Қол жеткізу жолдары: І және ІІ кезеңдерде (2011-2015 ж.ж.)

Тұрақты негізде семинарлар, тренингтер, әйелдерді билік органдарына тарту бойынша оқыту курстары өткізіледі, әйелдердің өкілетті билік органдарына сайлау науқандарына қатысуы жандандырылады, олардың бос лауазымдарға орналасу конкурстарына қатысуына ықпал етіледі.

Оқиға болған жерге дер кезінде шығу үшін арнайы автокөлік сатып алу, шұғыл-іздестіру іс-шараларын жүргізу және қоғамдық тәртіпті сақтау;

Келеңсіз криминогендік ахуал орын алып отырған оқу орындарын кешенді тексеруді жүргізу, оның нәтижелерін аймақтық кәмелетке толмағандар істері және олардың құқықтарын қорғау жөніндегі және білім органдарының комиссиялары отырыстарында қарау;

Жергілікті атқарушы органдармен бірлесе отырып белсенді өмірлік ұстанымы бар азаматтарды полицияның қоғамдық көмекшілері ретінде қоғамдық тәртіпті қамтамасыз ету бойынша жұмысқа тарту жөніндегі жұмыстарды ұйымдастыру;

Тәулік бойғы стационарлық постар мен жылжымалы полиция пункттерінің, жылжымалы полиция топтарының желісін дамыту есебінен көшелердегі және басқа қоғамдық орындардағы құқық тәртібін қорғау тетігін жетілдіру;

Криминогендік жағдай шиеленіскен кезде полиция және ішкі әскерлер күштері мен құралдарын бірыңғай орналастыру жоспарларын уақтылы түзетуді жүзеге асыру;

Құқық қорғау бағытындағы қоғамдық құрылымдар желісін кеңейту.

Жол қауіпсіздігін қамтамасыз ету үшін келесі іс-шаралар жүзеге асырылады:

Жол қозғалысы қауіпсіздігіне нақты қауіп төндіретін құқық бұзушылықтардың алдын алу және кесу;

Көлік құралдарын тіркеу үрдісін оңтайландыру есебінен азаматтарға қызмет көрсету жағдайларын жақсарту;

Жол полициясының көлік құралдарының қауіпсіздігі мен жағдайына, жол шарттарына және жүргізушілердің кәсіби дайындығына әсер ету тиімділігін арттыру;

Жол қозғалысына қатысушылардың, әсіресе жолаушылар көлігі жүргізушілерінің тәртібін күшейту.

Қылмысқа қарсы күрестің және қылмыскерлерді іздестірудің, нашақорлыққа және есірткі бизнесіне қарсы күрестің тиімділігін арттыру үшін келесі іс-шаралар жүзеге асырылады:

Полицияның күштері мен құралдарын қылмыстарды ашуда және қылмыскерлерді іздестіруде кешенді қолдануды қамтамасыз ету;

Мақсатты шұғыл іздестіру іс-шараларын және қылмыстарды «ізін суытпай» ашу бойынша арнайы операцияларды жүзеге асыру;

Есірткі бизнесі саласындағы ұйымдасқан қылмыстық топтардың іс-әрекетінің алдын алу, анықтау және алдын кесу;

«Бақыланатын жеткеру» әдісі бойынша арнайы іс-шаралар өткізу;

Есірткілерді тарату фактілерін анықтау және алдын кесу мақсатында ойын-сауық орындарында, оқу орындарында, сондай-ақ бұқаралық іс-шаралар өткізілетін орындарда арнайы рейдтер өткізу.

Басқару органдарымен және АҚ (азаматтық қорғаныс) және ТЖ (төтенше жағдай) күштерімен облыстық және аудандық жаттығулар өткізуді жоғары және сапалы деңгейге көтеру.

5 мың және одан көп тұрғыны бар елді мекендерде 9 өрт депосын ашу мәселелерін шешу.

Халықтың жеке қорғаныс құралдарын ішінара ауыстыруды және жаңартуды жүргізу, сақтаудың белгіленген, нормативтік мерзімдерінен асып кеткен және қолдану үшін жарамсыз жеке қорғаныс құралдарын тізімнен алу.

Сейсмикалық тұрақты ғимараттар салу, қолданыстағы ғимараттарды күшейту және шатырлы қалашықтардың тіршілігі үшін қажетті материалдық-техникалық мүлік сатып алу арқылы жер сілкіністерінен болуы мүмкін залалды азайту бойынша іс-шаралар кешені жүзеге асырылады.

Баспанасыз қалған тұрғындарды уақытша орналастыру үшін резервтік шатырлы қалашық салу мақсатында басқарма шатырлы қалашық үшін 238 млн. теңгеге кезең-кезеңмен мүлік сатып алуды жоспарлауда, оның ішінде 2014 жылы-119 млн. теңге, 2015 жылы -119 млн. теңге.

Ескерту – қаржыландыру көлемі 2011-2013 жылдарға арналған бюджет бекітілгеннен кейін нақтыланады.

• 
  мониторинг;
  
• 
  бағалау;
  
• 
  бақылау.
  

1. 
   Аумақтарды дамыту бағдарламаларының мониторингі жылына екі рет жүзеге асырылады: жарты жыл қорытындысы бойынша және жыл қорытындысы бойынша.
   

Мониторинг « Бағдарламаның негізгі бағыттары, мақсаттары, міндеттері, мақсатты индикаторлары және нәтижелер көрсеткіштері, қойылған мақсаттарға қол жеткізу жолдары және іске асыру мерзімдері көрсетілген тиісті шаралары» бөлімінде берілген міндеттер көрсеткіштері бойынша жүзеге асырылады.

Облыстың тиісті басқармасы Жамбыл облысын дамыту бағдарламасының жарты жыл қорытындылары бойынша жүргізілген мониторингінің нәтижелері бойынша тиісті органға қорытынды ұсынады.

Бағдарламаларды іске асыруға қатысатын әртүрлі жақтардың өзара іс-қимылын, сондай-ақ аталған бағдарламаларды іске асыру барысына сыртқы ортаның әсерін талдауды ескере отырып дайындалған көкейкесті қорытындылар және жоспарланған іс-шараларды іске асырудың тиімділігін арттыруға және қойылған мақсаттарға қол жеткізуге бағытталған қажетті шараларды қабылдау мониторингтің нәтижесі болып табылады.

2. 
   Облыс аумақтарын дамытудың бағдарламасын бағалауды облыс әкімдігінің экономика және бюджеттік жоспарлау басқармасы жүргізеді.
   

Облыстың даму бағдарламасын бағалау нәтижелері бойынша қорытынды уәкілетті органмен облыстың даму бағдарламасын бағалауды жүргізуге тиісті органға есепті кезеңнен кейінгі жылдың 1 сәуірінен кешіктірмей ұсынылады.

3. 
   Аумақтарды дамыту бағдарламасының іске асырылуын бақылауды Қазақстан Республикасының Мемлекеттік жоспарлау жүйесінде анықталған уәкілетті мемлекеттік органдар бағдарламаны іске асырудың мониторингі және бағалануы арқылы жүзеге асырады.