Бағдарламасы Түсіндірме жазба
-параграф. Танымдық іс-әрекетінің кемшіліктерін түзеу – «Сенсорика»
жүктеу/скачать 0.84 Mb.
|
- Бұл бет үшін навигация:
- 1-тарау. Кіші топ (2 жастан бастап) 1 -параграф. I- жартыжылдық
| 3-параграф. Танымдық іс-әрекетінің кемшіліктерін түзеу – «Сенсорика»
180. Арнайы түзету қызметінің базалық мазмұны сенсорика ұйымдастырылған оқу іс-әрекетінде жүзеге асырылады. 181. Мақсаты - ойын және өнімді іс-әрекетте заттардың қасиеттері мен сапаларын қабылдауға жағдай жасау, қоршаған дүниенің нысандары мен объектілерінің пішіні, түсі, өлшемі және зерттеу әдістері туралы түсініктерді қалыптастыру; мақсатты сынау және практикалық өлшеу әдісі арқылы заттармен әрекет ету қабілетін меңгеру; заттармен және материалдармен ойындарға оң көзқарас пен қызығушылықты қалыптастыру. 182. Тапсырмалар: 1) көру, есту, тактильді-моторлы қабылдау мен зейінді дамыту; 2) перцептивті әрекеттерді қалыптастыру (тексеру, сезіну, шығару, қою); 3) заттардың көру, тактильді-қозғалыс, есту және дәм сезу арқылы оңай ажыратылатын қасиеттерін ажырата білуге үйрету; 4) бағдарлаудың ізденіс әдістерін қалыптастыру; 5) қол-көз координациясын дамыту; 6) еліктеу арқылы әрекет етудің қарапайым дағдыларды үйрету; 7) заттармен практикалық іс-әрекеттерге эмоционалды жауап пен қызығушылық тудыру; 8) әртүрлі заттармен, ойыншықтармен таныстыру; 9) ересектермен бірге заттармен қарапайым әрекеттерді орындауға үйрету. 1-тарау. Кіші топ (2 жастан бастап) 1-параграф. I-жартыжылдық 183. Көрнекі қабылдау мен зейінді дамыту: 1) көз қарауын жарқыраған затқа бекіту; 2) горизонталды жазықтың бойымен қозғалатын объектінің артынан басын бұрып және көзбен қарап бақылау; 3) қолында ұстап тұрған затты (ойыншықты) зерттеп қарауға талпындыру; 4) үстелде орналасқан екі заттың (ойыншықтың) ішінен біреуін тану және таңдап алу; 5) зейінді қалыптастыру: қуыршақтың экранның арғы жағынан алдымен бір орында, содан кейін кезекпен екі нақты жерде пайда болуын назар қойып күту; 6) ересек адамның іс-әрекетіне еліктеу: алдымен заттарсыз жасалған әрекеттеріне, кейін заттармен (ойыншықтармен) жасалынған әрекеттеріне; 7) басқалардың арасында таныс заттарды тану (өз ойыншығын табу); 8) заттармен қарапайым әрекеттерді орындау: тік сырыққа кең тесігі бар бірдей көлемдегі сақиналарды кигізу; 9) нысандарды пішіні бойынша салыстыру: дөңгелек және төртбұрышты заттарды тесіктерге итеріп кіргізу; 10) түстерді (қызыл, сары) қабаттастырып салыстыруда олардың біркелкі немесе біркелкі еместігіне назар аудара отырып: «сондай», «ондай емес» деп айтып бірбірінен ажырату; есту қабілеті мен зейінін дамыту: 1) басты (денені) бұру арқылы дыбысты көзбен іздеуді ынталандыру; 2) тұрмыстық шуларға назар аудару; 3) дыбыс беретін ойыншықтарға назар аудару; 4) екі музыкалық аспаптың (барабан – құбыр) дыбысын тану және ажырату; 5) белгілі бір аспаптың дыбысына әрекетпен жауап беру; 6) дыбысқа еліктеуге назар аударып тыңдау, ойыншықтар мен дыбыстарды сәйкестендіру; тактильді-моторлы қабылдауды дамыту: 1) тактильді ынталандыруға жауап ретінде қозғалыс түріндегі реакцияны тудыру; 2) материалдардың әртүрлі текстуралары бар (тегіс, тікенді) таныс заттарды сипалап қарау арқылы тану; 3) құрғақ және ылғалды беттерді ажырату; 4) геометриялық фигураларды сипалап қарау арқылы қабылдау (шар, текше); 5) ересек адамның іс-әрекетіне еліктеу, екі қолмен үлкен заттарды, бір қолмен ұсақ заттарды алып қарау; 6) өзара байланысты тура және кері әрекеттерді орындауға үйрету (жайып тастау-жинау, алу-беру, шығару-кіргізу, орын ауыстыру). Күтілетін нәтижелер: заттарды, ойыншықтарды зерттейді; жақын қоршаған орта объектілерін көзбен таниды; сипап сезу арқылы геометриялық пішіндерді (шар, текше) ажыратады; ересек адамның түрлі заттармен (ойыншықтармен) әрекет жасауын қайталайды; ойыншықтармен қимылдарды орындайды (жаяды-жинайды, шығарады- салады, орнын ауыстырады); екі музыкалық аспаптың дыбысын ажыратады. жүктеу/скачать 0.84 Mb. Достарыңызбен бөлісу:
|