БАҒдарламасы мазмұны кіріспе

- 10 балабақша құрылысы;

- 40 шағын орталық ашу;

- бұрын жекешелендірілген 50 балабақшаны қайтару.

Мектепке дейінгі білім беру қызметтерінің сапасы мектепке дейінгі ұйымдардың материалдық-техникалық базасын нығайту есебінен арттырылады.

2010 жылы мемлекеттік тапсырыс бойынша – 6355 орын мектепке дейінгі мекемелерде беріледі. 2011-2015 жылдары– 7395 орын енгізіледі, олардан: 2011ж – 1395, 2012ж – 1575, 2013ж – 1525, 2014ж – 1575, 2015ж – 1275.

Өңірде 100 % мектептерді Интернетке қосу және оқушылардың Интернетте жұмыс істеу уақытын ұлғайту қамтамасыз етіледі. Кем дегенде 44,2% жалпы орта, техникалық және кәсіптік білім ұйымдары электрондық оқыту жүйесіне қосылады. Мектептердің материалдық – техникалық базасы интерактивтік жабдықпен және жаңа модификациялы мамандандырылған кабинеттерімен, спорт залдарымен, зертханалардың арнайы жабдығымен және құралдарымен күшейтіледі.

Мектептерде күрделі жөндеу жүргізіледі, олардың тіршілікті қамтамасыз ету инфрақұрылымы қайта жаңғыртылады, ыңғайластырылған жайларда орналасқан мектептер саны барынша қысқарады.

Орта білім саласындағы қызметтерді көрсету сапасына оқытушылардың біліктілігін жоғарылату және мектеп оқушыларының сыртқы бағалау жүйесіне қатысуы есебінен қол жеткізіледі.

Жамбыл облысының 11-12 сынып оқушылары үшін профильдік мектептер және мектеп интернаттар құрылысы көзделген (2020ж дейін – 16 профильдік мектеп, оның ішінде 8 – мектеп интернаты және 2 интернат).

Техникалық және кәсіптік білім беру саласында ТКБ объектілері мен аймақ кәсіпорындары арасында мемлекеттік жекеменшік әріптестік дамиды, оқу бағдарламаларын қалыптастыру және тәжірибе базаларын жасау бөлігінде әлеуетті жұмыс берушілердің оқу процесін ұйымдастыруға қатысуы қамтамасыз етіледі. Техникалық және кәсіптік білім беру қызметтерінің сапасы ТКБ ұйымдарын арнайы және интерактивті жабдықпен жарақтандыру, шетелдік ағылшын тілі оқытушыларын тарту, арнайы пәндер оқытушыларының және өндірістік оқу шеберлерінің біліктілігін шетелде жоғарылату, сондай-ақ ТКБ ұйымдарының инженерлік-педагогикалық үлесін ұлғайту есебінен арттырылатын болады. Арнайы пәндер оқытушылары мен өндірістік оқу шеберлерінің тапшылығы жойылады. ТКБ ұйымдарын жатақханалармен қамтамасыз ету жағдайы жақсарады.

ТКБ жүйесінде мыналар жоспарланған:

• 
  кадрлар даярлауға мемлекеттік тапсырыс көлемін ұлғайту;
  
• 
  1 кәсіптік лицей және 2 жатақхана соғу;
  
• 
  ТКБ оқу орындарының оқу өндірістік шеберханаларын, зертханаларын осы заманғы оқу өндірістік және технологиялық жабдықпен қайта жарақтандыру;
  
• 
  ТКБ мазмұнын халықаралық талаптарға сәйкес жаңарту;
  
• 
  электрондық оқытуды ендіру.
  

Барлық осындай интернат мекемелерінде балаларды отбасына орналастыру жаңа нысандары – отбасыларын қолдау қызметтері және асырап алушы ата-аналар мектебі құрылады. Жетім балаларды отбасыларына орналастыру мақсатында қамқоршыларға қарамағындағы балаларды асырауға жәрдемақылық төлемақы түріндегі қамқоршыларды экономикалық қолдау ендіріледі.

Қамқоршылар органдары жұмысты салмақты, мұқият түрде жоспарлауға, профилактикалық шараларды нақтылап, барынша тиімділік әкелетін қызмет бағыттарына назарды бұрып, интернат мекемелеріне балалар ағымын қысқартуға қабілетті балалардың құқықтарын қорғайтын білікті мамандармен қамтамасыз етіледі.

Мыналар жоспарланады:

• 
  балалар үйлерін отбасын қолдау қызметтеріне, жанұялық үлгідегі балалар үйлеріне кезең-кезеңмен көшіре отырып, балалар үйлерінің санын қысқарту;
  
• 
  жетім балалардың және ата-анасының қамқорлығынсыз қалған балалардың мәліметтер базасын жасау;
  
• 
  тәрбиелеуге жетім балаларды қабылдаған азаматтарды осы санаттағы балаларды ұстау үшін қамқоршыларына ақшалай қаржы төлеу арқылы материалдық ынталандыру;
  
• 
  қолданыстағы арнайы түзету мекемелерін сақтау, сондай-ақ жалпы білім беретін мектептерде арнайы сыныптар ашу, сондай-ақ әр ауданда мектептер жанынан кем дегенде бір логопедиялық пункт ашу;
  
• 
  инклюзивтік оқытатын мектепке дейінгі орта білім ұйымдарының желісін кеңейту.
  

Мақсат 4.2.3. Өнімді жұмыспен қамтуға ықпал ету

«Жұмыспен қамту» автоматтандырылған ақпараттық жүйесін тираждау.

Кәсіптік даярлау және қайта даярлау арқылы жұмыссыздардың біліктілігін жоғарылату.

Еңбек нарығында қажет мамандықтардың мониторингі.

Мыналар есебінен тұрақты жұмыс орындарын ашу:

• 
  жаңа объектілер енгізу, қолданыстағы кәсіпорындарды кеңейту (ПФИИР шеңберінде 2010 жылы 8 инвестициялық жоба (Мыңарал цемент зауытының құрылысы, Тараз металлургиялық зауытында ферроқорытпалар өндірісін кеңейту және модернизациялау, «Запчасть» АҚ электр металлургиялық шағын зауыттың құрылысы) 3348 жұмыс орны, оның ішінде 1908 жаңа жұмыс орны ашылады. 2011 жылы 941 жұмыс орнын аша отырып, 6 инвестициялық жоба іске асырылады (Хантау цемент зауытының құрылысы, «Луговой жылқы зауыты» ЖШС шошқа шаруашылығы кешені, «Жамбыл құс» ЖШС құс фабрикасының, «Қазақ ет компаниясы» ЖШС малды бордақылау және етті қайта өңдеу кешенінің құрылысы). 2010-2015 жылдары 5288 жұмыс орындарын аша отырып, 5 перспективалық жоба іске асырылады, олардың ірілері: «ЕвроХим-Удобрения» ЖШС минералдық тыңайтқыштар өндірісі, «Тенир-Логистик» ЖШС тау-кен металлургиялық кешенінің құрылысы, «Казфосфат» ЖШС күкірт қышқылы цехының құрылысы және фосфориттерді суспензиялық-флотациялық байытуды қайта жаңғырту;
  
• 
  шағын және орта бизнесті дамыту.
  

Бос орындар жәрмеңкелерін өткізу.

Халықтың әлеуметтік осал топтарынан жұмыссыздарды қоғамдық жұмысқа тарту.

3 және 4 санаттар бойынша квотаны қысқарту арқылы тартылып отырған шетелдік жұмыс күші арасындағы білікті мамандардың үлесін ұлғайту.

«Шетелдік жұмыс күші мониторингі» бірыңғай республикалық мәліметтер базасын жетілдіру және оларды уәкілетті органдардың жұмысына ендіру.

Кәсіпорындармен жұмыс орындарын қысқартуға жол бермеу, қызметкерлерді әлеуметтік қорғау бойынша келісім- шарттар жасау.