БАҒдарламасы syllabus 1 Оқытушылар туралы мәліметтер

1. 
   Шыңғысханның Қазақстан мен Орта Азия территорияларын жаулауы. Ұлыстардың құрылуы.
   
2. 
   Алтын Орда (1243 ж. – ХV ғ. ортасы).
   
3. 
   ХІV – ХV ғғ. Ортағасырлық мемлекеттер.
   

1. Ұлыстардың құрылуы және Алтын Орданың Қазақстан тарихындағы орнын анықтаңыз. Электрондық ресурстарды пайдаланыңдар.

Тақырыпты оқу барысында, тарих ғылымындағы тарихи оқиғалардың хронологиялық реттілігін сақтай отырып Ұлыстардың құрылуын картаға түсіріңіз. Ұсынылған әдебиеттерден Қазақстан территориясындағы монғол шапқыншылығының жоспарының стратегиялық жағдайын оқып біліңіз. Шыңғыс ханның билеуші және қолбасшы ретіндегі тұлғасын анықтау қажет. Моңғол әскерінің құрылымын сипаттай отырып, олардың көптеген мемлекеттерді жаулап алуындағы негізгі себептерін көрсетіңіз. Моңғол жаулап алушылығының нәтижелеріне байланысты әртүрлі көзқарастарды ұсынып, пікірталасқа дайындалыңыз

1. 
   Қазақ халықының құрылуы.
   
2. 
   «Қазақ» этнонимі.
   
3. 
   Қазақ жүздері.
   

Қазақ этногенезі және Қазақ жүздері туралы арнайы ғылыми әдебиеттер тізімін жасап, соңғы тарихи көзқарастарды көрсетіңіз. Электрондық ресурстарды пайдаланыңдар.

Қазақ халқының халық болып қалыптасуының басты алты кезеңін бөліп көрсетіңіз.

Мәселеге қазіргі көзқарастардағы әдебиеттердегі нақты сипаттамасынан бастаған дұрыс, яғни Қазақстан территориясында мекендеген түркі тайпалардың дамуының ұрпақтан-ұрпаққа жалғасуы мен автохтондылығы ең басты мәселе болмақ. «Алаш», этнонимі деген терминнің мәнін оқып білуге болады..

Қазақ жүздерінің территорялық үш шаруашылық экономикалық және мәдени аумақтарға бөлінуінің ерекшеліктерін ашып көрсетіңіз. Ш.Уәлихановтың, А Левшиннің, М.Тынышпаевтың, Юдиннің, Бартольдтің, Чулошниковтың, Мұқановтың және Академиялық 5 томдық Қазақстан тарихындағы осы проблемаға байланысты тарауды оқыңыз. Ғалымдардың пікірлерімен танысып, қазақ жүздерінің қалыптасу үрдісіне сипаттама беруге болады.

1. 
   Қазақ хандығының құрылуы мен нығаюы.
   
2. 
   ХVІ ғ. қазақ хандығы.
   
3. 
   ХVІІ – ХVІІІ ғғ. басындағы қазақ хандығының әлеуметтік-экономикалық , саяси және мәдени дамуы.
   

1. 
   Мына ұғымдардың мәнін түсіндіріп жазыңыз: ру, тайпа, халық, ұлт, этнос, антропология, этногенез, этноним, алаш, жүз, ақсүйек, қарасүйек, ұлыс, билер кеңесі, хан кеңесі, ауыл, арыс, хандық, ұлыхан, би, бай, жатақ, төленгет, “Қасым ханның қасқа жолы”, “Есім ханның ескі жолы”, “Жеті жарғы” заңдар жинағы.
   
2. 
   ХУІ ғасырдағы Қазақ хандығының күшейуінің себептерін анықтаңыз (Хақназар, Тәуекел, Есім, Әз-Тәуке).
   
3. 
   Қазақ халқының осы кездегі тарихи ой-пікірінің дамуын сипаттаңыз. (Өзіңіз таңдаған бір ақын-жыраудың еңбегін таңдаңыз), электрондық ресурстарды пайдаланыңдар.
   

Осы сұрақтарға жауап беру үшін әдебиеттер тізімінде көрсетілген арнауы зерттеуді қарап Қазақ хандығының құрылуы барлық қазақ жерлерін біріктірудегі этносаяси процесстердің заңды қорытындылары болғандығын түсіндіріңіз.

Қазақстандағы күрделі саяси процесстерді көрсетілген уақытта толық түсіну үшін Жәнібек пен Керей сұлтандардың Әбілқайыр ханнан көшіп кетуіне қандай себеп болды деген сұрақты анықтап алу қажет. Қазақ хандығының күшейуі туралы сұрақты талдау үшін қазақ қоғамының әлеуметтік-экономикалық дамуы туралы мәліметтерді және сол уақыттағы Қазақ хандарының тарихи тұлғаларына да сипаттама беру қажет.

Ақын-жыраулардың еңбектеріндегі тарихи ой-пікірдің даму деңгейін көрсету үшін «бес ғасыр жырлайды» еңбегін оқыңыз.

1. 
   Қазақ – Жоңғар соғыстары.
   
2. 
   Қазақстанның Ресейге қосылуының экономикалық және саяси алғы шарттары.
   
3. 
   Қазақстандағы Ресей патшалығының отаршылдық саясатының басталуы. Кіші және орта жүздің ресейге қосылуы.
   
4. 
   Абылай хан тұсындағы Қазақ хандығы.
   
5. 
   Қазақ халқының Ұлт-азаттық қозғалыстары (1731-1837жж.)
   

1. 
   Қазақ –Жоңғар соғыстарының барысындағы ірі тарихи оқиғаларды сипатта.
   
2. 
   1822, 1824жылдардағы реформалардың саяси мәнін талда.
   
3. 
   Ұлт-азаттық қозғалыстың кезеңдері туралы кесте құру.
   
4. 
   Электрондық ресурстарды пайдаланыңдар.
   

Қазақстан тарихының тарихнамасындағы С.Д.Асфендияров, М.Вяткин, Е.Бекмаханов, М.Қ. Қозыбаев және В.А. Моисеевтің осы проблемалар жөніндегі көзқарастарын оқу керек.

Бұл сұрақты дайындау барысында Қазақстанның Ресейге қосылуының негізгі кезеңдерін анықтап, әр кезеңнің ерекшелігін көрсету және отарлаудың сипатын анықтау қажет. (дипломатиялық орталау, әскери отарлау, саяси отарлау, экономикалық және аграрлық отарлау, рухани отарлау)

Абылай ханның қызметін дұрыс түсіну үшін оның өмірбаянымен танысу қажет: Абылай ханның шығу тегіне байланысты ғана емес, оның жоңғар басқыншыларына қарсы күресінде жеке қасиетімен және ерлігімен халықтың арасында беделге ие болғандығын, жоңғарларға қарсы қазақ батырларының жасақтарының басын қосып, біртұтас майданды ұйымдастырған көреген қолбасшы болғанына назар аударыңыз. Абылай хан ішкі және сыртқы саясатында өзінің басты міндеті ретінде қазақ жерлерін біріктіріп және қазақ мемлекеттін нығайту үшін күресті. Өзіңіздің жұмысыңызда мына мәселелерге көңіл бөліңіз: Абылайдың дипломатиялық шеберлігіне - оның Ресейге, Жоңғарияға, Қытайға қатысты ұстанған саясатына байланысты тарихи баға бере біліңіз.

Жұмыстың соңында Абылай ханның (1711-1781 жж.) Қазақстанның тәуелсіздігі үшін күрестегі тарихи роліне байланысты қорытынды жасаңыз.

Негізгі әдебиет: [ 1, 9, 15, 16, 21, ]

Қосымша әдебиет: [1, 44, 45, 46, 56, 57 ]
8-ші тақырып. ХІХ ғ. екінші жартысы - ХХ ғғ. басындағы Қазақстанның әлеуметтік-экономикалық және саяси дамуы.

1. 
   Патша үкіметінің Қазақстандаға ХІХ ғ. екінші жартысындағы территориялық-әкімшілік реформалары.
   
2. 
   ХІХ ғасырдың екінші жартысы ХХ ғ. басындағы Қазақстанның әлеуметтік-экономикалық дамуы.
   
3. 
   Қазақ инттелигенциясының қалыптасуы. Алаш қозғалысының тарихы.
   
4. 
   1916 жылғы Ұлт-азаттық көтеріліс
   
5. 
   Қазақстан Ақпан буржуазиялық-демократиялық революция жылындарында.
   

1. 
   1867-1868 жж. реформалардың тарихи маңызын түсіндіріңіз.
   
2. 
   Капиталистік қарым-қатынастардың дамуын деңгейін көрсет.
   
3. 
   ХХ ғасырдың басындағы Қазақ инттеллигенциясының еңбектеріндегі ұлт-азаттық идеяны мәнін сипатта.
   
4. 
   1916 жылғы Ұлт-азаттық қозғалыс және Қазақ зиялыларының ұстанған бағытын анықтаңдар, электрондық ресурстарды пайдаланыңдар.
   

ХІХ ғ. 60-90 жылдардағы әкімшілік реформаларға талдау жасай отырып сол реформалардың қазақ жерлерін мемлекет меншігіне айналдыру, ол жерлерге орыс- казак шаруаларын қоныстандырудың мәнін трүсіндіру керек.

Отаршылдықтың күшейуінің барысында ХІХ ғасырдың ІІ-ші жартысында Сырдария қазақтары Жанқожа Нұрмұхамедұлы мен Есет Көтібарұлы бастаған және Торғай, Орал облыстарындағы ұлт-азаттық қозғалыстар (1869) және Маңғыстау қазақтарының көтерілісітері т (1870-1873) туралы әдебиет тізіміндегі ғылыми еңбекті оқыңыз.

ХХ ғасырдың басындағы патша үкіметінің Қазақстандағы жүргізген аграрлық саясатының мәнін ашып, 1916 жылғы ұлт-азаттық көтерілістің тарихи маңызын түсіндіру керек. Ол үшіе Манаш Қозыбаевтың “Жауға шаптым ту байлап” монографиясын оқы.

Қазақ интеллигенциясының қаклыптасу және Алаш қозғалысының тарихына жауап беру үшін Кеңес Нүрпейісовтың “Алаш Һәм Алашорда ” атты еңбегін талдаңыз.

Негізгі әдебиет: [ 4, 6, 15, 18, 40]

Қосымша әдебиет: [ 5, 6, 7, 8, 13, 14, 18, 40, 58, 66,]

9-шы тақырып. Қазақстан мәдениеті (XVIII – ХХ ғғ. басы).

1. 
   Қазақ халқының рухани мәдениеті
   
2. 
   Қазақ халқының материалдық мәдениті.
   
3. 
   Өлкені ғылыми тұрғыдан зерттеудің басталуы.
   
4. 
   Халыққа білім беру жүйесінің қалыптасуы және дамуы
   

1. 
   Қазақ ақыны немесе жыраудың (Тәттіқара, Үмбетей, Шал, Көтеш, Ақтамберді, Бұқар жырау және т.б.) шығармашылығы жайында реферат
   
2. 
   Қазақстандағы ғылыми зерттеу Орталықтары жайлы слайд дайындау және электрондық ресурстармен материалдар іздестіру.
   

Қазақ халқының ғасырлар бойы қалыптасып дамыған материалдық мәдениеті - киіз үй, киім-кешек тағамдар, еңбек-құрал жабдықтары, тұрмыстық заттары, әшекей бұйымдары және қазақ қолөнерінің дамуының ерекшеліктерін сипаттаңыз.

Ақындар мен жырауларының шығармашылығының мәнін талда. Бұқар, Ақтамберді, Тәттіқара, Үмбетей т.б. жыраулардың шығармашылығында тарихи шындықтың, қоғамда болып жатқан әлеуметтік-экономикалық қайшылықтардың және өз заманындағы қазақ қоғамының жағдайының бейнеленуін көрсетіңіз.

Ш.Уалиханов, алғашқы қазақ ғалымы, ағартушылық қызметін талда. Ыбырай Алтынсариннің ағартушылық қызметі, Абай шығармашылығы бойынша оның қазақ жазба әдебиетінің негізін қалаушы. Осы тарихи тұлғалар туралы өз көзқарасыңызды білдір.

Ұлттық музыка өнерінің даму тарихын оқу керек. (Тәттімбет, Құрманғазы, Дәулеткерей, Біржан сал, Жаяу Мұса, Ақан Сері, Ықылас, Мәди)

Сонымен қатар ХІХ ғасырдың ортасы мен ХХ ғасырдың басындағы Қазақстандағы ғылыми зерттелу орталықтарының жұмысының тарихи маңызын бағалау керек..

1. 
   Қазан төңкерісі Қазақстандағы Кеңес өкіметін орнатудың ерекшеліктері.
   
2. 
   Азамат соғысы жылдарындағыі Қазақстан (1918-1920 жж.).
   
3. 
   Қаз АКССР-ның құрылуы.
   

1917 жылғы Қазан төңкерісінен кейінгі Қазақстандағы саяси жағдайды сипаттаңыз. Алаш Орда үкіметі қайраткерлірінің саяси аренаға шығуына баға беріңдер . Алаш көсемдері: Әлихан Бөкейханов, Ахмет Байтұрсынов, Міржақып Дулатов, Мұстафа Шоқай т.б. қазақ ұлттық-демократиялық интеллигенциясы өкілдерінің аласапыран уақыттағы қазақ халқының бостандығы мен тәуелсіздігі үшін жасаған саяси қадамдарына тарихи баға беріңдер. 1917 жылғы Орынбор қаласында өткен І және ІІ жалпы қазақтық съездерде қазақ халқы үшін қандай маңызды мәселелер қаралған еді. Ұлт мәселесі саласындағы большевиктер саясатының мәнін ашыңыз. «Алаш» партиясы құрған автономияның Кеңес билігі автономиясынан қандай айырмашылығы болғандығын көрсет. Большевиктер өлкенің тұрғылықты халықының ұлттық мүддесіне қалай қарағандағын сипатта. «Алаш» партиясы қазақ халқы дамуының балама жолын-ұлттық автономияны құруды ұсынғандығының дұрыстығын көрсет.

ҚазАССР-нің құрылуы Қазақ мемлекеттілігінің қалпына келтірілуі екендігін дәлелдейтін өз пікіріңді дәлде.

Негізгі әдебиет: [ 6, 12, 15, 30, ]

Қосымша әдебиет: [ 5, 6, 7, 8, 13, 16, 18, 26, 38, 40, 48, 49, 50, 58 ]
11-шы тақырып. ХХ ғасырдың 20 -30 жылдарындағы Қазақстанның әлеуметтік-экономикалық, мәдени және қоғамдық-саяси дамуы

1. 
   Қазақстандағы Жаңа экономикалық саясат. (ЖЭС)
   
2. 
   Қазақстандағы индустриялизация
   
3. 
   Ауылшаруашылығын ұжымдастыру және 1931-1933 жылдардағы аштық.
   
4. 
   Мәдениеттің дамуы.
   
5. 
   Саяси қуғын-сүргін және ұлттарды күштеп жер аудару.
   

1. 
   Тоталитарлық жүйенің қалыптасуының себептерін анықтаңыз.
   
2. 
   Қазақстандағы 1931-1933 жылдардағы Аштық туралы слайд дайындау.
   
3. 
   Қазақ зиялыларының тағдыры туралы электрондық ресурстарды пайдалана отырып, реферат дайындау.
   

1921 жылғы Жаңа экономикалық саясаттың іске асырылуы азамат соғысы күйреткен елдің шаруашылығын қалпына келтіріп, әлеуметтік-экономикалық дамуға мүмкіндік бергендігін дәлелде. жақсартты. Ф.И.Голощекиннің «Кіші Қазан» төңкерісінің қазақ халқына зор апат әкелгендігін көрсет. Ұсынылған әдебиеттерді оқу және конспектілеу арқылы Қазақстандағы индустриаландырудың қалай өткендігі және қандай ерекшеліктерге ие болғандығын айтыңыз. Мемлекет қайраткері С.Садуақасов «Қазақстан отар болып келді және солай болып қалды» - деген сөзіне әлеуметтік-экономикалық, саяси талдау жасаңыздар. Индустриаландырудың ауылшаруашылығын ұжымдастыруымен қалай байланысты болғандығын анықтаңыз. Қазақстандағы ұжымдастыру Кеңес қоғамындағы әкімшілік-әміршілікпен КОКП-ң солақай саясатымен жүргізілгендігінің, нәтижесінде қазақ халқының орны толмас шығынға ұшырағанын дәлелдеңіз, мысалдар келтіріңіз. «1931-1933» жылдарға өздерің қандай баға беріңдер. 1920-1940 жылдардағы Қазақстанда жүргізілген индустриализация және мәдени революцияның жетістіктеріне, табыстарына анықтама беріңіз. Қазақстандағы 1920-1940 жылдарда жүргізілген жаппай саяси қуғын-сүргіннің қазақ халқына тигізген ауыр зардабы жайлы реферат дайындаңыз.

1. 
   Соғыстың басталуы мен сипаты.
   
2. 
   Қазақстан экономикасын соғыс жағдайына байланысты қайта құру.
   
3. 
   Ұлы Отан соғысы майдандарындағы қазақстандықтар.
   
4. 
   Қазақстан соғыстан кейінгі жылдарда (1946 – 1953 жж.).
   

1. 
   Қазақстан майдан тылы болғандығын дәлелдейтін тарихи материалдарды сипаттаңыз. Қазақстанға эвакуацияланған өнеркәсіп орындары туралы кесте жасаңыз.
   

3.Қазақ зиялыларының қудалануының себептері жайлы қазіргі кезеңдегі тарихи еңбектерді талдаңыз.

Гитлершіл Германияның 1939-1940-шы жылдардағы Батыс және Орталық, Оңтүстік-Шығыс Еуропа елдерінде жүргізген басқыншылық соғысына сипаттама беріңіздер.

1939 жылғы 23 тамыздағы Германия мен КСРО арасындағы «Өзара шабуыл жасаспау туралы» пактісінің тарихи маңызына талдау жасаңдар.

Ұлы Отан жылдарындағы Қазақстанның адам және экономикалық ресурстарының жауға тойтарыс беруге жұмылдыруы нәтижесінде жеңісті жақындата түсуге қосқан үлесін анықтау қажет.Семинардың сұрағын дайындауда баяндамаларды, демонстрациялық кино мен фотодеректермен көрсетіңіз. Ұлы Отан соғысы ардагерлерін шақыруға болады. Ұлы Отан соғысының аяқталу кезеңіндегі (1944-1945жж.) Қазақстандықтардың Орталық және Оңтүстік-Шығыс Еуропа елдерін фашистік басқыншылардан азат етуі және Берлинді алу ұрыстарындағы көрсеткен ерліктерінің тарихи маңызын көрсете біліңіз.

Кеңес қоғамының соғыстан кейінгі даму үрдісі социализмнің сталиндік антидемократиялық, кертартпа, тоталитарлық үлгісінің құрамдас бөлігі болғандығын талқылаңдар. Соғыстан кейінгі кезеңде ауыр өнеркәсіптің дамуындағы негізгі бағытты анықта.

Семинардың 4-ші сұрағына жауап беру үшін Е. Бекмаханов жайлы шыққан ғылыми әдебиетті оқыныңыз.

1. 
   Қазақстандағы экономикалық реформалар.
   
2. 
   Тың және тыңайған жерлерді игеру.
   
3. 
   Қоғамдық-саяси өмір және мәдени үрдістер.
   

1.Тың және тыңайған жерлерді игеру саясатының жетістіктері мен кемшіліктерін көрсететін салыстырмалы кесте жаса.

Сталиннен кейінгі мемлекеттің дамуындағы нұсқаларды айтайық. 1954-1964 жж. тарихта «Хрущевтің декадасы» деп аталған кезеңді түсіндіріңіз, «Хрущевтік жылымық» ретінде неге аталатындығын түсіндіріңіз Партияның ХХ съезіндегі Сталиннің жеке басына табынушылықты сынау және оның салдарымен күрес жүргізу идеясын түсіндіріңіз. 1960 ж. республика экономикасының индустриялық секторы ненің есебінен дамығандығын түсіндіріңіз.

Қазақстан КП 1966 ж. наурызда өткен ХІІ съезінің материалдарын оқыңыз. Онда Одақ құрамындағы Қазақстан экономикалық және мәдени дамушылығының бес жылдық жоспарын (1966 – 1970 жж.) талдаңыз. Қазақстанда да «тоқырау» құбылыстарының 1965-1985 жж. тереңдей түстуінің себептерін көрсет. 1979 ж. Ақмола оқиғасы. «Семей полигоны», «Ауғанстан соғысы», «Арал трагедиясы», «Азғыр», «Капустин Яр», «Возрождение», «Байқоңыр» қару-жарақтар сынау полигондары туралы тарихи еңбектерді оқу. Полигондарды және экологиялық апат аймақтарды картада белгілеңіз.

Негізгі әдебиет: [18, 15, 28, 34, ]

Қосымша әдебиет: [ 15,52,53 ]

14-ші тақырып. Қазақстандағы «Қайта құру»

саясаты (1985-1991 жж.).

1. 
   КОКП ОК Сәуір Пленумы (1985). Қайта құру саясатының мәні және негізгі кезеңдері.
   
2. 
   1986 ж. Қазақстандағы Желтоқсан оқиғасы: себептері мен салдарлары.
   
3. 
   Қаз ССР-нің 1989 жылғы «Тілдер» туралы заңы. 1990 ж. Мемлекеттік егеменділік туралы Декларация.
   
4. 
   Қазақстанның қоғамдық – саяси өмірі
   

1. КОКП ОК Сәуір Пленумының материалдарын оқыңыз.

2. Электрондық ресурстармен 1986 жылғы Желтоқсан оқиғасы туралы слайд дайындау.
Әдістемелік нұсқау

Бұл сұрақтарға жауап беру үшін Қайта құру деп аталатын ұғымды түсіндіре отырып, Қазақстандағы әлеуметтік-экономикалық дағдарыстың себептерін ашып көрсету керек. Қоғамның терең дағдарысқа ұшырауының бір себебі Кеңес өкіметінің жүргізген ұлттық саясатында екендігін дәлелде.

1980-ші жылдардың ортасында басталған әлуметтік-экономикалық және саяси дағдарыстың себебін талдаңдар.

1980 жылдардың аяғы мен 1990 жылдың басындағы қоғамды демократияландырудағы саяси ағымдар мен партиялардың белсенді әрекеттеріне сипаттама беріңіздер. 1987 жылдан бастап құрылған қоғамдық қозғалыстар «Инициатива», «Невада -Семей», «Әділет», «Азат», «Алаш», «Желтоқсан» т.б. азаматтық қозғалыстарының алдына қойған мақсат-міндетіне анықтама беріп, Қазақстанның қоғамдық-саяси өміріндегі демократиялық үрдістердің кең өріс ала бастағанын көрсетіңіздер.

1990 жылғы Қазақ КСР-нің мемлекеттік егемендігі Декларациясының қабылдануының тарихи маңызын түсініңіз.

Негізгі әдебиет: [ 15, 18, 19, 34, ]

Қосымша әдебиет: [ 11, 19, 20, 24, 61, 67,]
15-ші тақырып. Қазақстан Республикасы Тәуелсіздік жылдарында.

1. 
   КСРО–ның ыдырауы және Тәуелсіз Қазақстан Республикасының құрылуы. 1993 және 1995 жылғы Конституциялар.
   
2. 
   Қазақстан Республикасының экономикалық, қоғамдық – саяси дамуы.
   
3. 
   Қазақстан Республикасының сыртқы саясаты.
   
4. 
   Қазақстан Республикасының қазіргі кезеңдегі мәдениеті.
   

1. 
   Тәуелсіз Қазақстан Республикасының құрылуы Қазақ мемлекеттігін қалпына келтіру екендігін дәлелдейтін тарихи материалдарды хронология бойынша келтіріп кесте дайындаңыз.
   

5. 
   электрондық ресурстарды пайдаланып Қазақстан Республикасының экономикалық, қоғамдық – саяси дамуы жайлы слайд-презентациялар дайындаңыздар.
   

Қазақстанның мемлекеттік егемендігі туралы Декларацияның тарихи мәнін түсіндір. ТМД-ның құрылуының тарихын оқы. Қазақстан Республикасы Конституциясыларының 1993 жылғы және 1995 жылғы нұсқаларын салыстырыңыз. Президент Н.Ә.Назарбаевтың Қазақстан халқына жолдаған «Қазақстан-2030» (1997) елді дамытудың ұзақ мерзімдік стратегиясын оқыңыз. Қазақстан Республикасының сыртқы саясатының негізін салушы Нұрсұлтан Назарбаев екендігін дәлелдеңіз. Ол үшін Қазақстан Республикасының сыртқы саясаты деп аталатын ғылыми еңбекті оқыңыз

Қазақстан Халқы Ассамблиясының елдегі тұрақтылық пен бейбітшіліктің кепелдігінің көрінісі екенін сипаттаңыз.

«Мәдени Мұра» бағдарламасы бойынша қол жеткен жетістіктерді нәтижесі жайлы ақпарат дайындап, сараптама жасаңыз.

Қазақстандағы Дүниежүзілік діндер съезінің өткізілуінің себептері мен маңызын түсіндіріңіз.

1. 
   Қазақстан тарихының мынадай бөлімдері бойынша: ежелгі Қазақстан, орта ғасырлардағы Қазақстан, жаңа кезеңдегі Қазақстан, қазіргі заманғы Қазақстан, тәуелсіздік жылдарындағы Қазақстан бойынша библиографиялық тізім жасаңыз