Бағдарламасы туралы түсіндірме жазба

3. ҚАЛАНЫҢ ДАМУЫН БОЛЖАУ

Орташа ұзақ мерзімдегі Қазақстан Республикасының перспективасы мұнай-газ кешенінің одан әрі дамуымен байланысты болады. Батыс Қазақстан аймағында орналасқан Орал қаласының дамуы, бірінші кезекте, Батыс Қазақстан облысының және жақын маңда орналасқан мұнай өндіру аймақтарының машина жасау, металл өндіру, құрылыс материалдар индустриясы, азы-түлік өнеркәсіп өндірісі өнімдеріндегі, білім беру, денсаулық сақтау, көлік және логистика қызметтері саласындағы қажеттіліктерімен анықталады.

Территорияның дамуының негізгі мақсаты – халықтың жоғарғы деңгейлі әл-ауқатымен және өмір сүру сапасының жоғарғы стандарттарымен, әлеуметтік, білім беру, денсаулық сақтау, мәдениет, спорт қызметтерімен, өмір сүруге қажетті инфрақұрылымдармен қамтамасыз ететін қарқынды дамыған, теңестірілген, диверсификацияланған және бәсекелестікке қабілетті экономиканы қалыптастыру.

Жалпы болжауды іске асыру мынадай жағдайларға бағытталған:

- машина жасау, металлургия және металл өңдеу, тамақ өнеркәсібі және ауылшаруашылық өнімдерін қайта өңдеу, құрылыс материалдарын өндіру сияқты өңдеу өнеркәсібінің өнімдері өндірісінің көлемін арттыру;

- білім беру, денсаулық сақтау, құрылыс және көлік инфрақұрылымы салаларындағы қызмет секторларын дамыту;

- аймақтың шағын және орта бизнесінің бәсекелестікке қабілеттілігін дамыту және арттыру үшін қолайлы жағдай жасау;

- Қазақстанның басқа облыстарымен және шетел мемлекеттерінің шекаралас аймақтарымен ынтымақтастық формалары мен бағыттарын дамыту;

- табиғатты рационалды қолдану, қоршаған ортаға келетін экологиялық ауыртпашылықты азайту, қалалық табиғи ортаты белсенді дамыту арқылы қолайлы экологиялық жағдайды сақтау және дамыту;

- халықтың әл-ауқатын және өмір сүру сапасын арттыру;

Түрлі орындау кезеңдеріндегі Бағдарламаны жүзеге асыру құралдары мыналар болып табылады:

- 2011-2015 жылдарға арналған Орал қаласы территориясының даму Бағдарламасындағы шаралар жоспары;

- коммерциялық және қоғамдық ұйымдардың биснес жоспарлары мен жобалары.

Орташа мерзімді кезеңдегі Орал қаласы территориясының даму Бағдарламасының артықшылықтары:

Мемлекеттік индустриалдық саясатты жүзеге асыру құралдарын пайдалану арқылы бәсекелестікке қабілетті өнімдерді өндіру үшін қалалық машина жасау кәсіпорыдары мен шетелдердің осы бейіндегі компанияларының бірлескен кәсіпорындарын және басқа да ынтымақтастық формаларын қалыптастыруды қалыптастыру. Мемлекеттік индустриалдық саясатты жүзеге асыру құралдарын ашып айтсақ, олар төмендегідей:

- индустриализацияның ұлттық және аймақтық картасына қосу,

-қазақстандық мазмұнды қамтамасыз ету бөлігінде мемлекеттік, ұлттық және трансұлттық компаниялардың ұзақ мерзімді тапсырыстарын орындау,

- жергілікті кәсіпорындар кооперациясы мен өзара байланысын көтермелеу,

- жергілікті кәсіпорындар өнімінің мемлекеттік тапсырыстары үшін халықаралық бюджет мүмкіндіктерін қолдану,

- машина жасау өнімдерінің ұлттық байқау орталықтарын құру (бәрінен бұрын теңіз мұнайын өндіруге арналған құрылғыларды байқау).

2. ауылшаруашылық қайта өңдеу және тамақ өнеркәсібі:

- өңдеу өнеркәсібінің одан әрі дамуын қамтамасыз етудің негізі ретінде жергілікті тауар шикізат базасын қалыптастыру үшін ауылшаруашылықты дамытуды мемлекеттік қолдау құралдарын тиімді қолдану мақсатында өкілетті мемлекеттік органдардың, өндірушілердің және ауылшаруашылық өндірушілерінің ықпалдасу механизмін құру, аграрлық ғылымды жетілдіру, мамандарды дайындауды жақсарту;

- ауылшаруашылық және тамақ өнеркәсібі өнімдерін қайта өңдеу секторындағы өнімдердің жаңа түрлерін игеру, Батыс Қазақстанның азық-түлік қауіпсіздігін қамтамасыз етуде жақын аймақтардың қатысуының үлесін және жергілікті өнеркәсіптің маңыздылығын арттыру.
3. құрылыс материалдарының өндірісін дамыту:

- аймақтағы мемлекеттік құрылыс бағдарламаларын жүзеге асыру үшін жергілікті өнеркәсіпті және құрылысты тарту,

- жеке құрылыстың барлық формаларын дамыту және қолдау.

4. Шағын және орта іскерлікті дамытуға бағытталған жоғары білікті қызметтерді дамыту бойынша:

-мемлекеттік-жеке серіктестік негізде рекреациондық (санаториялық-сауықтыру) жүйені мына жолдар арқылы қалыптастыру:

жобаның операторы ретінде - мемлекеттік-жеке кәсіпорындар ашу,

территорияда рекреациондық потенциалды бағалау жұмыстарын жүргізу,

даму және ұйымдастыру түрлері бойынша жоспарын жасау,

сыртқы мамандандырылған фирмалар мен инвесторларды, қаражаттарды тарту;

- туризмді дамыту бойынша:

- көпсалалы туризмді және ойын-сауық секторын дамыту жоспарын жасау,

- территорияның архитектуралық дамуында жаңа концепциялар, мақсаттар мен бағыттар анықтау.

Білім беру жүйесі бойынша:

- техникалық және кәсіби оқыту мен жоғары оқу орны жүйесіндегі дамыту бойынша:

-еңбек нарығы мен білікті жұмыс күштерін даярлауда өзара қатынастардың комерциялық механизмін қалыптастыру және Батыс Қазақстанның басқа облыстарында жұмыс күшін даярлау және қайта даярлау бойынша аймақтық мемлекеттік және жеке бағдарламаларға қатынасуды көбейту;

денсаулық сақтау жүйесі бойынша:

-мамандар құрамын жастармен толықтыру,

- жеке медицинаның нарықтағы үлес салмағын және қызметтер көрсету түрін көбейту,

- басқа мемлекеттердің медициналық мекемелерінің болуы.

- экология бойынша:

- қоршаған ортаның экологиялық жағдайы мен санитарлық өлшемдері бойынша жақсы динамикаға көшу.

Бағалық, технологиялық және интитуционалдық факторлармен қала территориясын әлеуметтік-экономикалық дамыту бағдарламасы өзара жағымды үйлесім тапқанда ғана ол жоғарғы экономикалық және әлеуметтік тиімді сипат алады.

Өнеркәсіптік өнімнің нақты көлем индексі 2015 жылы - 104,5% құрайды (2011 жыл -109,6%).

Ауыл шаруашылығы өнімі өндірісінің нақты көлем индексі

2015 жылы – 100,9% құрайды(2011 жыл-127,2%).

Шағын кәсіпкерлік субъектілерімен өнім шығару көлемін арттыру 2015 жылы-100,7% құрайды(2011 жыл-112,8%).

Бөлшек сауданың нақты көлім индексі 2015 жылы-112,5% құрайды (2011 жыл-121,1%).

Негізгі капиталдағы инвестициялардың нақты көлем индексі 2015 жылы-100,6% құрайды(2011 жыл-117,9%).
Әлеуметтік сала

Балаларды мектепке дейінгі тәрбие және оқытумен қамту 2015 жылы-97,3% жеткізіледі(2011 жыл-82%).

Мектептердің жалпы санынан қосымша білім берумен қамтылған балалар үлесі 2015 жылы-28%(2011 жыл-25%).

Халықтың медициналық қызмет көрсету сапасына қанағаттанушылық деңгейі 2015 жылы-92% дейін өседі(2011 жыл-88%).

Халықтың күтілетін өмір сүру ұзақтығы 2015 жылы- 69,9 жасқа ұзартылады(2011 жыл-68 жас).

Жалпы өлім-жітімді 1000 адамға шаққанда 2015 жылы - 8,7 төмендетіледі(2011 жыл-9,7).

Тіркелген жұмыссыздық деңгейі 2015 жылы - 4,7% төмендетіледі(2011 жыл-5,1%).

Атаулы әлеуметтік көмек алатын халықтың ішінде жұмысқа жарамды халықтың үлес салмағы 2015 жылы-15% төмендетіледі(2011 жыл-20,8%).

Халықтың мәдениет саласы қызметтерінің сапасымен қанағаттану деңгейі 2015 жылы-55% жеткізіліде(2011 жыл-50%).

Мемлекеттік тілді білетін тұрғындардың үлесі 2015 жылы-65% өсіріледі(2011 жыл-61%).

Мемлекеттік, орыс және ағылшын тілдерін білетін тұрғындардың үлесі 2015 жылы-8% жеткізіледі(2011 жыл-4%).

Жүйелі түрде дене шынықтырумен және спортпен шұғылданатын, барлық жастағы тұрғындарды қамтуы -2015 жылы-27% өседі(2011 жыл-21,3%).

Мемлекеттік пен азаматтық қоғам институттарының өзара қатынастарын оң бағалайтын тұрғындар үлесі 2015 жылы-38% арттады(2011 жыл-33%).

14 пен 29 жас аралығындағы тұрғындар арасында жастарға қатысты мемлекеттік саясатқа қанағаттану деңгейі 2015 жылы-73% жеткізіледі(2011 жыл-71%).

Халықтың ішкі істер органдарына сенімінің болжамды деңгейі 2015 жылы-50% жеткізіледі(2011 жыл-35%).
Инфрақұрылым

Құрылыс жұмыстарының нақты көлем индексі 2015 жылы-94,8% құрайды(2011 жыл-127,1%).

Қалалық маңызы бар автокөлік жолдарының жақсы және қанағаттанарлық жағдайдағы үлесі 2015 жылы-72% жеткізіледі(2011 жыл-47%).

Тұрғындардың коммуналдық қызметтердің сапалығымен қанағаттанушылық деңгейі 2015 жылы-54,3% қамтамасыз етіледі(2011 жыл-38%).

Тұрғындардың орталықтандырылған сумен жабдықтауға қол жетімділігінің деңгейін арттыру 2015 жылы-87% қамтамасыз етіледі(2011 жыл-79,3%).

Тұрғындардың орталықтандырылған жылу жүйесінің қызметіне қол жетімділігінің деңгейін 2015 жылы-99,8% арттыру (2011 жыл-99,8%).

Тұрғындардың су жүргізу қызметіне қол жетімділігінің деңгейін 2015 жылы-79,2% арттыру (2011 жыл-75%).
Ауылдық аумақтарды дамыту, экология

Жоғары даму әлеуеті бар ауылдық елді мекендер санын 2015 жылы-1 бірлікке ұлғайту (2011 жыл-1).

Көгалдандыру және аббатандыруға бағытталған қаржылардың 2015 жылы үш есе өсуі -2576 млн.теңге(2011 жыл-773 млн.теңге).
Мемлекеттік қызмет көрсету

Көрсетілген қызметтердің жалпы санынан электрондық түрде көрсетілген қызметтер үлесі 2015 жылы-78% жеткізу(2011 жыл-4%).