Бағдарламасы туралы түсіндірме жазба
жүктеу/скачать 2.06 Mb.
|
- Бұл бет үшін навигация:
- 2010 жылы мәдениет мекемелерін ұстау үшін бюджеттік қаржыландырудан 670609,0 тг бөлінді.
- Тілдерді дамыту
МәдениетОрал қаласындағы мәдени желісінде облыстық көлемдегі екі драма театры, Ғ.Құрманғалиев атындағы облыстық филармония, М.Бисенғалиевтің облыстық филармониялық оркестрі, облыстық халық шығармашылық орталығы, облыстық жастар шығармашылық орталығы, 5 мәдениет сарайы, 3 облыстық көлемдегі кітапхана: Ж.Молдағалиев атындағы ғылыми-әмбебап кітапхана, Х.Есенжанов атындағы балалар мен жасөспірімдерге арналған кіпапхана, зағип және нашар көретіндерге арналған арнайы кітапхана, 23 кітапханадан құралған қалалық орталықтандырылған кітапхана жүйелері, 15 балалар аула клубтары, «Жас ұрпақ» жасөспірімдерді әлеуметтік дамыту орталығы, «Ардагер» ардагерлер клубы, сонымен қатар 3 кино театрлары (оның ішінде біреуі жеке меншік иелігінде) жұмыс жасайды. Орал территориясында облыстық тарих және археология орталығы, облыстық тарихи-мәдени мұраларды сақтау инспекциясы, облыстық мұрағат қызмет атқарады. 2005-2008 жылдары 8 балалар аула клубы іске қосылды. Қаладағы мәдениет саласындағы қызмет соңғы жылдары тұрақты оң тенденцияларға ие болды, мұнда тек қаржыландырудың өсуі емес, сонымен қатар қызмет көрсету сапасы да артты. Соңғы төрт жылда мәдениет саласын қаржыландыру қала бойынша 3,2 есеге өсті, мәдениет нысандарының мемлекеттік желісінің өсуі 20,1%-ды құрады. Жыл сайын мәдениеттің мәдени-демалыс нысанын қалыптастыру үшін бөлінген қаражаттың көлемі өсіп отырды: 2006 жылы 140,9 млн.тг. бөлінсе, ол 2009 жылы 405,2 млн.тг-ге жеті. 2010 жылы жергілікті бюджет есебінен мәдениет мекемелерін күрделі жөндеуден өткізуге 44483,0 мың теңге бөлінді. 2009 жылы 19 филиалдарымен қоса, «М. Горький атындағы Орал қалалық кітапхана» ММ-нің жалпы кітап қоры 580370 дананы құрады, оның ішінде мемлекеттік тілде – 62094 дана. 40962 оқырман тіркелді, оның ішінде 15 жасқа дейінгілері – 17161 адам. Орталықтандырылған кітапхана жүйесінің кітап қорын толықтыру мақсатында 4800 мың теңге, мерзімді басылымға 3600 мың теңге бөлінді, бұл 2008 жылмен салыстырғанда 101%-ды құрайды.
Қайнар көзі: Батыс Қазақстан облысының статистика департаменті, Интернет 2009 жылы қалада 3 тұрақты кинотеатр жұмыс істеді (оның ішінде 1-і жеке). Қала құзіретінде Гагарин атындағы балаларға арналған бір кинотеатр бар. 2007 жылдан 2010 жылдың наурыз айына дейін бұл кинотеатрда 46453 адам келген 1475 киносеанс қойылды. Клуб типіндегі мәдениет мекемелерінде 2009 жылы 25 мың мәдени-көпшілік шаралары өтті, оның ішінде 20614-і балаларға арналған. Қалада өзіндік шығармашылықтың 48 ұжымы жұмыс жасайды, оның ішінде ВАА – 1, хор және вокалдық ұжым – 12, фольклорлық -2 және отбасы ансамблі – 1, ұлттық аспаптар оркестрі – 2, хореографиялық – 6, эстрадалық ұжымдар – 22. 2009 жылы қаланың мәдениет ұйымдары 260 мыңнан астам көрермені болған 46000 астам шара ұйымдастырды. Сондай-ақ қалада түрлі қызығушылықтар бойынша 1,5 мыңнан астам адам қатысатын 83 үйірмелер мен клубтар қызмет атақарады. 2010 жылы мәдениет мекемелерін ұстау үшін бюджеттік қаржыландырудан 670609,0 тг бөлінді.Облыс халқының мәдениет саласы бойынша көрсетілген қызмет сапасына қанағаттану дәрежесі 2009 жылы 45%-ды құрады.Тілдерді дамытуҚаланың тілдік саясаты Қазақстан халқының бірлігі және аймақтың тілдік қорын сақтау фарторлары ретінде мемлекеттік тілді қолдануды кеңеюін қамтамасыз етуге мүмкіндік беретін жағдай жасауға бағытталған. Жалпы алғанда, қаладағы қазақ тілін меңгеру деңгейі 60%-ды құрайды. Орал қаласында жергілікті мемлекеттік органдардың іс қағаздарын біртіндеп қазақ тіліне көшіру жүзеге асқан. Сонымен қатар 19 жергілікті мемлекеттік органдардың іс қағаздары мемлекеттік тілге көшті. Қаланың мемлекеттік органдарындағы іс қағаздар мониторингі іс қағаздар 99,2%-да мемлекеттік тілде жүретінін көрсетті. Қазақ тілімен қатар орыс тілі де ресми қолданылатынын, ағылшын тілін оқуға жағдай жасалынатынын атап өту қажет. Қалада мемлекеттік тілді оқытатын, оны оқыту курстарын ұйымдастыратын «Ағартушы» мемлекеттік тілді оқыту орталығы, мемлекеттік тілді үйрететін мультимедиялық кабинет қызмет атқарады. Мемлекеттік тілді дамыту мақсатында бірыңғай үш тіл саясаты жүргізіледі: мемлекеттік органдарда іс қағаздарын жүргізуде қазақ тілімен тең дәрежеде орыс тілі де ресми қолданылады. Қазақ тілін меңгермеген отандастарға арнайы курстар ұйымдастырылады. Тілді оқытудағы методологиялық базаны қамтамасыз ету мақсатында 2009 жылы 10 мың, 2010 жылы – 15 мың оқыту-әдістемелік оқулықтар дайындалды және бекітілді. Тілдік саясаттың ақпараттық орталығының рөлін орындайтын облыстағы мемлекеттік органдар сайттары жұмыс жасайды. Білім беру жүйесіндегі мемлекеттік тілді қолданудың оң тенденциясын атап айту керек. Қаладағы 44 мектепке дейінгі мекемелердің 20-ы (50,2%) жұмысын мемлекеттік тілде, 24-і мемлекеттік және орыс тілінде жүргізеді. Қала территориясындағы 45 мектептің 15-і оқытуды қазақ тілінде жүргізсе, 11 мектепте орыс және қазақ тілінде жүргізеді. Қаланың тілдік қорын сақтау мақсатында қалада тұратын ұлттар тілдерін оқытатын 6 жексенбілік мектеп бар. Қазіргі таңда қалада тілдердің функционалды дамуын жүзеге асыруға арналған құқықтық негіздер қалыптасты. Тілдік құрылыс үрдісін қоғам жақсы түсінеді және қолдайды. Мемлекеттік органдар жүйесінде қазақ тіліне сұраныстың өсу тенденциясы байқалып отыр. Батыс Қазақстан әкімдігі жанында 2001-2010 жылдарға арналған тілдерді дамыту және қалыптастыру мемлекеттік бағдарламасы мен тіл туралы заңнаманың орындалуын қадағалайтын координациялық кеңес құрылды. Дегенмен, қол жеткізген жетістіктерге қарамастан, мемлекеттік органдар жұмысындағы мемлекеттік тіл потенциялын жүзеге асыру деңгейі әлі де жеткіліксіз. Қаладағы мемлекеттік қызметкерлер арасында қызметтік фунциясын жүзеге асыру үшін қажетті деңгейде мемлекеттік тілді меңгермеген мамандар бар. Сондықтан 2010-2012 жылдарға арналған тілдерді дамыту бойынша стратегиялық жоспарды іске асырудағы ең басты міндет – білікті мамандарды даярлау. Оң көрсеткіштермен қатар мәселелер де туыпдап отыр: - барлық қоғамдық сала бойынша, соның ішінде халыққа қызмет көрсету саласы бойынша, мемлекеттік тілді іске қосу деңгейінің жеткіліксіздігі. - орта, арнаулы орта және жоғарғы оқу орындарындағы мемлекеттік тілді оқыту деңгейінің жеткіліксіздігі. Мемлекеттік емес ұйымдарда мемлекеттік тілді енгізу қажеттілігі. Қалалық ономастикалық комиссия қызметі қамтамасыз етілді.
жүктеу/скачать 2.06 Mb. Достарыңызбен бөлісу:
|