдеу, мемлекеттік органдардың бизнес процестерінің тиімділігі болып табылады. Бүгінгі күні Қазақстанда мемлекеттік секторда серверлерді «виртуалдау» және «бұлыңғыр есептеулер» технологияларын енгізу басталды. 2010 жылы мемлекеттік органдардың серверлік орталығы пайдалануға берілді, оның негізінде 2011 жылдан бастап collocation (серверлік жабдықтар үшін бағана-орынды жалға алу) қызметтері ұсынылады, есептеуіш ресурстарды орталықтанған түрде ұсыну үшін виртуалдау технологиясын пайдалана отырып шоғырландырылған есептеу алаңы ашылды. «Бұлыңғыр» есептеудің негізінде «Қазақстан Республикасы мемлекеттік органдарының бірыңғай пошталық жүйесі» жобасын іске асыру және Павлодар қаласындағы Деректерді өңдеу орталығын құру басталды. Міндеті: мемлекеттік органдарда ақпараттық технологияларды қолдану шығыстарын оңтайландыру. Нысаналы индикаторлар: мемлекеттік органдардың меншікті дата-орталықтарының, серверлік бөлмелерінің, серверлік құрал-жабдықтарының саны 2017 жылы 2012 жылмен салыстырғанда 80 %, 2020 жылы - 50 % қысқаруы тиіс; меншікті лицензиялық бағдарламалық қамтамасыз етуді, меншікті ақпараттық жүйелерді құру және қызмет көрсету қызметтерін сатып алуға мемлекеттік органдардың шығындарын қысқарту 2017 жылы 2012 жылмен салыстырғанда 40 %, 2020 жылы - 50 % құрауы тиіс. Қол жеткізу жолдары Мемлекеттік органдардың АКТ-инфрақұрылымын қалыптастыру және басқару АКТ-өнімдерін сатып алудан ақпараттандырудың жаңа моделін құру және енгізу арқылы АКТ-сервистеріне тапсырыс беру және тұтынуға жоспарланған кезең-кезеңімен көшу арқылы жүзеге асырылатын болады. АКТ-аутсорсингке берілетін тауарлардың, жұмыстар мен қызметтердің тізбесі анықталатын болады. Мемлекеттік органдардың АКТ-тапсырысын шоғырландыру механизмі әзірленетін болады. Мемлекеттік органдардың бірыңғай бұлыңғыр тұғырнамасын (бұдан әрі - G-Cloud) қолдануға негізделген Қазақстан Республикасының мемлекеттік органдарын ақпараттандырудың аутсорсингтік моделі іске асырылады. G-Cloud инфрақұрылымын дамытуға және мемлекеттік органдардың ақпараттық жүйелерін G-Cloud-қа көшіруге жауапты, ақпараттандыру саласындағы оператор анықталатын болады. Мемлекеттік органдарда бар ақпараттық жүйелер мен серверлік жабдықтарды тексеру жүргізілетін болады және оларды кәдеге жарату және/немесе G-Cloud-қа ауыстыру тәртібі айқындалады. Жалпы сервистерді алумен G-Cloud-ты жинақтау жүргізілетін болады, мемлекеттік органдар оларды жалға ала отырып, АКТ-инфрақұрылымын қалыптастыру және басқару жөніндегі өзіне тән емес қосалқы функцияларын қысқартады. G-Cloud инфрақұрылымына жауапты ақпараттандыру саласындағы оператор даму жоспарларын үйлестіреді және шоғырландырады және оператордың жұмысы үшін қажетті байланыс арналарына, қауіпсіздікке және басқа бағыттарға жауап беретін органдардың жұмысын біріктіреді. Ақпараттандырудың жаңа моделінің бастамаларын қамтамасыз ету үшін АКТ-жобаларға қатысты бюджеттендіру және мемлекеттік сатып алу процестерінде өзгерістер жүргізілетін болады. 5) Құқықтық тәртіпті, қоғамдық қауіпсіздікті, техногендік авариялар мен дүлей апаттар қатерін төмендетуді қамтамасыз етуге арналған АКТ Қоғамдық қауіпсіздікті қамтамасыз ету саласындағы басты міндет табиғи және техногендік сипаттағы шұғыл жағдайлар мен дүлей апаттар кезінде құқықтық тәртіп органдары мен шұғыл қызметтердің алдын алу, болдырмау және Қазақстан Республикасының әрбір азаматы өмірінің қауіпсіздігін қамтамасыз ету бойынша қажетті шараларды қабылдауы бойынша жылдам өзара іс-қимылға әзірлігінің жоғары болуы болып табылады. Құқықтық тәртіп органдары мен шұғыл қызметтердің өзара іс-қимылы бірінші кезекте тұрғындардың өмірі мен денсаулығы үшін қауіп төндіретін жағдайлар кезінде олардың барлық құрылымдарының ақпарат алмасуын және ұйымдастырылған жұмысын қамтиды. Мұндай жағдайларда деректерді жедел алмасуға және ықтимал қауіптер мен қатерлер туралы тұрғындарды уақтылы ақпараттандыруға және хабарландыруға мүмкіндік беретін АКТ-ның маңызды рөлін атап өту қажет. Ағымдағы жағдайды қысқаша талдау Техногендік сипаттағы төтенше жағдайлардың саны (бұдан әрі - ТЖ) 2012 жылғы 8 айда 10328 жағдайды құрады (ТЖ жалпы санынан 81,7 % ), оның ішінде 94,4 % (9751) - тұрмыстық және өндірістік өрттер. 2011 жылғы осындай кезеңмен салыстырғанда техногендік төтенше жағдайлардың саны 1127 жағдайға немесе 12,2 % артты. Зардап шеккендердің саны 1413 адамды құрады (2011 жылғы осындай кезеңнен 13,1 % көп). Құқықтық тәртіп органдары қоғамдық тәртіпті сақтау және көшелерде және басқа да қоғамдық орындарда азаматтардың қауіпсіздігін қамтамасыз ету тетіктерін жетілдіру жөнінде барлық қажетті шараларды қолдануда. Қылмыстарға шұғыл ден қою мақсатында нақты нарядтың орналасқан жерін қадағалау ауданының картасында нақты уақыт режимінде және жақын арадағы полиция нарядына оқиға болған жерге жөнелтуге мүмкіндік беретін «GPS» навигациясы жүйесі патрульдік машиналарға енгізілді және жұмыс істейді, осы жүйемен жаяу жүретін патрульдік нарядтарды жабдықтау мәселесі пысықталуда. Қазіргі уақытта барлық өңірлерде жедел басқару орталықтары (бұдан әрі - ЖБО) жұмыс істейді, олар қылмысқа ден қою жеделдігін арттыруға, сондай-ақ облыс орталықтарының неғұрлым криминогендік аудандарын бейнебақылаумен қамтуға мүмкіндік береді. Қазақстан Республикасы Ішкі істер министрлігінің Ахуалдық орталығы пайдалануға енгізілді, ол облыстық жедел басқару орталықтарын бірыңғай жүйеге біріктіреді, өңірлерде жедел жағдайларды бақылауға және олармен селекторлық бейне байланысты жүзеге асыруға мүмкіндік береді. Бүгінгі күні ел бойынша жалпы 606 қалалық және аудандық ішкі істер бөлімдері және 153 тікелей учаскелік пунктке ЖБО қосылған 1300 аса бейнебақылау құрылғылары пайдаланыланды, олардың көмегімен 570 қылмыс ашылды және 110 мыңнан аса құқық бұзушылықтар анықталды. Міндет: АКТ кеңінен енгізу жолымен қоғамдық қауіпсіздік деңгейі мен құқықтық тәртіп және шұғыл қызмет органдары жұмыстарының тиімділігін арттыру. Нысаналы индикаторлар: 1) шұғыл қызметтер қызметкерлерінің компьютерлік сауаттылығының деңгейі 2017 жылы - 100 %; 2) ТЖ ден қою уақытын қысқарту 2017 жылы - 10,75 %, 2020 жылы - 31 %; 3) ТЖ туралы халықты жаппай хабарландырудың қазіргі заманғы жүйелерімен жабдықталған елді мекендердің үлесі 2017 жылы - 95 %; Қол жеткізу жолдары АКТ енгізу жолымен қоғамдық қауіпсіздік деңгейі мен құқықтық тәртіп және шұғыл қызметтер органдары жұмыстарының тиімділігі бойынша міндеттерді іске асыру мынадай шараларды қабылдау жолымен шешілетін болады: 1) орындалатын жұмыстардың тиімділігін және сапасын арттыру үшін шұғыл қызметтердің операциялық және өндірістік қызметі автоматтандырылатын болады; 2) геоақпараттық жүйелерді пайдалана отырып оқыс оқиғалар туралы, оның ішінде оқыс оқиғалар болған жерлер туралы деректерді ұсына отырып, шұғыл қызметке хабарлау бойынша міндеттерді орындау үшін Қазақстан Республикасының ТЖМ 112 бірыңғай кезекшілік диспетчерлік қызметі құрылатын болады; 3) қылмыстарға шұғыл ден қоюды қамтамасыз ету мақсатында елдің барлық өңірлерінде күдік туғызатын адамдарды, оқиғаларды, жол-көлік және өзге де оқиғаларды анықтау тұрғысынан көшелерге және азаматтар жаппай жиналатын жерлерге тұрақты мониторинг үшін шұғыл басқару орталықтарын дамыту бойынша жұмыстар жалғастырылатын болады; 4) АКТ қызметінде қолданатын зерделеуге назар аудара отырып, шұғыл қызметтер қызметкерлерінің компьютерлік сауаттылық деңгейін арттыру курсы жүргізілетін болады; 5) ұтқыр құрылғыларды қоса алғанда, барлық байланыс құралдары арқылы төтенше жағдайлардың алдын алу мен жоюдың жеделдігін жоғарылату үшін уақтылы хабарлау жүйелерін одан әрі дамыту жұмысы жалғастырылатын болады. 2. Ақпараттық-коммуникациялық инфрақұрылымның қолжетімділігін қамтамасыз ету 1) Қазақстан Республикасының үй қожалықтарында ақпараттық-коммуникациялық инфрақұрылымның қолжетімділігі Бүгінгі күні ақпараттық-телекоммуникациялық инфрақұрылым экономикалық дамудың аса маңызды элементі болып табылады. Қазіргі заманғы қолжетімді телекоммуникациялық инфрақұрылымсыз Қазақстанның әлемдік экономикалық және ақпараттық кеңістікке енуі мүмкін емес. АКТ қолжетімділігі ақпараттық қоғам құруға арналған тұғырнама болып табылады. Ағымдағы жағдайды қысқаша талдау 2012 жылдың бірінші жартыжылдығында Қазақстан Республикасында тұтынушылық сұраныстың өсуі экономиканың өсуіне оң ықпалын тигізді, оны көтерме және бөлшек сауданың 14,3 %-ға, көлік қызметінің 7,2 %-ға, байланыс қызметінің 12,8 %-ға өсуі дәлелдейді. Телекоммуникация қызметтерін дамыту мынадай индикаторлармен сипатталады: 1) жергілікті телекоммуникация желілерін цифрландыру деңгейі 95,6 %; 2) Интернет желісін пайдаланушылардың саны 8,8 миллион адамға жетті (53,5 %); 3) тіркелген телефон байланысы абоненттерінің саны 4,2 миллионнан астам абонентті құрады (26 %); 4) ұялы байланыс абоненттерінің саны 26,2 млн. құрады (158,3 %). Ұялы байланыс қызметтері Қазақстан тұрғындары арасында үлкен сұранысқа ие, ол абоненттер санының тұрақты артуына байланысты. Сондай-ақ 2011 - 2012 жылдары Интернет және ұялы байланыс қызметтеріне тарифтерді төмендету бойынша іс-шаралар жүргізілді. Ұялы байланыс операторларының желі ішінде қоңырау шалуға жұмсалатын ең төменгі құны 30 %-ға, ұтқыр Интернетке ең жоғарғы тариф 50 %-ға дейін төмендеді. Интернет желісіне белгіленген кең жолақты қолжетімділік тарифтер бойынша жарияланған IT 2012 әлемдік есебіне сәйкес Қазақстан әлемде 13-орынды иеленді (2009 жылғы қорытындылар бойынша 19-орын). Міндет: Қазақстан Республикасының үй қожалықтарында ақпараттық-коммуникациялық инфрақұрылымының қолжетімділігі. Нысаналы индикаторлар: 1) Интернет желісіне қолжетімді үй қожалықтарының үлесі 2017 жылы - 65 %; 2020 жылы - 80 %; 2) тіркелген телефон байланысы бар үй қожалықтарының үлесі 2017 жылы - 80 %; 2020 жылы - 100 %; 3) ұтқыр телефоны бар үй қожалықтарының үлесі 2017 жылы - 80 %; 2020 жылы - 100 %; 4) теледидары бар үй қожалықтарының үлесі 2017 жылы - 100 %; 2020 жылы - 100%. Қол жеткізу жолдары Интернет желісіне кең жолақты қолжетімділікті дамыту мынадай бағыттар бойынша қамтамасыз етіледі: 1) ақпараттық-коммуникациялық инфрақұрылымды жаңғырту және дамыту; 2) Қазақстан Республикасы өңірлеріндегі «цифрлық теңсіздікті» қысқарту (ірі қалалар, моноқалалар, ауылдар). Интернет желісіне КЖҚ қызметтерін дамыту мақсатында пайдаланушыларға жоғары жылдамдықпен және үлкен көлемді ақпаратты, жіберуге және қабылдауға мүмкіндік беретін жаңа технологияларды пайдалану қамтамасыз етіледі. Халықтың Интернет желісіне КЖҚ қолжетімділігін қамтамасыз ету мақсатында Министрлік байланыс операторлармен бірлесіп, 4G енгізу және FTTH, CDMA 450/EVDO, 3G технологияларын одан әрі дамыту бойынша іс-шараларды жүзеге асыруда. 2013 жылы CDMA 450/EVDO технологиялары бойынша Интернет желісіне КЖҚ қызметтерімен тұрғындар саны 50 және одан да көп елді мекендердің тұрғындары қамтамасыз етіледі. FTTH технологиясы бойынша Интернет желісіне КЖҚ барлық қалалар мен облыс орталықтарында 2015 жылға дейін аяқталатын болады. 3G үшінші буынның ұтқыр байланысымен 2013 жылдың басында тұрғындар саны 50 мың және одан да көп адамды құрайтын елді мекендердің тұрғындарын, ал 2015 жылдың басына дейін тұрғындар саны 10 мың және одан да көп адамды құрайтын аудан орталықтары мен елді мекендердің тұрғындарын қамтамасыз ету жоспарланады. 2013 жылдың басына 4G төртінші буын стандарты Астана, Алматы қалаларында, 2014 жылдың басына - республиканың барлық облыс орталықтарында, 2015 жылдың басында - тұрғындар саны 50 мың және одан да көп адамды құрайтын барлық елді мекендерде, ал 2018 жылдың басында - Қазақстан Республикасының бүкіл аудан орталықтарында енгізілетін болады. Ұялы байланыс қызметтері тарифтерінің қолжетімділігін қамтамасыз ету үшін (сондай-ақ, мобильді Интернет) ұялы байланыстың басым операторларының трафигіне қосылу және оларды жіберу қызметтерінің тарифтерін төмендету іске асырылады (2015 жылға дейін жыл сайын кемінде 10 %). Бүкіл Қазақстан бойынша тұрғындарды 95 % эфирлік хабар таратумен және 100 % спутниктік хабар таратумен қамтуды қамтамасыз ететін эфирлік цифрлық желі құрылады. жүктеу/скачать 380 Kb. Достарыңызбен бөлісу:
|