Бағдарламасы паспорт атауы

4. Қаржымен қамтамасыз ету

Несиелер мен инвестициялардан басқа негізгі қаржы көздері болып бағдарламаларды және агроөнеркәсіп кешені бойынша жасалатын шараларды мемлекеттік қаржыландыру, яғни мемлекеттік қолдау болып табылады.

Мемлекеттік қолдау шаралары реттеу сипатында болады және ауыл шаруашылығының маусымдық және өндірістік циклдың ұзақтығына, табиғат климат жағдайларына және экономиканың басқа салаларымен салыстырғанда ауыл шаруашылық өнімдерінің тауар айналымының эквивалентті болмауына, тұрғындардың сатып алу қабілеттілігінің төмендігіне байланысты болатын салааралық теңсіздікті теңестіруге бағытталады. Мемлекеттік қолдауға малдардың және өсімдіктердің аса қауіпті ауруларына бақылау жасауды және олармен күресті, карантиндік өнімдердің зертханалық және фитосанитарлық сараптамасын жасауды, ауыл шаруашылық дақылдарының сұрыптарын сынауды, суармалы жерлердің мелиоративтік жағдайының бағасын жасауды, мемлекеттік қордағы астықты сақтауды, элиталық тұқым шаруашылығы мен асыл тұқымды мал шаруашылығын дамытуды және оның генофонын сақтауды, агроөнеркәсіп кешенінің ақпараттық жүйесін құруды және дамытуды, ғылыми зерттеулерді жүзеге асыруды, тамақ және өңдеуші өнеркәсіп кәсіпорындарына екінші деңгейдегі банктер арқылы берілетін кредиттердің сый ақы ставкасын субсидиялауды, ауыл шаруашылық техникалары және құрал жабдықтарды қаржылық лизинг жүйесі арқылы алуда сый ақы ставкасын қайтаруды, машина трактор паркін құруды мемлекеттік қаржыландыру жатады. Бұған сонымен қатар ауыл шаруашылық тауар өндірушілеріне жасалған жеңілдетілген салық, бюджеттік қарыздардың төлем мерзімін ұзарту жатады. 2003-2004 жылдары республикалық бюджет есебінен ауыл шаруашылық тауар өндірушілеріне минералдық тыңайтқыштар сатып алуға субсидия беру, оригиналдық тұқым өндіруді субсидиялау, элиталық тұқым бағасын арзандату, тұқым сапасын анықтау, топырақ құнарлылығын химиялық құрамын анықтау және оған мониторинг жүргізу, ауыл шаруашылық дақылдарының сорттарын сынау, өсімдіктердің аса қауіпті аурулары мен зиянкестерін анықтау үшін зерттеу жұмыстарын жүргізу, пестицидтер сатып алу, өсімдік карантині шаралары, асыл тұқымды малды сақтап қалу және дамыту, эпизоотияға қарсы шаралар сияқты жеке бағдарламалар мен шараларды қайтарусыз негізде қаржыландыру жүргізіледі .

2006-2010 жылдары бағдарламаны жүзеге асыру үшін төмендегідей шығыстар сомасы көзделінген:

2010 жылға таяу ауданда бір- бірімен байланысты салаларда ішкі өндірістік байланысы жақсы дамыған кәсіпорындары бар агроөнеркәсіп кешені қалыптасады. АӨК ішкі және сыртқы рыноктарға бәсекеге қабілетті өнімдерді шығаруды қамтамасыз ететін болады. Аудан тұрғындарын қажетті мөлшердегі негізгі азық-түлік түрлерімен отандық өндірушілер қамтамасыз етеді, тамақ өнімдерінің көптеген аналогтары бойынша импорт алмастыру жүргізіледі

Ауылда агробизнесті дамытуда, ауыл экономикасының экономикалық жағдайын нығайтуда, ауданның АӨК тұрақты дамытуда басым бағытқа қаржы институттарын дамыту, ауылдық кредит серіктестіктері арқылы ауыл тұрғындарының кредитке колдарын жеткізу, ауыл тұрғындарына шағын кредит беру, интеграцияланған қауымдастықтар (салалық кластерлер құру) жататын болады.

Саланы индустриализациалау АӨК кәсіпорындарының техникалық және технологиялық жарақтандыру деңгейін көтереді, машина технологиялық станциясы мен сервистік пункттердің саны көбейеді, мал шаруашылығы процестерін механизациялау деңгейі көтеріледі, тамақ және қайта өңдеу өнеркәсібі кәсіпорындарын қайта қалпына келтіру, жаңғырту, техникалық және технологиялық жарақтандыру жүргізіледі, оларда жаңа қуаттар іске қосылады.

Өңдеуші салалардың дамуымен бірге ауыл шаруашылық өнімдерін дайындау, алғашқы өңдеуден өткізу, сақтау және толық өңдеу проблемалары шешілетін болады, картоп және көкөніс дайындайтын 1 дайындау пункті, ет дайындайтын 1 мал соятын пункт, 1 сүт дайындайтын пункт ашылады.

Өсімдік шаруашылығында ғылыми негізделген қуат үнемдеу технологиялары енгізіледі, жармалық дақылдардың егістігі көбейеді, минералды тыңайтқыштарды пайдалану үлесі артады.

Мал шаруашылығында асыл тұқымды мал өсіру жұмыстары, малды қолдан ұрықтандыру жұмыстарын атқаратын қосымша пункттер құру есебінен мал табынында асыл тұқымды малдың үлес салмағы көбейеді, мал өнімділігі біршама артады.

Шағын шаруашылықтардың біріктіру және шаруашылық қызмет атқарып отырған шаруашылықтарды дамыту есебінен шығаратын өнімдері халықаралық стандарттарға сай келетін ірі және орта тауарлық шаруашылықтар құрылады.

Мамандарды дайындаудың және қайта дайындықтан өткізудің проблемалары шешіледі. Ауыл шаруашылық тауар өндірушілері мен ғылымның арасында тығыз байланыс орнайды. Ғылыми әзірлемелерді өндіріске енгізу одан әрі дамитын болады.

Ауданда салалық тамақ балық өндіру кластерін құру осы салада индустриалдық инновациялық жобаларды енгізу, АӨК мықты кешендерді құру мүмкіндіктерін береді, бұл кәсіпорындардың табыстылығын көбейтеді, еңбек өнімділігін арттырады. Бағдарламаның жүзеге асуы қазіргі заманғы бәсекеге қабілетті тамақ және қайта өңдеу өнеркәсібі кәсіпорындары мен агроөнеркәсіп кешенінде кәсіпкерлікті одан әрі дамытуға тең жағдай жасайды.

Кәсіпорындарда салалық принцип және шикізат өңдеудің жаңа техникалық және технологиялық негізіне кешенді түрде жақындау бойынша құрылымдық өзгерістер жасалады, бұл дайындау және сату процестерінде өнімнің бәсекеге қабілеттілігін арттырады.

Ауыл шаруашылығы салаларының дамуын өзімен бірге ілестіре әкететін, еңбек рыногындағы қауырттық пен ауыл шаруашылығымен айналысатын аудандардан тұрғындардың кетуін азайтуға, тұрғындардың еңбекпен қамтылуы мен табысын арттыруға себеп болатын тамақ және өңдеуші өнеркәсіп салалары мен кәсіпорындарының экономикалық негізі нығаяды. Тамақ және өңдеуші өнеркәсіп кәсіпорындары өнімді шет елге шығарады. Халықаралық стандарттарға сай келетін қауіпсіздік бағасының және өнім сапасының жүйесі қалыптасады.

Агроөнеркәсіп кешенінің инфрақұрылымы төменгі жағдайлар арқылы дамиды:

• 
  коммуналдық, ауыл шаруашылық өнімдерін көптеп сату рыноктарын дамыту;
  
• 
  ауылдық несие серіктестігінің жұмысын жанжандырып ауыл тұрғындарына шағын несие беруді көбейту;
  
• 
  сақтандыру жүйесін дамыту, егістіктерді толық сақтандыру;
  
• 
  АӨК-ін ақпараттық маркетингтік қамтуды ұйымдастыру, ауылдағы ақпараттық консультациялық орталықтарды нығайту және дамыту.
  

Агроөнеркәсіп кешені экономикасының бәсекеге қабілеттілігін арттыру үшін ғылымның жетістіктерін пайдалану істері жақсарады, менеджмент және маркетингтік зерттеулер, стандарттау және өнімді сертификаттау саласында артта қалушылықты болдырмау шаралары қабылданады